 |
ກອງປະຊຸມຄັ້ງນີ້, ໄດ້ຕີລາຄາຄືນການຈັດຕັ້ງປະຕິບັດວຽກງານຂະບວນການຂໍ້ແຂ່ງຂັນ 4 ບຸກ ປະຈຳປີ 2025 ຜ່ານມາ, ຕີລາຄາຈຸດດີ, ດ້ານຕັ້ງໜ້າ, ຈຸດອ່ອນ, ຂໍ້ຄົງຄ້າງ ແລະ ບາງບົດຮຽນທີ່ສາມາດຖອດຖອນໄດ້, ໃຫ້ມີຄວາມສອດຄ່ອງແທດເໝາະ ຕິດພັນກັບວຽກງານວິຊາສະເພາະ ແລະ ການສ້າງຂະບວນການຂໍ້ແຂ່ງຂັນ 4 ບຸກ ເປັນຕົ້ນ: ໄດ້ເອົາໃຈໃສ່ເປັນເຈົ້າການສຶກສາອົບຮົມການເມືອງແນວຄິດ ໃຫ້ສະມາຊິກຊາວໜຸ່ມ, ມີຄວາມຮັບຜິດຊອບຕໍ່ໜ້າທີ່ການເມືອງ, ການຈັດຕັ້ງມອບໝາຍໃຫ້, ເອົາໃຈໃສ່ປັບປຸງກໍ່ສ້າງການຈັດຕັ້ງໂດຍຖືເອົາການດຳເນີນຊີວິດເມືອງເປັນປົກກະຕິ, ສະມາຊິກຊາວໜຸ່ມໄດ້ປະກອບສວ່ນເຂົ້າໃນທຸກຂົງເຂດວຽກງານຂະແໜງການຂອງຫ້ອງວ່າການ ຊຶ່ງກວມເອົາ 50% ຂອງພະນັກງານ-ລັດຖະກອນ, ປະຕິບັດພາລະບົດບາດ, ສິດ ແລະ ໜ້າທີ່ໃນການເປັນເສນາທິການ, ພົວພັນປະສານງານ ແລະບໍລິຫານຮັບໃຊ້ເປັນປົກກະຕິ, ຊຸກຍູ້ສະມາຊິກຊາວໜຸ່ມສ້າງເສດຖະກິດຄອບຄົວ ໃຫ້ມີລາຍໄດ້ ເພື່ອແກ້ໄຂຊີວິດການເປັນຢູ່ໃຫ້ດີຂຶ້ນ.
ຜ່ານການຈັດຕັ້ງປະຕິບັດຂະບວນການແຂ່ງຂັນ 4 ບຸກໃນແຕ່ລະດ້ານປະຕິບັດໄດ້ຄື: ບຸກດ້ານແນວຄິດ ປະຕິບັດໄດ້ 99%, ບຸກດ້ານການຝຶກຝົນຫຼໍ່ຫຼອມຮໍ່າຮຽນ ປະຕິບັດໄດ້ 95%, ບຸກດ້ານການຈັດຕັ້ງ ປະຕິບັດໄດ້ 94%, ບຸກດ້ານວິຊາຊີບ ແລະ ວຽກເຮັດງານທຳ ປະຕິບັດໄດ້ 90%, ຈັດປະເພດບຸກຄົນດີເດັ່ນ ປະເພດແຂງ ມີ 32 ສະຫາຍ ຍິງ 11 ສະຫາຍ.
ໃນພິທີໄດ້ຜ່ານຂໍ້ຕົກລົງ ແລະ ມອບໃບຢັ້ງຢືນໃຫ້ສະມາຊິກຊາວໜຸ່ມຜູ້ທີ່ມີຜົນງານດີເດັ່ນ ໃນການຈັດຕັ້ງປະຕິບັດຂໍ້ແຂ່ງຂັນ 4 ບຸກ ປະຈຳປີ 2025, ມອບໃບຢັ້ງຢືນຮັບຮອງໜ່ວຍຮາກຖານຫ້ອງວ່າການແຂວງ ເປັນຕົວແບບ 4 ບຸກ, ພ້ອມທັງຈັບມືແຂ່ງຂັນ 4 ບຸກໃນປີຕໍ່ໜ້າ ເພື່ອເຮັດໃຫ້ການຈັດຕັ້ງປະຕິບັດຂໍ້ແຂ່ງ 4 ບຸກ ມີຜົນສໍາເລັດເປັນກ້າວໆ.
(ພາບ-ຂ່າວ: ທິດລານີ ໂຄດໂຍທາ)
ຄໍາເຫັນ