ທ່ານ ພົງສະຫວັນ ສິດທະວົງ ໄດ້ກ່າວວ່າ: ເນື່ອງໃນໂອກາດທີ່ມີຄວາມໝາຍຄວາມສໍາຄັນທາງປະຫວັດສາດຂອງຊາດ, ຂອງພັກ ແລະ ຂອງປະຊາຊົນລາວບັນດາເຜົ່າ ຄືວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 70 ປີ. ດ້ວຍຄວາມຮູ້ບຸນຄຸນ ຕໍ່ ກັບຜົນງານ, ຄຸນງາມຄວາມດີຂອງປະທານ ໄກສອນ ພົມວິຫານ ໃນຖານະນໍາພາຜູ້ກໍຕັ້ງພັກປະຊາຊົນ ປະຕິວັດລາວ, ແມ່ນຜູ້ນຳທີ່ມີຄວາມປີຊາສາມາດສະຫຼາດສ່ອງໃສ, ເປັນບິດາແຫ່ງການປະຕິວັດຂອງລາວເຮົາ ປະທານ ໄກສອນ ພົມວິຫານ ໄດ້ເຂົ້າເປັນສະມາຊິກພັກຄອມມູນິດອິນດູຈີນ ໃນວັນທີ 6 ມັງກອນ 1949 ມາຮອດວັນທີ 20 ມັງກອນ ຂອງປີດຽວກັນເພິ່ນໄດ້ນໍາພາສ້າງຕັ້ງກອງລາດຊະວົງຂຶ້ນ ຊຶ່ງເປັນກອງທັບປະຊາຊົນລາວໃນປັດຈຸບັນ ແລະ ໄດ້ພ້ອມກັບບັນດາສະຫາຍທີ່ເປັນສະມາຊິກພັກຄອມມູນິດ ອິນດູຈີນ ສ້າງຕັ້ງພັກປະຊາຊົນລາວ ຂຶ້ນໃນວັນທີ 22 ມີນາ 1955. ພ້ອມດຽວກັນນີ້, ກໍໄດ້ເຂົ້າວາງພວງມາລາຢູ່ອານຸສາວະລີ ນັກຮົບນິລະນາມຂອງແຂວງ ຊຶ່ງມີທັງໝົດ 9 ຄະນະ.
(ຂ່າວ+ພາບ: ຄໍາໝັ້ນ)
ຄໍາເຫັນ