 |
ສະຫາຍ ພັນເອກ ບຸນເລີດ ບຸບຜາວັນ ຫົວໜ້າການທະຫານ ກອງບັນຊາການທະຫານແຂວງ ໄດ້ຜ່ານບົດລາຍງານກ່ຽວກັບຜົນການຈັດຕັ້ງປະຕິບັດໜ້າທີ່ຂອງກຳລັງທະຫານຊາຍແດນໃນໄລຍະຜ່ານມາ ໂດຍໄດ້ເອົາ ໃຈໃສ່ນຳພາພະນັກງານ-ນັກຮົບ ລົງກໍ່ສ້າງຮາກຖານການເມືອງ, ເຜີຍແຜ່ແນວທາງນະໂຍບາຍ ແລະ ກົດໝາຍໃຫ້ປະຊາຊົນບັນດາເຜົ່າຕາມແນວຊາຍແດນ ເພື່ອຮ່ວມກັນປົກປັກຮັກສາເຂດແດນ ແລະ ຫຼັກໝາຍ ໃຫ້ມີຄວາມສະຫງົບປອດໄພ.
ຈາກນັ້ນ, ສະຫາຍ ພົນຈັດຕະວາ ເພັດສະຫວ່າງ ຫຼ້າວົງຄຳ ຫົວໜ້າກົມກຳລັງພົນ ກົມໃຫຍ່ເສນາທິການກອງທັບ ໄດ້ຂຶ້ນຜ່ານຂໍ້ຕົກລົງຂອງກະຊວງປ້ອງກັນປະເທດ ສະບັບເລກທີ 7200/ກປທ, ລົງວັນທີ 15 ທັນວາ 2025 ວ່າດ້ວຍການຍົກລະດັບພະແນກຊາຍແດນ ຂຶ້ນເປັນຫ້ອງທະຫານຊາຍແດນແຂວງຄຳມ່ວນ ພ້ອມທັງຜ່ານຂໍ້ຕົກລົງອື່ນໆ ທີ່ກ່ຽວຂ້ອງກັບໂຄງປະກອບການຈັດຕັ້ງ, ຕຳແໜ່ງງານ ແລະ ຈຳນວນພົນຂອງຫ້ອງທະຫານຊາຍແດນ. ພ້ອມນັ້ນ, ສະຫາຍ ພັນເອກ ອິນພອນ ໄຊຍະສິດ ຮັກສາການຫົວໜ້າກົມພະນັກງານ ກົມໃຫຍ່ການເມືອງກອງທັບ ໄດ້ຜ່ານຂໍ້ຕົກລົງແຕ່ງຕັ້ງ ຄະນະຫ້ອງທະຫານຊາຍແດນຂຶ້ນກັບກອງບັນຊາການທະຫານແຂວງຄຳມ່ວນ ໂດຍແຕ່ງຕັ້ງ ສະຫາຍ ພັນໂທ ດາວເພັດ ໜໍ່ເມືອງເຊັຍ ເປັນຫົວໜ້າຫ້ອງທະຫານຊາຍແດນ ແລະ ແຕ່ງຕັ້ງຮອງຫົວໜ້າຫ້ອງອີກ 3 ສະຫາຍ. ນອກນັ້ນ, ຍັງໄດ້ມີການຜ່ານມະຕິການສ້າງຕັ້ງຄະນະພັກຮາກຖານ ຫ້ອງທະຫານຊາຍແດນ ຂຶ້ນກັບຄະນະພັກກອງບັນຊາການທະຫານແຂວງຄຳມ່ວນ ໂດຍແຕ່ງຕັ້ງ ສະຫາຍ ພັນໂທ ດາວເພັດ ໜໍ່ເມືອງເຊັຍ ເປັນເລຂາຄະນະພັກຮາກຖານ ແລະ ສະຫາຍ ພັນໂທ ບົວສະໄຫວ ຈຳປາພັນ ເປັນຮອງເລຂາ.
 |
ຕອນທ້າຍ, ສະຫາຍ ພົນໂທ ສາຍໃຈ ກົມມະສິດ ໄດ້ກ່າວໂອ້ລົມ ແລະ ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດໃນການຈັດຕັ້ງຜ່ານມາ ພ້ອມທັງເນັ້ນໜັກໃຫ້ຄະນະພັກ ແລະ ຄະນະບັນຊາຫ້ອງທະຫານຊາຍແດນ ທຸກຂັ້ນ ເພີ່ມທະວີຄວາມຮັບຜິດຊອບ, ເຂັ້ມງວດລະບຽບກອງທັບ ຕິດພັນໃກ້ຊິດກັບພື້ນຖານ ແລະ ບັນດາຈຸດປ້ອມຊາຍແດນ ເພື່ອປົກປັກຮັກສາຊາຍແດນໃຫ້ມີຄວາມສະຫງົບປອດໄພຢ່າງໝັ້ນຄົງ.
ແຫຼ່ງຂ່າວ: ກອງບັນຊາການທະຫານແຂວງ
ຄໍາເຫັນ