 |
ສະຫາຍ ແກ້ວປະເສີດ ແກ້ວມະນີວົງ ເລຂາຄະນະພັກຮາກຖານ ຫົວໜ້າພະແນກ ຍທຂ ແຂວງ ລາຍງານວ່າ: ຕະຫຼອດໄລຍະຜ່ານມາ, ຄະນະພັກ ໄດ້ນຳເອົາແນວທາງ, ແຜນນະໂຍບາຍ, ມະຕິຄຳສັ່ງ, ກົດລະບຽບຂອງພັກ, ກົດໝາຍ ແລະ ລະບຽບການ ຂອງລັດ ມາສຶກສາອົບຮົມ-ເຊື່ອມຊຶມ ໃຫ້ສະມາຊິກ ເຂົ້າໃຈ ແລະ ເປັນເຈົ້າການຝຶກຝົນຫຼ່ໍຫຼອມຕົນເອງ ມີທັດສະນະການເມືອງໜັກແໜ້ນ, ມີຫຼັກໝັ້ນຊົນຊັ້ນກຳມະກອນ, ມີຄວາມຈົ່ງຮັກພັກດີຕໍ່ປະເທດຊາດ, ຕໍ່ພັກ, ມີຄຸນສົມບັດສິນທໍາປະຕິວັດ, ປະຕິບັດເຄົາລົບກົດໝາຍ ລະບຽບການ ແລະ ມີວິໄນໃນການປະຕິບັດກົດໝາຍລັດຖະກອນ. ປັດຈຸບັນ, ຄະນະພັກຮາກຖານພະແນກໂຍທາທິການ ແລະ ຂົນສົ່ງ ແຂວງເຊກອງ ມີ 4 ໜ່ວຍພັກທີ່ຂຶ້ນກັບ, ມີສະມາຊິກພັກທັງໝົດ 89 ສະຫາຍ ຍິງ 21 ສະຫາຍ. ໃນນັ້ນ, ໜ່ວຍພັກຂະແໜງບໍລິຫານ-ຈັດຕັ້ງ, ກວດກາ, ແຜນການ-ການເງິນ ມີສະມາຊິກພັກ 17 ສະຫາຍ ຍິງ 8 ສະຫາຍ, ຜົນການປະເມີນ ແລະ ຈັດປະເພດໄດ້ສະມາຊິກພັກແຂງໄດ້ 100%; ໜ່ວຍພັກຂະແໜງຂົວທາງ-ທາງນ້ຳ ມີສະມາຊິກພັກ 21 ສະຫາຍ, ຍິງ 1 ສະຫາຍ, ຜົນການປະເມີນ ແລະຈັດປະເພດໄດ້ສະມາຊິກພັກແຂງໄດ້ 100%; ໜ່ວຍພັກຂະແໜງຂົນສົ່ງ, ກອງຄຸ້ມຄອງພາຫະນະ ເຄຫາ-ຜັງເມືອງ ມີສະມາຊິກພັກ 22 ສະຫາຍ, ຍິງ 2 ສະຫາຍ, ຜົນການປະເມີນ ແລະ ຈັດປະເພດສະມາຊິກພັກແຂງໄດ້ 100%. ຜົນການປະເມີນ ແລະ ຈັດປະເພດສະມາຊິກພັກແຂງໄດ້ 100%, ສະແດງອອກຜົນການຕີລາຄາລວມການກໍ່ສ້າງໜ່ວຍພັກ ຕາມ 5 ເນື້ອໃນ ແລະ ຜົນໄດ້ຮັບແຕ່ລະດ້ານ ໂດຍດ້ານການເມືອງ ສາມາດຕີລາຄາໄດ້ 10 ຄະແນນ, ດ້ານແນວຄິດ 10 ຄະແນນ, ດ້ານການຈັດຕັ້ງ 9 ຄະແນນ, ດ້ານແບບແຜນການນຳພາ 9 ຄະແນນ ແລະ ດ້ານການນຳພາການປະຕິບັດໜ້າທີ່ການເມືອງ 9 ຄະແນນ ແລະ ມີຄະແນນສະເລ່ຍໄດ້ 9,4 ຄະແນນ.
ຈາກນັ້ນ, ຄະນະໜ່ວຍພັກ ທີ່ຂຶ້ນກັບຄະນະພັກຮາກຖານພະແນກ ຍທຂ ແຂວງ ໄດ້ຜ່ານຮ່າງບົດສະຫຼຸບການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2025 ຂອງໜ່ວຍພັກຕົນ, ພ້ອມນີ້ ກໍໄດ້ວາງທິດທາງແຜນການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ 2026.
(ຂ່າວ: ອັດສະວິນ)
ຄໍາເຫັນ