 |
ສະຫາຍ ເຫຼັກໄຫຼ ສີວິໄລ ກໍາມະການສູນກາງພັກ ເລຂາຄະນະບໍລິຫານງານພັກ ລັດຖະມົນຕີກະຊວງ ຍທຂ ໄດ້ລາຍງານການຈັດຕັ້ງປະຕິບັດວຽກງານ 3 ສ້າງຄື: ສ້າງແຂວງເປັນຫົວໜ່ວຍຍຸດທະສາດ, ສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາຂອງກະຊວງ ຍທຂ ປີ 2024 ຕໍ່ກອງປະຊຸມວຽກງານ 3 ສ້າງປະຈໍາປີ 2025 ຜ່ານມາວ່າ: ໃນໄລຍະ 5 ປີຜ່ານມາ, ວຽກຂົວທາງມີຜົນສໍາເລັດເປັນຢ່າງດີ ເປັນຕົ້ນ ໂດຍພື້ນຖານຮ່າງເນື້ອໃນແຜນຍຸດທະສາດຮອດປີ 2030, ວິໃສທັດຮອດປີ 2035 ແລະ ສ້າງແຜນການພັດທະນາ 5 ປີ (2021-2025) ຂອງຂະແໜງຂົວທາງ; ສໍາເລັດເນື້ອໃນ ແລະ ຮັບຮອງການແບ່ງຄວາມຮັບຜິດຊອບແຕ່ລະໜ້າວຽກໃນການຄຸ້ມຄອງວຽກງານບູລະນະຮັກສາ ແລະ ສ້ອມ ແປງທາງຫຼວງແຫ່ງຊາດ ແລະ ທາງຫຼວງທ້ອງຖິ່ນກັບພະແນກ ຍທຂ ແຂວງໄຊສົມບູນ ຕາມດຳລັດຂອງລັດຖະບານສະບັບເລກທີ 414/ລບ, ລົງວັນທີ 10 ທັນວາ 2019; ສໍາເລັດການຄົ້ນຄວ້າ, ນໍາສະເໜີ ແລະ ຮັບຮອງດຳລັດວ່າດ້ວຍເຂດສະຫງວນຂອງທາງຫຼວງ ສະບັບເລກ ທີ185/ລບ, ລົງວັນທີ 20 ມິຖຸນາ 2022; ສໍາເລັດການຄົ້ນຄວ້າສ້າງຂໍ້ຕົກລົງວ່າດ້ວຍເຂດສະຫງວນຂອງວົງວຽນ ແລະ ທາງຫຼວງຢູ່ເຂດພູດອຍທີ່ມີພື້ນ ທີ່ສູງຊັນ ສະບັບເລກທີ 32963/ຍທຂ, ລົງວັນທີ 19 ພະຈິກ 2024; ສໍາເລັດການຄົ້ນຄວ້າຂໍ້ຕົກລົງວ່າດ້ວຍລະບຽບ ແລະ ມາດຕະການໃນການປ້ອງກັນຄວາມປວດໄພໃນເວລາກໍ່ສ້າງ, ບູລະນະຮັກສາ ແລະ ສ້ອມ ແປງທາງຫຼວງສະບັບເລກທີ 22312/ກຂທ, ລົງວັນທີ 24 ສິງຫາ 2023; ສໍາເລັດການເຜີຍແຜ່ລະບຽບ ແລະ ມາດຕະການຄຸ້ມຄອງໂຄງການໃນປີ 2020; ສໍາເລັດການເຜີຍແຜ່ລະບຽບ ແລະ ມາດຕະການໃນການປ້ອງກັນຄວາມປອດໄພໃນເວລາກໍ່ສ້າງ, ບູລະນະຮັກສາ ແລະ ສ້ອມແປງທາງຫຼວງໃນປີ 2023; ສໍາເລັດການຄົ້ນຄວ້າ, ຮັບຮອງ ແລະ ເຜີຍແຜ່ການນໍາໃຊ້ໂຄງສ້າງສູດຄິດໄລ່ລາຄາຫົວໜ່ວຍກິດຈະການກໍ່ສ້າງ ແລະ ສ້ອມແປງຂົວ-ທາງສະບັບປີ 2023; ສຳເລັດການສ້າງ ແລະ ອອກແຈ້ງການກ່ຽວກັບຂັ້ນຕອນ ແລະ ການປະກອບເອກະສານທີ່ຈໍາເປັນສໍາລັບການສະເໜີຂໍອະນຸຍາດການຂົນສົ່ງພິເສດ; ສໍາເລັດການປັບປຸງຄູ່ມືການກວດກາ ແລະ ກຳນົດປະເພດການເປ່ເພຂອງຂົວ; ສໍາເລັດການປັບປຸງຄູ່ມືການຄັດເລືອກວິທີການສ້ອມແປງຂົວ ແລະ ການເສີມແຮງຮັບນໍ້າໜັກຂອງຂົວ; ສໍາເລັດການຄົ້ນຄວ້າປັບປຸງຮ່າງພາລະບົດບາດຂອງຫົວໜ້າໂຄງການກໍ່ສ້າງທາງຫຼວງ; ໄດ້ຈັດຝຶກອົບຮົມເພື່ອສ້າງຂີດຄວາມສາມາດໃນການຄຸ້ມຄອງສັນຍາວຽກບູລະນະຮັກສາ ແລະ ສ້ອມແປງທາງຫຼວງທ້ອງຖິ່ນປະຕິບັດໄດ້ 2 ຫຼັກສູດ, ຜູ້ເຂົ້າຮ່ວມ 48 ເທື່ອຄົນ; ໄດ້ປະສານສົມທົບກັບພະແນກ ຍທຂ ແຂວງ ແລະ ນະຄອນຫຼວງວຽງຈັນ (ນວ) ເພື່ອສໍາຫຼວດ, ເກັບກຳຂໍ້ມູນສະພາບທາງຫຼວງເພື່ອຈັດລຽງບຸລິມະສິດ, ສ້າງແຜນວຽກ ແລະ ແຜນງົບປະມານສໍາລັບວຽກບູລະນະຮັກສາ ແລະ ສ້ອມແປງທາງຫຼວງໂດຍນໍາໃຊ້ໂປຣແກຣມ RMS, PROMMS, VIMS, IRAMS ແລະ ອື່ນໆ; ສະໜອງງົບປະມານບ້ວງກອງທຶນທາງຮ່ວງ 20% ປະຈຳປີເພື່ອໂອນໃຫ້ແຂວງ ແລະ ນວ ເປັນຜູ້ຄຸ້ມຄອງໃນການຈັດຕັ້ງປະຕິບັດ; ສຳເລັດການສ້າງຕັ້ງໂຄງການສ້ອມແປງທາງຫຼວງແຫ່ງຊາດ 18 ໂຄງການປະຈຳແຕ່ລະແຂວງເພື່ອຄຸ້ມຄອງ ຕິດຕາມ, ກວດກາ ແລະ ຢັ້ງຢືນການຈັດຕັ້ງປະຕິບັດວຽກບູລະນະຮັກສາ ແລະ ສ້ອມແປງປີ 2022-2024 ຈໍານວນ 109 ສັນຍາ ກວມເອົາຄວາມຍາວເສັ້ນທາງປະມານ 6,200 ກິໂລແມັດ, ມູນຄ່າສັນຍາທັງໝົດ 941.69 ຕື້ກີບ/3 ປີ ມີຄວາມຄືບໜ້າສະເລ່ຍ 85%.
 |
ຄຽງຄູ່ກັນນັ້ນ, ສໍາລັບໜ້າວຽກໄດ້ເພີ່ມເຂົ້າປະກອບມີ: ວຽກບູລະນະຮັກສາ ແລະ ສ້ອມແປງທາງຫຼວງແຫ່ງຊາດ, ວຽກສ້ອມແປງສຸກເສີນ/ໄພພິບັດທາງຫຼວງແຫ່ງຊາດ, ການຄຸ້ມຄອງທີ່ດິນທາງຫຼວງ, ການຄຸ້ມຄອງງົບປະມານກອງທຶນທາງ, ການນໍາໃຊ້ງົບປະມານເກີນແຜນຂອງແຂວງສໍາລັບວຽກກໍ່ສ້າງ, ບູລະນະຮັກສາ ແລະ ສ້ອມແປງທາງຫຼວງ ແລະ ການຄຸ້ມຄອງນໍ້າໜັກລົດບັນທຸກ; ຢັ້ງຢືນຮັບຮອງເອົາການສໍາຫຼວດ-ອອກແບບ ແລະ ປະເມີນມູນຄ່າໂຄງການກໍ່ສ້າງທາງດ່ວນເຊັ່ນ: ທາງດ່ວນແຕ່ບໍ່ເຕ່ນ ແຂວງຫຼວງນໍ້າທາ ຫາຫ້ວຍຊາຍ ແຂວງບໍ່ແກ້ວ ແລະ ທາງດ່ວນ ນວ ຫາ ຮ່າໂນ້ຍຊ່ວງທີ 1: ນວ ຫາ ບໍລິຄໍາໄຊ; ຢັ້ງຢືນຮັບຮອງເອົາການສໍາຫຼວດ-ອອກແບບ ແລະ ປະເມີນມູນຄ່າໂຄງການກໍ່ສ້າງທາງຫຼວງແຫ່ງຊາດ ເປັນຕົ້ນທາງຫຼວງແຫ່ງຊາດເລກ 12, ຂົວຂ້າມແມ່ນໍ້າຂອງມິດຕະພາບລາວ-ໄທແຫ່ງທີ 6, ຂົວຂ້າມແມ່ນໍ້າຂອງຊຽງແມນ ຫາ ຫຼວງພະບາງ.
 |
ຄໍາເຫັນ