ຮັບຜິດຊອບແຂວງຫຼວງນ້ຳທາ ແລະ ແຂວງຫຼວງພະບາງ ໄດ້ລາຍງານໃຫ້ຮູ້ກ່ຽວກັບການຈັດຕັ້ງປະຕິບັດບັນດາກິດຈະກໍາຂອງອົງການອາຫານໂລກຕໍ່ສື່ມວນຊົນວ່າ: ພາຍໃນແຂວງອຸດົມໄຊ ວຽກງານຂອງອົງການອາຫານໂລກ ແມ່ນໄດ້ຈັດຕັ້ງປະຕິບັດຢູ່ 7 ເມືອງ ມີ: ເມືອງໄຊ, ເມືອງຫຼາ, ເມືອງນາໝໍ້, ເມືອງແບງ, ເມືອງຮຸນ, ເມືອງປາກແບງ ແລະ ເມືອງງາ ຊຶ່ງມີ 4 ໜ້າວຽກ ປະກອບມີວຽກງານອາຫານທ່ຽງ; ວຽກງານໂພຊະນາການ; ວຽກງານກໍ່ສ້າງຊັບສິນຊຸມຊົນຊຶ່ງເປັນການສ້າງຄວາມເຂັ້ມແຂງໃນການປັບຕົວຕໍ່ໄພທຳມະຊາດແລະ ວຽກງານຄຸ້ມຄອງໄພພິບັດ.
ທ່ານ ທອງວັນ ໄຊຍະສານ ກ່າວຕື່ມວ່າ: ສໍາລັບກິດຈະກຳອາຫານທ່ຽງໂຄງການໄດ້ມອບໃຫ້ລັດຖະບານ ສປປ ລາວ ຈັດຕັ້ງປະຕິບັດ, ລວມມີ 515 ໂຮງຮຽນ ໃນປີ 2019 ແລະ ປີ 2021 ໂດຍລັດຖະບານໄດ້ສະໜອງເງິນສົດ ໜຶ່ງພັນກີບ/ຄົນ ຕໍ່ຄາບ ແລະໃນນັ້ນແມ່ນຊຸມຊົນໄດ້ປະກອບສ່ວນວັດຖຸດິບໃນທ້ອງຖິ່ນ ແລະ ແຮງງານ.ພາຍຫຼັງມອບໃຫ້ທາງລັດຖະບານວຽກງານດັ່ງກ່າວ ໂຄງການແມ່ນໄດ້ສະໜັບສະໜູນທາງດ້ານເຕັກນິກວິຊາການເຊັ່ນ: ການຕິດຕາມຊຸກຍູ້ດ້ານກະສິກໍາ; ເຮັດສວນຄົວເຮືອນຮົ່ມຈໍານວນ 142 ຫຼັງ; ສົ່ງເສີມແລະສ້າງກຸ່ມຊາວກະສິກອນເພື່ອຜະລິດກະສິກໍາຢູ່ຄົວເຮືອນ ແລະ ສະໜອງອາຫານທ່ຽງ ມີ 1,000 ກວ່າຄອບຄົວ ຊຶ່ງໃນນີ້ ມີກຸ່ມສວນຄົວປູກຜັກ, ກຸຸ່ມລ້ຽງປາ ແລະ ກຸ່ມລ້ຽງໄກ່ພັນໄຂ່. ພ້ອມນັ້ນ,ກໍມີການຕິດຕາມຊຸກຍູ້ຂອງຂັ້ນເມືອງ ໃນດ້ານການສຶກສາ, ກະສິກໍາ ແລະ ມີການແລກປ່ຽນບົດຮຽນຊຶ່ງກັນແລະກັນ. ໄດ້ສ້າງສູນຮຽນຮູ້ໂພຊະນາການຢູ່ຂັ້ນຊຸມຊຸນ, ໃຫ້ຄວາມຮູ້ດ້ານໂພຊະນາການ ແລະ ການປ່ຽນແປງພຶດຕິກຳໃຫ້ກຸ່ມ1000ວັນ; ສ້າງແຜນພັດທະນາໂພຊະນາການຂັ້ນບ້ານແລະສົ່ງເສີມເຕັກນິກດ້ານກະສິກຳ ສະໜອງທຶນສວນຄົວເປົ້າໝາຍເພື່ອເອົາໄປປູກ-ລ້ຽງ ຝຶກອົບຮົມການປຸງແຕ່ງອາຫານໃຫ້ມີໂພຊະນາການແລະແປຮູບອາຫານແລະຖະໜອມອາຫານ; ສ້າງຄວາມເຂັ້ມແຂງໃນການປັບຕົວຕໍ່ໄພທຳມະຊາດ ໄດ້ຈັດຕັ້ງປະຕິບັດການສ້າງແຜນຄຸ້ມຄອງໄພພິບັດຢູ່ຂັ້ນບ້ານ, ສ້າງຂີດຄວາມອາດສາມາດໃຫ້ແກ່ພະນັກງານຂັ້ນແຂວງ, ຂັ້ນເມືອງ ແລະ ຂັ້ນຊຸມຊົນ, ສົ່ງເສີມເຕັກນິກກະສິກຳ ແລະ ລະບົບການເຕືອນໄພຕ່າງໆ, ປັບປຸງພື້ນຖານໂຄງລ່າງເພື່ອຫຼຸດຜ່ອນຄວາມສ່ຽງໄພພິບັດ, ສະໜອງອຸປະກອນກໍ່ສ້າງແລະດໍາເນີນແຜນງານເງິນສົດເພື່ອສ້າງຊັບສິນຊຸມຊົນ ແລະ ວຽກງານອື່ນໆ.
ນອກຈາກນັ້ນ, ທາງອົງການຍັງມີກິດຈະກຳຕອບໂຕ້ໄພພິບັດສຸກເສີນເປັນຕົ້ນແມ່ນໃນປີ2024ນີ້ໄດ້ໃຫ້ການຊ່ວຍເຫຼືືອເຂົ້າສານຈຳນວນ100ກວ່າໂຕນໃນເຫດການນ້ຳຖ້ວມຢູ່ແຂວງຫຼວງນ້ຳທາ ແລະ ສະໜັບສະໜູນດ້ານພາລາທິການ-ຂົນສົ່ງໂລຈີສຕິກໃຫ້ແກ່ພາກສ່ວນແຮງງານແລະສະຫວັດດີການສັງຄົມແຂວງອີກດ້ວຍ.
(ຂ່າວ-ພາບ: ຍຸພິນທອງ)
ຄໍາເຫັນ