 |
ໃນວາລະກອງປະຊຸມໄດ້ຮັບຟັງການຜ່ານບົດສະຫຼຸບ ວຽກງານຮອບດ້ານປະຈໍາປີ 2025 ແລະ ທິດທາງແຜນການປະຈໍາປີ 2026ໂດຍໄດ້ຍົກໃຫ້ເຫັນບັນດາຜົນງານດ້ານດີ, ດ້ານອ່ອນທີ່ຄົງຄ້າງແລະບາງບົດຮຽນທີຖອດຖອນໄດ້.ເຊິ່ງໃນໄລຍະຜ່ານມາອົງການຈັດຕັ້ງສະຫະພັນແມ່ຍິງເມືອງໄດ້ຖືເອົາວຽກງານສຶກສາອົບຮົມການເມືອງ - ແນວຄິດເປັນກົກໃຫ້ເອື້ອຍນ້ອງແມ່ຍິງໃນທົ່ວເມືອງໂດຍຕິດພັນກັບເນື້ອໃນຂໍ້ແຂ່ງຂັນ 3 ດີ ແລະ ຕິດພັນກັບການສ້າງໜ່ວຍພັກປອດໃສ, ເຂັ້ມແຂງ, ໝັກແໜ້ນ, ນໍາເອົາແນວທາງນະໂຍບາຍຂອງພັກ, ລະບຽບຂໍ້ກໍານົດ, ກົດໝາຍຂອງລັດ ມາສຶກສາອົບຮົມໃຫ້ເອື້ອຍນ້ອງແມ່ຍິງບັນດາເຜົ່າມີຄຸນທາດການເມືອງສູງ, ມີສະຕິຕໍ່ການຈັດຕັ້ງ, ມີແນວຄິດ ເຊື່ອຫມັ້ນຕໍ່ການນໍາພາຂອງພັກ-ລັດ, ມີຄວາມສາມັກຄີເປັນປຶກແຜ່ນ ແລະ ຕ້ານໄດ້ປະກົດການຫຍໍ້ທໍ້ຕ່າງໆ ທີ່ເກີດຂຶ້ນນໍາແມ່ຍິງ, ໄດ້ເຂົ້າຮ່ວມເຊື່ອມຊືມ ມະຕິ, ຄໍາສັ່ງຂອງຂັ້ນເທິງ, ສະກັດກັ້ນການແຜ່ລະບາດພະຍາດປະຈໍາລະດູການໂດຍສະເພາະການລະບາດພະຍາດໄຂ້ຍຸງລາຍໃຫ້ ປະຊາຊົນ ແລະ ສະມາຊິກແມ່ຍິງ, ເຂົ້າຮ່ວມພິທີປາຖະກາຖາວັນສໍາຄັນຕ່າງໆ ຂອງຊາດ, ຂອງພັກ ແລະ ເອກະສານສໍາຄັນ ຕ່າງຕ່າງໆ ຂອງພັກ-ລັດນໍາຄະນະພັກ, ອົງການປົກຄອງເມືອງຈັດຂຶ້ນເປັນປົກກະຕິ. ວຽກງານຂະບວນການ ແລະ ຂະບວນການແຂ່ງຂັນ 3 ດີ.ສືບຕໍ່ຮັກສານາມມະຍົດບ້ານ 3 ດີ, ໜ່ວຍ 3 ດີ, ເມືອງ 3 ດີ ແລະ ທຸງໄຊ 3 ດີ ໃຫ້ມີຄວາມຍືນຍົງ ເອົາໃຈໃສ ກວດກາຊຸກຍູ້ຂະບວນການແຂ່ງຂັນ 3 ດີ ໃຫ້ມີຂະບວນການຟົດຟື້ນຕໍ່ເນື່ອງ, ພ້ອມທັງໄດ້ມອບໃບ ຢັ້ງຢືນ 3 ດີ ໄດ້ 1 ບ້ານ, ສືບຕໍ່ນໍາພາສ້າງບ້ານຕົວແບບ 3 ດີ, ສົ່ງເສີມການຝຶກອົບຮົມທາງດ້ານວິຊາການວິຊາຊີບໃຫ້ເອື້ອຍນ້ອງແມ່ຍິງ, ຊຸກຍູ້ຂະບວນການສ້າງຄັງລວມໝູ່ຂອງຮາກຖານໄດ້ມີການຂະຫຍາຍຕົວ.ພ້ອມນັ້ນເອົາໃຈໃສ່ຊຸກຍູ້ຂະບວນການຮອບດ້ານ ໃຫ້ແມ່ຍິງໄດ້ປະກອບສ່ວນຢ່າງຕັ້ງໜ້າເປັນຕົ້ນແມ່ນວຽກງານ ປກສ - ປກຊ, ວຽກງານເສດຖະກິດ - ສັງຄົມ, ຊຸກຍູ້ການຜະລິດເປັນສິນຄ້າຕິດພັນກັບການຄ້າຂາຍບໍລິການໃຫ້ມີທ່ວງທ່າ ຂະຫຍາຍຕົວກວ້າງຂວາງ ແລະ ສ້າງຕົວແບບແຕ່ລະດ້ານ ເພີ່ມຂຶ້ນ ແລະ ວຽກງານດ້ານອື່ນໆ
(ແຫຼ່ງຂ່າວ: ເມືອງພຽງ)
ຄໍາເຫັນ