 |
ການເຜີຍແຜ່ ຄັ້ງນີ້, ແມ່ນປະຕິບັດຕາມດໍາລັດເລກທີ 22/ລບ, ລົງວັນທີ 5 ກຸມພາ 2019 ວ່າດ້ວຍຄວາມປອດໄພ ແລະ ສຸຂະພາບແຮງງານ ມາດຕາທີ 5 ຫຼັກການກ່ຽວກັບວຽກງານຄວາມປອດໄພ ແລະ ສຸຂະພາບແຮງງານ, ຂໍ້ຕົກລົງຂອງທ່ານເຈົ້າແຂວງສະບັບເລກທີ 120/ ຈຂ, ລົງວັນທີ 27 ມີຖຸນາ 2022 ວ່າດ້ວຍການແຕ່ງຕັ້ງຄະນະກໍາມະການແຮງງານຂັ້ນແຂວງ .
ກອງປະຊຸມຄັ້ງນີ້, ໄດ້ເນັ້ນໃສ່ການສ້າງຄວາມຮູ້ພື້ນຖານ ດ້ານການຈັດຕັ້ງປະຕິບັດ ວຽກງານຄວາມປອດໄພ ແລະ ສຸຂະພາບແຮງງານ ແລະ ເປັນວຽກງານໜຶ່ງທີ່ທົ່ວໂລກ, ຂົງເຂດ, ພາກພື້ນ ແລະ ສາກົນ ຖືວ່າເປັນວຽກໜຶ່ງທີ່ສຳຄັນ. ລຳລັບ ສປປ ລາວ ວຽກງານດັ່ງກ່າວ, ກໍເປັນຄວາມຮັບຜິດຊອບຂອງລັດຖະບານ ແລະ ເປັນພາລະບົດບາດຂອງກະຊວງແຮງງານ ແລະ ສະຫວັດດີການສັງຄົມ ໃນການຮັກສາສິດ ແລະ ຜົນປະໂຫຍດຂອງຜູ້ອອກແຮງງານ ແລະ ຜູ້ໃຊ້ແຮງງານ ເວົ້າລວມ, ເວົ້າສະເພາະ ແມ່ນພາລະບົດບາດຂອງກົມຄຸ້ມຄອງແຮງງານ ທີ່ມີໜ້າທີ່ໃນການຄົ້ນຄວ້າສ້າງ ແລະ ປັບປຸງນິຕິກຳ,ຄົ້ນຄວ້າສ້າງມາດຕະຖານ ແຮງງານ ໂດຍສະເພາະມາດຕະຖານດ້ານ ຄວາມປອດໄພ ແລະ ສຸຂະພາບແຮງງານ ລວມທັງການເຜີຍແຜ່ ຂໍ້ມູນດ້ານນິຕິກຳ, ການກວດກາ, ການບັງຄັບໃຊ້ກົດໝາຍທີ່ກ່ຽວຂ້ອງ ຕະຫຼອດເຖິງການຝືກອົບຮົມ ໃຫ້ຄວາມຮູ້ແກ່ພະນັກງານ ທັງພາກລັດ ແລະ ເອກະຊົນ ໃນຂອບເຂດທົ່ວປະເທດ. ພ້ອມນັ້ນໃນກອງປະຊຸມຍັງໄດ້ມີການນໍາສະເໜີບາງມາດຕາຂອງດໍາລັດວ່າຄວາມປອດໄພ ແລະ ສຸຂະພາບແຮງງານ ຊຶ່ງດໍາລັດດັ່ງກ່າວປະກອບມີ 10 ພາກ, 73 ມາດຕາ. ຈາກນັ້ນ, ແຕ່ລະພາກສ່ວນທີ່ເຂົ້າຮ່ວມຍັງໄດ້ມີການແລກປ່ຽນຄໍາຄິດເຫັນໃສ່ວຽກງານດັ່ງກ່າວເພື່ອໃຫ້ມີຄວາມເປັນເອກະພາບ ແລະ ໄປໃນທິດທາງດຽວກັນ.
 |
(ຂ່າວ-ພາບ: ແດງສະຫວັດ ແສນພານິດ)
ຄໍາເຫັນ