ແກ່ນທ້າວ ມອບແນວພັນພືດແລະ ອຸປະກອນການຜະລິດ ໃຫ້ບ້ານຫ້ວຍຕໍ

13:26 23/10/2026

ຫ້ອງການກະສິກຳ ແລະ ສິ່ງແວດລ້ອມ ເມືອງແກ່ນທ້າວ ແຂວງໄຊຍະບູລີ ໄດ້ມອບແນວພັນພືດ, ແນວພັນສັດ ແລະ ອຸປະກອນການຜະລິດ ທີ່ໄດ້ຮັບທຶນສະໜັບສະໜູນຈາກໂຄງການຄຸ້ມຄອງປ່າໄມ້ແບບພູມມິທັດ ແລະ ສົ່ງເສີມຊີວິດການເປັນຢູ່ ຂອງປະຊາຊົນພາກເໜືອໃຫ້ປະຊາຊົນບ້ານຫ້ວຍຕໍ, ໃນວັນທີ 21 ຕຸລາຜ່ານມາ, ມອບໂດຍທ່ານ ກອງທ່ຽນ ໄຊຍະພອນຫົວໜ້າຫ້ອງການກະສິກຳ ແລະ ສິ່ງແວດລ້ອມເມືອງ, ພ້ອມດ້ວຍຄະນະຮັບຜິດຊອບໂຄງການປະຈຳເມືອງ, ອົງການປົກຄອງບ້ານ ແລະ ປະຊາຊົນເຂົ້າຮ່ວມ.

ແກນທາວ ມອບແນວພນພດແລະ ອປະກອນການຜະລດ ໃຫບານຫວຍຕ - image 1

ທຶນທີ່ໄດ້ຮັບການສະໜັບສະໜູນໃນຄັ້ງນີ້, ມີມູນຄ່າລວມທັງໝົດ287ລ້ານກວ່າກີບເຊິ່ງໄດ້ຈັດແບ່ງເຂົ້າໃນກິດຈະກຳສົ່ງເສີມການຜະລິດດ້ານຕ່າງໆ ດັ່ງນີ້: ກິດຈະກຳສົ່ງເສີມການລ້ຽງສັດເປັນຕົ້ນການລ້ຽງເປັດ-ໄກ່ມີ25 ຄອບຄົວ (ມີ 157 ຄົນ, ຍິງ 69 ຄົນ), ໄດ້ຮັບເປັດ-ໄກ່ 1,950 ໂຕ, ຕາໜ່າງ 100 ກໍ້, ຫົວອາຫານ 50 ເປົາ ແລະ ອຸປະກອນຮັກສາສຸຂະພາບສັດ 25 ຊຸດ ແລະ ການລ້ຽງປາ ແລະ ກົບມີ7 ຄອບຄົວ (ມີ 49 ຄົນ, ຍິງ 21 ຄົນ), ໄດ້ຮັບລູກປາ 140 ຖົງ, ລູກກົບ 875 ໂຕ ແລະ ຫົວອາຫານ 7 ເປົາ; ກິດຈະກຳສົ່ງເສີມການປູກພືດ ມີການປູກຜັກໃນເຮືອນຮົ່ມ:ມີ13 ຄອບຄົວ (ມີ 78 ຄົນ, ຍິງ 31 ຄົນ), ໄດ້ຮັບແນວພັນຜັກ 418 ຊອງ, ປຸ໋ຍ 26 ເປົາ, ຜ້າກັນແສງ 26 ກໍ້ ແລະ ທໍ່ຢາງ 13 ໂຄ້ງ ແລະ ການປູກໄມ້ໃຫ້ໝາກ ແລະ ເບ້ຍໄມ້:ມີ26 ຄອບຄົວ (ມີ 112 ຄົນ, ຍິງ 81 ຄົນ), ໄດ້ຮັບໄມ້ໃຫ້ໝາກ640 ຕົ້ນ ແລະ ເບ້ຍໄມ້ 544 ຕົ້ນ;ກິດຈະກຳປັບປຸງພື້ນຖານໂຄງລ່າງຂະໜາດນ້ອຍ ມີການປັບປຸງທົ່ງຫຍ້າລ້ຽງສັດ:ມີ26 ຄອບຄົວ (ມີ 182 ຄົນ, ຍິງ 95 ຄົນ), ໄດ້ຮັບລວດໜາມ 156 ກໍ້ ແລະ ເຫຼັກຕະປູ 130ກິໂລກຼາມ.

ແກນທາວ ມອບແນວພນພດແລະ ອປະກອນການຜະລດ ໃຫບານຫວຍຕ - image 2

ຂ່າວ: ແກ່ນທ້າວ

ຄໍາເຫັນ

ຂ່າວວັດທະນະທຳ-ສັງຄົມ

ສ້າງຕັ້ງສະມາຄົມເພື່ອຄວາມຍືນຍົງດ້ານສິ່ງແວດລ້ອມລາວ ຢ່າງເປັນທາງການ

23/10/2026 13:43

ວັນທີ 23 ຕຸລານີ້ ທີ່ຫ້ອງປະຊຸມພິພິທະພັນ ໄກສອນ ພົມວິຫານ ນະຄອນຫຼວງວຽງຈັນ ໄດ້ເປີດກອງປະຊຸມສ້າງຕັ້ງສະມາຄົມເພື່ອຄວາມຍືນຍົງດ້ານສິ່ງແວດລ້ອມລາວ (LAFES) ຢ່າງເປັນທາງການ ແລະ ໄດ້ຮັບການຮັບຮອງ ແລະ ຕົກລົງເຫັນດີຈາກຄະນະຈັດຕັ້ງສູນກາງພັກ. ກອງປະຊຸມຄັ້ງປະຫວັດສາດນີ້ ໄດ້ຮັບກຽດເຂົ້າຮ່ວມຈາກບັນດາແຂກຜູ້ມີກຽດ, ຄະນະຂົນຂວາຍສ້າງຕັ້ງສະມາຄົມ ແລະ ບັນດາສະມາຊິກ LAFES ດ້ວຍບັນຍາກາດອັນອົບອຸ່ນ.

ກອງປະຊຸມຄົບຄະນະກຳມາທິການ ປກຊ-ປກສ ສະພາແຫ່ງຊາດ ຊຸດທີ X

23/10/2026 13:41

ກອງປະຊຸມຄົບຄະນະກຳມາທິການປ້ອງກັນຊາດ (ປກຊ) - ປ້ອງກັນຄວາມສະຫງົບ (ປກສ) ສະພາແຫ່ງຊາດ ຊຸດທີ X ໄດ້ຈັດຂຶ້ນໃນວັນທີ 22 ຕຸລາຜ່ານມາ ທີ່ນະຄອນຫຼວງວຽງຈັນ ໂດຍການເປັນປະທານຂອງສະຫາຍ ພົຈວ ສຸລິໄຊ ພິຈິດ ກຳມະການສຳຮອງສູນກາງພັກ ຄະນະປະຈຳສະພາແຫ່ງຊາດ ປະທານກຳມາທິການ ປກຊ-ປກສ, ສະຫາຍ ພົທ ວົງສອນ ອິນປານພິມ ຄະນະເລຂາທິການສູນກາງພັກ ຮອງລັດ ຖະມົນຕີກະຊວງປ້ອງກັນປະເທດ ຫົວໜ້າກົມໃຫຍ່ການເມືອງກອງທັບ, ເປັນກຽດເຂົ້າຮ່ວມໂອ້ລົມຂອງສະຫາຍ ສອນໄຊ ສີພັນດອນ ກຳມະການກົມການເມືອງສູນກາງພັກ ປະທານສະພາແຫ່ງຊາດ, ມີຄະນະກຳມະການ, ສັງກັດກຳມາທິການ ປກຊ-ປກສ, ຕາງໜ້າກະຊວງປ້ອງກັນຄວາມສະຫງົບ, ສະຫະພັນນັກຮົບເກົ່າແຫ່ງຊາດລາວ, ນາຍ ແລະ ພົນທະຫານ, ນາຍ ແລະ ພົນຕຳຫຼວດ ເຂົ້າຮ່ວມ.

ຮອງເລຂາພັກແຂວງຄໍາມ່ວນ ຕ້ອນຮັບຮອງປະທານສານປະຊາຊົນສູງສຸດ

23/10/2026 13:31

ວັນທີ 23 ຕຸລານີ້, ທີ່ຫ້ອງວ່າການແຂວງຄໍາມ່ວນ, ທ່ານ ສົມໃຈ ພານີຈັນ ຮອງເລຂາພັກແຂວງຄໍາມ່ວນ ໄດ້ຕ້ອນຮັບທ່ານ ຄູນ ຜາສຸກ ຮອງປະທານສານປະຊາຊົນສູງສຸດ ພ້ອມຄະນະ ໃນໂອກາດເຄື່ອນໄຫວຊຸກຍູ້ວຽກງານຢູ່ແຂວງຄຳມ່ວນ.

ເຜີຍແຜ່ແຜນພັດທະນາກະສິກຳ ແລະ ສິ່ງແວດລ້ອມ 5 ປີ ຄັ້ງທີ X ຢູ່ແຂວງຈຳປາສັກ

23/10/2026 13:29

ພະແນກກະສິກຳ ແລະ ສິ່ງແວດລ້ອມແຂວງຈໍາປາສັກຮ່ວມກັບ ພະແນກແຜນການ, ກົມແຜນການ ແລະ ການຮ່ວມມື ກະຊວງກະສິກໍາ ແລະ ສິ່ງແວດລ້ອມ ໄດ້ຈັດກອງປະຊຸມເຜີຍແຜ່ແຜນພັດທະນາກະສິກຳ ແລະ ສິ່ງແວດລ້ອມ 5 ປີ ຄັ້ງທີ X (2026 - 2030). ກອງປະຊຸມຈັດຂຶ້ນໃນວັນທີ 22 ຕຸລາ 2026 ຢູ່ສະຖາບັນຄົ້ນຄວ້າກະສິກໍາ ຈໍາປາສັກ ບ້ານໂພນງາມ ນະຄອນປາກເຊ ແຂວງຈຳປາສັກໂດຍການເປັນປະທານຂອງ ທ່ານ ຄໍາ ນິລາວົງ ກໍາມະການພັກແຂວງ ຫົວໜ້າພະແນກກະສິກໍາ ແລະ ສິ່ງແວດລ້ອມແຂວງ, ມີທ່ານ ກິນົງ ແກ້ວປະເສີດ ຫົວໜ້າພະແນກແຜນການ, ກົມແຜນການ ແລະ ການຮ່ວມມື ກະຊວງກະສິກຳ ແລະ ສິ່ງແວດລ້ອມ ພ້ອມດ້ວຍຄະນະ, ມີການນໍາຫ້ອງການກະສິກໍາ ແລະ ສິ່ງແວດລ້ອມ 9 ເມືອງ, 1 ນະຄອນ, ມີພາກສ່ວນກ່ຽວຂ້ອງເຂົ້າຮ່ວມ.

ຝຶກອົບຮົມການບັງຄັບໃຊ້ກົດໝາຍປົກປ້ອງລິຂະສິດ ໃຫ້ແຂວງອັດຕະປື

23/10/2026 13:24

ກົມຊັບສິນທາງປັນຍາ ກະຊວງອຸດສາຫະກຳ ແລະ ການຄ້າ (ອຄ) ຮ່ວມກັບພະແນກອຸດສາຫະກຳ ແລະ ການຄ້າແຂວງອັດຕະປື ຈັດຝຶກອົບຮົມການບັງຄັບໃຊ້ກົດໝາຍປົກປ້ອງລິຂະສິດ ຂອງ ສປປ ລາວ ໃຫ້ພະນັກງານ, ຂະແໜງການກ່ຽວຂ້ອງຂອງແຂວງອັດຕະປືໃນວັນທີ 22 ຕຸລາຜ່ານມາທີ່ພະແນກ ອຄ ແຂວງ, ໂດຍມີທ່ານ ກິແກ້ວ ວໍລະວົງສາ ຮອງຫົວໜ້າກົມຊັບສິນທາງປັນຍາ ແລະ ທ່ານ ອູ່ທອງ ສິດທິຍະວົງ ຮອງພະແນກອຸດສາຫະກຳ ແລະ ການຄ້າແຂວງອັດຕະປື, ມີຕາງໜ້າຈາກຂະແໜງການຂອງແຂວງ, ເມືອງເຂົ້າຮ່ວມ.

ເຜີຍແຜ່ການສົ່ງເສີມ ແລະ ອຳນວຍຄວາມສະດວກການສົ່ງອອກສິນຄ້າ

23/10/2026 13:23

ພະແນກອຸດສາຫະກຳ ແລະ ການຄ້າແຂວງຈຳປາສັກ ຮ່ວມກັບ ກົມການຄ້າຕ່າງປະເທດ ກະຊວງອຸດສາຫະກໍາ ແລະ ການຄ້າ ໄດ້ຈັດກອງປະຊຸມເຜີຍແຜ່ວຽກງານການສົ່ງເສີມ ແລະ ອຳນວຍຄວາມສະດວກການສົ່ງອອກສິນຄ້າລາວ.

ອັດຕະປື ສະຫຼຸບຜົນງານ 5 ປີ ວຽກງານຈັດຕັ້ງ-ການປົກຄອງ

23/10/2026 13:21

ແຂວງອັດຕະປື ໄດ້ຈັດກອງປະຊຸມສະຫຼຸບຜົນການເຄື່ອນໄຫວວຽກງານຈັດຕັ້ງ ແລະ ການປົກຄອງ ໄລຍະ 5 ປີ (2021-2025),ພ້ອມວາງທິດທາງແຜນການ 5 ປີ (2026-2030), ໃນວັນທີ 22 ຕຸລາຜ່ານມາທີ່ຫໍປະຊຸມໃຫຍ່ແຂວງ, ໂດຍເປັນກຽດເຂົ້າຮ່ວມຂອງສະຫາຍ ນາງ ມີນາພອນ ໄຊສົມພູ ຮອງເລຂາພັກແຂວງ, ມີສະຫາຍ ຄອນສະຫວ່າງ ພິມມະສອນ ຄະນະປະຈຳພັກແຂວງຫົວໜ້າຄະນະຈັດຕັ້ງແຂວງ, ພ້ອມດ້ວຍຄະນະພັກ, ຄະນະນຳຂັ້ນແຂວງ, ຂັ້ນເມືອງ ແລະ ແຂກຖືກເຊີນເຂົ້າຮ່ວມ.

ຫົວໜ້າພະແນກ ອຄ ແຂວງອຸດົມໄຊ ຊຸກຍູ້ວຽກງານຮອບດ້ານຢູ່ເມືອງງາ

23/10/2026 13:20

ທ່ານ ອາລຸນ ບຸນວິໄລຫົວໜ້າພະແນກອຸດສາຫະກຳ ແລະ ການຄ້າ (ອຄ) ແຂວງອຸດົມໄຊ ພ້ອມດ້ວຍຄະນະ ໄດ້ລົງເຄື່ອນໄຫວຊຸກຍູ້ວຽກງານຮອບດ້ານຢູ່ເມືອງງາ, ໃນວັນທີ 22 ຕຸລາຜ່ານມາ, ໂດຍມີທ່ານ ວຽງໄຊ ຄຳພະຈັນ ປະທານຄະນະກຳມະການປົກຄອງເມືອງງາ,ມີຄະນະນຳຫ້ອງການ ອຄ ເມືອງ, ຄະນະກຳມະການປົກຄອງຕາແສງນາຄົກ, ຕາງໜ້າສະພາອຸດສາຫະກຳ ແລະ ການຄ້າ ແຂວງ-ເມືອງ, ຕາງໜ້າ 10 ຂະແໜງການພາຍໃນພະແນກ ອຄ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ກຸ່ມບໍລິສັດ ແສງອາລຸນ ສະໜັບສະໜູນເງິນ 200 ລ້ານກີບ ຈັດງານບຸນຊ່ວງເຮືອຢູ່ແຂວງອັດຕະປື

23/10/2026 13:19

ກຸ່ມບໍລິສັດ ແສງອາລຸນ ສະໜັບສະໜູນງົບປະມານຈຳນວນ 200 ລ້ານກີບ ເພື່ອອຸປະຖຳການກະກຽມ ຈັດງານບຸນຊ່ວງເຮືອ ປະຈຳປີ 2026 ຢູ່ແຂວງອັດຕະປື ສືບສານປະເພນີອັນດີງາມຂອງຊາດ ແລະ ສົ່ງເສີມຄວາມສາມັກຄີຂອງປະຊາຊົນ.

ບ້ານຊ່ວຍເຫຼືອເດັກນ້ອຍ SOS ຫຼວງພະບາງ ໄດ້ຮັບການຊຸກຍູ້ວຽກງານລ້ຽງດູເດັກ

23/10/2026 13:13

ໃນລະຫວ່າງວັນທີ 21-22 ຕຸລາຜ່ານມາ, ທ່ານ ເບດດິລູ ເຊີກິນ (Bedilu Shegen) ທີ່ປຶກສາດ້ານການພັດທະນາ ການຄຸ້ມຄອງບໍລິຫານໂຄງການ ອົງການບ້ານຊ່ວຍເຫຼືອເດັກນ້ອຍເອັສໂອເອັສ (SOS) ສາກົນ ແລະ ທ່ານ ສິນນະສອນ ນະດອນໄຮ່ ອຳນວຍການ ໂຄງການບ້ານຊ່ວຍເຫຼືອເດັກນ້ອຍເອັສໂອເອັສ ລາວ ໄດ້ເຄື່ອນໄຫວຊຸກຍູ້ວຽກງານລ້ຽງດູເດັກ ທີ່ບ້ານຊ່ວຍເຫຼືອເດັກນ້ອຍ ເອັສໂອເອັສ ຫຼວງພະບາງ, ມີທ່ານ ນາງ ດາວອນ ພະຜົນໄຊ ອຳນວຍການບ້ານຊ່ວຍເຫຼືອເດັກນ້ອຍ ເອັສໂອເອັສ ຫຼວງພະບາງ ພ້ອມດ້ວຍຄະນະ ໂດຍມີພະນັກງານກ່ຽວ ຂ້ອງໃຫ້ກຽດຕ້ອນຮັບ.

ເພີ່ມເຕີມ