ໂດຍການເຜີຍແຜ່ຂອງ ສະຫາຍ ເຄນ ລໍວັນໄຊ ຮອງເລຂາຄະນະພັກ ຮອງປະທານອົງການກວດສອບແຫ່ງລັດ ມີຄະນະນໍາອົງການກວດສອບແຫ່ງລັດ, ຫ້ອງການ, ບັນດາກົມ,ສະຖາບັນຄົ້ນຄວ້າແລະຝຶກອົບຮົມວຽກງານກວດສອບ ພ້ອມດ້ວຍພະນັກງານ-ລັດຖະກອນເຂົ້າຮ່ວມ.
ເອກະສານທີ່ນໍາມາເຊື່ອມຊຶມໃນຄັ້ງນີ້ມີ: ເອກະສານປາຖະກະຖາສະເຫຼີມສະຫຼອງວັນຊາດ ທີ 2 ທັນວາ ຄົບຮອບ 49ປີ, ວັນຄ້າຍວັນເກີດ ປະທານ ໄກສອນ ພົມວິຫານ ຄົບຮອບ 104ປີ ແລະ ເອກະສານ ມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 9ສະໄໜທີ XI.
ໃນພິທີ, ສະຫາຍ ເຄນ ລໍວັນໄຊໄດ້ຫວນຄືນມູນເຊື້ອຂອງຊາດທີ 2 ທັນວາ ໄຊຊະນະອັນໃຫຍ່ຫຼວງຂອງປວງຊົນລາວໃນການຕໍ່ສູ້ກູ້ຊາດ, ປົກປັກຮັກສາ ແລະ ສ້າງສາພັດທະນາປະເທດຊາດ ແລະ ການພັດທະນາ49ປີ ຊຶ່ງ ວັນທີ 2 ທັນວາ 1975 ແມ່ນວັນທີ່ມີຄວາມໜາຍຄວາມສໍາຄັນສໍາລັບທົວພັກ,ທົ່ວລັດ ແລະ ທົ່ວປວງຊົນລາວ,ຕະຫຼອດໄລຍະຂອງການຕໍ່ສູ້ອັນເນື່ອງນິດລຽນຕິດເກືອບໜຶ່ງສະຕະວັດ ຕ້ານຈັກກະພັດລ່າເມືອງຂື້ນແບບເກົ່າ ແລະ ແບບໃໜ່; ໄລຍະທີ່ດຸເດືອດ, ຂ້ຽວຂາດ, ຫຍຸ້ງຍາກ, ລໍາບາກກວ່າໝູ່ໜົດ; ແຕ່ກໍເປັນໄລຍະຕໍ່ສູ້ຕ້ານກັບຈັກກະພັດລ່າເມືອງຂຶ້ນແບບໃໜ່ພາຍໃຕ້ການນໍາພາອັນປີຊາສາມາດ ແລະ ສະຫຼາດສ່ອງໃສຂອງພັກປະຊາຊົນປະຕິວັດລາວໂດຍມີ ປະທານ ໄກສອນ ພົມວິຫານ ທີ່ແສນເຄົາລົບຮັກເປັນຜູ້ນໍາພາ; ວັນຊາດທີ 2 ທັນວາ 1975 ແມ່ນວັນແຫ່ງໄຊຊະນະອັນຍິ່ງໃຫຍ່, ທີ່ແລກມາດ້ວຍເລືອດເນື້ອເຫື່ອໄຄຂອງນັກຮົບປະຕິວັດແລະ ປະຊາຊົນບັນດາເຜົ່າບໍ່ຈັກວ່າເທົ່າໃດ, ພາຍໃຕ້ການຊີ້ນຳ-ນຳພາອັນສະຫຼາດສ່ອງໃສຂອງພັກປະຊາຊົນປະຕິວັດລາວໃນການປົກປັກຮັກສາແລະສ້າງສາພັດທະນາປະເທດຊາດຕະຫຼອດໄລຍະ 49ຜ່ານມາ, ເຮັດໃຫ້ຊາດລາວຂອງພວກເຮົາເປັນທີ່ຮັບຮູ້ໃນເວທີສາກົນ,ສະຖານະຂອງຊາດລາວໄດ້ຮັບການເຊີດຊູສູງເດັ່ນຂຶ້ນໃນເວທີໂລກ ແລະ ນອກນັ້ນກໍໄດ້ຍົກໃຫ້ເຫັນຊີວິດແລະການເຄື່ອນໄຫວປະຕິວັດຂອງປະທານ ໄກສອນ ພົມວິຫານ ຜູ້ນຳທີ່ແສນເຄົາລົບຮັກທີ່ມີຄຸນງາມຄວາມດີຕໍ່ການປະຕິວັດ,ຕໍ່ປະເທດຊາດແລະຕໍ່ປະຊາຊົນລາວບັນດາເຜົ່າໃນໂອກາດວັນເກີດຂອງ ປະທານ ໄກສອນ ພົມວິຫານ ຄົບຮອບ 104 ປີ(13 ທັນວາ 1920–13 ທັນວາ 2024)ການປາຖະກະຖາເພື່ອເຮັດໃຫ້ບັນດາສະມາຊິກພັກ,ພະນັກງານ-ລັດຖະກອນທີ່ເຂົ້າຮ່ວມລະນຶກຄືນເຖິງເຫດການປະຫັວດສາດ,ເຊື່ອມຊຶມກໍາແໜ້ນຢ່າງເລິກເຊິ່ງຕໍ່ມູນເຊື້ອຂອງຊາດ,ມູນເຊື້ອອັນປະເສີດໃນການນໍາພາທີ່ສະຫຼາດສ່ອງໃສ ຂອງປະທານ ໄກສອນ ພົມວິຫານ ຜູ້ນໍາທີ່ຍິ່ງໃຫຍ່ ຂອງປວງຊົນລາວບັນດາເຜົ່າ ໃນການນໍາພາຕໍ່ສູ້ກູ້ຊາດ, ປົກປັກຮັກສາ ແລະ ສ້າງສາປະເທດຊາດເພື່ອໃຫ້ຄົນຮຸ່ນໃໝ່ສືບທອດໄດ້ນໍາໄປເປັນແວ່ນແຍງໃນການໍາພາປະເທດຊາດ.ໃນພິທີປາຖະກະຖາຄັ້ງນີ້ທີ່ປະຊຸມຍັງຮັບຟັງການ ເຜີຍແຜ່ເຊຶ່ອມຊືມ ມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 9 ສະໄໝທີXI ຊຶ່ງໄດ້ຍົກໃຫ້ເຫັນວ່າ:ກອງປະຊຸມໄດ້ສຸມໃສ່ຍົກສູງຄວາມຮັບຜິດຊອບການເມືອງ ໃນການຄົ້ນຄວ້າ, ປະກອບຄວາມເຫັນ ແລະ ເຂົ້າໃຈເປັນເອກະພາບກັນ, ຕໍ່ບັນດາເນື້ອໃນ ດັ່ງນີ້:
1. ຕີລາຄາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານ, ແຜນເງິນຕາ ປະຈຳປີ 2024 ແລະ ທິດທາງແຜນການ ປີ 2025 ຕິດພັນກັບການຕີລາຄາການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ແລະ ວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ;
2. ການຈັດຕັ້ງປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບ ປະຈຳປີ 2024 ແລະ ທິດທາງປີ 2025;
3. ຕີລາຄາຜົນການດຳເນີນກອງປະຊຸມໃຫຍ່ຂັ້ນຮາກຖານພັກອ້ອມຂ້າງເມືອງ-ນະຄອນ ແລະ ຮາກຖານບ້ານ ແລະ ການກະກຽມ ແລະ ດຳເນີນກອງປະຊຸມໃຫຍ່ອົງຄະນະພັກເມືອງ-ນະຄອນ ແລະ ຮາກຖານພັກ ອ້ອມຂ້າງແຂວງ-ນະຄອນຫຼວງ ແລະ ຮາກຖານພັກ ອ້ອມຂ້າງກະຊວງ - ອົງການ;
4. ການປັບປຸງເອກະສານທີ່ຈະນຳເຂົ້າລາຍງານຕໍ່ກອງປະຊຸມໃຫຍ່ ຜູ້ແທນທົ່ວປະເທດ ສະໄໝທີ XII ຂອງພັກ(ຮ່າງໂຄງການເມືອງຂອງພັກສະບັບທີ 3, ຮ່າງລາຍງານການເມືອງ,ຮ່າງແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ X, ການປັບປຸງກົດລະບຽບຂອງພັກສະໄໝທີ XI);
5. ການປັບປຸງລັດຖະທຳມະນູນ ສະບັບປີ 2025;
6. ການຜັນຂະຫຍາຍ ແລະ ຈັດຕັ້ງປະຕິບັດ ຜົນການເຄື່ອນໄຫວວຽກງານຕ່າງປະເທດ;
7. ກອງປະຊຸມໄດ້ວາງຈຸດສຸມນຳພາຊີ້ນຳ ໂດຍມອບໃຫ້ກົມການເມືອງສູນກາງພັກ ແລະ ຄະນະເລຂາທິການສູນກາງພັກ ຊີ້ນຳລັດຖະບານ, ອົງການຂອງພັກ ແລະ ລັດ ຄະນະພັກແຕ່ລະຂັ້ນ ຈັດຕັ້ງປະຕິບັດວຽກງານຈຸດສຸມ ແຕ່ນີ້ ຮອດກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 10 ສະໄໝທີ XI.
ຂ່າວ:ອົງການກວດສອບ
ຄໍາເຫັນ