 |
ໃນພິທີໄດ້ເລີ່ມຕົ້ນດ້ວຍການໄຕ້ທຽນໄຊ, ໄຫວ້ພະລັດຕະນະໄຕ ແລະ ກ່າວຈຸດປະສົງຂອງການຈັດງານ. ຈາກນັ້ນ, ຜູ້ເຂົ້າຮ່ວມໄດ້ຮັບຊົມການສະແດງລະຄອນສັ້ນຈາກວິທະຍາໄລກະສິກຳ ແລະ ປ່າໄມ້ແຂວງ. ຈຸດປະ ສົງຂອງການປາຖະກະຖາທຳໃນຄັ້ງນີ້, ເພື່ອເຜີຍແຜ່ຕາມຫຼັກທຳຄຳສອນຂອງພຸດທະອົງ, ສົ່ງເສີມສິນລະທຳ, ຈະລິຍະທຳ ແລະ ຄຸນສົມບັດໃນການດຳລົງຊີວິດທີ່ດີງາມ. ທັງນີ້, ເພື່ອເປັນການເສີມສ້າງຄວາມສາມັກຄີປອງດອງ, ປູກຝັງຈິດສຳນຶກໃຫ້ພຸດທະສາສະນິກະຊົນ, ພະນັກງານ ແລະ ເຍົາວະຊົນຮູ້ຈັກເຄົາລົບ ແລະ ປະຕິບັດຕາມລະ ບຽບກົດໝາຍຂອງບ້ານເມືອງຢ່າງເຄັ່ງຄັດ, ເປັນພົນລະເມືອງດີຂອງຊາດ ເຮັດໃຫ້ສາສະໜາ ແລະ ລະບອບການປົກຄອງ ດຳເນີນໄປຄຽງຄູ່ກັນຢ່າງກົມກຽວ, ສອດຄ່ອງກັບພາລະບົດບາດຂອງ ອພສ ລາວ ໃນການເປັນທີ່ເພິ່ງທາງຈິດໃຈ ແລະ ຄວາມຢູ່ເຢັນເປັນສຸກທົ່ວສັງຄົມ. ໃນພິທີ ໄດ້ມີການບັນຍາຍປາຖະກະຖາທຳໃນ ຫົວຂໍ້ສຳຄັນ ຄື: "ພະລັງມະຫາສາມັກຄີ ການຮັກສາອາລິຍະທຳ" "ເພິ່ງຕົນເອງ, ພັດທະນາຕົນເອງ ເປັນພະລັງຂອງຄົນ ແລະ ພະລັງຂອງຊາດ". ຈາກນັ້ນ, ປະທານ ອພສ ເມືອງ ໄດ້ມີຄໍາເຫັນຕໍ່ພິທີ.
 |
ຕອນທ້າຍພະອາຈານໃຫຍ່ມະຫາ ສຸວັນ ຈັນທະລາດ ໄດ້ໂອ້ລົມໃຫ້ທິດຊີ້ນຳ ເພື່ອໃຫ້ຄະນະ ອພສ ເມືອງ ເອົາໃຈໃສ່ໃນການນຳເອົາເນື້ອໃນທຳມະ ແລະ ຄຳໂອວາດ ໄປໝູນໃຊ້ເຂົ້າໃນການປະຕິບັດໜ້າທີ່ວຽກງານ ການຮຽນ-ການສອນ ແລະ ການດຳລົງຊີວິດປະຈຳວັນ, ສຸມພະລັງຄວາມສາມັກຄີ, ຕັ້ງໜ້າເພິ່ງຕົນເອງ, ພັດທະ ນາຕົນເອງ ເພື່ອປະກອບສ່ວນເຂົ້າໃນການພັດທະນາເສດຖະກິດ-ສົມຄົມຂອງເມືອງ ກໍຄືປະເທດຊາດຕື່ມອີກ. ຂ່າວ: ສອນໄຊ ຈັນທະວີ
ຄໍາເຫັນ