ທ່ານ ພົນຈັດຕະວາ ນາງ ລີວົງ ລາວລີ ຫົວໜ້າອົງການໄອຍະການປະຊາຊົນສູງສຸດ ໄດ້ຊີ້ແຈງຕໍ່ຄຳຊັກຖາມ ຂອງສະມາຊິກສະພາແຫ່ງຊາດ ຕໍ່ກອງປະຊຸມຄັ້ງປະຖົມມະລືກ ຂອງສະພາແຫ່ງຊາດ ຊຸດທີ X ໃນວັນທີ 25 ມີນານີ້, ທີ່ສະພາແຫ່ງຊາດ ໂດຍການເປັນປະທານຂອງທ່ານ ນາງ ສູນທອນ ໄຊຍະຈັກ ຮອງປະທານ ສະພາແຫ່ງຊາດ.
ທ່ານ ຫົວໜ້າອົງການໄອຍະການປະຊາຊົນສູງສຸດ ຊີ້ແຈງວ່າ: ກ່ຽວກັບການຕິດຕາມກວດກາການປະຕິບັດກົດໝາຍ, ການສັ່ງຟ້ອງຜູ້ຖືກຫາຂຶ້ນສານ ແລະ ການດໍາເນີນຄະດີຢູ່ສານ ຍັງມີຄະດີຈໍານວນໜຶ່ງ ທີ່ສານບໍ່ເອົາຕາມຄໍາຖະແຫຼງຂອງໄອຍະການນັ້ນ ພວກເຮົາກໍໄດ້ມີແຜນການສ້າງຄວາມເຂັ້ມແຂງໃຫ້ພະນັກງານໄອຍະການປະຊາຊົນແຕ່ລະຂັ້ນໃຫ້ມີທັກສະ ແລະ ມີຄວາມຊໍານິຊໍານານ ໃນການຕິດຕາມກວດກາ ການດໍາເນີນຄະດີ, ການສັ່ງຟ້ອງຜູ້ຖືກຫາຂຶ້ນສານ ແລະ ມີຄວາມຮູ້ຄວາມສາມາດ ໃນການໂຕ້ຖຽງໃນທີ່ປະຊຸມສານ ຊຶ່ງແຕ່ລະປີພວກເຮົາຈະຝຶກອົບຮົມ ພະນັກງານໄອຍະການຜູ້ເຮັດວຽກງານຕົວຈິງໃຫ້ໄດ້ 4 ຊຸດຕໍ່ປີ ແລະ ໄດ້ສ້າງຄູ່ມືການໂຕ້ຖຽງໃນທີ່ປະຊຸມສານ ຄາດວ່າຈະສໍາເລັດໃນປີ 2026 ນີ້, ຖ້າເຮັດສໍາເລັດຕາມແຜນການທີ່ໄດ້ວາງໄວ້ ກໍຈະເຮັດໃຫ້ ການສັ່ງຟ້ອງ ແລະ ຖະແຫຼງຄະດີມີຄຸນນະພາບດີຂຶ້ນກວ່າເກົ່າ. ກ່ຽວກັບການສ້າງພະນັກງານໄອຍະການໃຫ້ເປັນຜູ້ຊໍານານງານ ແລະ ກ້າວສູ່ເປັນມືອາຊີບ ແມ່ນຈະພະຍາຍາມສ້າງ, ແຕ່ເບື້ອງຕົ້ນນັ້ນ ຈະໄດ້ສຸມໃສ່ສ້າງນິຕິກໍາ ເພື່ອເປັນບ່ອນອີງໃນການຄັດເລືອກ ເປັນຕົ້ນແມ່ນການກໍານົດມາດຕະຖານ, ເງື່ອນໄຂ ແລະ ການຄັດເລືອກບຸກຄະລາກອນ ແລະ ລະບຽບການຢັ້ງຢືນ ກ່ຽວກັບການເປັນມືອາຊີບໃນຂັ້ນຕໍ່ໄປ. ກ່ຽວກັບກໍານົດກິດຈະກໍາແກ້ໄຂວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດນັ້ນ ພວກເຮົາໄດ້ປັບປຸງໃຫ້ສອດຄ່ອງກັບສະພາບຕົວຈິງ ເພາະວ່າ ວາລະດັ່ງກ່າວໄດ້ສໍາເລັດ ແລະ ມີການສະຫຼຸບແລ້ວ ຕໍ່ໄປແມ່ນການຈັດຕັ້ງປະຕິບັດ, ຕ່ໍກັບການກໍານົດມາດຖານ-ເງື່ອນໄຂຂອງພະນັກງານໄອຍະການປະຊາຊົນໄປປະຈໍາຢູ່ເມືອງ ແມ່ນໄດ້ອີງຕາມກົດໝາຍວ່າດ້ວຍອົງການໄອຍະການປະຊາຊົນ ແຕ່ຜ່ານມາພວກເຮົາກໍມີນະໂຍບາຍ ຕໍ່ກັບພະນັກງານໄອຍະການຜູ້ທີ່ອາສາສະໝັກໄປຢູ່ບ່ອນຫ່າງໄກສອກຫຼີກ ຕໍ່ບັນຫານີ້ ພວກເຮົາກໍໄດ້ຫຼຸດມາດຖານ-ເງື່ອນໄຂລົງ ເພື່ອໃຫ້ຜູ້ກ່ຽວສາມາດໄປປະຈໍາການໄດ້.
ໃນນັ້ນ, ວຽກງານສ້າງຫ້ອງໃຫ້ຄໍາປຶກສາທາງດ້ານກົດໝາຍແກ່ປະຊາຊົນ 5 ປີຜ່ານມາ ໄດ້ຂະຫຍາຍຈາກອົງການໄອຍະການປະຊາຊົນສູງສຸດ ໄປສູ່ບັນດາແຂວງຈໍານວນໜຶ່ງ ເຊັ່ນ: ແຂວງອຸດົມໄຊ, ຫຼວງພະບາງ, ນະຄອນຫຼວງວຽງຈັນ, ສະຫວັນນະເຂດ ແລະ ແຂວງຈໍາປາສັກ ແລະ ໃນແຜນການ 5 ປີຕໍ່ໝ້າ ຈະສືບຕໍ່ວຽກງານດັ່ງກ່າວທີ່ໄດ້ກໍານົດໄວ້ໃນແຜນງານທີ 4 ໂຄງການທີ 7, ກິດຈະກໍາທີ່ 6, ສືບຕໍ່ຂະຫຍາຍຫ້ອງການໃຫ້ຄໍາປຶກສາໃຫ້ແກ່ປະຊາຊົນໃນຂອບເຂດທົ່ວປະເທດ, ໃນນັ້ນ, ສໍາລັບການກໍານົດມາດຕະການລົງໂທດຕໍ່ພະນັກງານໄອຍະການທີ່ໄດ້ລະເມີດກົດໝາຍ ໃນເວລາປະຕິບັດໜ້າທີ່ ແມ່ນພວກເຮົາຈະໄດ້ປະຕິບັດວິໄນຢ່າງເຂັ້ມງວດ ແລະ ເດັດຂາດ ຕາມສະຖານໜັກ ຫຼື ເບົາ ແລະ ກໍໄດ້ກໍານົດໄວ້ໃນແຜນງານທີ 3 ກ່ຽວກັບການຕ້ານການສໍ້ລາດບັງຫຼວງ ແລະ ຈະສົມທົບກັບອໍານາດການປົກຄອງທ້ອງຖິ່ນ ໃນເວລາຈັດຕັ້ງປະຕິບັດຕົວຈິງ.
(ຂ່າວ-ພາບ: ສໍານານ)
ທ່ານ ຫົວໜ້າອົງການໄອຍະການປະຊາຊົນສູງສຸດ ຊີ້ແຈງວ່າ: ກ່ຽວກັບການຕິດຕາມກວດກາການປະຕິບັດກົດໝາຍ, ການສັ່ງຟ້ອງຜູ້ຖືກຫາຂຶ້ນສານ ແລະ ການດໍາເນີນຄະດີຢູ່ສານ ຍັງມີຄະດີຈໍານວນໜຶ່ງ ທີ່ສານບໍ່ເອົາຕາມຄໍາຖະແຫຼງຂອງໄອຍະການນັ້ນ ພວກເຮົາກໍໄດ້ມີແຜນການສ້າງຄວາມເຂັ້ມແຂງໃຫ້ພະນັກງານໄອຍະການປະຊາຊົນແຕ່ລະຂັ້ນໃຫ້ມີທັກສະ ແລະ ມີຄວາມຊໍານິຊໍານານ ໃນການຕິດຕາມກວດກາ ການດໍາເນີນຄະດີ, ການສັ່ງຟ້ອງຜູ້ຖືກຫາຂຶ້ນສານ ແລະ ມີຄວາມຮູ້ຄວາມສາມາດ ໃນການໂຕ້ຖຽງໃນທີ່ປະຊຸມສານ ຊຶ່ງແຕ່ລະປີພວກເຮົາຈະຝຶກອົບຮົມ ພະນັກງານໄອຍະການຜູ້ເຮັດວຽກງານຕົວຈິງໃຫ້ໄດ້ 4 ຊຸດຕໍ່ປີ ແລະ ໄດ້ສ້າງຄູ່ມືການໂຕ້ຖຽງໃນທີ່ປະຊຸມສານ ຄາດວ່າຈະສໍາເລັດໃນປີ 2026 ນີ້, ຖ້າເຮັດສໍາເລັດຕາມແຜນການທີ່ໄດ້ວາງໄວ້ ກໍຈະເຮັດໃຫ້ ການສັ່ງຟ້ອງ ແລະ ຖະແຫຼງຄະດີມີຄຸນນະພາບດີຂຶ້ນກວ່າເກົ່າ. ກ່ຽວກັບການສ້າງພະນັກງານໄອຍະການໃຫ້ເປັນຜູ້ຊໍານານງານ ແລະ ກ້າວສູ່ເປັນມືອາຊີບ ແມ່ນຈະພະຍາຍາມສ້າງ, ແຕ່ເບື້ອງຕົ້ນນັ້ນ ຈະໄດ້ສຸມໃສ່ສ້າງນິຕິກໍາ ເພື່ອເປັນບ່ອນອີງໃນການຄັດເລືອກ ເປັນຕົ້ນແມ່ນການກໍານົດມາດຕະຖານ, ເງື່ອນໄຂ ແລະ ການຄັດເລືອກບຸກຄະລາກອນ ແລະ ລະບຽບການຢັ້ງຢືນ ກ່ຽວກັບການເປັນມືອາຊີບໃນຂັ້ນຕໍ່ໄປ. ກ່ຽວກັບກໍານົດກິດຈະກໍາແກ້ໄຂວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດນັ້ນ ພວກເຮົາໄດ້ປັບປຸງໃຫ້ສອດຄ່ອງກັບສະພາບຕົວຈິງ ເພາະວ່າ ວາລະດັ່ງກ່າວໄດ້ສໍາເລັດ ແລະ ມີການສະຫຼຸບແລ້ວ ຕໍ່ໄປແມ່ນການຈັດຕັ້ງປະຕິບັດ, ຕ່ໍກັບການກໍານົດມາດຖານ-ເງື່ອນໄຂຂອງພະນັກງານໄອຍະການປະຊາຊົນໄປປະຈໍາຢູ່ເມືອງ ແມ່ນໄດ້ອີງຕາມກົດໝາຍວ່າດ້ວຍອົງການໄອຍະການປະຊາຊົນ ແຕ່ຜ່ານມາພວກເຮົາກໍມີນະໂຍບາຍ ຕໍ່ກັບພະນັກງານໄອຍະການຜູ້ທີ່ອາສາສະໝັກໄປຢູ່ບ່ອນຫ່າງໄກສອກຫຼີກ ຕໍ່ບັນຫານີ້ ພວກເຮົາກໍໄດ້ຫຼຸດມາດຖານ-ເງື່ອນໄຂລົງ ເພື່ອໃຫ້ຜູ້ກ່ຽວສາມາດໄປປະຈໍາການໄດ້.
ໃນນັ້ນ, ວຽກງານສ້າງຫ້ອງໃຫ້ຄໍາປຶກສາທາງດ້ານກົດໝາຍແກ່ປະຊາຊົນ 5 ປີຜ່ານມາ ໄດ້ຂະຫຍາຍຈາກອົງການໄອຍະການປະຊາຊົນສູງສຸດ ໄປສູ່ບັນດາແຂວງຈໍານວນໜຶ່ງ ເຊັ່ນ: ແຂວງອຸດົມໄຊ, ຫຼວງພະບາງ, ນະຄອນຫຼວງວຽງຈັນ, ສະຫວັນນະເຂດ ແລະ ແຂວງຈໍາປາສັກ ແລະ ໃນແຜນການ 5 ປີຕໍ່ໝ້າ ຈະສືບຕໍ່ວຽກງານດັ່ງກ່າວທີ່ໄດ້ກໍານົດໄວ້ໃນແຜນງານທີ 4 ໂຄງການທີ 7, ກິດຈະກໍາທີ່ 6, ສືບຕໍ່ຂະຫຍາຍຫ້ອງການໃຫ້ຄໍາປຶກສາໃຫ້ແກ່ປະຊາຊົນໃນຂອບເຂດທົ່ວປະເທດ, ໃນນັ້ນ, ສໍາລັບການກໍານົດມາດຕະການລົງໂທດຕໍ່ພະນັກງານໄອຍະການທີ່ໄດ້ລະເມີດກົດໝາຍ ໃນເວລາປະຕິບັດໜ້າທີ່ ແມ່ນພວກເຮົາຈະໄດ້ປະຕິບັດວິໄນຢ່າງເຂັ້ມງວດ ແລະ ເດັດຂາດ ຕາມສະຖານໜັກ ຫຼື ເບົາ ແລະ ກໍໄດ້ກໍານົດໄວ້ໃນແຜນງານທີ 3 ກ່ຽວກັບການຕ້ານການສໍ້ລາດບັງຫຼວງ ແລະ ຈະສົມທົບກັບອໍານາດການປົກຄອງທ້ອງຖິ່ນ ໃນເວລາຈັດຕັ້ງປະຕິບັດຕົວຈິງ.
(ຂ່າວ-ພາບ: ສໍານານ)
ຄໍາເຫັນ