 |
ທ່ານ ທອງຈັນ ພູມີພັນ ໄດ້ຍົກໃຫ້ເຫັນມູນເຊື້ອການກຳເນີດ ແລະ ເຕີບໃຫຍ່ຂະຫຍາຍຕົວຂອງສະຫະພັນກໍາມະບານລາວຕະຫຼອດໄລຍະ 70ປີຜ່ານມາ, ຊຶ່ງເຫັນໄດ້ເຖິງພາລະກໍາປະຫວັດສາດ, ຈຸດພິເສດ ແລະ ຄຸນລັກສະນະອັນດີເລີດ ຂອງຊົນຊັ້ນກໍາມະກອນລາວໃນການຕໍ່ສູ້ປົດປ່ອຍຊາດ, ປົກປັກຮັກສາ, ສ້າງສາພັດທະນາປະເທດຊາດ, ເສີມຂະຫຍາຍມູນເຊື້ອອັນດີງາມ ຂອງຊົນຊັ້ນກໍາມະກອນລາວໃນເມື່ອກ່ອນຈົນເຖິງປັດຈຸບັນ. ພ້ອມທັງຍົກໃຫ້ເຫັນ ຜົນງານທີ່ພົ້ນເດັ່ນ ແລະ ທິດທາງໃນການພັດທະນາວຽກງານກໍາມະບານລາວໃນຕໍ່ໜ້າ ຂອງ ສກລ ນັບແຕ່ມື້ສ້າງຕັ້ງຈົນເຖິງປັດຈຸບັນ.
 |
ການປາຖະກະຖາຄັ້ງນີ້, ເພື່ອສຶກສາອົບຮົມການເມືອງແນວຄິດໃຫ້ສະມາຊິກກໍາມະບານ, ກໍາມະກອນຜູ້ອອກແຮງງານຮັບຮູ້ເຖິງຄວາມໝາຍ ຄວາມສໍາຄັນພາລະບົດບາດ, ສິດໜ້າທີ່ຂອງສະຫະພັນກໍາມະບານລາວໃນໄລຍະໄໝ່, ຊຶ່ງເປັນອົງການຈັດຕັ້ງທີ່ເປັນຕົວແທນແຫ່ງການປົກປ້ອງສິດຜົນປະໂຫຍດອັນຊອບທໍາຂອງສະມາຊິກກໍາມະບານ, ກໍາມະກອນທັງເປັນການປຸກລະດົມຂົນຂວາຍໂຄສະນາໃຫ້ສະມາຊິກກໍາມະບານ, ກໍາມະກອນຜູ້ອອກແຮງງານໃຫ້ມີຄວາມຮັບຮູ້ ແລະ ເຂົ້າໃຈກ່ຽວກັບມູນເຊື້ອ, ການເຕີບໃຫຍ່ຂະຫຍາຍຕົວຂອງສະຫະພັນກໍາມະບານລາວ ທີ່ໄດ້ຕິດພັນກັບມູນເຊື້ອການຕໍ່ສູ້ກູ້ຊາດແຕ່ລະໄລຍະຈົນເຖິງປັດຈຸບັນຂອງຊົນຊັ້ນກໍາມະກອນລາວ ຜົນງານການປະກອບສ່ວນເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດແນໃສ່ປູກຈິດສໍານຶກ ແລະ ຫວນຄືນມູນເຊື້ອອົງອາດກ້າຫານຂອງສະມາຊິກກໍາມະບານ, ກໍາມະກອນ ແລະ ຜູ້ອອກແຮງງານທີ່ໄດ້ຕັ້ງໜ້າປະກອບສ່ວນເຂົ້າໃນການເຄື່ອນໄຫວວຽກງານກໍາມະບານລາວແລະ ປຸກລະດົມໃຫ້ສະມາຊິກກໍາມະບານປະຕິບັດວຽກງານວິຊາສະເພາະ, ມີລະບຽບວິໃນ ໃນການອອກແຮງງານ ແລະ ການຈັດຕັ້ງປະຕິບັດຂໍ້ແຂ່ງຂັນ 5 ເປັນເຈົ້າໂດຍຕິດພັນ ຂໍ້ແຂ່ງຂັນ" ຮັກຊາດ ແລະ ພັດທະນາ".
ຂ່າວ: ບຸນອູ້ມ
ຄໍາເຫັນ