ບໍລິສັດ ອູ້ຫຼິງ ຈຳກັດ (wuling) ຫຼື (SAIC-GM—Wuling Automobile co.,Ltd) ກໍ່ຕັ້ງຂຶ້ນຢ່າງເປັນທາງການໃນວັນທີ 18 ພະຈິກ ປີ2002 ເປັນບໍລລິສັດຫຸ້ນສ່ວນລະຫວ່າງ ຈີນ ແລະ ຕ່າງປະເທດ ຈັດຕັ້ງຂຶ້ນຮ່ວມກັນໂດຍ (SAIC MG ຂອງຈີນ ຮ່ວກັບ ກຸ່ມບໍລິສັດກວາງຊີ ອໍໂຕ້ຈຳກັດ,
 |
ເຊິ່ງປັດຈຸບັນມີແຫຼ່ງຜະລິດຫຼາຍ4ຄື: ສຳນັກງານໃຫຍ່ແມ່ນຢູ່ ຫຼຽວໂຈ ມົນທົນໜານໜິງ, ໂຮງງານປ້າວຈູນ(Baojun) ຊຶ່ງຢູ່ທີ່ຫຼຽວໂຈ,ໂຮງງານທີ່ຊິງເຕົ່າ ແລະ ໂຮງງານຢູ່ສົງສິງເຊິ່ງມີຮູບແບການພັດທະນາແບບວ່ອງໃວລະຫວ່າງພາກເໜືອ, ພາກໃຕ້,ຕາເວັນອອກ ແລະ ຕາເວັນຕົກ ໂຮງງານຜະລິທີ່ ປ້າວຈູນເປັນໂຮງງານຜະລິດທີ່ສອງຂອງບໍລິສັດທີ່ຫຼຽວໂຈ ແຖມຍັງເປັນແຫຼ່ງທ່ອງທ່ຽວລະດັບ 4A ຢຶດຖືລະບຽບການຜະລິດຕາມມາດຕະຖານຂອງລະບົບການຜະລິດລົດໃນທົ່ວໂລກ ແລະ ມາດຕະຖານຂອງຈີເອັມມໍເຕີ ເຊິ່ງໄດ້ເນັ້ນເຖິງການຮັກສາສິ່ງແວດລ້ອມດຄາບອນຕ່ຳ ແລະ ປະສິດທິພາບການໃຊ້ພະລັງງານ ແລະ ພັດທະນາການຜະລິດສູສີຂຽວທີ່ມາດຕະຖານການຜະລິດລະດັບໂລກຂັ້ນສູງຂອງ ຈີເອັມ ເຊິ່ງການຜະລິດດັ່ງກ່າວແມ່ນນຳໃຊ້ເຄື່ອງເຕັກໂນໂລຍຊີທີ່ທັນສະໃໝລວມເຖິງການປະກອບອະໄລ່ໂດຍສ່ວນຫຼາຍແມ່ນໃຊ້ເຄື່ອງຈັກເຮັດວຽກແທນຄົນ ໃນປະຈຸບັນອູ້ຫຼິງມີຜະລິດລົດທັງໃຊ້ນ້ຳມັນແລະໄຟຟ້າ ແລະ ກ້າວໜ້າໄປສູ່ພະລັງງານໄຟຟ້າຫຼາຍກວ່າເພື່ອຊ່ວຍລົດພາວະໂລກຮ້ອນ ການຜະລິດລົດພະລັງງານໃໝ່ທັງໝົດໄດ້ 200,000ຄັນຕໍ່ປີ.
 |
ນອກຈາກຜະລິດທີ່ຈີນແລ້ວ ອູ້ຫຼິງຍັງມີສາຂາການຜະລິດຢູ່ບັນດາປເທດສະມາຊິກອາຊຽນ, ອູ້ຫຼິງມີຄຳຂວັນວ່າ “ສິ່ງໃດທີ່ປະຊາຊົນຕ້ອງການ ອູ້ຫຼິງຈະຜະລິດສິ່ງນັ້ນ” ຍັງບໍພຽງເທົ່ານີ້ ອູ້ຫຼິງຍັງຈະຂະຫຍາຍຕະຫຼາດສູ່ປະເທດທະວີບອາຊີ,ອາຊີໃຕ້,ອັຟຟຣິກກາ ແລະ ເອີລົບນຳອີກ ເຊິ່ງມີຫຼາຍກວ່າ100ປະເທດ, ສ່ວນລາຄາລົດແມ່ນເລີ່ມຕົ້ນປະມານ 6000 ດອນລາ(ສຳລັບຂາຍໃນປະເທດຈີນ), ເຊິ່ງມີພະນັກງານທັງໝົດ ຫຼາຍກວ່າ 20,000ຄົນ ທາງອູ້ຫຼິງຍັງໃຫ້ຄວາມໝັ້ນໃຈຕໍ່ຜູ້ທີ່ມີຄວາມກັງວົນເລື່ອງອາໄລ່ເປັນຕ່າງໆແມ່ນທາງໂຮງງານພ້ອມສະໜອງ ແລະ ພ້ອມບໍລິການຫຼັງການຂາຍຢ່າງສຸດໃຈ.
ຄໍາເຫັນ