 |
ສະຫາຍ ວຽງສະຫວັນ ປ່ຽງມະລາ ເລຂາຮາກຖານຊາວໜຸ່ມ ພະແນກສຶກສາທິການ ແລະ ກິລາແຂວງ ໄດ້ຜ່ານບົດສະຫຼຸບການຈັດຕັ້ງປະຕິບັດຂໍ້ແຂ່ງ 4 ບຸກປະຈໍາປີ 2025 ແລະ ທິດທາງແຜນການປີ 2026 ຊຶ່ງຮາກຖານຊາວໜຸ່ມພະແນກສຶກສາທິການ ແລະ ກິລາແຂວງຄໍາມ່ວນ ແມ່ນອົງການຈັດຕັ້ງໜຶ່ງທີ່ຂຶ້ນກັບ ຄະນະບໍລິຫານງານຊາວໜຸ່ມແຂວງ, ເຄື່ອນໄຫວພາຍໃຕ້ການຊີ້ນຳ ໂດຍກົງຮອບດ້ານ ຈາກຄະນະພັກຮາກຖານພະແນກສຶກສາທິການ ແລະ ກິລາແຂວງ, ມີພາລະບົດບາດໜ້າທີ່ ເປັນແກນນຳ ໃນການເຕົ້າໂຮມຄວາມສາມັກຄີ, ການສຶກສາອົບຮົມ ກໍ່ສ້າງ ແລະ ນຳພາຈັດຕັ້ງປະຕິບັດແນວທາງນະໂຍບາຍຂອງພັກ, ລະບຽບ ແລະ ກົດໝາຍຂອງລັດ.
ຮາກຖານຊາວໜຸ່ມພະແນກສຶກສາທິການ ແລະ ກິລາແຂວງປະກອບມີ 3 ໜ່ວຍຂຶ້ນກັບ ຄື: ໜ່ວຍຊາວໜຸ່ມບໍລິຫານ, ໜ່ວຍຊາວໜຸ່ມວິຊາການ ແລະ ໜ່ວຍຊາວໜຸ່ມກິລາ-ກາຍຍະກຳ ແລະ ນອກໂຮງຮຽນ, ມີສະມາຊິກທັງ ໝົດໜົດ 84 ສະຫາຍ ຍິງ 48 ສະຫາຍ. ນອກຈາກນັ້ນ, ຍັງໄດ້ຍົກໃຫ້ເຫັນເຖິງຜົນການເຄື່ອນໄຫວຈັດຕັ້ງປະຕິບັດຂະບວນແຂ່ງຂັນ 4 ບຸກ ສະແດງອອກໃນແຕ່ລະດ້ານຄື: ບຸກດ້ານການເມືອງ-ແນວຄິດ ຜ່ານການຈັດຕັ້ງປະຕິບັດວຽກງານ ສາມາດຕີລາຄາ ໄດ້ 90.60%; ບຸກດ້ານການຝຶກຝົນຫຼໍ່ຫຼອມຮໍ່າຮຽນ ສາມາດຕີລາຄາໄດ້ 90.60%; ບຸກດ້ານວຽກງານການຈັດຕັ້ງ ສາມາດຕີລາຄາໄດ້ 90.30% ແລະ ດ້ານວິຊາຊີບ ແລະ ສ້າງວຽກເຮັດງານທຳ ສາມາດຕີລາຄາດ້ານ ໄດ້ 90.50% ພ້ອມນັ້ນຍັງໄດ້ສະຫຼຸບຕີລາຄາດ້ານດີ, ດ້ານອ່ອນ ແລະ ບົດຮຽນທີ່ຖອດຖອນໄດ້. ພ້ອມກັນນັ້ນກໍໄດ້ ວາງຄາດໝາຍສູ້ຊົນໃນການຈັດຕັ້ງປະຕິບັດຂໍ້ແຂ່ງຂັນ 4 ບຸກໃນປີ 2026 ຄື: ບຸກດ້ານການເມືອງ-ແນວຄິດໃຫ້ໄດ້ 90% ຂຶ້ນໄປ, ບຸກດ້ານການຝຶກຝົນຫຼໍ່ຫຼອມຮໍ່າຮຽນໃຫ້ໄດ້ 90% ຂຶ້ນໄປ, ບຸກດ້ານການຈັດຕັ້ງໃຫ້ໄດ້ 90% ຂຶ້ນໄປ, ບຸກດ້ານວິຊາຊີບ ແລະ ສ້າງວຽກເຮັດງານທໍາໃຫ້ໄດ້ 90% ຂຶ້ນໄປ.
 |
ໃນກອງປະຊຸມຊາວໜຸ່ມຕົວແບບຂອງຮາກຖານກໍ່ໄດ້ຂຶ້ນປະກອບຄໍາເຫັນ ແລະ ມີການຜ່ານຂໍ້ຕົກລົງຂອງຄະ ນະຊາວໜຸ່ມປະຊາຊົນ ປະຕິວັດລາວ ແຂວງ ວ່າດ້ວຍການຮັບຮອງຮາກຖານຊາວ,ໜ່ວຍຊາວໜຸ່ມ ແລະ ສະມາຊິກຊາວໜຸ່ມທີ່ຂຶ້ນກັບຄະນະພັກຮາກຖານພະແນກສຶກສາທິການ ແລະ ກິລາເປັນຮາກຖານຊາວໜຸ່ມ 4 ບຸກ ປະຈໍາປີ 2025 ຜັດປ່ຽນກັນມອບປ້າຍ ແລະ ໃບຢັ້ງຢືນໂດຍສະຫາຍ ນາງ ສຸກຂະເສີມ ສິດທິເດດ ກໍາມະການພັກແຂວງ ເລຂາຄະນະພັກຮາກຖານພະແນກສຶກສາທິການ ແລະ ກິລາແຂວງ, ສະຫາຍ ພູແກ້ວ ສຸດທິວົງ ຮອງເລຂາຄະນະບໍລິຫານງານຊາວໜຸ່ມແຂວງ.
(ຂ່າວ-ພາບ: ແດງສະຫວັດ ແສນພານິດ)
ຄໍາເຫັນ