 |
ທ່ານ ລໍາພອນ ສີອັກສອນ ວ່າການຫົວໜ້າພະແນກຍຸຕິທໍາແຂວງໄດ້ຜ່ານບົດສະຫຼຸບຫຍໍ້ວຽກງານປະຕິບັດຄໍາຕັດສິນຂອງສານໃນໄລຍະ 9 ເດືອນ ປີ 2026 ຜ່ານມາ . ຈາກນັ້ນຕາງໜ້າກົມຄຸ້ມຄອງການປະຕິບັດຄໍາຕັດສິນຂອງສານໄດ້ຜ່ານບົດລາຍງານການກະກຽມສ້າງຕັ້ງ ກອງປະຕິບັດຄໍາຕັດສິນຂອງສານ ພ້ອມກັນດຽວກັນນັ້ນກົມຈັດຕັ້ງ ແລະ ພະນັກງານກໍ່ໄດ້ຜ່ານຂໍ້ຕົກລົງ ວ່າດ້ວຍການສ້າງຕັ້ງ ກອງປະຕິບັດຄໍາຕັດສິນຂອງສານ ປະຈໍາແຂວງຄໍາມ່ວນ ຂຶ້ນກັບການຄຸ້ມຄອງຂອງກົມຄຸ້ມຄອງ ການປະຕິບັດຄໍາຕັດສິນຂອງສານ ກະຊວງຍຸຕິທໍາ ຕາມສາຍຕັ້ງ, ຊຶ່ງກອງປະຕີບັດຄໍາຕັດສິນຂອງສານ ປະຈໍາແຂວງຄໍາມ່ວນມີພາລະບົດບາດຄຸ້ມຄອງ, ປະຕິບັດຄໍາຕັດສິນຂອງສານໃນຄວາມຮັບຜິດຊອບຂອງຕົນ ແລະ ເມືອງທ່າແຂກ , ຜ່ານຂໍ້ຕົກລົງຂອງລັດຖະມົນຕີກະຊວງຍຸຕິທໍາ ວ່າດ້ວຍການຮັບເອົາພະນັກງານຈາກພະແນກຍຸຕິທໍາແຂວງ ແລະ ຫ້ອງການຍຸຕິທໍາເມືອງ ມາປະຈໍາຢູ່ ກອງປະຕິບັດຄໍາຕັດສິນຂອງສານ ປະຈໍາແຂວງຄໍາມ່ວນຈໍານວນ 21 ທ່ານ, ຍິງ 07 ທ່ານ .
ຜ່ານຂໍ້ຕົກລົງຂອງລັດຖະມົນຕີກະຊວງຍຸຕິທໍາ ວ່າດ້ວຍການແຕ່ງຕັ້ງຫົວໜ້າກອງ ແລະ ຮອງກອງປະຕິບັດຄໍາຕັດສິນ ປະຈໍາແຂວງຄໍາມ່ວນ ໃນນີ້ໄດ້ຕົກລົງແຕ່ງຕັ້ງທ່ານ ວຽງວິໄລ ພົມມະວົງ ເປັນຫົວໜ້າກອງປະຕິບັດຄໍາຕັດສິນຂອງສານ ປະຈໍາແຂວງຄໍາມ່ວນ ແລະ ແຕ່ງຕັ້ງທ່ານ ແສງພະຈັນ ໄຊນະສິນ ເປັນຮອງຫົວໜ້າກອງປະຕິບັດຄໍາຕັດສິນຂອງສານ ປະຈໍາແຂວງຄໍາມ່ວນ .
ຜ່ານຂໍ້ຕົກລົງຂອງລັດຖະມົນຕີກະຊວງຍຸຕິທໍາ ວ່າດ້ວຍການແຕ່ງຕັ້ງຫົວໜ້າຂະແໜງ ກອງປະຕິບັດຄໍາຕັດສິນ ປະຈໍາແຂວງຄໍາມ່ວນຈໍານວນ 5 ທ່ານ, ຍິງ 2 ທ່ານ . ໃນນີ້ຕົກລົງແຕ່ງຕັ້ງທ່ານ ນາງ ສຸດາວັນ ຈັນສຸດາ ເປັນຫົວໜ້າຂະແໜງບໍລິຫານ-ການເງິນ, ຈັດຕັ້ງ ແລະ ພະນັກງານ ; ທ່ານ ມີໄຊ ປົນທະລົດ ເປັນຫົວໜ້າຂະແໜງຄົ້ນຄວ້າ ແລະ ສະຖິຕິຄໍາຕັດສິນ ; ທ່ານ ນາງ ເພັດພະນົມພອນ ໜໍ່ວັງ ເປັນຫົວໜ້າຂະແໜງບັງຄັບປະຕິບັດຄໍາຕັດສິນ,ປະມູນ ແລະ ຂາຍຊັບ ; ທ່ານ ຈັນທະລັງສີ ເຟືອງຈັນທະລາດ ເປັນຫົວໜ້າຂະແໜງເກັບກູ້ໜີ້ສິນ ແລະ ຊໍາລະສະສາງ ; ທ່ານ ເພັດທະນູສິນ ອຸດອນ ເປັນຫົວໜ້າຂະແໜງຄຸ້ມຄອງ ແລະ ກວດກາ .
ຜ່ານຂໍ້ຕົກລົງຂອງລັດຖະມົນຕີກະຊວງຍຸຕິທໍາ ວ່າດ້ວຍການແຕ່ງຕັ້ງຮອງຫົວໜ້າຂະແໜງ ກອງປະຕິບັດຄໍາຕັດສິນ ປະຈໍາແຂວງຄໍາມ່ວນຈໍານວນ 5 ທ່ານ, ຍິງ 2 ທ່ານ . ໃນນີ້ຕົກລົງແຕ່ງຕັ້ງທ່ານ ນາງ ອາລຸນນີ ແສງອຸໄທ ເປັນຮອງຫົວໜ້າຂະແໜງບໍລິຫານ-ການເງິນ, ຈັດຕັ້ງ ແລະ ພະນັກງານ ; ທ່ານ ວິໃນ ພອນນຸວົງ ເປັນຮອງຫົວໜ້າຂະ ແໜງຄົ້ນຄວ້າ ແລະ ສະຖິຕິຄໍາຕັດສິນ ; ທ່ານ ສະຫວັດດີ ຄໍາວົງສາ ເປັນຮອງຫົວໜ້າຂະແໜງບັງຄັບປະຕິບັດຄໍາຕັດສິນ,ປະມູນ ແລະ ຂາຍຊັບ ; ທ່ານ ວັດທະນາ ສູນທອນ ເປັນຮອງຫົວໜ້າຂະແໜງເກັບກູ້ໜີ້ສິນ ແລະ ຊໍາລະສະສາງ ; ທ່ານ ນາງ ສຸກສະໝອນ ທໍາມະວົງ ເປັນຮອງຫົວໜ້າຂະແໜງຄຸ້ມຄອງ ແລະ ກວດກາ .
 |
ໃຫ້ກຽດມອບຂໍ້ຕົກລົງໂດຍທ່ານ ຄໍາພັນ ບຸນພາຄົມ , ພ້ອມນັ້ນໃນພິທີພະແນກຍຸຕິທໍາແຂວງກໍ່ໄດ້ມີການມອບ-ຮັບ ສະຖານທີ່ເຮັດວຽກ ແລະ ອຸປະກອນຮັບໃຊ້ຫ້ອງການຈໍານວນໜຶ່ງໃຫ້ແກ່ກອງປະຕິບັດຄໍາຕັດສິນຂອງສານ ປະຈໍາແຂວງຄໍາມ່ວນເຊິ່ງມອບໂດຍທ່ານ ລໍາພອນ ສີອັກສອນ ວ່າການຫົວໜ້າພະແນກຍຸຕິທໍາແຂວງ ແລະ ຮັບໂດຍທ່ານ ວຽງວິໄລ ພົມມະວົງ ຫົວໜ້າກອງປະຕິບັດຄໍາຕັດສິນຂອງສານ ປະຈໍາແຂວງຄໍາມ່ວນ . ນອກຈາກນັ້ນໃນພິທີທາງການນໍາຂອງກະຊວງຍັງໄດ້ມອບພິວເຕີ້ຕັ້ງໂຕະຈໍານວນ 1 ຊຸດມອບໃຫ້ກອງປະຕິບັດຄໍາຕັດສິນ ປະຈໍາແຂວງຄໍາມ່ວນເພື່ອນໍາໃຊ້ເຂົ້າໃນໜ້າທີ່ວຽກງານ ແລະ ທາງພະແນກຍຸຕິທໍາແຂວງກໍ່ໄດ້ມອບຂອງທີ່ລະນຶກໃຫ້ແກ່ທ່ານຮອງລັດຖະມົນຕີ .
ຫຼັງຈາກນັ້ນທ່ານ ຄໍາພັນ ບຸນພາຄົມ ກໍ່ໄດ້ມີຄໍາເຫັນໂອ້ລົມ ແລະ ໃຫ້ທິດຊີ້ນໍາຕໍ່ຄະນະກອງປະຕິບັດຄໍາຕັດສິນຂອງສານ ປະຈໍາແຂວງຄໍາມ່ວນຊຸດ ໃໝ່ເຊິ່ງທ່ານໄດ້ຊີ້ນໍາໃນຫຼາຍບັນຫາສໍາຄັນເປັນຕົ້ນແມ່ນການແບ່ງງານ, ແບ່ງຄວາມຮັບຜິດຊອບໃນການປະຕິບັດວຽກງານ ແລະ ປັນຫາອື່ນໆທີ່ກ່ຽວພັນກັບການຕັດສິນຂອງການສານ ແລະ ການປະຕິບັດຄໍາຕັດສິນຂອງສານ .(ຂ່າວ:ແດງສະຫວັນ)
ຄໍາເຫັນ