ທ່ານ ໄຊຊະນະ ສີສະຫວັດ ປະທານຄະນະກຳມະການປົກຄອງເມືອງລະຄອນເພັງ ໄດ້ລາຍງານວ່າ: ຕາແສງພູຖ້ຳພວງ ມີບຸກຄະລາກອນທັງໝົດ 13 ທ່ານ, ຍິງ 1 ທ່ານ, ປະກອບມີ 5 ໜ່ວຍງານຄື: ໜ່ວຍງານບໍລິຫານ-ການປົກຄອງ, ໜ່ວຍງານພັກ-ອົງການຈັດຕັ້ງມະຫາຊົນ, ໜ່ວຍງານເສດຖະກິດ-ການເງິນ, ໜ່ວຍງານວັດທະນະທຳ-ສັງຄົມ ແລະ ໜ່ວຍງານປ້ອງກັນຊາດ-ປ້ອງກັນຄວາມສະຫງົບ, ເຊິ່ງແມ່ນຕາແສງໜຶ່ງ ທີ່ນອນຢູ່ໃນ 5 ຕາແສງຂອງເມືອງລະຄອນເພັງ, ມີເງື່ອນໄຂໃນການຜະລິດກະສິກຳ ປູກເຂົ້າ, ປູກພືດ, ລ້ຽງສັດ ແລະ ເໝາະສົມແກ່ການຂົນສົ່ງ, ການທ່ອງທ່ຽວ, ການບໍລິການ ແລະ ການແລກປ່ຽນສິນຄ້າ, ນອກນັ້ນຍັງມີສະຖານທີ່ທ່ອງທ່ຽວທາງທຳມະຊາດ, ວັດທະນະທຳ ແລະ ຮີດຄອງປະເພນີທີ່ເປັນເອກະລັກ ເຊິ່ງເປັນທ່າແຮງໜຶ່ງໃນການພັດທະນາການທ່ອງທ່ຽວ ເພື່ອສ້າງລາຍຮັບໃຫ້ແກ່ປະຊາຊົນ, ເປັນຈຸດສຸມພັດທະນາ ແລະ ໄດ້ຮັບການປະກາດເປັນບ້ານໃຫຍ່ກາຍເປັນຕົວເມືອງນ້ອຍໃນຊົນນະບົດໃນປີ 2024 ເຊິ່ງມີເນື້ອທີ່ທັງໝົດ 16 ພັນກ່ວາເຮັກຕາ, ມີ 13 ບ້ານຂຶ້ນກັບ, ມີພົນລະເມືອງທັງໝົດ 10 ພັນກວ່າຄົນ, ຍິງ 5 ພັນກວ່າຄົນ, 1 ພັນກວ່າຄອບຄົວ, ປະກອບມີ 15 ໜ່ວຍພັກຮາກຖານບ້ານ, ມີຄະນະໜ່ວຍພັກຮາກຖານທັງໝົດ 32 ສະຫາຍ, ສະມາຊິກພັກ 176 ສະຫາຍ, ຍິງ 33 ສະຫາຍ.
ໂອກາດນີ້, ໄດ້ຜ່ານຂໍ້ຕົກລົງຂອງປະທານຄະນະກຳມະການປົກຄອງແຂວງ ເລກທີ 436 ວ່າດ້ວຍການສ້າງຕັ້ງຕາແສງພູຖໍ້າພວງ, ຂໍ້ຕົກລົງແຕ່ງຕັ້ງປະທານ-ຮອງປະທານ ແລະ ມະຕິຕົກລົງວ່າດ້ວຍການບົ່ງຕົວແຕ່ງຕັ້ງຄະນະບໍລິຫານງານພັກຮາກຖານຕາແສງຄື: ທ່ານ ພອນສະຫວັນ ແພງດວງຫຼ້າ ກຳມະການພັກເມືອງ ເປັນເລຂາຄະນະບໍລິຫານງານພັກຮາກຖານ ປະທານຄະນະກຳມະການປົກຄອງຕາແສງ, ທ່ານ ພັັຕ ບຸນທະວີ ຄັນທະລືໄຊ ເປັນຮອງເລຂາຄະນະພັກ ຮອງປະທານຄະນະກຳມະການປົກຄອງຕາແສງ, ທັງເປັນປະທານກວດກາ, ທ່ານ ພັຕ ຄຳສຸກ ຄຸນພັນດາ ເປັນຮອງປະທານຄະນະກຳມະການປົກຄອງຕາແສງ ເປັນຮອງປະທານກວດກາຄະນະບໍລິຫານງານພັກຮາກຖານຕາແສງ, ທ່ານ ອະນຸພາບ ຂັນສັກດາ ແລະ ທ່ານ ພັຕ ສົມສັກ ວົງພູທອນ ເປັນກຳມະການຄະນະບໍລິຫານງານພັກຮາກຖານຕາແສງ ເພື່ອນຳພາ-ຊີ້ນຳວຽກງານໃຫ້ໄດ້ຮັບການຈັດຕັ້ງປະຕິບັດຕາມພາລະບົດບາດ, ເສີມຂະຫຍາຍບົດບາດການນຳພາຂອງພັກ.
ຂ່າວ-ພາບ: ທອງດໍາ ວົງວຽງໄຊ
ຄໍາເຫັນ