 |
ສະຫາຍ ພັນໂທ ພອນໄຊ ທໍາແສນໄຊ ຫົວໜ້າພະແນກພະນັກງານ ຫ້ອງການເມືອງ ກອງບັນຊາການທະຫານແຂວງ ໄດ້ຜ່ານຂໍ້ຕົກລົງກະຊວງປ້ອງກັນປະເທດ ວ່າດ້ວຍການແຕ່ງຕັ້ງໜ້າທີ່ຢູ່ກອງບັນຊາການທະຫານເມືອງຍອດອູ, ໃນນີ້ຕົກລົງແຕ່ງຕັ້ງສະຫາຍ ພັນໂທ ແປງຈ້ອຍ ອິນຕະ ເປັນຮອງຫົວໜ້າການເມືອງ ທັງເປັນຫົວໜ້າພະແນກການເມືອງ, ສະຫາຍ ພັນຕີ ບຸນທິດ ກັນໃຈ ເປັນຮອງຫົວໜ້າກອງບັນຊາການ ຮັບຜິດຊອບວຽກງານພະລາທິການ ທັງເປັນຫົວໜ້າພະແນກພະລາທິການ ແລະ ຜ່ານຂໍ້ຕົກລົງຂອງກົມໃຫຍ່ການເມືອງກອງທັບ ວ່າດ້ວຍການແຕ່ງຕັ້ງຫົວໜ້າພະແນກບໍລິຫານ. ໃນນີ້ແຕ່ງຕັ້ງສະຫາຍ ພັນໂທ ຊາຍຄໍາ ສີທິວົງ ເປັນຫົວໜ້າພະແນກບໍລິຫານ ກອງບັນຊາການທະຫານເມືອງຍອດອູ.
ໂອກາດນີ້, ສະຫາຍ ພົນຈັດຕະວາ ຊຽງເພັງ ບົວລະວົງ ໄດ້ໂອ້ລົມເນັ້ນໜັກ ຕໍ່ຜູ້ທີ່ຖືກແຕ່ງຕັ້ງໜ້າທີ່ ໃໝ່ ຈົ່ງເພີ່ມທະວີຄວາມເອົາໃຈໃສ່ ເປັນຕົ້ນຄວາມເປັນແບບຢ່າງທີ່ດີ ໃນການປະຕິບັດໜ້າທີ່ວຽກງານ, ເພີ່ມທະວີຄວາມສາມັກຄີພາຍໃນໝູ່ຄະນະໃຫ້ມີຄວາມສະຫງົບໜັກແໜ້ນ.
ຂ່າວ-ພາບ: ຮ້ອຍໂທ ທອງໄຊ ແສງອຸດົມ
ຄໍາເຫັນ