 |
ໃນພິທີ, ສະຫາຍ ທົງສັກ ກົມມະເມືອງ ຮອງຫົວໜ້າກົມຄຸ້ມຄອງພະນັກງານ ຄະນະຈັດຕັ້ງສູນກາງພັກ ໄດ້ຜ່ານຄຳສັ່ງ, ມະຕິຕົກລົງ ແລະ ລັດຖະດຳລັດ ວ່າດ້ວຍການແຕ່ງຕັ້ງ, ບົ່ງຕົວແຕ່ງຕັ້ງ ແລະ ຍົກຍ້າຍນາຍຕຳຫຼວດຂັ້ນສູງຂອງກະຊວງ ປກສ. ໃນນີ້, ແຕ່ງຕັ້ງນາຍຕຳຫຼວດຂັ້ນສູງຈໍານວນ 5 ສະຫາຍຄື: ແຕ່ງຕັ້ງສະຫາຍ ພົນຕີ ສຸລິນະ ແກ້ວປະເສີດ ເປັນຮອງລັດຖະມົນຕີ ທັງເປັນຫົວໜ້າກົມໃຫຍ່ການເມືອງ ປກສ, ສະຫາຍ ພົນຕີ ໜູຈອນ ກ້ອນທອງດຳ ເປັນຮອງລັດຖະມົນຕີ ກະຊວງ ປກສ, ສະຫາຍ ພົນຈັດຕະວາ ກອງສະຫວັດ ບຸນລ້ຽງ ເປັນຮອງລັດຖະມົນຕີ ທັງເປັນຫົວໜ້າກົມໃຫຍ່ຕຳຫຼວດ, ສະຫາຍ ພົນຈັດຕະວາ ອານຸເດດ ຄູນຄຳ ເປັນຫົວໜ້າຫ້ອງວ່າການ ກະຊວງ ປກສ, ສະຫາຍ ພົນຈັດຕະວາ ອຸດົມ ສີສົງຄາມ ເປັນຫົວໜ້າກົມໃຫຍ່ພະລາທິການ ກະຊວງ ປກສ.
ປະກາດມະຕິຕົກລົງ ວ່າດ້ວຍການບົ່ງຕົວແຕ່ງຕັ້ງຮອງເລຂາຄະນະພັກ, ປະທານຄະນະກວດກາພັກ, ກຳມະການປະຈຳພັກ, ກຳມະການຄະນະບໍລິຫານງານພັກກະຊວງ ປກສ ດັ່ງນີ້: ບົ່ງຕົວແຕ່ງຕັ້ງສະຫາຍ ພົນຈັດຕະວາ ຄອນສະຫວັນ ສົມພາໄຊ ກຳມະການສູນກາງພັກ ເປັນຮອງເລຂາຄະນະບໍລິຫານງານພັກກະຊວງ ປກສ, ສະຫາຍ ພົນຈັດຕະວາ ແອນ ອຸ່ນອານົງນຸດ ເປັນປະທານຄະນະກວດກາພັກ, ສະຫາຍ ພົນຈັດຕະວາ ອານຸເດດ ຄູນຄໍາ, ສະຫາຍ ພົນຈັດຕະວາ ອຸດົມ ສີສົງຄາມ, ສະຫາຍ ພົນຈັດຕະວາ ສາຍສະໝິງ ສີວິໄລ ແລະ ສະຫາຍ ພົນຈັດຕະວາ ສາລີ ພຸດທະວົງ ເປັນກຳມະການຄະນະບໍລິຫານງານພັກກະຊວງ ປກສ.
 |
ຈາກນັ້ນ, ຍັງໄດ້ປະກາດເລື່ອນຊັ້ນໃຫ້ນາຍຕຳຫຼວດຂັ້ນສູງ ປະກອບມີ: ເລື່ອນຊັ້ນ ພົນຈັດຕະວາ ຂຶ້ນ ພົນຕີ ຈຳນວນ 3 ສະຫາຍ ຄື:
1. ສະຫາຍ ພົນຕີ ຄອນສະຫວັນ ສົມພາໄຊ ຮອງລັດຖະມົນຕີ ກະຊວງ ປກສ
2. ສະຫາຍ ພົນຕີ ແອນ ອຸ່ນອານົງນຸດ ຮອງລັດຖະມົນຕີ ຫົວໜ້າກົມໃຫຍ່ສັນຕິບານ
3. ສະຫາຍ ພົນຕີ ກອງສະຫວັດ ບຸນລ້ຽງ ຮອງລັດຖະມົນຕີ ຫົວໜ້າກົມໃຫຍ່ຕຳຫຼວດ.
ພ້ອມນີ້, ຍັງໄດ້ປະກາດເລື່ອນຊັ້ນ ພັນເອກ ຂຶ້ນ ພົນຈັດຕະວາ ຈຳນວນ 15 ສະຫາຍ ດັ່ງນີ້:
1. ສະຫາຍ ພົນຈັດຕະວາ ເພີນຄຳ ແສງດາລາ ຮອງຫົວໜ້າກົມໃຫຍ່ການເມືອງ.
2. ສະຫາຍ ພົນຈັດຕະວາ ວຽງໄຊ ທຳມະສິດ ຮອງຫົວໜ້າກົມໃຫຍ່ການເມືອງ.
3. ສະຫາຍ ພົນຈັດຕະວາ ບຸນຫຼວງ ວິໄລສຸກ ຮອງຫົວໜ້າກົມໃຫຍ່ຕຳຫຼວດ.
4. ສະຫາຍ ພົນຈັດຕະວາ ສົມເພັດ ເພົ້າວົງດີ ຮອງຫົວໜ້າກົມໃຫຍ່ຕຳຫຼວດ.
5. ສະຫາຍ ພົນຈັດຕະວາ ຄຳໄພ ຄຳພາວົງສ໌ ຮອງຫົວໜ້າກົມໃຫຍ່ສັນຕິບານ.
6. ສະຫາຍ ພົນຈັດຕະວາ ພັນ ວົງພະໄຕ ຮອງຫົວໜ້າກົມໃຫຍ່ສັນຕິບານ.
7. ສະຫາຍ ພົນຈັດຕະວາ ສຸພັນທອງ ໄຄ້ຍະວົງ ຫົວໜ້າກົມກວດກາ-ກວດການ.
8. ສະຫາຍ ພົນຈັດຕະວາ ບຸນທົງ ສີດາວົງ ຫົວໜ້າກອງບັນຊາການປ້ອງກັນສູນກາງ.
9. ສະຫາຍ ພົນຈັດຕະວາ ດວງຈັນ ໄຊວຸດ ຫົວໜ້າກອງບັນຊາການ ປກສ ແຂວງອຸດົມໄຊ.
10. ສະຫາຍ ພົນຈັດຕະວາ ຄຳສິນ ຜິວວັນນາ ຫົວໜ້າກອງບັນຊາການ ປກສ ແຂວງໄຊຍະບູລີ.
11. ສະຫາຍ ພົນຈັດຕະວາ ອຸໄດ ອິນສຸວັນ ຫົວໜ້າກອງບັນຊາການ ປກສ ແຂວງໄຊສົມບູນ.
12. ສະຫາຍ ພົນຈັດຕະວາ ຈັນໄຊ ນັນທະວົງ ຫົວໜ້າກອງບັນຊາການ ປກສ ແຂວງຄຳມ່ວນ.
13. ສະຫາຍ ພົນຈັດຕະວາ ລຳພົງ ໄຊທອງ ຫົວໜ້າກອງບັນຊາການ ປກສ ແຂວງສະຫວັນນະເຂດ.
14. ສະຫາຍ ພົນຈັດຕະວາ ບຸນອ່ຽງ ພັນວົງສາ ຫົວໜ້າກອງບັນຊາການ ປກສ ແຂວງຈຳປາສັກ.
15. ສະຫາຍ ພົນຈັດຕະວາ ສັກສິດ ສີພັນດວງ ຫົວໜ້າກອງບັນຊາການ ປກສ ແຂວງອັດຕະປື.
 |
ນອກນັ້ນ, ຍັງປະກາດຍົກຍ້າຍພະນັກງານການນໍາຊັ້ນສູງໄປຮັບໜ້າທີ່ໃໝ່ ຄື: ສະຫາຍ ພົຈວ ຄຳແຟງ ວັນດີໄຊ ຫົວໜ້າກົມຄົ້ນຄວ້າວິທະຍາສາດ ແລະ ປະຫວັດສາດ ກະຊວງ ປກສ ໄປຮັບໜ້າທີ່ໃໝ່ຢູ່ສະພາແຫ່ງຊາດ.
ໂອກາດນີ້, ສະຫາຍ ພົນເອກ ວິໄລ ຫຼ້າຄໍາຟອງ ໄດ້ໃຫ້ກຽດຂຶ້ນມອບມະຕິຕົກລົງ, ລັດຖະດຳລັດ ແລະ ປະດັບຊັ້ນໃຫ້ບັນດາສະຫາຍທີ່ໄດ້ຮັບການແຕ່ງຕັ້ງ ແລະ ເລື່ອນຊັ້ນໃໝ່ຢ່າງສົມກຽດ; ພ້ອມທັງໂອ້ລົມເນັ້ນໜັກຕໍ່ຜູ້ທີ່ໄດ້ຮັບການແຕ່ງຕັ້ງ ແລະ ເລື່ອນຊັ້ນໃນຄັ້ງນີ້ ຈົ່ງຍົກສູງຄວາມຮັບຜິດຊອບຕໍ່ໜ້າທີ່ການເມືອງ, ເພີ່ມທະວີຄວາມສາມັກຄີພາຍໃນ ແລະ ຝຶກຝົນຫຼ່ໍຫຼອມຕົນເອງໃນທຸກດ້ານ ເພື່ອເປັນກຳລັງຫຼັກແຫຼ່ງໃນການປົກປັກຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍຂອງສັງຄົມ.
ຂ່າວ: ບຸນພະຈັນ; ພາບ: ຄຳໂຖ
ຄໍາເຫັນ