ເຄື່ອນໄຫວຊຸກຍູ້ວຽກງານແນວລາວສ້າງຊາດ ຢູ່ 2 ເມືອງ

ປະທານ ສູນກາງແນວລາວສ້າງຊາດ ເຄື່ອນໄຫວເຮັດວຽກຢູ່ແຂວງສະຫວັນນະເຂດ

14:01 11/10/2024

ເມື່ອບໍ່ດົນຜ່ານມານີ້, ທ່ານ ສິນລະວົງ ຄຸດໄພທູນ ກໍາມະການກົມການເມືອງສູນກາງພັກ ປະທານສູນກາງແນວລາວສ້າງຊາດ (ສນຊ)

ພ້ອມດ້ວຍຄະນະໄດ້ລົງເຄື່ອນໄຫວຊຸກຍູ້ວຽກງານແນວລາວສ້າງຊາດ ຢູ່ 2 ເມືອງ ຂອງແຂວງສະຫວັນນະເຂດ ຄື: ນະຄອນໄກສອນພົມວິຫານ ແລະ ເມືອງເຊໂປນ; ເພື່ອລົງຊຸກຍູ້ວຽກງານແນວລາວສ້າງຊາດ ໂດຍສະເພາະແມ່ນ ການກະກຽມດໍາເນີນກອງປະຊຸມໃຫຍ່ຂອງແນວລາວສ້າງຊາດ ຂັ້ນແຂວງ ແລະ ຂັ້ນເມືອງ, ກະກຽມສະເຫຼີມສະຫຼອງ 3 ວັນປະຫວັດສາດ ໃນປີ 2025 ຄື: ວັນຊາດ ຄົບຮອບ 50 ປີ (2/12/1975-2/12/2025), ວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 70 ປີ (22/3/1955-22/3/2025) ແລະ ວັນເກີດປະທານ ໄກສອນ ພົມວິຫານ ຄົບຮອບ 105 ປີ (13/12/1920-13/12/2025) ແລະ ມີຄໍາເຫັນຕໍ່ບົດບາດຂອງວຽກງານແນວໂຮມໃນໄລຍະໃໝ່; ນອກຈາກນີ້, ຄະນະຍັງໄດ້ລົງຢ້ຽມຢາມ ແລະ ມອບຄອມພີວເຕີ ຈໍານວນ 2 ຊຸດ ໃຫ້ແກ່ຫໍສະໝຸດ ເມືອງ ເຊໂປນ ເພື່ອນໍາໃຊ້ໃນວຽກງານບໍລິຫານຫໍສະໝຸດ; ພ້ອມກັນນັ້ນ ຍັງໄດ້ຮັບເອົາຄໍາສະເໜີຂອງ 2 ເມືອງດັ່ງກ່າວເພື່ອນໍາມາຄົ້ນຄວ້າຕໍ່ຄະນະປະຈໍາສູນກາງແນວລາວສ້າງຊາດ ເຊັ່ນ: ສະເໜີຂໍງົບປະມານໃນການລົງເຄື່ອນໄຫວທ້ອງຖິ່ນ ເພີ່ມຕື່ມ, ພາຫະນະຮັບໃຊ້ ແລະ ອຸປະກອນໄອທີ ທີ່ມີຄວາມຈໍາເປັນໃນການເຮັດວຽກປະຈໍາວັນ.

ຈາກນັ້ນ, ຄະນະກໍໄດ້ລົງໄປຢ້ຽມຢາມກອງທຶນບ້ານສາມັກຄີພັດທະນາແນວລາວສ້າງຊາດ ບ້ານ ດົງຄໍາໝື່ນ ເມືອງຈໍາພອນ. ການເຄື່ອນໄຫວວຽກງານກອງທືນໃນໄລຍະ 5 ປີ ຜ່ານມາ (2019-2024) ເຫັນວ່າ: ການເຄື່ອນໄຫວວຽກງານກອງທືນ ຂອງບ້ານ ດົງຄໍາໝື່ນ ສາມາດຊຸກຍູ້ໃຫ້ຊາວກະສິກອນປະຊາຊົນພາຍໃນບ້ານ ແລະ ເມືອງໃນການທໍາການຜະລິດຂະຫຍາຍຕົວຂຶ້ນກວ່າເກົ່າ; ຈາກນັ້ນ, ຍັງໄດ້ໄປຢ້ຽມຢາມພື້ນຖານການຜະລິດ ຈໍານວນໜຶ່ງເຊັ່ນ: ບໍລິສັດ ຊັນເປັບເປິໂຮນດິງ ທີ່ເມືອງ ເຊໂປນ ແລະ ໂຮງງານຜະລິດນໍ້າດື່ມ - ນໍ້າກ້ອນໂລມາຄໍາ.

(ແຫຼ່ງຂ່າວ: ສນຊ)

ຄໍາເຫັນ

ຂ່າວວັດທະນະທຳ-ສັງຄົມ

ໄຟຟ້າຫົງສາມອບກອງທຶນຄຸ້ມຄອງລະບົບສາຍສົ່ງໄຟຟ້າແຮງສູງ 500 ກິໂລໂວນ

09/07/2026 15:02

ເມື່ອບໍ່ດົນມານີ້, ພະແນກຊຸມຊົນສໍາພັນ ຝ່າຍພັດທະນາສັງຄົມ ສາຍງານກິດຈະການອົງກອນບໍລິສັດ ໄຟຟ້າ ຫົງສາ ຈໍາກັດໄດ້ຈັດພິທີ ມອບກອງທຶນຄຸ້ມຄອງ ແລະ ປົກປັກຮັກສາລະບົບສາຍສົ່ງໄຟຟ້າແຮງສູງ 500 ກິໂລໂວນ ງວດທີ່ 1 ເດືອນພຶດສະພາ - ມິຖຸນາ 2026 ໃຫ້ເມືອງຫົງສາ, ເມືອງເງິນ ແລະ ເມືອງຊຽງຮ່ອນ ລວມທັງໝົດ ຈໍານວນ 200 ລ້ານກີບ ລວມພື້ນທີ່ແລວສາຍສົ່ງໄລຍະທາງທັງໝົດ 67 ກິໂລເມັດ.

ແກ່ນທ້າວ ປ່ອຍປາສະຫຼອງວັນປ່ອຍປາ ແລະ ສັດນໍ້າແຫ່ງຊາດ

09/07/2026 15:00

ເມືອງແກ່ນທ້າວ ແຂວງໄຊຍະບູລີ ໄດ້ຈັດພິທີສະເຫຼີມສະຫຼອງວັນປ່ອຍປາ ແລະ ສັດນໍ້າແຫ່ງຊາດ (13 ກໍລະກົດ) ຢ່າງຄຶກຄື້ນ ໃນວັນທີ 8 ກໍລະກົດນີ້ ທີ່ບ້ານດອນເມນໂດຍມີ ທ່ານ ຄຳເຫຼັກ ແກ້ວວິໄລພອນ ກຳມະການປະຈຳພັກແຂວງປະທານຄະນະກວດກາພັກປະທານອົງການກວດກາລັດແຂວງ,ມີທ່ານ ຄໍາປຸ່ນ ນວນສະບັບ ກໍາມະການພັກແຂວງເລຂາຄະນະບໍລິຫານງານພັກເມືອງ, ມີການນຳເມືອງແລະພາກສ່ວນກ່ຽວຂ້ອງເຂົ້າຮ່ວມ.

ປີນີ້ ມີແຜນປ່ອຍປາ ແລະ ສັດນໍ້າ ໃຫ້ໄດ້ທັງໝົດ 72 ລ້ານໂຕ

09/07/2026 14:55

ເນື່ອງໃນໂອກາດຈະເຖິງວັນປ່ອຍປາ ແລະ ສັດນໍ້າ ແຫ່ງຊາດ, ທ່ານ ລິນຄໍາ ດວງສະຫວັນ ລັດຖະມົນຕີ ກະຊວງກະສິກໍາ ແລະ ສິ່ງແວດລ້ອມ ໄດ້ຖະແຫຼງຂ່າວວັນປ່ອຍປາ ແລະ ສັດນໍ້າແຫ່ງຊາດໃນວັນທີ 9 ກໍລະກົດນີ້ ທີ່ກະຊວງກະສິກໍາ ແລະ ສິ່ງແວດລ້ອມ ຊຶ່ງໄດ້ກ່າວວ່າ: ວັນທີ 13 ກໍລະກົດ ຂອງທຸກໆປີ ເປັນວັນປ່ອຍປາ ແລະ ສັດນໍ້າແຫ່ງຊາດ ເພື່ອຄຸ້ມຄອງ, ປົກປັກຮັກສາ ແລະ ພັດທະນາສັດນໍ້າ ໃຫ້ອຸດົມສົມບູນ ແລະ ມີຄວາມຍືນຍົງ, ໂດຍໄດ້ເລີ່ມແຕ່ປີ 1997 ເປັນຕົ້ນມາ ແລະ ໃນປີນີ້ ກໍຄົບຮອບ 29 ປີ. ນອກຈາກນີ້, ວັນດັ່ງກ່າວ ຍັງກົງກັບ ວັນເກີດຂອງ ປະທານ ສຸພານຸວົງ ຜູ້ນໍາທີ່ ແສນເຄົາລົບຮັກ ຂອງປວງຊົນລາວທັງຊາດ.

ການນຳເມືອງຄູນຄຳລົງຕິດຕາມສະພາບນ້ຳຖ້ວມ

09/07/2026 14:54

ເມືອງຄູນຄຳ ແຂວງຄຳມ່ວນ ມີຝົນຕົກໜັກຕິດຕໍ່ກັນຫຼາຍວັນ,ມາຮອດວັນທີ 07 ກໍລະກົດ 2026 ເຮັດໃຫ້ລະດັບນ້ຳເພີ່ມຂຶ້ນຫຼາຍ, ດັ່ງນັ້ນ, ທ່ານ ຄຳປ່ຽນ ມະນີຄຳ ກຳມະການພັກແຂວງ ເລຂາພັກເມືອງຄູນຄຳ, ທ່ານ ພົມມະລາ ຄານລາຫວັນ ຮອງເລຂາພັກເມືອງ ປະທານຄະນະກຳມະການປົກຄອງເມືອງຄູນຄຳ, ຄະນະກຳມະການຄຸ້ມຄອງໄພພິບັດຂັ້ນເມືອງ ພ້ອມດ້ວຍຂະແໜງການທີ່ກ່ຽວຂ້ອງໄດ້ພ້ອມກັນລົງຕິດຕາມສະພາບຢ່າງໃກ້ສິດ.

ອັດຕະປື ມີແຜນການຈະປ່ອຍປາ ລົງສູ່ແຫຼ່ງນໍ້າທໍາມະຊາດ ໃຫ້ໄດ້ຫຼາຍກວ່າ 7.6 ລ້ານໂຕ

09/07/2026 14:45

ປີ 2026 ນີ້ ແຂວງອັດຕະປື ກະກຽມປ່ອຍລູກປາ ຫຼາກຫຼາຍຊະນິດລົງສູ່ແຫຼ່ງນໍ້າທໍາມະຊາດ ໃຫ້ໄດ້ຫຼາຍກວ່າ 7.6 ລ້ານໂຕ, ໃນນີ້ ສະເພາະ ວັນປ່ອຍປາ ແລະ ສັດນໍ້າແຫ່ງຊາດ ວັນທີ 13 ກໍລະກົດ 2026 ຢູ່ບັນດາ 5 ຕົວເມືອງຂອງແຂວງ ແມ່ນຈະປ່ອຍລູກປາ ໃຫ້ໄດ້ 218,500 ໂຕ ແລະ ພິທີໃຫຍ່ຂອງແຂວງ ຈະຈັດຂຶ້ນທີ່ວັງສະຫງວນເຊນໍ້ານ້ອຍ, ບ້ານໃຫຍ່ໝື່ນຫົວເມືອງເມືອງສາມັກຄີໄຊ, ສ່ວນທີ່ເຫຼືອຈະສືບຕໍ່ປ່ອຍຕາມແຜນການຂອງແຕ່ລະເມືອງ ໃຫ້ໄດ້ທັງໝົດ 7.4 ລ້ານກວ່າໂຕ.

ແກ່ນທ້າວ ປະກາດສ້າງຕັ້ງ ຕາແສງ ດອນເມນ ເປັນຕາແສງສຸດທ້າຍຂອງເມືອງ

09/07/2026 14:43

ພິທີປະກາດສ້າງຕັ້ງ ຕາແສງ ດອນເມນ ເມືອງແກ່ນທ້າວ ແຂວງໄຊຍະບູລີ ໄດ້ຈັດຂຶ້ນໃນວັນທີ 8 ກໍລະກົດ 2026 ນີ້ ທີ່ບ້ານດອນເມນ ໂດຍມີທ່ານ ຄຳເຫຼັກ ແກ້ວວິໄລພອນ ກຳມະການປະຈຳພັກແຂວງປະທານຄະນະກວດກາພັກປະທານອົງການກວດກາລັດແຂວງ,ທ່ານ ຄໍາປຸ່ນ ນວນສະບັບ ກໍາມະການພັກແຂວງເລຂາຄະນະບໍລິຫານງານພັກເມືອງ,ທ່ານ ຈິນດາ ກະທາທອງ ຮອງເລຂາຄະນະບໍລິຫານງານພັກເມືອງ, ມີການນໍາຂັ້ນແຂວງ, ຂັ້ນເມືອງແລະພາກສ່ວນກ່ຽວຂ້ອງເຂົ້າຮ່ວມ.

ສື່ມວນຊົນ ທັດສະນະສຶກສາ ຢູ່ບໍລິສັດໄຟຟ້າ ນ້ຳເທີນ 2 ແຂວງຄໍາມ່ວນ

09/07/2026 12:59

ໂຄງການສ້າງຄວາມເຂັ້ມແຂງໃຫ້ແກ່ສື່ມວນຊົນ ໂດຍການມີສ່ວນຮ່ວມຂອງອົງການຈັດຕັ້ງມະຫາຊົນ ແລະ ອົງການຈັດຕັ້ງສັງຄົມ ເພື່ອການພັດທະນາສີຂຽວ ໃນ ສປປ ລາວ ຫຼື GAMCIL ໄດ້ນຳພາສຳມະນາກອນສື່ມວນຊົນ ທີ່ມາຈາກ 6 ແຂວງ, ພາກກາງ ແລະ ພາກໃຕ້ ເຄື່ອນໄຫວທັດສະນະສຶກສາຮູບແບບການທ່ອງທ່ຽວແບບອະນຸລັກ ໂດຍຊຸມຊົນມີສ່ວນຮ່ວມ ແລະ ການຄຸ້ມຄອງສິ່ງແວດລ້ອມ ຢູ່ທີ່ບໍລິສັດໄຟຟ້າ ນ້ຳເທີນ 2 ເມືອງນາກາຍ ແຂວງຄໍາມວ່ນ , ນໍາພາໂດຍ ທ່ານ ທອງຫຼໍ່ ດວງສະຫວັນ ຄະນະສະມາຄົມນັກຂ່າວແຫ່ງ ສປປ ລາວ ແລະ ນາງ ບົວຄຳ ດວງປັນຍາ ຫົວໜ້າໂຄງການ GAMCIL ພ້ອມດ້ວຍຄະນະຜູ້ປະສານງານໂຄງການເຂົ້າຮ່ວມ.

ອັດຕະປື ສ້າງໄດ້ 18 ບ້ານແມ່ຍິງ 3 ດີ

09/07/2026 11:00

ປັດຈຸບັນແຂວງອັດຕະປື ກໍ່ຄືສະຫະພັນແມ່ຍິງແຂວງ ໄດ້ສຸມໃສ່ການສ້າງບ້ານແມ່ຍິງ 3 ດີ ແລະ ສ້າງຄອບຄົວ 3 ດີ, ຊຶ່ງສ້າງໄດ້ແລ້ວ ຈໍານວນ 18 ບ້ານ ໂດຍມີຄອບຄົວເຂົ້າຮ່ວມທັງໝົດ 4,836 ຄອບຄົວ, ໃນນັ້ນ ຄອບຄົວປະເພດແຂງ ມີ 3,840 ຄອບຄົວ ກວມ 79.40%, ປະເພດກາງ 958 ຄອບຄົວ ກວມ 19.80% ແລະ ປະເພດອ່ອນ ມີພຽງ 38 ຄອບຄົວ ກວມ 0.78% ຂອງຈໍານວນຄອບຄົວທີ່ເຂົ້າຮ່ວມທັງໝົດ.

ສຊປລ ສໍາຫຼວດພື້ນທີ່ເພື່ອຈະນໍາແສງສະຫວ່າງ ແລະ ສັນຍານອິນເຕີເນັດລົງສູ່ຊົມຊົນ

09/07/2026 10:59

ໃນວັນທີ 7 ກໍລະກົດ 2026 ທ່ານ ທອງລີ ສີສຸລິດ ກໍາມະການສູນການພັກ, ເລຂາຄະນະບໍລິຫານງານ ສູນກາງຊາວໜຸ່ມປະຊົນປະຕິວັດລາວ(ສຊປລ) ພ້ອມດ້ວຍ ຄະນະຊາວໜຸ່ມ ກະຊວງເຕັກໂນໂລຊີ ແລະ ການສື່ສານ, ລັດວິສາຫະກິດໄຟຟ້າລາວ ພ້ອມດ້ວຍຄະນະ ແລະ ການນໍາແຂວງເມືອງລົງສໍາຫຼວດພື້ນທີ່ເຂດຈຸດສຸມພັດທະນາ ຢູ່ບ້ານແຮ້ວເມືອງວຽງໄຊ ແຂວງຫົວພັນ.

ປະທານສກລ ເຄື່ອນໄຫວຊຸກຍູ້ວຽກງານກຳມະບານຮອບດ້ານ ຢູ່ແຂວງອັດຕະປື

09/07/2026 10:57

ວັນທີ 8 ກໍລະກົດ 2026, ທີ່ຫ້ອງຮັບແຂກ ຫ້ອງວ່າການແຂວງອັດຕະປືທ່ານ ຄຳຜອຍ ວັນນະສານກຳມະການສູນກາງພັກປະທານຄະນະບໍລິຫານງານສູນກາງສະຫະພັນກຳມະບານລາວ(ສກລ) ພ້ອມດ້ວຍຄະນະ ໄດ້ເຂົ້າຢ້ຽມ ແລະ ພົບປະ ທ່ານ ນາງ ມີນາພອນ ໄຊສົມພູ, ຮອງເລຂາພັກແຂວງອັດຕະປື.

ເພີ່ມເຕີມ