 |
ການເປີດໂຮງງານກັ່ນຫຼອມວັດຖຸມີຄ່າລາວ-ສາກົນ ຖືເປັນຂີດໝາຍທາງປະຫວັດສາດທີ່ສຳຄັນ ຂອງ ສປປ ລາວ ໃນການກ້າວເຂົ້າສູ່ຕະຫຼາດ ແລະ ອຸດສາຫະກຳຄໍາລະດັບໂລກ, ເປັນບາດກ້າວ ແລະ ຄວາມມຸ່ງໝັ້ນຕໍ່ການປະກອບສ່ວນຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແຫ່ງຊາດໃຫ້ນັບມື້ໄດ້ຮັບໝາກຜົນຫຼາຍຂຶ້ນ, ເຮັດໃຫ້ປະເທດລາວມີໂຮງງານກັ່ນຫຼອມຄໍາທີ່ໄດ້ມາດຕະຖານສາກົນ, ທັງເປັນການປະກາດຄວາມພ້ອມທີ່ປະເທດລາວຈະກ້າວຂຶ້ນມີບົດບາດສໍາຄັນໃນຕະຫຼາດຄໍາ ຊຶ່ງຄຳລາວ ຈະກາຍເປັນຫຼັກຊັບຄໍ້າປະກັນຄ່າເງິນກີບສ້າງຄວາມເຊື່ອໝັ້ນໃຫ້ແກ່ລະບົບເສດຖະກິດມະຫາພາກຂອງຊາດໃຫ້ມີຄວາມໝັ້ນຄົງ; ພ້ອມກັນນັ້ນ ໂຮງງານແຫ່ງນີ້ຈະເປັນຕົວແທນໃຫ້ແກ່ອຸດສາຫະກໍາຍຸກໃໝ່ທີ່ເນັ້ນໃສ່ຄວາມທັນສະໄໝແລະ ໄປຕາມທິດທີ່ຍືນຍົງ, ສະນັ້ນ ຈຶ່ງຖືໄດ້ວ່າ ນີ້ຄືຕົວແບບທີ່ຢັ້ງຢືນມາດຕະຖານອຸດສາຫະກໍາຂອງລາວກ້າວໄປສູ່ລະດັບສາກົນແບບສະຫງ່າງາມ.
 |
ໃນຕອນທ້າຍພິທີ, ທ່ານນາຍົກລັດຖະມົນຕີ ພ້ອມດ້ວຍການນຳຂັ້ນສູງ ແລະ ປະທານບໍລິສັດ ພີພີແອວ ໂຮນດິ້ງ ຈຳກັດ ໄດ້ພ້ອມກັນຕັດແຖບຜ້າ ເພື່ອເປີດການນຳໃຊ້ໂຮງງານ ຢ່າງເປັນທາງ ແລະ ໄດ້ໃຫ້ກຽດລັ່ນຄ້ອງ 9 ບາດ ເພື່ອເປັນສິລິມຸງຄຸນແກ່ການເປີດໂຮງງານ, ພ້ອມທັງສືບຕໍ່ຢ້ຽມຊົມອາຄານໂຮງງານດັ່ງກ່າວຕື່ມອີກ.
 |
ຂ່າວ ແລະ ພາບ: ກົມປະຊາສຳພັນຫສນຍ.
ຄໍາເຫັນ