ເປີດກອງປະຊຸມໃຫຍ່ຜູ້ແທນກໍາມະບານລາວທົ່ວປະເທດ ຄັ້ງທີ IX

ສະຫາຍ ເລັດ ໄຊຍະພອນ ກ່າວວ່າ: ກອງປະຊຸມໃຫຍ່ຜູ້ແທນກໍາມະບານລາວທົ່ວປະເທດ ຄັ້ງທີ IX ໃນຄັ້ງນີ້ພາຍໃຕ້ຫົວຂໍ້ “ຍົກສູງການນຳພາວຽກງານກຳມະບານ ປົກປ້ອງສິດຜົນປະໂຫຍດອັນຊອບທຳຂອງຊົນຊັ້ນກຳມະ ກອນພັດທະນາສີມືແຮງງານໃຫ້ເຂັ້ມແຂງຮອບດ້ານ ຕິດພັນກັບການສ້າງເສດຖະກິດເອກະລາດເປັນເຈົ້າຕົນເອງໃນໄລຍະໃໜ່” ແລະ ກອງປະຊຸມໃຫຍ່ຜູ້ແທນສະຫະພັນກຳມະບານລາວທົ່ວປະເທດ ຄັ້ງທີ IX ຈະໄດ້ສຸມໃສ່ຄົ້ນຄວ້າ ແລະ ຕົກລົງບັນຫາສໍາຄັນດັ່ງນີ້: ຈະໄດ້ພ້ອມກັນສະຫຼຸບຕີລາຄາ ແລະ ຮັບຮອງເອົາຮ່າງບົດລາຍງານການເມືອງໃນການຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນສະຫະພັນກໍາມະບານລາວຄັ້ງທີ VIII ໃນໄລຍະ 5 ປີຜ່ານມາ ແລະ ທິດທາງແຜນການ 5 ປີຕໍ່ໜ້າ 2026-2030 ຈະໄດ້ພ້ອມກັນສະຫຼຸບຕີລາຄາການຈັດຕັ້ງປະຕິບັດແຜນພັດ ທະນາວຽກງານກຳມະບານ 5 ປີ ຄັ້ງທີ IV ຊຶ່ງປະກອບມີ 9 ແຜນງານ 51 ໂຄງການ ແລະ ກໍານົດແຜນພັດທະ ນາວຽກງານກໍາມະບານລາວ 5 ປີ ຄັ້ງທີ V; ຈະໄດ້ຄົ້ນຄວ້າພິຈາລະນາ ແລະ ຮັບຮອງເອົາຮ່າງປັບປຸງກົດລະ ບຽບສະຫະພັນກຳມະບານລາວ ສະໄໝທີ IX; ຈະໄດ້ຄົ້ນຄວ້າພິຈາລະນາ ແລະ ຮັບຮອງເອົາຮ່າງປັບປຸງເນື້ອໃນຄຳຂວັນ ແລະ ຂໍ້ແຂ່ງຂັນ 5 ເປັນເຈົ້າຂອງສະຫະພັນກຳມະບານລາວ; ຈະໄດ້ພິຈາລະນາ ແລະ ຮັບຮອງເອົາຮ່າງບົດສໍາຫຼວດການນໍາພາລວມຂອງຄະນະບໍລິຫານງານສະຫະພັນກຳມະບານ ສກລ ສະໄໝທີ VIII; ຈະໄດ້ຮັບຟັງການປະກອບຄຳຄິດຄຳເຫັນຈາກສະຫະພັນກຳມະບານກະຊວງ, ອົງການ, ແຂວງ ແລະ ອົງການພາຄີກ່ຽວກັບການຈັດຕັ້ງປະຕິບັດວຽກງານກຳມະບານທີ່ພົ້ນເດັ່ນໄລຍະຜ່ານມາ. ຈະໄດ້ດໍາເນີນການປ່ອນບັດເລືອກຕັ້ງເອົາຄະ ນະບໍລິຫານງານ ສກລ ສະໄໝທີ IX ເພື່ອນໍາພາ-ຊີ້ນໍາການຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນສະຫະ ພັນກຳມະບານລາວຄັ້ງນີ້ໃຫ້ສຳເລັດຜົນຕາມຄາດໝາຍທີ່ກຳນົດໄວ້, ຈະໄດ້ຮັບຮອງເອົາຮ່າງມະຕິກອງປະຊຸມໃຫຍ່ຜູ້ແທນສະຫະພັນກໍາມະບານລາວທົ່ວປະເທດຄັ້ງທີ IX ເພື່ອເຮັດໃຫ້ກອງປະຊຸມໃຫຍ່ຄັ້ງນີ້ມີຄວາມໝາຍຄວາມສຳຄັນຜູ້ແທນກອງປະຊຸມຈະໄດ້ຮັບຟັງການໂອ້ລົມ ແລະ ໃຫ້ທິດຊີ້ນຳ ຈາກສະຫາຍ ສິນລະວົງ ຄຸດໄພທູນ ກໍາມະການກົມການເມືອງສູນກາງພັກ ປະທານ ສນຊ ເພື່ອເປັນເຂັມທິດເຍືອງທາງໃນການຈັດຕັ້ງປະຕິບັດ ແລະ ເຄື່ອນໄຫວວຽກງານຂອງສະຫະພັນກຳມະບານລາວໃນຂອບເຂດທົ່ວປະເທດໃຫ້ມີການພັດທະນາ ແລະ ເຕີບໃຫຍ່ເຂັ້ມແຂງຢ່າງບໍ່ຢຸດຢັ້ງ.

ຂ່າວ: ບຸນຕອມ