 |
ລະບົບ Smart Customs ປະກອບມີທັງໝົດ 19 ໂມດູນ ຊຶ່ງມີໂມດູນ Data Hub ທີ່ເປັນຕົວກາງທີ່ມີມາດຕະຖານຂັ້ນຕອນການເຊື່ອມຕໍ່ ແລກປ່ຽນຂໍ້ມູນລະຫວ່າງໂມດູນຕ່າງໆ ເປັນມາດຕະຖານດຽວກັນ ເພື່ອດຶງຂໍ້ມູນຈາກບັນດາລະບົບພາສີມາໄວ້ຈຸດດຽວ ໃຫ້ເປັນລະບົບລວມສູນຄົບຊຸດຢ່າງເຕັມຮູບແບບ ເປັນລະບົບລວມສູນການຄຸ້ມຄອງຂໍ້ມູນພາສີແບບເອເລັກໂຕຣນິກ ເປັນລະບົບຕົວກາງເພື່ອເຊື່ອມຕໍ່ກັບບັນດາລະບົບທັງໝົດທີ່ຕິດພັນກັບວຽກງານພາສີ ເຊື່ອມຕໍ່ຫາລະບົບຊຳລະສະສາງ ແລະ ພາກສ່ວນອື່ນໆທີ່ກ່ຽວຂ້ອງ ເພື່ອຮອງຮັບຂັ້ນຕອນທັງໝົດຂອງວຽກງານພາສີໃຫ້ມີປະສິດທິພາບສູງ ແລະ ທັນສະພາບ ຫຼຸດການນໍາໃຊ້ເຈ້ຍສໍເຂົ້າໃນການແຈ້ງພາສີ ແລະ ເຊື່ອມໂຍງກັບພາກສ່ວນຕ່າງໆ ທັງພາຍໃນ ແລະ ຕ່າງປະເທດ.
 |
ລັດຖະບານ ກໍຄືກະຊວງການເງິນ ໃຫ້ຄວາມສຳຄັນໃນການພັດທະນາວຽກງານພາສີເປັນທັນສະໄໝ ໂດຍໄດ້ລົງທຶນເຂົ້າໃນການພັດທະນາວຽກງານພາສີໃຫ້ເປັນທັນສະໄໝໃນແຕ່ລະໄລຍະ ເພື່ອຍົກລະດັບການບໍລິຫານວຽກງານພາສີໃຫ້ມີຄວາມທັນສະໄໝ ວ່ອງໄວ ໂປ່ງໃສ ສາມາດກວດສອບໄດ້ ແລະ ສອດຄ່ອງກັບແນວທາງການຫັນເປັນດີຈີຕອນໃນອະນາຄົດ. ການພັດທະນາລະບົບພາສີເປັນທັນສະໄໝແບບລວມສູນ.
ການເປີດນໍາໃຊ້ລະບົບດັ່ງກ່າວ, ແມ່ນຕິດພັນກັບການພັດທະນາລະບົບພາສີໃຫ້ທັນສະໄໝ ສອດຄ່ອງກັບຍຸດທະສາດການຫັນເປັນທັນສະໄໝຂອງກະຊວງການເງິນ ແລະ ຍຸດທະສາດການພັດທະນາເສດຖະກິດດີຈີຕອນແຫ່ງຊາດໃນໄລຍະ 10 ປີ (2021-2030) ແລະ ມະຕິຂອງລັດຖະບານ ສະບັບເລກທີ 04/ລບ, ລົງວັນທີ 23 ມີນາ 2026 ວ່າດ້ວຍການຮັບຮອງແຜນປະຕິບັດຕົວຈິງ ໃນການຫັນການເກັບລາຍຮັບເປັນທັນສະໄໝໃນໄລຍະ 5 ປີ (2026-2030).
 |
ຕອນທ້າຍພິທີ, ທ່ານ ສັນຕິພາບ ພົມວິຫານ ພ້ອມຄະນະໄດ້ຮ່ວມປູກຕົ້ນໄມ້ ເນື່ອງໃນໂອກາດວັນ ເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ ແລະ ຢ້ຽມຊົມລະບົບທັນສະໄໝຂອງຂະແໜງພາສີ ບໍລິສັດ ທ່າບົກທ່ານາແລ້ງຕື່ມອີກ.
ຂ່າວ: ກະຊວງການເງິນ
ຄໍາເຫັນ