ໃນໂອກາດເຂົ້າຮ່ວມກອງປະຊຸມວຽກງານໂຄສະນາອົບຮົມທົ່ວປະເທດປະຈຳປີ 2024ທີ່ຈັດຂຶ້ນໃນທ້າຍເດືອນມັງກອນຜ່ານມາວ່າ:ເນື່ອງໃນໂອກາດສະເຫຼີມສະຫຼອງ 70 ປີວັນສ້າງຕັ້ງພັກປະຊາຊົນປະຕິວັດລາວທີ່ຈະມາເຖິງນີ້ໃນນາມສະມາຊິກພັກຄົນໜຶ່ງ ແລະທັງຮັບຜິດຊອບເປັນຫົວໜ້າຫ້ອງການຄະນະພັກກະຊວງ, ມີຄວາມພາກພູມໃຈ ແລະຂໍສະແດງຄວາມຮູ້ບຸນຄຸນ ພ້ອມສະແດງຄວາມຍ້ອງຍໍຊົມເຊີຍແລະ ສັນລະເສີນ ຕໍ່ຜົນງານອັນຍິ່ງໃຫຍ່ ໃນການຊີ້ນຳ-ນຳພາຮອບດ້ານ ຂອງພັກປະຊາຊົນປະຕິວັດລາວໃນການນຳພາການປະຕິວັດຊາດປະຊາທິປະໄຕ, ນຳພາປົກປັກຮັກສາ ແລະ ສ້າງສາລະບອບໃໝ່ ຊຶ່ງພັກເຮົາເວລາໃດກໍຢຶດໝັ້ນລັດທິມາກ-ເລນິນ, ແນວຄິດປະທານ ໄກສອນ ພົມວິຫານ ແລະ ຢຶດຖືຫຼັກໝັ້ນຂອງຊົນຊັ້ນກຳມະກອນຢ່າງສະເໝີຕົ້ນສະເໝີປາຍເປັນແນວຄິດຊີ້ນຳຂອງພັກ, ສົມທົບແໜ້ນລະຫວ່າງລັດທິຮັກຊາດອັນແທ້ຈິງກັບລັດທິສາກົນອັນຜ່ອງໃສ, ມີຄວາມຈົງຮັກພັກດີຕໍ່ອຸດົມການປະຕິວັດ ແລະ ເພື່ອຜົນປະໂຫຍດຂອງປະຊາຊົນລາວບັນດາເຜົ່າ. ຮູ້ເຕົ້າໂຮມຄວາມສາມັກຄີເປັນປຶກແຜ່ນພາຍໃນຊາດ, ເຊີດຊູຄວາມເປັນແບບຢ່າງນຳໜ້າ, ຮັກສາໄດ້ຄຸນທາດການເມືອງຄຸນສົມບັດສິນທຳປະຕິວັດແລະ ໄດ້ຮັບຄວາມເຊື່ອໝັ້ນຈາກປະຊາຊົນລາວບັນດາເຜົ່າຕະຫຼອດມາ.
ໃນຖານະທີ່ຮັບຜິດຊອບວຽກງານພັກ ແລະ ພະນັກງານ, ຕະຫຼອດໄລຍະຜ່ານມາອົງຄະນະພັກ ກະຊວງແຜນການ ແລະການລົງທຶນ ພາຍໃຕ້ການນໍາພາ-ຊີ້ນຳຂອງພັກເຮັດໃຫ້ການຈັດຕັ້ງປະຕິບັດວຽກງານກໍ່ສ້າງພັກ-ພະນັກງານ ແລະ ການປັບປຸງກົງຈັກການຈັດຕັ້ງ ຂອງຂະແໜງແຜນການ ແລະການລົງທຶນ ໄດ້ມີຜົນສຳເລັດຫຼາຍດ້ານໃນການຍົກສູງ-ເຊີດຊູບົດບາດການນຳພາຂອງພັກໃນວຽກການປັບປຸງ, ກໍ່ສ້າງ, ຂະຫຍາຍພັກ ແລະ ປັບປຸງກົງຈັກການຈັດຕັ້ງໃຫ້ສອດຄ່ອງກັບສະພາບການພັດທະນາໃນໄລຍະໃໝ່ຕາມທິດກະທັດຮັດ, ສົມເຫດ, ສົມຜົນ, ຮັບປະກັນໃຫ້ລະບົບການຈັດຕັ້ງຂອງຕົນມີຄວາມເຂັ້ມແຂງໜັກແໜ້ນ, ສາມາດນຳພາການປະຕິບັດໜ້າທີ່ການເມືອງ ຂອງຂະແໜງແຜນການ ແລະການລົງທຶນ ຕາມສິດ, ໜ້າທີ່ ແລະພາລະບົດບາດຂອງຕົນ ໃນການເປັນເສນາທິການໃນວຽກງານຄຸ້ມຄອງເສດຖະກິດມະຫາພາກ, ແຜນການ, ການຄົ້ນຄວ້າວິໄຈການພັດທະນາ ແລະ ຝຶກອົບຮົມ, ການດຶງດູດການລົງທຶນ ແລະ ການພັດທະນາເຂດເສດຖະກິດພິເສດ, ການຮ່ວມມື ແລະ ການຍາດແຍ່ງການຊ່ວຍເຫຼືອຈາກສາກົນ, ວຽກງານປະເມີນຜົນ ແລະວຽກງານສະຖິຕິ.ພັກເຮົາໄດ້ກຳນົດແນວທາງນະໂຍບາຍທີ່ຖືກຕ້ອງ, ມີຄວາມສະຫຼາດສ່ອງໃສ ແລະ ມີໄຫວພິບທີ່ຄ່ອງແຄ້ວສອດຄ່ອງໃນແຕ່ລະຍຸກສະໄໝ ຊຶ່ງເຮັດໃຫ້ປະເທດຊາດຂອງພວກເຮົາໄດ້ມີການພັດທະນາຮອບດ້ານເປັນກ້າວໆມາ ເວົ້າລວມ,ເວົ້າສະເພາະຂະແໜງແຜນການ ແລະ ການລົງທຶນ ພວກເຮົາມີຄວາມເຕີບໃຫຍ່ ແລະ ເຂັ້ມແຂງຂຶ້ນຢ່າງບໍ່ຢຸດຢັ້ງພາຍໃຕ້ຮົ່ມທຸງຂອງພັກ ພ້ອມທັງສາມາດເສີມຂະຫຍາຍກຳລັງແຮງສັງລວມ ແລະ ມູນເຊື້ອອັນດີງາມຂອງຊາດ ສົມທົບກັບກຳລັງແຮງ ຂອງຍຸກສະໄໝ ເຮັດໃຫ້ການຈັດຕັ້ງປະຕິບັດພາລະກິດປົກປັກຮັກສາ ແລະ ສ້າງສາປະເທດຊາດຂອງພວກເຮົາ ໄດ້ຮັບຜົນສຳເລັດທີ່ສຳຄັນ ໃນຫຼາຍໆດ້ານ ໂດຍສະເພາະການຈັດຕັ້ງປະຕິບັດບັນດາມະຕິກອງປະຊຸມໃຫຍ່ຂອງພັກໃນແຕ່ລະໄລຍະ ແລະ ແຜນພັດທະນາເສດຖະກິດ-ສັງຄົມຂອງລັດ ແຕ່ລະຄັ້ງມີຜົນສຳເລັດອັນຈົບງາມ.
ຂ້າພະເຈົ້າຢັ້ງຢືນວ່າ, ຍ້ອນມີການນໍາພາ-ຊີ້ນຳອັນຖືກຕ້ອງຢ່າງໃກ້ຊິດຂອງພັກໃນຂັ້ນຕ່າງໆເຮັດໃຫ້ການປະຕິບັດໜ້າທີ່ວຽກງານການຄຸ້ມຄອງ-ກໍ່ສ້າງພະນັກງານຂອງຂະແໜງແຜນການ ແລະການລົງທຶນ ມີຄວາມເປັນເອກະພາບສູງ, ຮັກສາໄດ້ຄວາມສະຫງົບ ໂດຍສະເພາະການສັບຊ້ອນ, ຈັດວາງບຸກຄະລາກອນ ສອດຄ່ອງກັນກັບການປັບປຸງກົງຈັກການຈັດຕັ້ງ ແລະ ນຳໃຊ້ຖືກຕ້ອງ, ເໝາະສົມກັບຕໍາແໜ່ງງານ, ສອດຄ່ອງກັບລະດັບຄວາມຮູ້ຄວາມສາມາດ ແລະ ຄຸນສົມບັດຂອງພະນັກງານ-ລັດຖະກອນ, ພ້ອມທັງໄດ້ເອົາໃຈໃສ່ ຊຸກຍູ້ສົ່ງເສີມຜູ້ທີ່ມີຫົວຄິດປະດິດສ້າງ, ມີພອນສະຫວັນ ແລະຜູ້ມີຜົນງານດີເດັ່ນ ບັນຈຸເຂົ້າໃນຕໍາແໜ່ງສໍາຄັນຂອງພັກ-ລັດ.
ເນື່ອງໃນໂອກາດວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 70ປີນີ້ ຂໍອວຍພອນໄຊອັນປະເສີດແດ່ການນໍາພັກ-ລັດທຸກຂັ້ນ ຈົ່ງມີພະລານາໄມສົມບູນສືບຕໍ່ຊີ້ນໍາ-ນຳພາໃນການສ້າງສາພັດທະນາປະເທດຊາດໃຫ້ມີຄວາມຈະເລີນກ້າວໜ້າແລະສີວິໄລ
ຄໍາເຫັນ