ໄດ້ສະແດງທັດສະນະຄວາມຮູ້ສຶກຕໍ່ວັນສ້າງຕັ້ງພັກປະຊາຊົນປະຕິວັດລາວ ວ່າ: ພັກປະຊາຊົນປະຕິວັດລາວໄດ້ຮັບການສ້າງຕັ້ງຂຶ້ນໃນວັນທີ 22 ມີນາ 1955 ໂດຍການສືບທອດພາລະກິດຈາກພັກກອມມູນິດອິນດູຈີນ ໂດຍແມ່ນປະທານ ໄກສອນ ພົມວິຫານ ເປັນຫຼັກແຫຼ່ງໃນການນໍາພາກໍ່ຕັ້ງ, ພັກໄດ້ຖືເອົາລັດທິມາກ-ເລນິນສົມທົບໃສ່ພາກປະຕິບັດຕົວຈິງຂອງການປະຕິວັດລາວເປັນພື້ນຖານແຫ່ງຄວາມຄິດແລະເປັນເຂັມທິດຊີ້ທາງໃຫ້ແກ່ການກະທຳຂອງພັກ. ພາຍຫຼັງໄດ້ຮັບການສ້າງຕັ້ງຂຶ້ນພັກໄດ້ນໍາພາກອງທັບ ແລະ ປະຊາຊົນລາວບັນດາເຜົ່າຕໍ່ສູ້ເພື່ອພາລະກິດປົດປ່ອຍຊາດຕ້ານຈັກກະພັດລ່າເມືອງຂຶ້ນແບບເກົ່າ ແລະ ໃໝ່ຢ່າງລະອິດລະອ້ຽວຂ້ຽວຂາດ ສະຫຼາດສ່ອງໃສ ຈົນສາມາດນໍາພາກອງທັບ ແລະ ປະຊາຊົນລາວສໍາເລັດການປະຕິວັດຊາດປະຊາທິປະໄຕ ແລະ ສະຖາປະນາ ສປປລາວ ຂຶ້ນໃນວັນທີ2 ທັນວາ 1975 ຢ່າງສະຫງ່າຜ່າເຜີຍ.
ສະຫາຍ ພັນເອກ ໂອພາດ ທຳມະທອງ ໃຫ້ຮູ້ຕື່ມວ່າ: ຕໍ່ກັບກໍາລັງປະກອບອາວຸດເຮົາ ຍາມໃດພັກກໍເປັນຜູ້ນໍາພາໂດຍກົງຮອບດ້ານ, ສ້າງຕັ້ງ, ຖະນຸຖະໜອມ ແລະ ສຶກສາອົບຮົມປັບປຸງກໍ່ສ້າງກອງທັບເຮົາໃຫ້ເຕີບໃຫຍ່ເຂັ້ມແຂງເທື່ອລະກ້າວ ຈາກກໍາລັງປະກອບອາວຸດທີ່ອ່ອນນ້ອຍໃນເມື່ອກ່ອນກາຍເປັນກອງທັບປະຕິວັດທີ່ມີແບບແຜນທັນສະໄໝເທື່ອລະກ້າວ ແລະ ເພື່ອເຮັດໃຫ້ແນວທາງແຜນນະໂຍບາຍຂອງພັກໄດ້ຮັບການຈັດຕັ້ງປະຕິບັດຢູ່ກົມກອງເຫຼົ່າຮົບຊ່າງແສງ ໄດ້ຈັດຕັ້ງເຊື່ອມຊຶມຜັນຂະຫຍາຍແນວທາງແຜນນະໂຍບາຍຂອງພັກໃນແຕ່ລະໄລຍະເປັນປົກກະຕິ ແມ່ນໄດ້ຈັດຕັ້ງປະຕິບັດຕາມ 5 ຫຼັກການ 3 ທິດນໍາໃນການກໍ່ສ້າງພັກ ເຮັດໃຫ້ຮາກຖານພັກມີຄວາມປອດໃສ ເຂັ້ມແຂງໜັກແໜ້ນທາງດ້ານການເມືອງ, ແນວຄິດ ແລະ ເຂັ້ມແຂງທາງດ້ານການຈັດຕັ້ງ, ປັບປຸງແບບແຜນວິທີການນໍາພາຂອງຄະນະພັກໃຫ້ຖືກຕ້ອງຕາມຫຼັກການ.ໃນນີ້ການປັບປຸງກໍ່ສ້າງພັກຖືເອົາຄຸນນະພາບເປັນກົກ, ສ້າງພະນັກງານສະມາຊິກພັກໃຫ້ເປັນແກນນໍາໃນທຸກການເຄື່ອນໄຫວຂະບວນການວຽກງານ, ເອົາຂະບວນການວຽກງານຕົວຈິງເປັນບົດທົດສອບການສ້າງພະນັກງານ, ຄົ້ນຄ້ວາຮໍ່າຮຽນມະຕິຂອງສູນກາງພັກ, ສຶກສາຮໍ່າຮຽນມູນເຊື້ອຂອງຊາດ, ຂອງພັກ, ຊຸກຍູ້ກວດກາຂະບວນການກໍ່ສ້າງຮາກຖານພັກປອດໃສ, ເຂັ້ມແຂງ, ໜັກແໜ້ນໃຫ້ມີຄຸນນະພາບ, ເຄື່ອນໄຫວສະແດງອອກໃນການຈັດຕັ້ງປະຕິບັດ 4 ໜ້າທີ່ໃຫຍ່ 26 ແຜນງານທີ່ກະຊວງປ້ອງກັນປະເທດວາງອອກ, ຮັບປະກັນວຽກງານກຽມພ້ອມສູ້ຮົບ, ປັບປຸງກໍ່ສ້າງກໍາລັງດ້ານຕ່າງໆໃນນີ້ເອົາໃຈໃສ່ການສຶກສາອົບຮົມການເມືອງນໍາພາແນວຄິດໃຫ້ພະນັກງານນັກຮົບພາຍໃນກົມກອງເຫຼົ່າຮົບເປັນກົກ ແລະ ຕໍ່ເນື່ອງ, ມີແບບແຜນໃນການປັບປຸງກໍ່ສ້າງກົມກອງເຫຼົ່າຮົບ, ປັບປຸງຊີວິດການເປັນຢູ່ຂອງພະນັກງານນັກຮົບປະຕິບັດຕາມທິດນໍາກຸ້ມຕົນເອງ ເພິ່ງຕົນເອງ ສ້າງຄວາມເຂັ້ມແຂງດ້ວຍຕົນເອງ ເສີມຂະຫຍາຍມູນເຊື້ອການພົວພັນພາຍໃນ ແລະ ພາຍນອກໃຫ້ກວ້າງຂວາງ.
ເຈົ້າໜ້າທີ່ເຄືອຂ່າຍ LAO-WEN ລົງກວດກາ ຮ້ານອາຫານທີ່ມີການລັກລອບ ຄ້າ-ຂາຍ ສັດປ່າ ປະເພດຫວງຫ້າມ ຢູ່ ນະຄອນຫຼວງວຽງຈັນ
ໂດຍປະຕິບັດຕາມແຈ້ງການ ຂອງຫ້ອງວ່າການສຳນັກງານນາຍົກລັດຖະມົນຕີ ສະບັບເລກທີ 624/ຫສນຍ, ລົງວັນທີ 24 ພຶດສະພາ 2026. ໃນຄັ້ງວັນທີ 18 ພຶດສະພາ 2026 ຜ່ານມາ ເຈົ້າໜ້າທີ່ ເຄືອຂ່າຍບັງຄັບໃຊ້ກົດໝາຍວ່າດ້ວຍສັດນໍ້າ-ສັດປ່າ ແລະ ກົດໝາຍວ່າດ້ວຍປ່າໄມ້ (LAO-WEN) ໄດ້ລົງເຄື່ອນໄຫວກວດກາຮ້ານອາຫານແຫ່ງໜຶ່ງ ຢູ່ເຂດບ້ານຈອມມະນີ, ເມືອງໄຊເສດຖາ, ນະຄອນຫຼວງວຽງຈັນ. ຜ່ານການລົງກວດກາຕົວຈິງ, ເຈົ້າໜ້າທີ່ ໄດ້ພົບເຫັນຊາກ, ຊິ້ນສ່ວນ ແລະ ສັດປ່າທີ່ມີຊີວິດ ປະເພດຫວງຫ້າມ ຖືກນໍາມາປຸງແຕ່ງ, ຊື້-ຂາຍ ເປັນອາຫານ ໃຫ້ກຸ່ມນັກທ່ອງທ່ຽວຄົນຕ່າງປະເທດ ຢ່າງຜິດກົດໝາຍ, ຂອງກາງທີ່ກວດພົບ ແລະ ໄດ້ກັກຍຶດເບື້ອງຕົ້ນ ປະກອບມີ:
ຄໍາເຫັນ