ແລະ ທິດທາງແຜນການ 2025 ຢູ່ທີ່ຫ້ອງປະຊຸມໃຫຍ່ຂອງເມືອງເລົ່າງາມ ແຂວງສາລະວັນ ໂດການເປັນປະທານຂອງ ທ່ານ ສັກດາ ແກ້ວດວງສີ ຫົວໜ້າພະແນກ ຊສ, ໂດຍການເຂົ້າຮ່ວມຂອງ ທ່ານ ຄໍາຫວັນ ສີສະໝຸດ ຮອງເຈົ້າເມືອງໆເລົ່າງາມ, ມີພາກສ່ວນທີ່ກ່ຽວຂ້ອງອ້ອມຂ້າງແຂວງເຂົ້າຮ່ວມ
ທ່ານ ສັກດາ ແກ້ວດວງສີ ໄດ້ກ່າວເປີດກອງປະຊຸມ ພ້ອມທັງຜ່ານບົດສະຫຼູບການຈັດຕັ້ງປະຕິບັດວຽກງານໃນ 1 ປີ ຜ່ານມາ ແລະ ໄດ້ວາງທິດທາງແຜນການປີ 2025 ໂດຍໄດ້ຍົກໃຫ້ເຫັນຜົນສໍາເລັດທີ່ສາມາດຍາດມາໄດ້ ແລະ ບັນດາຂໍ້ຄົງຄ້າງທີ່ຈະຕ້ອງໄດ້ເອົາໃຈໃສ່ປັບປຸງແກ້ໄຂໃນຕໍ່ໜ້າ ຊຶ່ງສາມາດສັງລວມໂດຍຫຍໍ້ດັ່ງນີ້: ມາຮອດປັດຈຸບັນຕົວເລກສໍາມະໂນທີ່ດິນໃນທົ່ວແຂວງມີທັງໝົດ 10,250 ຕອນ ຖ້າທຽບໃສ່ແຜນປີ 30,000 ເທົ່າກັບ 34%, ການຂຶ້ນທະບຽນອອກໃບຕາດິນໄດ້ທັງໜົດ 10,887 ຕອນ, ເທົ່າກັບ 108%, ຂອງແຜນການປີທີ່ສະພາຮັບຮອງ 10,000 ຕອນ, ຖ້າທຽບໃສ່ແຜນສູ້ຊົນປະຕິບັດໄດ້ 56% 19,536 ຕອນ, ໄດ້ເກັບກຳຕົວເລກການເຊົ່າ- ສໍາປະທານທີ່ດິນລັດທົ່ວແຂວງ ມີທັງໝົດ 57 ຫົວໝ່ວຍ, ມີ 100 ຕອນ, ອອກໃບຢັ້ງຢື້ນດ້ານສິ່ງແວດລ້ອມ ຂອງບັນດາໂຄງການ, ກິດຈະການ ແລະ ທຸລະກິດຕ່າງໆ ທົ່ວແຂວງໄດ້ 49 ຫົວໜ່ວຍ ທຽບໃສ່ແຜນການປີ 78%. ອອກໃບຢັ້ງຢືນໃໝ່ 26 ຫົວໜ່ວຍ ແລະ ຕໍ່ໃບຢັ້ງຢື້ນ 23 ຫົວໜ່ວຍ.
ກອງປະຊຸມໄດ້ສັງເກດຕີລາຄາການຈັດຕັ້ງປະຕິບັດວຽກງານ ດ້ານດີ, ດ້ານອ່ອນ, ຂໍ້ຄົງຄ້າງ, ຖອດຖອນບົດຮຽນເຊິ່ງກັນ ແລະ ກັນ ກັບ ຜູ້ແທນກອງປະຊຸມ ຊຶ່ງມີຕາງໜ້າຈາກພາກສ່ວນຕ່າງໆ ທີ່ກ່ຽວຂ້ອງ ພ້ອມກັນຄົ້ນຄວ້າແລກປ່ຽນຄໍາຄິດຄໍາເຫັນຢ່າງກົງໄປກົງມາດ້ວຍຄວາມຮັບຜິດຊອບສູງ.
(ຂ່າວ-ພາບ:ວົງດາລາ ຈັນທະວົງ)
ຄໍາເຫັນ