 |
ໂອກດານີ້ໄດ້ຮັບຟັງການຜ່ານບົດສະຫຼຸບການແຂ່ງຂັນຍ້ອງຍໍ ປະຈໍາສົກປີ 2025 ແລະ ທິດທາງແຜນປີ 2026
ໃນ 1 ປີຜ່ານມາ ໄດ້ສຸມໃສ່ 3 ຫົວຂໍ້ຫຼັກ ຄື: “ສອນດີ, ຮຽນເກັ່ງ ແລະ ບໍລິຫານດີ” ໂດຍພະແນກໄດ້ຈັດຕັ້ງຄະນະຮັບຜິດຊອບ, ແບ່ງພາລະໜ້າທີ່ ແລະ ຕິດຕາມກວດກາການດຳເນີນງານຂອງ 10 ຫ້ອງການສຶກສາທິການ ແລະ ກິລາເມືອງ ໃຫ້ເປັນໄປຕາມແຜນ. ສຳລັບຂັ້ນພະແນກໄດ້ເປີດຂະບວນການແຂ່ງຂັນໃນວັນທີ 25 ມີນາ 2026 ໂດຍມີພະນັກງານ-ລັດຖະກອນລົງທະບຽນເຂົ້າແຂ່ງຂັນ 194 ຄົນ, ຍິງ 136 ຄົນ. ຜ່ານການປະເມີນ ມີຜູ້ມີຜົນງານດີເດັ່ນ 244 ຄົນ, ຍິງ 168 ຄົນ ແລະ ໄດ້ຮັບການຍ້ອງຍໍຫຼາຍຮູບແບບ ລວມທັງໝົດ 2,889 ໃບ. ສໍາລັບທິດທາງປີ 2026 ພະແນກຈະສືບຕໍ່ຂັບເຄື່ອນຂະບວນການ “ສອນດີ, ຮຽນເກັ່ງ, ບໍລິຫານດີ” ໃຫ້ເປັນຮູບປະທຳ, ຍົກສູງຄຸນນະພາບຄູ-ອາຈານ, ພັດທະນາການຮຽນ-ການສອນ ແລະ ເສີມສ້າງການບໍລິຫານໃຫ້ມີປະສິດທິຜົນ.
ທ່ານ ນາງ ສຸກຂະເສີມ ສິດທິເດດ ເນັ້ນວ່າ ຂະບວນການແຂ່ງຂັນ-ຍ້ອງຍໍ ເປັນກົນໄກສຳຄັນໃນການສ້າງແຮງຈູງໃຈ, ຍົກສູງຈິດໃຈຮັບຜິດຊອບ ແລະ ສົ່ງເສີມພະນັກງານຄູ-ອາຈານໃຫ້ເອົາໃຈໃສ່ພັດທະນາວິຊາຊີບ, ຍົກສູງຄຸນນະພາບການສອນ ແລະ ຜົນສຳເລັດການຮຽນຂອງນັກຮຽນ.
ພ້ອມນີ້ ພິທີດັ່ງກ່າວຍັງໄດ້ມອບຫຼຽນກາລະນຶກ 50 ປີ ແລະ ໃບຍ້ອງຍໍໃຫ້ແກ່ບຸກຄະລາກອນຜູ້ມີຜົນງານດີເດັ່ນ ພ້ອມທັງປະກາດການສັບຊ້ອນ ແລະ ແຕ່ງຕັ້ງພະນັກງານພາຍໃນຂົງເຂດສຶກສາທິການ ແລະ ກິລາແຂວງ ໂດຍຕົກລົງແຕ່ງຕັ້ງ ທ່ານ ພອນພິລົມ ບຸນໄຊ ຮອງຜູ້ອໍານວຍການໂຮງຮຽນສາມັນມິດຕະພາບຄໍາມ່ວນ-ກວ່າງບິ່ງ ມາເປັນຫົວໜ້າຂະແໜງຈັດຕັ້ງ ແລະ ພະນັກງານ; ທ່ານ ສີປະສານ ວັງວຽງທອງ ວ່າການຫົວໜ້າສູນເຕັກໂນໂລຊີຂ່າວສານ ແລະ ການສື່ສານມາເປັນຮອງຫົວໜ້າຂະແໜງບໍລິຫານການເງິນ ພະແນກສຶກສາທິການ ແລະ ກິລາແຂວງຄໍາມ່ວນ.ຂ່າວ : ພະແນກສຶກສາ
ຄໍາເຫັນ