ເປັນວັນທີ່ພວກຈັກກະພັດລ່າເມືອງຂຶ້ນແບບເກົ່າໄດ້ສ້າງໂສກນາດຕະກຳໃຫ້ແກ່ປະຊາຊົນລາວ ຊາວເມືອງທ່າແຂກ ແຂວງຄຳມ່ວນ ແລະ ພະນັກງານນັກຮົບຂອງພວກເຮົາ. ຍ້ອນການກະທຳທີ່ໄຮ້ມະນຸດສະທຳ ແລະ ໂຫດຮ້າຍປ່າເຖື່ອນຂອງພວກຈັກກະພັດລ່າເມືອງຂຶ້ນແບບເກົ່າວັນທີ 21 ມີນາ 1946 ຈຶ່ງໄດ້ກາຍເປັນ “ວັນຄຽດແຄ້ນ” ຂອງປະຊາຊົນລາວຕໍ່ພວກຈັກກະພັດລ່າເມືອງຂຶ້ນແບບເກົ່າຜູ້ຮຸກຮານ ເປັນວັນນັກຮົບເສຍອົງຄະ ແລະ ເສຍສະຫຼະຊີວິດເພື່ອປະເທດຊາດ.
ກ່ອນໜ້ານີ້79 ປີພວກລ່າເມືອງຂຶ້ນແບບເກົ່າໄດ້ກັບຄືນມາຮຸກຮານລາວອີກຄັ້ງໃໝ່ ເພື່ອສະກັດກັ້ນ, ຕ້ານການບຸກລຸກຄັ້ງໃໝ່ຂອງສັດຕູຕ່າງດ້າວ, ທະຫານ ແລະ ປະຊາຊົນລາວບັນດາເຜົ່າໄດ້ສົມທົບກັບກອງກຳລັງປະກອບອາວຸດຂອງຄົນຫວຽດນາມຢູ່ລາວ ດຳເນີນການຕໍ່ສູ້ຢ່າງອົງອາດກ້າຫານ, ຕີຕ້ານການບຸກລຸກບຽດຢຶດຂອງສັດຕູຢູ່ບັນດາຕົວເມືອງຕ່າງໆໃຫ້ປະລາໄຊເປັນກ້າວໆ. ເດັ່ນກວ່າໝູ່ແມ່ນບັ້ນຮົບປ້ອງກັນຕົວເມືອງທ່າແຂກ.ດັ່ງນັ້ນ, ໃນຖານະທີ່ເປັນພັກກຳອຳນາດຊຶ່ງຖືກບັນຍັດໄວ້ໃນລັດຖະທຳມະນູນແຫ່ງ ສປປ ລາວ. ສະນັ້ນໃນເມື່ອເປັນພັກກຳອຳນາດແລ້ວພັກຕ້ອງຖືສໍາຄັນການເຕົ້າໂຮມກຳລັງແຮງຂອງທຸກຊັ້ນຄົນໃນສັງຄົມເຂົ້າໃນການພັດທະນາໃຫ້ມີຜົນສຳເລັດ; ຕ້ອງຍຶດໝັ້ນໃນລັກສະນະຊົນຊັ້ນຂອງພັກເສີມສ້າງຄວາມສາມັກຄີປອງດອງລະຫວ່າງຊົນຊັ້ນ ແລະ ຊັ້ນຄົນໃນສັງຄົມ, ການຜັນຂະຫຍາຍມູນເຊື້ອ ແລະທາດແທ້ຂອງພັກເຮົາເຂົ້າໃນການຈັດຕັ້ງປະຕິບັດພາລະກິດປ່ຽນແປງໃໝ່ໃຫ້ມີຜົນສຳເລັດແມ່ນໜ້າທີ່ຂອງໝົດທຸກຄົນ ໂດຍສະເພາະແມ່ນຄະນະພັກ, ອົງການປົກຄອງແຕ່ລະຂັ້ນຕ້ອງເປັນເຈົ້າການນໍາພາຈັດຕັ້ງປະຕິບັດ ແລະ ສຶກສາອົບຮົມແນວຄິດຂອງພະນັກງານ, ສະມາຊິກພັກ ແລະ ປະຊາ ຊົນຊັ້ນຄົນຕ່າງໆດັ່ງນີ້:1) ສຶກສາອົບຮົມຈິດໃຈຮັກຊາດ, ຮັກລະບອບປະຊາທິປະໄຕປະຊາຊົນກ້າວຂຶ້ນສັງຄົມນິຍົມ ພາຍໃຕ້ການນໍາພາຂອງພັກ; 2) ຕັ້ງໜ້າປຸກລະດົມຂົນຂວາຍການເຄື່ອນໄຫວຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ XI ຂອງພັກ ແລະ ແຜນພັດທະນາເສດຖະກິດ-ສັງຄົມແຫ່ງຊາດຄັ້ງທີ IX ຂອງລັດໃຫ້ປະກົດຜົນເປັນຈິງ; 3) ມະຕິກອງປະຊຸມໃຫຍ່ຄັ້ງທີ X ຂອງອົງຄະນະພັກແຂວງ, ຍູ້ແຮງຂະບວນການແຂ່ງຂັນຮັກຊາດ ແລະ ພັດທະນາໃຫ້ແຂງແຮງ ແລະ ຍົກສູງຈິດໃຈເພິ່ງຕົນເອງ, ກຸ້ມຕົນເອງ ສ້າງຄວາມເຂັ້ມແຂງດ້ວຍຕົນເອງ; 4) ສຸມໃສ່ແກ້ໄຂບັນຫາຄວາມຫຍຸ້ງຍາກທາງດ້ານເສດຖະກິດທີ່ປະເທດເຮົາພວມປະເຊີນຢູ່ໃຫ້ເຂົ້າສູ່ສະພາບປົກກະຕິໂດຍໄວ ແລະ ເອົາໃຈໃສ່ຈັດຕັ້ງປະຕິບັດ 2 ວາລະແຫ່ງຊາດໃຫ້ສຳເລັດຕາມຄາດໝາຍທັງເອົາໃຈໃສ່ຄຸ້ມຄອງການຈັດເກັບລາຍຮັບເຂົ້າງົບປະມານໃຫ້ໄດ້ຕາມຄາດໝາຍ ແລະ ລື່ນຄາດໝາຍ; 5) ເສີມຂະຫຍາຍຄວາມສາມັກຄີເປັນປຶກແຜ່ນທົ່ວປວງຊົນລາວພາຍໃຕ້ຮົ່ມທຸງຂອງພັກ ແລະ ເອົາໃຈໃສ່ແກ້ໄຂສິ່ງຫຍໍ້ທໍ້ຕ່າງໆທີ່ເກີດຂຶ້ນຢູ່ໃນກົງຈັກການຈັດຕັ້ງພັກ-ລັດ ແລະ ສັງຄົມ; 6. ຕັ້ງໜ້າປັບປຸງພາຍໃນພັກໃຫ້ເປັນພັກກຳອຳນາດໃຫ້ປອດໃສເຂັ້ມແຂງໜັກແໜ້ນ ຍົກສູງຄວາມເປັນແບບຢ່າງນໍາໜ້າຂອງພະນັກງານ, ສະມາຊິກພັກເພື່ອສ້າງຄວາມເຊື່ອໝັ້ນ ແລະ ໄວ້ວາງໃຈຂອງມະຫາຊົນ; 7) ຜັນຂະຫຍາຍມູນເຊື້ອອັນສະຫງ່າງາມຂອງພັກເຂົ້າໃນການຈັດຕັ້ງປະຕິບັດໜ້າທີ່ວຽກງານຂອງຂະແໜງການ ແລະ ທ້ອງຖິ່ນຕົນໃຫ້ສໍາເລັດຕາມແຜນການ ໂດຍສະເພາະແມ່ນການຈັດຕັ້ງປະຕິບັດມະຕິກອງປະຊຸມໃຫຍ່ອົງຄະນະພັກຂັ້ນຂອງຕົນໃຫ້ບັນລຸຕາມຄາດໝາຍທີ່ວາງໄວ້.
ເພື່ອບັນລຸໄດ້ຕາມຄາດໝາຍທີ່ພັກວາງອອກນັ້ນຈະຕ້ອງໄດ້ເອົາໃຈໃສ່ເຄື່ອນໄຫວວຽກງານການເມືອງ-ແນວຄິດຢ່າງຕັ້ງໜ້າແນໃສ່ສ້າງສະຕິບຸກຄົນ ແລະ ສະຕິສັງຄົມໃຫ້ສອດຄ່ອງກັບແນວທາງຂອງພັກ, ຄືດັ່ງຄໍາເຫັນຊີ້ນໍາບາງຕອນຂອງສະຫາຍ ທອງລຸນ ສີສຸລິດ ເລຂາທິການໃຫຍ່ປະທານປະເທດແຫ່ງ ສປປ ລາວ ທີ່ມີຕໍ່ກອງປະຊຸມວຽກງານການເມືອງ-ແນວຄິດທົ່ວປະເທດ ຄັ້ງທີ V ວ່າ: “ຖ້າຖືວຽກງານການເມືອງ-ແນວຄິດປຽບເໝືອນສະໜາມຮົບແນ່ນອນຕ້ອງເວົ້າເຖິງການຕໍ່ສູ້ ການຕໍ່ສູ້ໃນທີ່ນີ້ແມ່ນການຕໍ່ສູ້ລະຫວ່າງອັນຖືກກັບອັນຜິດຢູ່ໃນກະໂຕສະມາຊິກພັກເຮົາ; ສະນັ້ນຄວາມຖືກຕ້ອງ, ຄວາມເປັນທໍາຕ້ອງຕີຖອຍແນວຄິດທີ່ຜິດເຂວອອກໄປ, ສຸດທ້າຍແນວຄິດທີ່ຖືກຕ້ອງ, ການກະທໍາທີ່ຖືກຕ້ອງເອົາຊະນະແນວຄິດທີ່ບໍ່ຖືກຕ້ອງ ແລະ ຜິດເຂວນັ້ນ, ພ້ອມທັງເດັດດ່ຽວບໍ່ປະປ່ອຍໃຫ້ຄວາມຄິດ ແລະ ການກະທຳທີ່ບໍ່ຖືກຕ້ອງກືນກິນເນື້ອທີ່ ແລະ ຄອບງຳມັນສະໝອງ ຫຼືແນວຄວາມຄິດຂອງສະມາຊິກພັກ ແລະ ປະຊາຊົນເຮົາເປັນອັນຂາດ".
ຄໍາເຫັນ