ວ່າ:ພາຍໃຕ້ຮົ່ມທຸງຂອງພັກປະຊາຊົນປະຕິວັດລາວ ກໍຄື ການຊີ້ນໍາໆພາຂອງພັກ ປະເທດຊາດໄດ້ຮັບການພັດທະນາຢ່າງບໍ່ຢຸດຢັ້ງ ສະແດງອອກປວງຊົນລາວມີຊີວິດການເປັນຢູ່ທີ່ດີ, ດໍາລົງຊີວິດດ້ວຍຄວາມເບີກບານມ່ວນຊື່ນ, ພື້ນຖານໂຄງລ່າງໄດ້ຮັບການພັດທະນາ, ດ້ານຄົມມະນາຄົມໄດ້ມີການຂະຫຍາຍສູ່ຊົນນະບົດ, ມີທາງດ່ວນ, ທາງລົດໄຟ, ສະໜາມບິນ, ປະຊາຊົນໄດ້ເຂົ້າເຖິງລະບົບອິນເຕີເນັດຢ່າງສະດວກສະບາຍ, ເປັນຕົ້ນ ການຈັບຈອງປີ້ລົດ, ປີ້ລົດໄຟ, ປີ້ຍົນ, ການຊໍາລະເງິນສະດວກ-ປອດໄພຊຶ່ງໄດ້ເຮັດໃຫ້ປະຊາຊົນມີຄວາມເຊື່ອໝັ້ນຕໍ່ການນໍາພາຂອງພັກ, ຍ້ອນພັກໄດ້ນໍາເອົາແນວທາງ, ແຜນນະໂຍບາຍ, ສົ່ງເສີມປະຊາຊົນສ້າງລາຍຮັບເຂົ້າສູ່ຄອບຄົວ ດ້ວຍການອອກແຮງສຸມໃສ່ການກະສິກໍາ, ຄ້າ-ຂາຍ ແລະ ວຽກງານອື່ນ. ພັກໄດ້ສ້າງບຸກຄະລາກອນມີຄວາມຮູ້, ຄວາມສາມາດ, ສິນທໍາປະຕິວັດສູງ, ສົ່ງເສີມປະຊາຊົນທຳມາຫາກິນຈຶ່ງເຮັດໃຫ້ຊີວິດການເປັນຢູ່ຂອງປະຊາຊົນມີໂສມໜ້າໃໝ່, ປະຊາຊົນຍູ່ຖ່າງທໍາມາຫາກິນ,ລົງທຶນຄ້າ-ຂາຍ.
ທ່ານເລຂາພັກບ້ານນາຍບ້ານໆໜອງຈັນກ່າວວ່າ: ບ້ານໜອງຈັນມີທັງໝົດ 494ຄົນ ຍິງ 275 ຄົນ, ປະຊາຊົນຖືເອົາການຄ້າ-ຂາຍເປັນຫຼັກ, ປະກອບອາຊີບພະນັກງານ ແລະ ອາຊີບກໍາມະກອນຈໍານວນໜຶ່ງ, ປະຊາຊົນໄດ້ເຂົ້າເຖິງໂຮງໝໍ, ລູກ-ຫຼານໄດ້ເຂົ້າເຖິງການສຶກສາຢ່າງທົ່ວເຖິງ,ເສັ້ນທາງເຂົ້າ-ອອກ, ເສັ້ນທາງຮ່ອມ-ທາງຊອຍ ໄດ້ຮັບການປູເບຕົງ, ພາຍໃນບ້ານມີນັກລົງທຶນຈາກຕ່າງປະເທດເຂົ້າມາລົງທຶນກວມຈໍານວນ 70%, ມີສູນການຄ້າ 2ແຫ່ງ, ຕະຫຼາດ, ໂຮງແຮມ, ລູກ-ຫຼານຈຳນວນໜຶ່ງໄດ້ເຂົ້າເຮັດວຽກນຳບັນດາບໍລິສັດ, ໂຄງການລົງທຶນຂອງບັນດານັກລົງທຶນຈາກຕ່າງປະເທດເຂົ້າມາລົງທຶນ, ສະເລ່ຍລາຍຮັບປະຊາຊົນບັນລຸ 36 ລ້ານກີບຕໍ່ຄົນຕໍ່ປີ.
ທ່ານສອນເພັດ ຂາວປະເສີດ ຍັງໄດ້ຕາງໜ້າໃຫ້ປະຊາຊົນບ້ານໜອງຈັນ ຂໍສະແດງຄວາມຮູ້ບຸນຄຸນຕໍ່ພັກ ກໍຄືການນໍາທຸກຂັ້ນ ຖ້າບໍ່ມີການນໍາພາຂອງພັກ ບ້ານໜອງຈັນກໍຈະບໍ່ໄດ້ມີການສ້າງສາພັດທະນາຄືທຸກວັນນີ້, ໂອກາດທີ່ສະຫງ່າລາສີນີ້ ຂໍອວຍພອນໄຊອັນປະເສີດແດ່ການນໍາພັກ-ລັດທຸກຂັ້ນຈົ່ງມີສຸຂະພາບແຂງແຮງ ສືບຕໍ່ຊີ້ນໍາໆພາປວງຊົນລາວ ກ້າວຂຶ້ນສູ່ຄວາມຮຸ່ງເຮືອງສີວິໄລ.
ຄໍາເຫັນ