ບັນດາອົງການຈັດຕັ້ງມະຫາຊົນຂອງພັກ ໂດຍສະເພາະ ຄະນະຊາວໜຸ່ມປະຊາຊົນ ປະຕິວັດລາວ ແລະ ສະຫະພັນແມ່ຍິງລາວແຕ່ລະຂັ້ນ ຖືເປັນເບົ້າຫຼໍ່ສຳຄັນແຫ່ງການສ້າງ, ຝຶກຝົນຫຼໍ່ຫຼອມຖັນແຖວພະນັກງານໜຸ່ມ ແລະ ເພດຍິງໃຫ້ມີຄວາມໜັກແໜ້ນດ້ານການເມືອງ ແລະ ເຕີບໃຫຍ່ໃນການນຳພາຕົວຈິງ ເພື່ອສະໜອງບຸກຄະລາກອນປະຕິວັດຮຸ່ນສືບທອດທີ່ມີຄຸນນະພາບ ໃຫ້ການຈັດ ຕັ້ງພັກແຕ່ລະຂັ້ນ, ເອົາໃຈໃສ່ປັບປຸງກົງຈັກການຈັດຕັ້ງ, ບັນຈຸສັບຊ້ອນບຸກຄະລາກອນຢ່າງເໝາະສົມ ເພື່ອເປັນກຳລັງແຮງໃນການປະຕິບັດໜ້າທີ່ການເມືອງທີ່ໄດ້ຮັບມອບໝາຍ. ໄລຍະ 5 ປີຜ່ານມາ, ພາຍໃຕ້ການນຳພາ-ຊີ້ນຳຢ່າງໃກ້ຊິດແທດເຖິງຂອງອົງຄະນະພັກ ຄອສພ, ອົງການຈັດຕັ້ງມະຫາຊົນໄດ້ເປັນເຈົ້າການຈັດ ຕັ້ງເຊື່ອມຊຶມ, ຜັນຂະຫຍາຍມະຕິກອງປະຊຸມຕ່າງໆ ທີ່ສຳຄັນຂອງພັກ ແລະ ລັດ, ເຂົ້າຮ່ວມຟັງປາຖະກະ ຖາໃນຫົວຂໍ້ຕ່າງໆ ໃນວັນສຳຄັນຂອງຊາດ ແລະ ຂອງພັກ ຊຶ່ງໄດ້ສ້າງໃຫ້ສະມາຊິກຂອງອົງການຈັດຕັ້ງມະ ຫາຊົນໄດ້ມີຄວາມຮັບຮູ້, ເຂົ້າໃຈຕໍ່ແນວທາງແຜນນະໂຍບາຍຂອງພັກ, ນະໂຍບາຍ, ກົດໝາຍຂອງລັດຢ່າງເລິກເຊິ່ງ ແລະ ມີຄວາມເຊື່ອໝັ້ນຕໍ່ການນຳພາຂອງພັກ. ພາຍໃຕ້ການນຳພາ-ຊີ້ນໍາຂອງຄະນະພັກ ຄອສພ, ສະຫະພັນກຳມະບານ, ສະຫະພັນແມ່ຍິງ ແລະ ຄະນະຊາວໜຸ່ມໄດ້ມີຄວາມຕັດສິນໃຈສູງ, ຜ່ານຜ່າຄວາມຫຍຸ້ງຍາກ ແລະ ສິ່ງທົດສອບນາໆປະການ ສາມາດຍາດໄດ້ຜົນງານອັນໃຫຍ່ຫຼວງອັນທີ່ພົ້ນເດັ່ນແມ່ນຄວາມເອົາໃຈໃສ່ຕໍ່ວຽກງານສຶກສາອົບຮົມການເມືອງ-ແນວຄິດ, ການເຕົ້າໂຮມຄວາມສາມັກຄີ, ໂຄສະນາ-ປຸກລະ ດົມແນວທາງແຜນນະໂຍບາຍຂອງພັກ, ກົດໝາຍ ແລະ ແຜນພັດທະນາເສດຖະກິດ-ສັງຄົມຂອງລັດ.
ວຽກງານສື່ມວນຊົນ ກໍໄດ້ກາຍເປັນກະບອກສຽງອັນແຫຼມຄົມຂອງພັກ-ລັດ, ສາມາດຕິດຕາມ ແລະ ຕອບໂຕ້ອະທິບາຍຊີ້ແຈງຢ່າງທັນການຫຼາຍຂຶ້ນ ຕໍ່ການບິດເບືອນຂອງພວກຄົນບໍ່ດີ, ການປະຕິບັດໜ້າທີ່ເປັນຕົວແທນແຫ່ງການປົກປ້ອງສິດ ແລະ ຜົນປະໂຫຍດອັນຊອບທຳຂອງກຳມະກອນຜູ້ອອກແຮງງານ. ໃນນັ້ນ, ອົງການຈັດຕັ້ງຊາວໜຸ່ມໄດ້ຮັບທຸງໄຊ 4 ບຸກ, ສະຫະພັນແມ່ຍິງໄດ້ຖືກຮັບຮອງເປັນສະຫະພັນແມ່ຍິງ 3 ດີ ແລະ ທຸງໄຊ 3 ດີ ແລະ ສະຫະພັນກຳມະບານ ໄດ້ຮັບທຸງໄຊ 5 ເປັນເຈົ້າ ແລະ ຫຼຽນໄຊ 5 ເປັນເຈົ້າຢ່າງສົມກຽດ; ມີການເປີດບັ້ນແຂ່ງຂັນຮັກຊາດ ແລະ ພັດທະນາ ໃນແຕ່ລະໄລຍະໄປຕາມຄຳຂວັນຂອງຕົນ ຕິດພັນກັບຄຳຂວັນຂອງຄະນະບໍລິຫານງານພັກ, ຂະບວນການສ້າງພັກປອດໃສ ເຂັ້ມແຂງ ໜັກແໜ້ນ. ຂະບວນການແຂ່ງຂັນຮັກຊາດ ແລະ ພັດທະນາ ກໍຄືສ້າງຜົນງານຂ່ຳນັບຮັບຕ້ອນວັນປະຫວັດສາດຂອງຊາດ ແລະ ຂອງພັກ ຊຶ່ງໄດ້ເຮັດໃຫ້ບັນຍາກາດການເຄື່ອນໄຫວປະຕິບັດໜ້າທີ່ວິຊາສະເພາະ, ກິດຈະກຳຕ່າງໆ ເປັນຂະບວນການຟົດຟື້ນ, ຕໍ່ເນື່ອງ ແລະ ມີປະສິດທິຜົນຂຶ້ນ.
ຄໍາເຫັນ