ພີເອັມເອັດ ເທຄວັນໂດ ຄອງຂັນຊະນະເລີດ ຊີງຂັນທ່ານທູດ ສເກົາຫຼີ ປະຈຳລາວ

ການແຂ່ງຂັນເທຄວັນໂດ ຊີງແຊັມທົ່ວປະເທດ ຊີງຂັນທ່ານເອກອັກຄະລັດຖະທູດ ສເກົາຫຼີ ປະຈຳ ສປປ ລາວ ຄັ້ງທີ 10 ປະຈຳປີ 2026 ຈັດຂຶ້ນ ລະຫວ່າງວັນທີ 5-6 ກັນຍາ 2026 ທີ່ສູນການຄ້າ ພາກຊັນ ເພື່ອເປັນການສ້າງໂອກາດໃຫ້ເຍົາວະຊົນ-ໄວໜຸ່ມນັກກິລາເທຄວັນໂດລາວ ໄດ້ມີການເຄື່ອນໄຫວພັດທະນາຕົນເອງຢ່າງຕໍ່ເນື່ອງ ເພື່ອກ້າວຂຶ້ນເປັນນັກກິລາທີມຊາດ ແລະ ກ້າວສູ່ລະດັບເວທີສາກົນໃນອະນາຄົດ ໂດຍມີທ່ານ ກິ່ງມະໂນ ພົມມະຫາໄຊ ຮອງລັດຖະມົນຕີ ກະຊວງສຶກສາທິການ ແລະ ກິລາ ທັງເປັນຮອງປະທານຄະນະກຳມະການໂອແລມປິກແຫ່ງຊາດລາວ, ທ່ານ ອີຈອງເຮີບ ເອກອັກຄະລັດຖະທູດ ສເກົາຫຼີ ປະຈຳ ສປປ ລາວ, ທ່ານ ປະສາດໄຊ ພິລາພັນເດດ ປະທານສະຫະພັນເທຄວັນໂດແຫ່ງຊາດລາວ ຕາງໜ້າຫົວໜ້າກົມກິລາລະດັບສູງ ພ້ອມດ້ວຍຄະນະບໍລິຫານງານສະຫະພັນ, ສະຫະພັນແຂວງ-ນະຄອນຫຼວງ ແລະ ບັນດາສະໂມສອນ ອ້ອມຂ້າງສູນກາງເຂົ້າຮ່ວມ.

ການແຂ່ງຂັນເທຄວັນໂດ ຊີງແຊັມປະເທດລາວ ປີນີ້ ມີນັກກິລາຫຼາຍກວ່າ 450 ຄົນ ຈາກ 20 ກວ່າພາກສ່ວນ ທີ່ມາຈາກໃນຂອບເຂດທົ່ວປະເທດເຂົ້າຮ່ວມຊີງໄຊ ແລະ ມີການຊີງໄຊ 135 ລາຍການ ຈາກປະເພດຕໍ່ສູ້ປ້ອງກັນຕົວ, ປະເພດຟ້ອນປຸ້ມເຊ້ ແລະ ປະເພດປະກອບອຸປະກອນ ຜ່ານການແຂ່ງຂັນ ໃນໄລຍະ 2 ວັນ ຜົນປະກົດວ່າ: ຂັນຊະນະເລີດ ປີນີ້ ເປັນຂອງສະໂມສອນ ພີເອັມເອັດ (PMS) ສາມາດສ້າງຜົນາງານໄດ້11 ຫຼຽນຄຳ ແລະ 11ຫຼຽນທອງ ; ທີ 2 ແຂວງຈຳປາສັກ ໄດ້9 ຫຼຽນຄຳ, 5 ຫຼຽນເງິນ ແລະ 6 ຫຼຽນທອງ ແລະ ທີ 3 ສະໂມສອນ ລ້ານຊ້າງ ຍາດໄດ້ 7 ຫຼຽນຄຳ, 1 ຫຼຽນເງິນ ແລະ 5 ຫຼຽນທອງ.

ພາບ-ຂ່າວ: ໂດຍ ສົງການ ພັນແພງດີ