 |
ການມອບຄັ້ງນີ້, ກໍເພື່ອປັບປຸງຊິວີດການເປັນຢູ່ຂອງປະຊາຊົນບັນດາເຜົ່າຜູ້ທູກຍາກຢູ່ເຂດຊົນນະບົດຫ່າງໄກຊອກຫຼີກ ຢູ່ກຸ່ມບ້ານຊຽງແຂງ ເພື່ອແກ້ໄຂຄວາມທູກຍາກຂອງປະຊາຊົນບັນດາເຜົ່າຢູ່ເມືອງສິງ ແຂວງຫຼວງນໍ້າທາ ໃຫ້ໄດ້ຮັບການພັດທະນາດີຂຶ້ນ, ເປັນການສ້າງວຽກເຮັດງານທຳໃຫ້ປະຊາຊົນ ແລະ ເພື່ອແນ່ໃສ່ເຮັດໃຫ້ປະຊາຊົນມີລາຍຮັບຈາກການລ້ຽງງົວ, ເຮັດໃຫ້ຊິວີດການເປັນຢູ່ຂອງຄອບຄົວດີຂຶ້ນ. ດັ່ງນັ້ນ, ທ່ານ ນາງ ສົມວິໄລວົງ ສຸຂະວົງ ຄອບຄົວ ຂອງທ່ານເຈົ້າແຂວງໆຫຼວງນໍ້າທາ ຈື່ງໄດ້ນຳເອົາງົວມາມອບໃຫ້ຄອບຄົວຂອງ ທ້າວ ອາສື ທີ່ໄດ້ມີຄວາມຕື່ນຕົວ, ມີຄວາມດຸໝັ່ນ, ມີຄວາມພ້ອມໃນການລ້ຽງງົວ, ຊຶ່ງໃຫ້ລ້ຽງເປັນໄລຍະ 4 ປີ ແຕ່ປີ (2025-2029) ພາຍຫຼັງລ້ຽງງົວມີຜົນສຳເລັດແລ້ວແມ່ນຈະນຳເອົາງົວພໍ່ພັນ, ແມ່ພັນ ໄປຂະຫຍາຍໃຫ້ຄອບຄົວອື່ນ ທີ່ມີເງື່ອນໄຂ, ມີຄວາມດຸໝັ່ນ, ມີຄວາມຕັ້ງໃຈ, ເຮັດແທ້ທຳຈີງ, ເພື່ອສ້າງເສດຖະກິດເຂົ້າໃນຄອບຄົວ ມີຢູ່ ມີກິນ ແລະ ຂາຍເປັນສິນຄ້າເຮັດໃຫ້ຊີວິດການເປັນຢູ່ຂອງປະຊາຊົນນັບມື້ນັບດີຂຶ້ນ ແລະ ກາຍເປັນຄອບຄົວຕົວແບບໃນການລ້ຽງສັດ.
 |
ໂອກາດນີ້ ທ່ານ ອານີໄສ ສຸຂະວົງ ຕ່າງໜ້າຄອບຄົວທ່ານ ນາງ ສົມວິໄລວົງ ສຸຂະວົງ ຄອບຄົວຂອງທ່ານເຈົ້າແຂວງໆຫຼວງນໍ້າທາ ຍັງໄດ້ເນັ້ນໜັກໃຫ້ຄອບຄົວທີ່ໄດ້ຮັບງົວ ຈົ່ງພ້ອມກັນເອົາໃຈໃສ່ໃນການປົກປັກຮັກສາ , ເບິ່ງແຍງດູແລລ້ຽງເກືອໃຫ້ສັດລ້ຽງໄດ້ກີນອີ່ມ ແລະ ມີສຸຂະພາບແຂງແຮງດີ ສາມາດຂະຫຍາຍຕົວເກີດແມ່ແຜ່ລູກຫຼາຍຂື້ນ ຈາກນັ້ນ ທ້າວ ອາສື ກໍ່ໄດ້ສະແດງຄວາມຂອບໃຈມາຍັງທ່ານ ນາງ ສົມວິໄລວົງ ສຸຂະວົງ ຄອບຄົວຂອງທ່ານເຈົ້າແຂວງໆຫຼວງນໍ້າທາ ທີ່ເປັນຫ່ວງເປັນໄຍ ແລະ ໃກ້ສິດຕິດແທດທີ່ໄດ້ນໍາເອົາງົວຈໍານວນດັ່ງກ່າວມາມອບໃຫ້ລ້ຽງໃນຄັ້ງນີ້ ແລະ ຈະເອົາໃຈໃສ່ເບີ່ງແຍງ ,ລ້ຽງດູສັດລ້ຽງເຫຼົ່ານີ້ໃຫ້ດີ ແລະ ແພ່ຂະຫຍາຍເປັນຈໍານວນຫຼາຍ.
(ແຫຼ່ງຂ່າວ: ແຂວງຫຼວງນໍ້າທາ)
ຄໍາເຫັນ