ເລຂາຄະນະບໍລິຫານງານພັກເມືອງເຈົ້າເມືອງວຽງພູຄາ ໂດຍການເຂົ້າຮ່ວມຂອງທ່ານ ສີວິໄລ ປັນແກ້ວ ກໍາມະການປະຈໍາພັກແຂວງ ຮອງເຈົ້າແຂວງ, ມີແຂກຖືກເຊີນ ແລະ ພາກສ່ວນກ່ຽວຂ້ອງຈາກແຂວງ-ເມືອງເຂົ້າຮ່ວມ
ທ່ານ ນາງ ສົມປອງ ອາດທອງ ກໍາມະການພັກເມືອງ ຫົວໜ້າຫ້ອງການ ສາທາລະນະສຸກເມືອງ ໄດ້ລາຍງານການຈັດຕັ້ງປະຕິບັດວຽກງານ ຊຸມຊົນເປັນເຈົ້າການດ້ານສຸຂະອະນາໄມ (ຊຈສ) ວ່າ: ເມືອງວຽງພູມີ 7 ກຸ່ມບ້ານ, 46 ບ້ານ, ມີປະຊາກອນທັງໝົດ 27,656 ຄົນ, ຍີງ 13,688 ຄົນ, ມີ 5,009 ຄົວເຮືອນ, ມີ 8 ຊົນເຜົ່າ, ມີບ້ານພັດທະນາ 28 ບ້ານ ເທົ່າກັບ 60.68%, ມີຄອບຄົວພັດທະນາ 3,859 ຄອບຄົວ ເທົ່າກັບ 84.31%, ມີບ້ານພົ້ນທຸກ 31 ບ້ານ, ເທົ່າກັບ 67.39%, ຄອບຄົວພົ້ນທຸກ 4,042 ຄອບຄົວ ເທົ່າກັບ 88.31 %, ປັດຈຸບັນຍັງມີບ້ານທຸກຍາກ 15 ບ້ານ ເທົ່າກັບ 32.60% ແລະ ຄອບຄົວທຸກຍາກ 535 ຄອບຄົວ. ວຽກງານສາທາລະສຸກປົກຄຸມ 100% ມີ 10 ຈຸດໃຫ້ການບໍລິການດ້ານສຸຂະພາບຄື: ມີ 1 ໂຮງໝໍຊຸມຊົນ ແລະ 9ໂຮງໝໍນ້ອຍ, ມີ 55 ຈຸດສັກຢາ, ອັດຕາຊົມໃຊ້ນໍ້າ 96%, ອັດຕາການຊົມໃຊ້ວິດຖ່າຍ 100%. ເລີ່ມຈັດຕັ້ງປະຕິບັດວຽກງານຊຸມຊົນເປັນເຈົ້າການດ້ານສຸຂະອະນາໄມ (ຊຈສ) ແຕ່ປີ 2017 ສາມາດປະກາດ ໄດ້ຈຳນວນ 10 ບ້ານເທົ່າ 21.73%, ປີ 2020 ປະກາດອີກ 20 ບ້ານ, ປີ2021, ປະກາດຕື່ມ 12 ບ້ານ ແລະ ຮອດ ປີ 2023 ສາມາດປະກາດ ໄດ້ອີກ 4 ບ້ານ ໝາຍວ່າໄດ້ປະກາດທັງໝົດ 46 ບ້ານເທົ່າກັບ 100%, ອັດຕາການຊົມໃຊ້ວິດຖ່າຍມີ 4,859 ຫຼັງຄາ ເທົາ 97%,ອັດຕາການຊົມໃຊ້ວິດຖ່າຍຮວມກັບຄອບຄົວອືນ ມີ 150 ຫຼັງຄາເທົາ 3%, ລ້າງມືໃສ່ສະບູມີ 3,757 ເທົາ 75% ນ້ຳດື່ມ-ນ້ຳໃຊ້ ໃນຄົວເຮືອນສະອາດມີ 3,757 ຫຼັງຄາ ເທົາ 75%, ອາະນາໄມສິ່ງແວດລອມ ມີ 4,256 ເທົາ 85%. ຈາກນັ້ນ ຍັງໄດ້ຜ່ານຂໍ້ຕົກລົງຂອງທ່ານເຈົ້າເມືອງເລກທີ່ 310/ຈມ ວ່າດ້ວຍການຮັບຮອງເອົາຄອບຄົວພັດທະນາ, ຈໍານວນທັງໝົດ 103 ຄອບຄົວ, ຜ່ານຂໍ້ຕົກລົງຂອງທ່ານເຈົ້າແຂວງເລກທີ 887/ຈຂ ວ່າດ້ວຍການຮັບຮອງເອົາບ້ານນໍ້າຈຣິເປັນບ້ານພັດທະນາ ແລະ ຜ່ານຂໍ້ຕົກລົງຂອງເຈົ້າແຂວງເລກທີ849/ຈຂ ວ່າດ້ວຍການຮັບຮອງເອົາເມືອງວຽງພູຄາເປັນເມືອງຢຸດຕິການຖ່າຍຊະຊາຍ, ຜ່ານຂໍ້ຕົກລົງເຈົ້າເມືອງ ວ່າດ້ວຍການຍ້ອງຍໍທີມີຜົນງານເດັ່ນໃນການປະກອບສ່ວນວຽກງານຊຸມຊົນເປັນເຈົ້າການດ້ານສຸຂະອະນະໄມ. ໃນນັ້ນ ກົມກອງມີ 12 ກົມກອງ, ຮາກຖານ, ສຸກສາລາ 9 ຮາກຖານ, ບ້ານ 14 ບ້ານ ພ້ອມທັງມອບໃບຢັ້ງຢືນຄອບຄົວພັດທະນາ, ບ້ານພັດທະນາ ແລະ ໃບຢັ້ງຢືນເມືອງຊຸມຊົນເປັນເຈົ້າການໃນການສຸຂະອະນະໄມ (ຊຈສ) ໃຫ້ກຽດກ່ວມອບໂດຍທ່ານ ສີວິໄລ ປັນແກ້ວ ແລະ ທ່ານ ບຸນຊົງ ວ່າໄຊຢີ.
ໂອກາດດັ່ງກ່າວ, ບັນດາການນໍາຂອງແຂວງ-ເມືອງ ໄດ້ຮ່ວມເປີດປ້າຍ ເມືອງວຽງພູຄາ ເປັນເມືອງ ຢຸດຕິການຖ່າຍຊະຊາຍ ແລະ ບ້ານພັດທະນາ ພ້ອມທັັງດັນຄ້ອງ 9 ບາດ ເພື່ອເປັນສີລິມຸງຄຸນ ຂອງການພັດທະນເມືອງວຽງພູຄາ.
(ຂ່າວ: ໂດຍ ຄໍາປິງ)
ຄໍາເຫັນ