ແລະ ພັດທະນາ ພ້ອມທັງ ຍ້ອງຍໍຜົນງານ 5 ປີ (2016-2020) ແລະ ວາງທິດທາງແຜນການໃນຕໍ່ໜ້າ, ໂດຍການເປັນປະທານຂອງທ່ານ ສົມນິດ ສີລິບຸນລ້ຽງ ກຳມະການປະຈໍາພັກແຂວງ ປະທານອົງການກວດກາພັກ-ລັດແຂວງ, ມີບັນດາຄະນະພັກ-ຄະນະພະແນກ ພ້ອມດ້ວຍພະນັກງານລັດຖະກອນພາຍໃນ ພອຄ ແລະ ແຂກຖືກເຊີນເຂົ້າຮ່ວມ.
ທ່ານ ໜູລາ ຢາປະຣອງຮັງ ຮອງຫົວໜ້າ ພອຄ ແຂວງ ໄດ້ຜ່ານບົດສະຫຼຸບຕີລາຄາ ໃນໄລຍະ 5 ປີ (2016-2020) ຜ່ານມາ, ຊຶ່ງຄະນະພັກ-ຄະນະພະແນກ, ຄະນະກຳມະການແຂ່ງຂັນ-ຍ້ອງຍໍຂອງ ພອຄ ໄດ້ເອົາໃຈໃສ່ຊີ້ນໍາ-ນໍາພາໂດຍກົງ ຕໍ່ວຽກງານຍ້ອງຍໍ ຕິດພັນກັບຂະບວນການການສ້າງຜົນງານດ້ານຕ່າງໆ ທີ່ຄະນະພັກ-ຄະນະພະແນກ ແລະ ອົງການຈັດຕັ້ງກຳນົດອອກແຕ່ລະໄລຍະ ໂດຍສຸມໃສ່ການຈັດຕັ້ງປະຕິບັດວຽກງານຕາມ 4 ຄາດໝາຍໃຫຍ່ ຂອງກະຊວງອຸດສາຫະກໍາ ແລະ ການຄ້າ ກໍຄືຂອງ ພອຄ ແຂວງໄດ້ວາງອອກ ໂດຍຕິດພັນກັບຂະບວນການແຂ່ງຂັນຮັກຊາດ ແລະ ພັດທະນາ ຢ່າງກວ້າງຂວາງ ແລະ ເລິກເຊິ່ງ, ຊຸກຍູ້ຂະບວນການຮັກຊາດ ແລະ ພັດທະນາໃຫ້ບັນລຸຕາມ 4 ເນື້ອໃນການແຂ່ງຂັນ ຕິດພັນກັບວຽກງານກໍ່ສ້າງຮາກຖານການເມືອງ ແລະ ວຽກງານສາມສ້າງ, ເພື່ອສະຫຼຸບໄດ້ວຽກດີຄົນເດັ່ນ ຍ້ອງຍໍໃຫ້ຖືກເປົ້າໝາຍ ເປັນຕົ້ນ ການຍ້ອງຍໍໃຫ້ບຸກຄົນ, ບ້ານ ແລະ ຄອບຄົວຕົວແບບ, ນັກພັດທະນາການດີເດັ່ນ, ຜູ້ປະກອບການດີເດັ່ນ, ພະນັກງານ-ລັດຖະກອນດີເດັ່ນ ແລະ ການຈັດຕັ້ງດີເດັ່ນ ເພື່ອຄັດເລືອກການຍ້ອງຍໍຜົນງານໃນປີ 2025 ໃຫ້ມີປະສິດທິຜົນສູງກວ່າເກົ່າ. ຮັບປະກັນຄຸນນະພາບ, ຖືກຕ້ອງກັບຜົນງານຕົວຈິງ, ພ້ອມທັງໂຄສະນາເຜີຍແຜ່ຂະບວນການແຂ່ງຂັນ ແລະ ຍ້ອງຍໍຢ່າງແຂງແຮງ, ປຸກລະດົມທຸກການຈັດຕັ້ງຂອງພັກ-ລັດ, ອົງການຈັດຕັ້ງມະຫາຊົນ ແລະ ທຸກພາກສ່ວນ, ນັກທຸລະກິດທັງພາກລັດ ແລະ ເອກະຊົນໃນຂົງເຂດວຽກງານອຸດສາຫະກຳປຸງແຕ່ງ ເຂົ້າຮ່ວມເພື່ອແຂ່ງຂັນກັນ.
ຜ່ານການປະເມີນຂະບວນການແຂ່ງຂັນຮັກຊາດ ແລະ ພັດທະນາ ສາມາດສັງລວມການຍ້ອງຍໍຜົນງານ 5 ປີ (2016-2020) ຄື: ໄດ້ຮັບຫຼຽນໄຊແຮງງານຊັ້ນ II ມີ 1 ທ່ານ, ຫຼຽນໄຊແຮງງານຊັ້ນ III ມີ 4 ທ່ານ, ຫຼຽນກາແຮງງານ ມີ 2 ທ່ານ, ຫຼຽນກາ 70 ປີຂອງແນວລາວສ້າງຊາດ ມີ 1 ທ່ານ, ໃບຍ້ອງຍໍລັດຖະບານ ມີ 15 ທ່ານ, ຍິງ 3 ທ່ານ, ໃບຍ້ອງຍໍທ່ານເຈົ້າແຂວງ ມີ 20 ທ່ານ, ຍິງ 8 ທ່ານ, ໃບຊົມເຊີຍທ່ານເຈົ້າແຂວງ ມີ 2 ທ່ານ, ກົມກອງໄດ້ຮັບຫຼຽນກາແຮງງານ ມີ 1 ກົມກອງ.
(ພາບ-ຂ່າວ: ພຸດທະສອນ)
ຄໍາເຫັນ