ຊຶ່ງເປັນການອໍານວຍຄວາມສະດວກໃຫ້ແກ່ການປະຕິບັດສິດ ແລະ ຜົນປະໂຫຍດຂອງພົນລະເມືອງ, ການສະໜັບສະໜູນການປົກຄອງທີ່ດີ ແລະ ເປົ້າໝາຍການພັດທະນາແບບຍືນຍົງນັ້ນ.ໃນວັນທີ 18 ມີນາຜ່ານມາ ທີ່ຫ້ອງປະຊຸມຊັ້ນ 3 ສໍານັກງານປົກຄອງແຂວງຜົ້ງສາລີ ໄດ້ຈັດກອງປະຊຸມສະຫຼູບການຈັດຕັ້ງປະຕິບັດກິດຈະກໍາຂອງໂຄງການຈົດທະບຽນ, ສະຖິຕິພົນລະເມືອງປະຈໍາປີ 2024 ແລະ ວາງທິດທາງແຜນການປະຈໍາປີ 2025 ຂຶ້ນ ໂດຍການເປັນປະທານຂອງ ທ່ານ ພອນປະດິດ ທິບມະນີວົງ ຫົວໜ້າພະແນກພາຍໃນແຂວງ; ມີບັນດາຄະນະພະແນກການ, ອົງການທຽບເທົ່າອ້ອມຂ້າງແຂວງເຂົ້າຮ່ວມ.
ໂຄງການຈົດທະບຽນ ແລະ ສະຖິຕິພົນລະເມືອງ, ແມ່ນເພື່ອເປັນການປັບປຸງອັດຕາການຈົດທະບຽນ ເຫດການສໍາຄັນໃນຊີວິດຂອງພົນລະເມືອງ ໂດຍສະເພາະການເກີດ ແລະ ການເສຍຊີວິດ ຢູ່ ສປປ ລາວ ໃຫ້ສູງຂຶ້ນ ເວົ້າລວມ, ເວົ້າສະເພາະປັບປຸງອັດຕາການຈົດທະບຽນການເກີດ ແລະ ການເສຍຊີວິດຢູ່ແຂວງຜົ້ງສາລີໃຫ້ສູງຂຶ້ນ ໂດຍການໃຊ້ລະບົບຂໍ້ມູນພົນລະເມືອງ ເອເລັກໂຕຣນິກ (ECRVS) ທີທັນສະໄໝ ສະດວກ ແລະ ວອງໄວ. ມາຮອດປັດຈຸບັນທົ່ວແຂວງຜົ້ງສາລີ ມີຈໍານວນ 46,961 ຄອບຄົວ, ມີຈໍານວນພົນລະເມືອງລວມ 201,412 ຄົນ ຍິງ 100,755 ຄົນ.
(ຂ່າວ: ສົມຄິດ)
ຄໍາເຫັນ