ໂດຍ: ສ.ບຸດປະຊາ
ບໍລິສັດ ພູເບ້ຍ ມາຍນິງ ຈໍາກັດ ຮ່ວມກັບລັດຖະບານ ກໍຄືອົງການປົກຄອງແຂວງໄຊສົມບູນ, ເມືອງອານຸວົງພັດທະນາຊຸມຊົນແບບຍືນຍົງ ດ້ວຍໂຄງການກະສິກຳສະອາດໃນເນື້ອທີ່ 26 ເຮັກຕາທີ່ບ້ານນໍ້າຍອນ ຊຶ່ງເປັນພື້ນທີ່ມອບຄືນແກ່ລັດຖະບານໂດຍບໍລິສັດໄດ້ສະໜອງງົບປະມານເຂົ້າໃນວຽກງານນີ້ປະມານ 5-6 ຕື້ກີບໂດຍພາກລັດຈະເປັນຜູ້ຄັດເລືອກເອົາຄອບຄົວທີ່ຈະເຂົ້າຮ່ວມໂຄງການນີ້ ປະມານ 70 ຄອບຄົວ ໂດຍຈະໄດ້ຈັດສັນດິນເພື່ອນໍາໃຊ້ໃນການຜະລິດກະສິກຳ ເພື່ອສ້າງອາຊີບ, ສ້າງລາຍໄດ້ ແນໃສ່ຫຼຸດຜ່ອນຄວາມທຸກຍາກ; ທັງນີ້, ກໍເພື່ອສືບຕໍ່ປະຕິບັດຄໍາໝັ້ນສັນຍາ ທີ່ຈະສ້າງມໍລະດົກທີ່ຍືນຍົງຄົງທີ່ ສ້າງໂອກາດແລະຄວາມຍືນຍົງໃນອະນາຄົດ.
ຕັ້ງແຕ່ມີການດຳເນີນງານມາຮອດປັດຈຸບັນ, ພູເບ້ຍ ມາຍນິງ ໄດ້ໃຊ້ເງິນ 5,4 ລ້ານໂດລາ ເຂົ້າໃນແຜນງານຕ່າງໆຂອງກອງທຶນພັດທະນາຊຸມຊົນ ເລີ່ມໃນ 2005 ເປັນຕົ້ນມາ ຈົນເຖິງ ປີ 2022 ໄດ້ປະຕິບັດສຳເລັດ 436 ໂຄງການ ແລະ ເມື່ອວັນທີ 15 ທັນວາຜ່ານມາ ກໍໄດ້ມອບໂຄງການທີ່ເຮັດສຳເລັດໃນປີ 2023 ອີກ 10 ໂຄງການ. ສ່ວນໂຄງການໃນເນື້ອທີ່ 26 ເຮັກຕາດັ່ງກ່າວນີ້ ເປັນໂຄງການໜຶ່ງທີ່ບໍລິສັດກຳລັງສຸມໃສ່ ເພື່ອໃຫ້ມີໃບໜ້າໃໝ່ໃນໄຕມາດ 3 ປີ 2024 ຈະມາເຖິງນີ້. ນີ້ເປັນການສືບຕໍ່ເຮັດແທ້ທໍາຈິງ ປະຕິບັດຕາມຫຼັກການກ່ຽວກັບແຮ່ທາດ ໃນກົດໝາຍວ່າດ້ວຍແຮ່ທາດ ໂດຍສະເພາະແມ່ນໃນມາດຕາ 6, ຂໍ້ 3 “ຕິດພັນກັບການພັດທະນາໂຄງລ່າງພື້ນຖານ ເພື່ອປະກອບສ່ວນເຂົ້າໃນການພັດທະນາຊົນນະບົດ ແກ້ໄຂຄວາມທຸກຍາກຂອງປະຊາຊົນລາວບັນດາເຜົ່າ...” ແລະ ຂໍ້ 4 “ມີສ່ວນຮ່ວມຂອງປະຊາຊົນ, ຊຸມຊົນ, ການຈັດຕັ້ງ, ອົງການປົກຄອງທຸກຂັ້ນ ໃນການຈັດຕັ້ງການຜະລິດ, ສະໜອງແຮງງານ, ສະບຽງອາຫານ, ວັດຖຸອຸປະກອນໃນທ້ອງຖິ່ນ, ...”.
ໃນຂະນະທີ່ ທ່ານ ສົມບູນ ສອນລິດທິເດດ ຫົວໜ້າຫ້ອງວ່າການແຂວງໄຊສົມບູນ ກໍໄດ້ສະເໜີໃຫ້ສຸມໃສ່ສ້າງເປັນໂຄງການຕົວແບບໃຫ້ແກ່ແຂວງ ເພື່ອໃຫ້ແຂກທີ່ມາຢ້ຽມຢາມແຂວງໄຊສົມບູນ ໄດ້ມີກິດຈະກຳທີ່ໜ້າສົນໃຈ ໃນການສົ່ງເສີມດ້ານກະສິກຳ ຊຶ່ງຈະໃຫ້ຄອບຄົວທຸກຍາກມາເຮັດກະສິກຳຢູ່ໃນພື້ນທີ່ນັ້ນ ໃຫ້ປະກົດໃນໄວໆນີ້.
ໃນວັນທີ 14 ທັນວາ ຜ່ານມາ, ພູເບ້ຍ ມາຍນິງ ໄດ້ຮ່ວມກັບສື່ມວນຊົນ ລົງຕິດຕາມກ່ຽວກັບຄວາມຄືບໜ້າຂອງໂຄງການ ຊຶ່ງທ່ານ ອິນປອນ ເທບເພັດລືສີ ຮອງຜູ້ຈັດການພະແນກພັດທະນາຊຸມຊົນຂອງບໍລິສັດ ກໍໄດ້ກ່າວໃຫ້ຮູ້ວ່າ: ໂຄງການກະສິກຳສະອາດ ເປັນໂຄງການໃຫຍ່ຂອງແຂວງ, ເມືອງ ແລະ ບໍລິສັດ ທີ່ເຮັດວຽກຮ່ວມກັນ ຊຶ່ງໂຄງການໄດ້ຈັດສັນກິດຈະກໍາໃນການປູກຝັງ-ລ້ຽງສັດ ໂດຍແບ່ງອອກເປັນ 2 ພາກສ່ວນຄື ພາກສ່ວນດ້ານເທິງມີປະມານ 12 ກວ່າເຮັກຕາ ໃຊ້ເປັນພື້ນທີ່ປູກຫຍ້າລ້ຽງງົວ ໃຫ້ແກ່ການທອມງົວ ໂດຍຈະຈັດສັນໃຫ້ 19-20 ຄອບຄົວ ແລະ ພາກສ່ວນດ້ານລຸ່ມ ມີເນື້ອທີປະມານ 13 ກວ່າເຮັກຕາ ຈະນໍາໃຊ້ເຂົ້າໃນການປູກພືດຜັກກະສິກຳສະອາດ ຈະຈັດສັນໃຫ້ປະມານ 50 ຄອບຄົວ. ປັດຈຸບັນ, ໂຄງການໄດ້ເຮັດສຳເລັດວຽກກວດກູ້ລະເບີດໃນພື້ນທີ່ໂຄງການ, ສຳເລັດການບຸກເບີກໜ້າດິນ ກະກຽມແກ່ການຈັດລ໊ອກ ຈັດສັນໃຫ້ປະຊາຊົນ ຄອບຄົວທີ່ຜ່ານການຄັດເລືອກເຂົ້າຮ່ວມໂຄງການ. ພ້ອມນີ້, ກໍກຳລັງສືບຕໍ່ສຸ່ມໃສ່ກໍ່ສ້າງລະບົບຊົນລະປະທານ ປະກອບມີ 8 ແທ່ງນໍ້າ ເຂົ້າມາໃຫ້ສຳເລັດ, ກໍ່ສ້າງລະບົບໄຟຟ້າ ແລະ ສືບຕໍ່ຈັດສັນດິນໃຫ້ຄອບຄົວ ທີ່ຮ່ວມໂຄງການ; ນອກຈາກນີ້, ກໍກຳລັງຄົ້ນຄວ້າ ການສ້າງຄູກັນນໍ້າ ເພື່ອບໍ່ໃຫ້ພື້ນທີ່ໂຄງການຖືກເຊາະເຈື່ອນ ຈາກນໍ້າທີ່ໄຫຼຈາກນ້ຳຫ້ວຍທີ່ໃກ້ຄຽງ; ສ່ວນພື້ນທີ່ໃດໃນໂຄງການ ທີ່ເປັນຫີນກໍຈະປັບປຸງປົວແປງ ໃຫ້ສາມາດເຮັດການຜະລິດໄດ້ ຊຶ່ງຄາດວ່າຮອດໄຕມາດ 3 ຂອງປີ 2024 ຈະມີຄວາມຄືບໜ້າ ທີ່ເປັນໃບໜ້າໃໝ່ເກີດຂຶ້ນ ເນື່ອງຈາກປັດຈຸບັນແຂວງ ແລະ ເມືອງ ກໍໄດ້ຄັດເລືອກສຳເລັດ ຊຶ່ງພື້ນທີ່ປູກຫຍ້າທອມສັດ ມີແລ້ວ 20 ຄອບຄົວ ແລະ ພື້ນທີ່ປູກຜັກປະສິກຳສະອາດ ເປັນສິນຄ້າ ກໍຄັດເລືອກໄດ້ແລ້ວ 30 ກວ່າຄອບຄົວ, ຍັງເຫຼືອປານ 10 ກວ່າຄອບຄົວ.
ທ່ານ ສຸລິ ສີສຸພັນທອງ ຜູ້ຈັດການພະແນກພື້ນຟູຊີວິດການເປັນຢູ່ ໄດ້ໃຫ້ຮູ້ວ່າ: ການຈັດສັນດິນ ເພື່ອໃຫ້ຄອບຄົວທີ່ຜ່ານການຄັດເລືອກເຂົ້າມາເຮັດການຜະລິດກະສິກຳ ແມ່ນໄດ້ມີຄວາມຄືບໜ້າດີສົມຄວນ ຊຶ່ງປັດຈຸບັນ ໃນພື້ນທີ່ສ່ວນເທິງທີ່ຈະປູກຫຍ້າທອມງົວ ແມ່ນໄດ້ສຳເລັດໂດຍພື້ນຖານ ຄົບຈໍານວນ 20 ຄອບຄົວ ໂດຍກຳລັງດຳເນີນການຈັດສັນໃຫ້ຄອບຄົວລະ 4 ໄລ່. ສ່ວນດ້ານລະບົບນໍ້າ ກໍາລັງດຳເນີນຕາມແຜນການ ຊຶ່ງຈະແຈກຜ່ານທໍ່ນໍ້າຮູບແບບລະບົບສະປຣິງເກີ ໃຫ້ແຕ່ລະຄອບຄົວ; ພ້ອມນີ້, ກໍກໍ່ສ້າງຄອກລ້ຽງສັດ ໃຫ້ຄອບຄົວລະ 1 ຄອກ ໃນຂະໜາດປະມານ 4 x 8 ແມັດ. ພ້ອມທັງກຳລັງດຳເນີນການປຸກເຮືອນຮົ່ມຖາວອນ ທີ່ເປັນເສົາຊີມັງ ແລະ ໂຄງເຫຼັກ ມູນຄ່າ 500 ກວ່າລ້ານກີບ ມີທັງໝົດ 15 ຫຼັງ ຊຶ່ງຈະມອບໃຫ້ຄອບຄົວທີ່ຖືກຄັດເລືອກມາເຮັດການຜະລິດ ປູກຜັກສະອາດ ເປັນສິນຄ້າ. ສ່ວນຕະຫຼາດເກັບຊື້ຜົນຜະລິດກະສິກຳຂອງປະຊາຊົນແມ່ນພູເບ້ຍ ມາຍນິງ ຍັງສືບຕໍ່ເປັນຕະຫຼາດຫຼັກ ໂດຍມີສັດສ່ວນເຖິງ 90% ໃນລາຄາກາງ ຕາມທ້ອງຕະຫຼາດ. ນອກນັ້ນ, ປະຊາຊົນກໍສາມາດ ນໍາໄປຂາຍໄດ້ຕາມທ້ອງຕະຫຼາດທົ່ວໄປ; ແຕ່ໃນແຜນການອັນໃກ້ນີ້, ບໍລິສັດ ກໍໄດ້ຊອກຫາຕະຫຼາດ ທີ່ໝັ້ນຄົງໃຫ້ປະຊາຊົນຕື່ມອີກ.
ທ່ານ ອິນປອນ ເທບເພັດລືສີ ຍັງກ່າວໃຫ້ຮູ້ຕື່ມວ່າ: ກ່ອນໜ້ານີ້, ພູເບ້ຍ ມາຍນິງ ແລະ ອົງການປົກຄອງແຂວງໄຊສົມບູນ ໄດ້ປຶກສາຫາລືກັບບໍລິສັດລາວຟູ໊ດ ເພື່ອໃຫ້ບໍລິສັດດັ່ງກ່າວມາມີສ່ວນຮ່ວມສົ່ງເສີມການຜະລິດ ແລະ ກາຍເປັນຕະຫຼາດຫຼັກໃນອະນາຄົດຊຶ່ງລາວຟູ໊ດກໍມີເຫັນດີແລະພ້ອມຈະນໍາເອົາແນວພັນ ແລະ ວິຊາການມາຊ່ວຍຕື່ມ ເພື່ອໃນອະນາຄົດເມື່ອ ພູເບ້ຍ ມາຍນິງ ທະຍ່ອຍປິດບໍ່ລົງ, ລາວຟູ໊ດ ຈະເປັນຕະຫຼາດຫຼັກ ເພື່ອໃຫ້ລາຍຮັບຂອງປະຊາຊົນຄົງທີ່ ແລະ ມີຄວາມຍືນຍົງ. ທັງນີ້, ພູເບ້ຍ ມາຍນິງ ກໍເຊື່ອໝັ່ນວ່າ ປະຊາຊົນຜູ້ເຮັດແທ້ທໍາຈິງ ໃນການເຮັດການຜະລິດ ສະໜອງແກ່ຕະຫຼາດນີ້ ກໍຈະສາມາດມີລາຍໄດ້ທີ່ໝັ້ນຄົງ.
ທັງໝົດນັ້ນ, ແມ່ນສິ່ງທີ່ຢາກຍົກໃຫ້ເຫັນວ່າ: ບ້ານນໍ້າຍອນ ມີຫຼາຍໂຄງການທີ່ເປັນປະໂຫຍດແກ່ປະຊາຊົນ ທີ່ໄດ້ຮັບຈາກ ພູເບ້ຍ ມາຍນິງ. ນອກຈາກໂຄງການດັ່ງກ່າວນີ້, ກໍມີໂຄງການປິ່ນອ້ອມ ໂດຍ ພູເບ້ຍ ມາຍນິງ ໄດ້ດຳເນີນໂຄງການພັດທະນາໃນປີ 2023 ໂດຍໄດ້ສຳເລັດໂຄງການກໍ່ສ້າງສະໂມສອນ ຝຶກອົບຮົມດ້ານເຕັກນິກ-ວິຊາການ ໃຊ້ງົບປະມານປະມານ 80.000 ກວ່າໂດລາ ແນໃສ່ເປັນບ່ອນເຕົ້າໂຮມ ແລະ ສ້າງຄວາມຮູ້ແກ່ປະຊາຊົນ ເພີ່ມຕື່ມອີກ.
ບໍລິສັດ ພູເບ້ຍ ມາຍນິງ ຈໍາກັດ ຮ່ວມກັບລັດຖະບານ ກໍຄືອົງການປົກຄອງແຂວງໄຊສົມບູນ, ເມືອງອານຸວົງພັດທະນາຊຸມຊົນແບບຍືນຍົງ ດ້ວຍໂຄງການກະສິກຳສະອາດໃນເນື້ອທີ່ 26 ເຮັກຕາທີ່ບ້ານນໍ້າຍອນ ຊຶ່ງເປັນພື້ນທີ່ມອບຄືນແກ່ລັດຖະບານໂດຍບໍລິສັດໄດ້ສະໜອງງົບປະມານເຂົ້າໃນວຽກງານນີ້ປະມານ 5-6 ຕື້ກີບໂດຍພາກລັດຈະເປັນຜູ້ຄັດເລືອກເອົາຄອບຄົວທີ່ຈະເຂົ້າຮ່ວມໂຄງການນີ້ ປະມານ 70 ຄອບຄົວ ໂດຍຈະໄດ້ຈັດສັນດິນເພື່ອນໍາໃຊ້ໃນການຜະລິດກະສິກຳ ເພື່ອສ້າງອາຊີບ, ສ້າງລາຍໄດ້ ແນໃສ່ຫຼຸດຜ່ອນຄວາມທຸກຍາກ; ທັງນີ້, ກໍເພື່ອສືບຕໍ່ປະຕິບັດຄໍາໝັ້ນສັນຍາ ທີ່ຈະສ້າງມໍລະດົກທີ່ຍືນຍົງຄົງທີ່ ສ້າງໂອກາດແລະຄວາມຍືນຍົງໃນອະນາຄົດ.
ຕັ້ງແຕ່ມີການດຳເນີນງານມາຮອດປັດຈຸບັນ, ພູເບ້ຍ ມາຍນິງ ໄດ້ໃຊ້ເງິນ 5,4 ລ້ານໂດລາ ເຂົ້າໃນແຜນງານຕ່າງໆຂອງກອງທຶນພັດທະນາຊຸມຊົນ ເລີ່ມໃນ 2005 ເປັນຕົ້ນມາ ຈົນເຖິງ ປີ 2022 ໄດ້ປະຕິບັດສຳເລັດ 436 ໂຄງການ ແລະ ເມື່ອວັນທີ 15 ທັນວາຜ່ານມາ ກໍໄດ້ມອບໂຄງການທີ່ເຮັດສຳເລັດໃນປີ 2023 ອີກ 10 ໂຄງການ. ສ່ວນໂຄງການໃນເນື້ອທີ່ 26 ເຮັກຕາດັ່ງກ່າວນີ້ ເປັນໂຄງການໜຶ່ງທີ່ບໍລິສັດກຳລັງສຸມໃສ່ ເພື່ອໃຫ້ມີໃບໜ້າໃໝ່ໃນໄຕມາດ 3 ປີ 2024 ຈະມາເຖິງນີ້. ນີ້ເປັນການສືບຕໍ່ເຮັດແທ້ທໍາຈິງ ປະຕິບັດຕາມຫຼັກການກ່ຽວກັບແຮ່ທາດ ໃນກົດໝາຍວ່າດ້ວຍແຮ່ທາດ ໂດຍສະເພາະແມ່ນໃນມາດຕາ 6, ຂໍ້ 3 “ຕິດພັນກັບການພັດທະນາໂຄງລ່າງພື້ນຖານ ເພື່ອປະກອບສ່ວນເຂົ້າໃນການພັດທະນາຊົນນະບົດ ແກ້ໄຂຄວາມທຸກຍາກຂອງປະຊາຊົນລາວບັນດາເຜົ່າ...” ແລະ ຂໍ້ 4 “ມີສ່ວນຮ່ວມຂອງປະຊາຊົນ, ຊຸມຊົນ, ການຈັດຕັ້ງ, ອົງການປົກຄອງທຸກຂັ້ນ ໃນການຈັດຕັ້ງການຜະລິດ, ສະໜອງແຮງງານ, ສະບຽງອາຫານ, ວັດຖຸອຸປະກອນໃນທ້ອງຖິ່ນ, ...”.
ໃນຂະນະທີ່ ທ່ານ ສົມບູນ ສອນລິດທິເດດ ຫົວໜ້າຫ້ອງວ່າການແຂວງໄຊສົມບູນ ກໍໄດ້ສະເໜີໃຫ້ສຸມໃສ່ສ້າງເປັນໂຄງການຕົວແບບໃຫ້ແກ່ແຂວງ ເພື່ອໃຫ້ແຂກທີ່ມາຢ້ຽມຢາມແຂວງໄຊສົມບູນ ໄດ້ມີກິດຈະກຳທີ່ໜ້າສົນໃຈ ໃນການສົ່ງເສີມດ້ານກະສິກຳ ຊຶ່ງຈະໃຫ້ຄອບຄົວທຸກຍາກມາເຮັດກະສິກຳຢູ່ໃນພື້ນທີ່ນັ້ນ ໃຫ້ປະກົດໃນໄວໆນີ້.
ໃນວັນທີ 14 ທັນວາ ຜ່ານມາ, ພູເບ້ຍ ມາຍນິງ ໄດ້ຮ່ວມກັບສື່ມວນຊົນ ລົງຕິດຕາມກ່ຽວກັບຄວາມຄືບໜ້າຂອງໂຄງການ ຊຶ່ງທ່ານ ອິນປອນ ເທບເພັດລືສີ ຮອງຜູ້ຈັດການພະແນກພັດທະນາຊຸມຊົນຂອງບໍລິສັດ ກໍໄດ້ກ່າວໃຫ້ຮູ້ວ່າ: ໂຄງການກະສິກຳສະອາດ ເປັນໂຄງການໃຫຍ່ຂອງແຂວງ, ເມືອງ ແລະ ບໍລິສັດ ທີ່ເຮັດວຽກຮ່ວມກັນ ຊຶ່ງໂຄງການໄດ້ຈັດສັນກິດຈະກໍາໃນການປູກຝັງ-ລ້ຽງສັດ ໂດຍແບ່ງອອກເປັນ 2 ພາກສ່ວນຄື ພາກສ່ວນດ້ານເທິງມີປະມານ 12 ກວ່າເຮັກຕາ ໃຊ້ເປັນພື້ນທີ່ປູກຫຍ້າລ້ຽງງົວ ໃຫ້ແກ່ການທອມງົວ ໂດຍຈະຈັດສັນໃຫ້ 19-20 ຄອບຄົວ ແລະ ພາກສ່ວນດ້ານລຸ່ມ ມີເນື້ອທີປະມານ 13 ກວ່າເຮັກຕາ ຈະນໍາໃຊ້ເຂົ້າໃນການປູກພືດຜັກກະສິກຳສະອາດ ຈະຈັດສັນໃຫ້ປະມານ 50 ຄອບຄົວ. ປັດຈຸບັນ, ໂຄງການໄດ້ເຮັດສຳເລັດວຽກກວດກູ້ລະເບີດໃນພື້ນທີ່ໂຄງການ, ສຳເລັດການບຸກເບີກໜ້າດິນ ກະກຽມແກ່ການຈັດລ໊ອກ ຈັດສັນໃຫ້ປະຊາຊົນ ຄອບຄົວທີ່ຜ່ານການຄັດເລືອກເຂົ້າຮ່ວມໂຄງການ. ພ້ອມນີ້, ກໍກຳລັງສືບຕໍ່ສຸ່ມໃສ່ກໍ່ສ້າງລະບົບຊົນລະປະທານ ປະກອບມີ 8 ແທ່ງນໍ້າ ເຂົ້າມາໃຫ້ສຳເລັດ, ກໍ່ສ້າງລະບົບໄຟຟ້າ ແລະ ສືບຕໍ່ຈັດສັນດິນໃຫ້ຄອບຄົວ ທີ່ຮ່ວມໂຄງການ; ນອກຈາກນີ້, ກໍກຳລັງຄົ້ນຄວ້າ ການສ້າງຄູກັນນໍ້າ ເພື່ອບໍ່ໃຫ້ພື້ນທີ່ໂຄງການຖືກເຊາະເຈື່ອນ ຈາກນໍ້າທີ່ໄຫຼຈາກນ້ຳຫ້ວຍທີ່ໃກ້ຄຽງ; ສ່ວນພື້ນທີ່ໃດໃນໂຄງການ ທີ່ເປັນຫີນກໍຈະປັບປຸງປົວແປງ ໃຫ້ສາມາດເຮັດການຜະລິດໄດ້ ຊຶ່ງຄາດວ່າຮອດໄຕມາດ 3 ຂອງປີ 2024 ຈະມີຄວາມຄືບໜ້າ ທີ່ເປັນໃບໜ້າໃໝ່ເກີດຂຶ້ນ ເນື່ອງຈາກປັດຈຸບັນແຂວງ ແລະ ເມືອງ ກໍໄດ້ຄັດເລືອກສຳເລັດ ຊຶ່ງພື້ນທີ່ປູກຫຍ້າທອມສັດ ມີແລ້ວ 20 ຄອບຄົວ ແລະ ພື້ນທີ່ປູກຜັກປະສິກຳສະອາດ ເປັນສິນຄ້າ ກໍຄັດເລືອກໄດ້ແລ້ວ 30 ກວ່າຄອບຄົວ, ຍັງເຫຼືອປານ 10 ກວ່າຄອບຄົວ.
ທ່ານ ສຸລິ ສີສຸພັນທອງ ຜູ້ຈັດການພະແນກພື້ນຟູຊີວິດການເປັນຢູ່ ໄດ້ໃຫ້ຮູ້ວ່າ: ການຈັດສັນດິນ ເພື່ອໃຫ້ຄອບຄົວທີ່ຜ່ານການຄັດເລືອກເຂົ້າມາເຮັດການຜະລິດກະສິກຳ ແມ່ນໄດ້ມີຄວາມຄືບໜ້າດີສົມຄວນ ຊຶ່ງປັດຈຸບັນ ໃນພື້ນທີ່ສ່ວນເທິງທີ່ຈະປູກຫຍ້າທອມງົວ ແມ່ນໄດ້ສຳເລັດໂດຍພື້ນຖານ ຄົບຈໍານວນ 20 ຄອບຄົວ ໂດຍກຳລັງດຳເນີນການຈັດສັນໃຫ້ຄອບຄົວລະ 4 ໄລ່. ສ່ວນດ້ານລະບົບນໍ້າ ກໍາລັງດຳເນີນຕາມແຜນການ ຊຶ່ງຈະແຈກຜ່ານທໍ່ນໍ້າຮູບແບບລະບົບສະປຣິງເກີ ໃຫ້ແຕ່ລະຄອບຄົວ; ພ້ອມນີ້, ກໍກໍ່ສ້າງຄອກລ້ຽງສັດ ໃຫ້ຄອບຄົວລະ 1 ຄອກ ໃນຂະໜາດປະມານ 4 x 8 ແມັດ. ພ້ອມທັງກຳລັງດຳເນີນການປຸກເຮືອນຮົ່ມຖາວອນ ທີ່ເປັນເສົາຊີມັງ ແລະ ໂຄງເຫຼັກ ມູນຄ່າ 500 ກວ່າລ້ານກີບ ມີທັງໝົດ 15 ຫຼັງ ຊຶ່ງຈະມອບໃຫ້ຄອບຄົວທີ່ຖືກຄັດເລືອກມາເຮັດການຜະລິດ ປູກຜັກສະອາດ ເປັນສິນຄ້າ. ສ່ວນຕະຫຼາດເກັບຊື້ຜົນຜະລິດກະສິກຳຂອງປະຊາຊົນແມ່ນພູເບ້ຍ ມາຍນິງ ຍັງສືບຕໍ່ເປັນຕະຫຼາດຫຼັກ ໂດຍມີສັດສ່ວນເຖິງ 90% ໃນລາຄາກາງ ຕາມທ້ອງຕະຫຼາດ. ນອກນັ້ນ, ປະຊາຊົນກໍສາມາດ ນໍາໄປຂາຍໄດ້ຕາມທ້ອງຕະຫຼາດທົ່ວໄປ; ແຕ່ໃນແຜນການອັນໃກ້ນີ້, ບໍລິສັດ ກໍໄດ້ຊອກຫາຕະຫຼາດ ທີ່ໝັ້ນຄົງໃຫ້ປະຊາຊົນຕື່ມອີກ.
ທ່ານ ອິນປອນ ເທບເພັດລືສີ ຍັງກ່າວໃຫ້ຮູ້ຕື່ມວ່າ: ກ່ອນໜ້ານີ້, ພູເບ້ຍ ມາຍນິງ ແລະ ອົງການປົກຄອງແຂວງໄຊສົມບູນ ໄດ້ປຶກສາຫາລືກັບບໍລິສັດລາວຟູ໊ດ ເພື່ອໃຫ້ບໍລິສັດດັ່ງກ່າວມາມີສ່ວນຮ່ວມສົ່ງເສີມການຜະລິດ ແລະ ກາຍເປັນຕະຫຼາດຫຼັກໃນອະນາຄົດຊຶ່ງລາວຟູ໊ດກໍມີເຫັນດີແລະພ້ອມຈະນໍາເອົາແນວພັນ ແລະ ວິຊາການມາຊ່ວຍຕື່ມ ເພື່ອໃນອະນາຄົດເມື່ອ ພູເບ້ຍ ມາຍນິງ ທະຍ່ອຍປິດບໍ່ລົງ, ລາວຟູ໊ດ ຈະເປັນຕະຫຼາດຫຼັກ ເພື່ອໃຫ້ລາຍຮັບຂອງປະຊາຊົນຄົງທີ່ ແລະ ມີຄວາມຍືນຍົງ. ທັງນີ້, ພູເບ້ຍ ມາຍນິງ ກໍເຊື່ອໝັ່ນວ່າ ປະຊາຊົນຜູ້ເຮັດແທ້ທໍາຈິງ ໃນການເຮັດການຜະລິດ ສະໜອງແກ່ຕະຫຼາດນີ້ ກໍຈະສາມາດມີລາຍໄດ້ທີ່ໝັ້ນຄົງ.
ທັງໝົດນັ້ນ, ແມ່ນສິ່ງທີ່ຢາກຍົກໃຫ້ເຫັນວ່າ: ບ້ານນໍ້າຍອນ ມີຫຼາຍໂຄງການທີ່ເປັນປະໂຫຍດແກ່ປະຊາຊົນ ທີ່ໄດ້ຮັບຈາກ ພູເບ້ຍ ມາຍນິງ. ນອກຈາກໂຄງການດັ່ງກ່າວນີ້, ກໍມີໂຄງການປິ່ນອ້ອມ ໂດຍ ພູເບ້ຍ ມາຍນິງ ໄດ້ດຳເນີນໂຄງການພັດທະນາໃນປີ 2023 ໂດຍໄດ້ສຳເລັດໂຄງການກໍ່ສ້າງສະໂມສອນ ຝຶກອົບຮົມດ້ານເຕັກນິກ-ວິຊາການ ໃຊ້ງົບປະມານປະມານ 80.000 ກວ່າໂດລາ ແນໃສ່ເປັນບ່ອນເຕົ້າໂຮມ ແລະ ສ້າງຄວາມຮູ້ແກ່ປະຊາຊົນ ເພີ່ມຕື່ມອີກ.
ຄໍາເຫັນ