ທ່ານ ວຽງທະວີສອນ ເທບພະຈັນ ກ່າວວ່າ: ໃນປີ 2026 ອົງການກວດສອບແຫ່ງລັດໄດ້ເອົາໃຈໃສ່ຕິດ ຕາມ, ຊຸກຍູ້ ແລະ ກວດຄືນການແກ້ໄຂຜົນການກວດສອບຕາມມະຕິກອງປະຊຸມສະພາແຫ່ງຊາດ ສະບັບເລກທີ 173/ສພຊ, ລົງວັນທີ 21 ພະຈິກ 2025 ດ້ວຍຮູບການຕ່າງໆ ເປັນຕົ້ນ ໄດ້ແຕ່ງຕັ້ງຄະນະລົງໄປຕິດຕາມ, ຊຸກຍູ້ການແກ້ໄຂຜົນການກວດສອບຢູ່ບັນດາເປົ້າໝາຍຈໍານວນໜຶ່ງ ແລະ ໄດ້ອອກແຈ້ງການໃຫ້ເປົ້າໝາຍລາຍງານຄວາມຄືບໜ້າການແກ້ໄຂຜົນການກວດສອບໃນແຕ່ລະປີຕາມມາດຕາ 71 ຂອງກົດໝາຍ ວ່າດ້ວຍການກວດສອບແຫ່ງລັດ ສະບັບປັບປຸງປີ 2022; ໄດ້ອອກຄໍາແນະນໍາໃຫ້ເປົ້າໝາຍຖືກກວດສອບປັບປຸງແກ້ໄຂຂໍ້ຄົງຄ້າງຢ່າງລະ ອຽດຕາມທີ່ໄດ້ຍົກຂຶ້ນໃນບົດບັນທຶກຜົນການກວດສອບ, ຈົດໝາຍແນະນໍາ ແລະ ບົດແຈ້ງຜົນການກວດສອບ ເປັນແຕ່ລະເປົ້າໝາຍ; ໄດ້ແຍກຂໍ້ມູນການຕິດຕາມ, ຊຸກຍູ້ແກ້ໄຂຜົນການກວດສອບອອກເປັນແຕ່ລະເປົ້າໝາຍ(ກະຊວງ-ອົງການ ແລະ ອົງການປົກຄອງທ້ອງຖິ່ນ) ສົ່ງໃຫ້ຫ້ອງວ່າການສໍານັກງານນາຍົກລັດຖະມົນຕີ ເພື່ອຊີ້ນໍາ, ແຕ່ງຕັ້ງຄະນະຮັບຜິດຊອບສັງລວມ ແລະ ລາຍງານຄວາມຄືບໜ້າການແກ້ໄຂຜົນການກວດສອບເປັນແຕ່ລະໄຕມາດ; ຈັດກອງປະຊຸມຮ່ວມກັບອົງການຄຸ້ມຄອງເປົ້າໝາຍ ແລະ ເປົ້າໝາຍຖືກກວດສອບ ເພື່ອແຈ້ງຜົນການກວດສອບ ແລະ ຕິດຕາມ, ຊຸກຍູ້ ການແກ້ໄຂຜົນການກວດສອບ; ໄດ້ອອກໜັງສືເລັ່ງທວງໃຫ້ເປົ້າໝາຍຖືກກວດສອບມອບພັນທະຕ່າງໆ ເຂົ້າງົບປະມານແຫ່ງລັດຕາມບົດບັນທຶກຜົນການກວດສອບ, ຈົດໝາຍແນະນໍາ ແລະ ບົດແຈ້ງຜົນການກວດສອບ.
ຜ່ານການຕິດຕາມ, ຊຸກຍູ້, ການກວດສອບຄືນການແກ້ໄຂຜົນການກວດສອບໃນປີ 2026 ໂດຍສະເພາະບັນຫາທີ່ຕິດພັນກັບເງິນທີ່ກວດສອບເຫັນເພີ່ມ, ໜີ້ຕ້ອງຮັບສ່ວຍສາອາກອນ, ໜີ້ຕ້ອງຮັບຊັບສິນ, ຄ່າເຊົ່າ-ສໍາປະ ທານ, ເງິນທີ່ຮັກສາໄວ້ໃນບັນຊີລາຍຮັບລໍຖ້າສະສາງ (ບັນຊີ 547), ລາຍຮັບທີ່ເປັນທ່າແຮງບົ່ມຊ້ອນ (ທີ່ບໍ່ຢູ່ໃນບັນຊີຕິດຕາມໜີ້ຕ້ອງຮັບຂອງຂະແໜງການທີ່ກ່ຽວຂ້ອງ) ຈາກບັນດາວິສາຫະກິດ, ທະນາຄານ, ກິດຈະການເຊົ່າ-ສໍາປະທານ ແລະ ການຂຸດຄົ້ນແຮ່ທາດ ຊຶ່ງເປັນລາຍຮັບສໍາຄັນຕົ້ນຕໍຂອງງົບປະມານແຫ່ງລັດ ທີ່ຍັງເກັບບໍ່ທັນໄດ້, ບໍ່ທັນໄດ້ເກັບ, ເກັບໃນອັດຕາຕໍ່າກວ່າກົດໝາຍ ແລະ ລະບຽບການກຳນົດໄວ້ ຊຶ່ງເຮັດໃຫ້ລັດເສຍຜົນປະໂຫຍດ ແລະ ຕ້ອງໄດ້ປັບປຸງແກ້ໄຂທັງໝົດຄື: ຂົງເຂດງົບປະມານລັດ 14,124.88 ຕື້ກີບ ແລະ 25.42 ລ້ານໂດລາ. ໃນນັ້ນ, ແກ້ໄຂໄດ້ 5,577.68 ຕື້ກີບ ແລະ 3.75 ລ້ານໂດລາ ເທົ່າກັບ 38.57% ຂອງຈໍານວນທີ່ຕ້ອງແກ້ໄຂ ຊຶ່ງມີລາຍລະອຽດດັ່ງນີ້: ມອບເປັນເງິນ: ຕາມຜົນການກວດສອບມີຈໍານວນ 12,456.28 ຕື້ກີບ ແລະ 25.25 ລ້ານໂດລາ, ແກ້ໄຂໄດ້ຈໍານວນ 3,417.84 ຕື້ກີບ, 3.70 ລ້ານໂດລາ ແລະ ໄດ້ຈົດຮັບ-ຈົດຈ່າຍຜ່ານລະບົບງົບປະມານແຫ່ງລັດ 2,103.08 ຕື້ກີບ ເທົ່າກັບ 43.08% ຂອງຈໍານວນທີ່ຕ້ອງມອບ; ຈົດຮັບ-ຈົດຈ່າຍ ແລະ ຫັກລົບຜ່ານລະບົບງົບປະມານແຫ່ງລັດຕາມຜົນການກວດສອບມີຈໍານວນ 1,668.60 ຕື້ກີບ, 170,000 ໂດລາ ແກ້ໄຂໄດ້ຈໍານວນ 56.76 ຕື້ກີບ ແລະ 50,000 ໂດລາ ເທົ່າກັບ 3.46% ຂອງຈໍານວນທີ່ຕ້ອງສະສາງ; ຂົງເຂດໂຄງການເງິນກູ້ຢືມ ແລະ ຊ່ວຍເຫຼືອ 81.26 ຕື້ກີບ. ໃນນັ້ນ, ແກ້ໄຂໄດ້ຈໍານວນ 52.10 ຕື້ກີບ ເທົ່າກັບ 64.11% ຂອງ ຈໍານວນທີ່ຕ້ອງແກ້ໄຂລະອຽດດັ່ງນີ້: ມອບເປັນເງິນ: ຕາມຜົນການກວດສອບມີຈຳນວນ 3.94 ຕື້ກີບ, ແກ້ໄຂໄດ້ ຈຳນວນ 0.82 ຕື້ກີບ ແລະ ເທົ່າກັບ 20.69% ຂອງຈໍານວນທີ່ຕ້ອງມອບ; ການສັງລວມມູນຄ່າຕົ້ນທຶນຊັບສົມບັດທີ່ເຂົ້າໃນບົດສະຫຼຸບບັນຊີ: ຕາມຜົນການກວດສອບມີຈໍານວນ 77.32 ຕື້ກີບ, ແກ້ໄຂໄດ້ຈໍານວນ 51.28 ຕື້ກີບ ເທົ່າກັບ 66.33% ຂອງຈໍານວນທີ່ຕ້ອງສະສາງ; ຂົງເຂດລັດວິສາຫະກິດ 1,963.16 ຕື້ກີບ. ໃນນັ້ນ, ແກ້ໄຂໄດ້ 1,760.60 ຕື້ກີບ ເທົ່າກັບ 89.68% ຂອງຈໍານວນທີ່ຕ້ອງແກ້ໄຂລະອຽດດັ່ງນີ້: ມອບເປັນເງິນ: ຕາມຜົນການກວດສອບມີຈຳນວນ 36.56 ຕື້ກີບ, ແກ້ໄຂໄດ້ຈຳນວນ 11.42 ຕື້ກີບ ແລະ ເທົ່າກັບ 31.24% ຂອງຈໍານວນທີ່ຕ້ອງມອບ; ການປັບປຸງການບັນທຶກບັນຊີທີ່ບໍ່ຄົບຖ້ວນ ເຂົ້າເອກະສານລາຍງານການເງິນຂອງລັດວິສາຫະກິດ ແລະ ລັດ ຮ່ວມທຶນຕາມຜົນການກວດສອບຈໍານວນ 1,926.60 ຕື້ກີບ, ແກ້ໄຂໄດ້ຈຳນວນ 1,749.18 ຕື້ກີບ ເທົ່າກັບ 90.79% ຂອງຈໍານວນທີ່ຕ້ອງແກ້ໄຂ; ຂົງເຂດທະນາຄານ: 14,345.52 ຕື້ກີບ. ໃນນັ້ນ: ແກ້ໄຂໄດ້ 3,781.07 ຕື້ກີບ ເທົ່າກັບ 26.36% ຂອງຈໍານວນທີ່ຕ້ອງແກ້ໄຂ ລະອຽດດັ່ງນີ້: ມອບເປັນເງິນ: ຕາມຜົນການກວດສອບ ມີຈໍານວນ 1.82 ຕື້ກີບ, ແກ້ໄຂໄດ້ຈຳນວນ 1.16 ຕື້ກີບ ແລະ ເທົ່າກັບ 63.88% ຂອງຈໍານວນທີ່ຕ້ອງມອບ; ການເກັບກູ້ເງິນຄືນຈາກການປ່ອຍກູ້ ແລະ ເງິນລັກໂລບໃນລະບົບທະນາຄານຕາມຜົນການກວດສອບ ຈໍານວນ 14,343.70 ຕື້ກີບ, ແກ້ໄຂໄດ້ ຈໍານວນ 3,779.91 ຕື້ກີບ ເທົ່າກັບ 26.35% ຂອງຈໍານວນທີ່ຕ້ອງເກັບຄືນ. (ຂ່າວ: ວັນເພັງ, ພາບ: ບຸນຕອມ)
ຄໍາເຫັນ