ປີ2023ການຂະຫຍາຍການຊົມໃຊ້ໄຟຟ້າສູ່ຊົນນະບົດດ້ວຍຫຼາຍຮູບແບບ ໄດ້ ແລ້ວ 95,72%

ມາຮອດປັດຈຸບັນ, ຂະແໜງພະລັງງານໄດ້ເອົາໃຈໃສ່ ການຂະຫຍາຍຕາໜ່າງໄຟຟ້າອອກສູ່ຊົນນະບົດ ຫຼື ເຂດຫ່າງໄກສອກຫຼີກ ດ້ວຍຫຼາຍຮູບແບບ ໂດຍການຮ່ວມມືກັບບັນດາປະເທດຄູ່ຮ່ວມພັດທະນາ, ອົງການຈັດຕັ້ງສາກົນ ເປັນຕົ້ນ ແມ່ນ: ສປ ຈີນ, ສ.ເກົາຫຼີ, ນິວຊີແລນ, UNDP... ໃນໂຄງການກໍ່ສ້າງຕາຂ່າຍໄຟຟ້າ ແລະ ຕິດຕັ້ງໝໍ້ແປງໄຟຟ້າ 22/0,4 kV, ໂຄງການແສງຕາເວັນ ແລະ ໂຄງການເຂື່ອນໄຟຟ້າຂະໜາດນ້ອຍ. ສິ່ງສໍາຄັນແມ່ນໄດ້ຮັບ ງົບປະມານຂອງລັດຖະບານ ເຂົ້າໃນໂຄງການລົງທຶນຂອງລັດເຂົ້າໃນການພັດທະນາ ມາຮອດປີ 2023 ໂຄງການ ລົງທຶນຂອງລັດ ຂອງຂະແໜງພະລັງງານ ແລະ ບໍ່ແຮ່ ມີທັງໝົດ 76 ໂຄງການ ລວມມູນຄ່າຕາມສະພາຮັບຮອງ 3.544.993,92 ລ້ານກີບ, ລວມມູນຄ່າຕາມສັນຍາ 3.602.563,12 ລ້ານກີບ ປະກອບມີ: ໂຄງການທຶນ ປົກກະຕິ 52 ໂຄງການ, ທຶນເປົ້າໝາຍສະເພາະ 20 ໂຄງການ ແລະ ໂຄງການສົມທົບທຶນຂອງລັດຖະບານ 4 ໂຄງການ. ຮອດປີ 2023 ສາມາດຊໍາລະໄດ້ທັງໝົດ ລວມມູນຄ່າ 1.189.663,25 ລ້ານກີບ, ຄ້າງຊໍາລະຮອດປີ 2023 ຕາມສະພາຮັບຮອງ 2.355.330,67 ລ້ານກີບ (ຕາມສັນຍາ 2.412.899,87 ລ້ານກີບ). 
ມາຮອດປັດຈຸບັນ,ການເຂົ້າເຖິງໄຟຟ້າຂອງຄົວເຮືອນທົ່ວປະເທດປະຕິບັດໄດ້ 95,27%, ຊຶ່ງເຫັນໄດ້ວ່າຍັງມີ ພຽງແຂວງຜົ້ງສາລີ, ອຸດົມໄຊ, ຫົວພັນ, ຫຼວງນ້ໍາທາ, ເຊກອງ ທີ່ຍັງມີອັດຕາການເຂົ້າເຖິງໄຟຟ້າຂອງຄົວເຮືອນ ຍັງຕໍ່າ ຢູ່ໃນລະດັບ 66%, 83%, 87%, 89% ຕາມລໍາດັບ. (ໂດຍ: ຕະວິນຍານ)