ຊຶ່ງຈະເອົາຂະບວນການດັ່ງກ່າວ ຕິດພັນກັບໜ້າວຽກວິຊາສະເພາະຕົວຈິງໂດຍຈະສືບຕໍ່ຖືເອົາການສຶກສາອົບຮົມການເມືອງ-ແນວຄິດໃຫ້ສະມາຊິກພັກ,ພະນັກງານ-ລັດຖະກອນ ໃຫ້ເປັນປົກກະຕິ, ຕໍ່ເນື່ອງເຮັດໃຫ້ມີຄວາມເຊື່ອໝັ້ນຕໍ່ແນວທາງນະໂຍບາຍ ແລະ ການນໍາພາຂອງພັກ-ລັດ ຢ່າງເລິກເຊິ່ງ.
ທ່ານ ລິດຕາ ຂັດຕະຍະ ຮອງລັດຖະມົນຕີ ກະຊວງໂຍທາ ແລະຂົນສົ່ງ ໄດ້ປະກອບຄໍາເຫັນຕໍ່ກອງປະຊຸມສະຫຼຸບ ຕີລາຄາການຈັດຕັ້ງປະຕິບັດຂະບວນການແຂ່ງຂັນ ຮັກຊາດ ແລະ ພັດທະນາ ປະຈໍາປີ 2024ຜ່ານມາວ່າ:ໃນໄລຍະຜ່ານມາ ກະຊວງໂຍທາທິການ ແລະ ຂົນສົ່ງ ໄດ້ຖືເອົາຂະບວນການແຂ່ງຂັນ-ຍ້ອງຍໍຮັກຊາດ ແລະ ພັດທະນາ ຕິດພັນກັບການປະຕິບັດຕາມແນວທາງນະໂຍບາຍຂອງພັກ-ລັດແຜນພັດທະນາເສດຖະກິດ-ສັງຄົມຂອງລັດ, ຂະບວນການຕ່າງໆ ດ້ານເສດຖະກິດ,ວັດທະນະທໍາ-ສັງຄົມ; ດ້ານການປ້ອງກັນຊາດ-ປ້ອງກັນຄວາມສະຫງົບ;ດ້ານການຕ່າງປະເທດ;ການແກ້ໄຂຄວາມທຸກຍາກຂອງປະຊາຊົນ ແລະອື່ນໆ,ເພື່ອເປັນການປຸກລະດົມສ້າງໃຫ້ພະນັກງານ-ລັດຖະກອນ ທຸກຄົນໃຫ້ມີນໍ້າໃຈຮັກຊາດ,ຮັກລະບອບປະຊາປະໄຕປະຊາຊົນ ແລະ ມີຄວາມດຸໝັ່ນໃນການອອກແຮງງານ.ເອົາໃຈໃສ່ຜັນຂະຫຍາຍ ແລະ ຈັດຕັ້ງປະຕິບັດຢ່າງຕັ້ງໜ້າ ໂດຍການຈັດຕັ້ງຊີ້ນຳ-ບັນຊາຢ່າງເປັນລະບົບ, ມີການວາງແຜນກໍານົດຈຸດປະສົງ, ຄາດໝາຍ, ຂອບເຂດ, ເປົ້າໝາຍ ແລະ ເນື້ອໃນແຂ່ງຂັນ;ມີການແຕ່ງຕັ້ງຄະນະຊີ້ນໍາວຽກງານແຂ່ງຂັນ-ຍ້ອງຍໍຮັກຊາດແລະພັດທະນາ;ໄດ້ເປີດຂະບວນການແຂ່ງຂັນ,ປຸກລະດົມ, ຊຸກຍູ້, ຕິດຕາມຂະບວນແຂ່ງຂັນເປັນແຕ່ລະໄລຍະ, ແຕ່ລະບັ້ນ ແລະ ມີຜົນສໍາເລັດອັນຕັ້ງໜ້າໃນຫຼາຍດ້ານ.ພ້ອມກັນນັ້ນ, ກໍໄດ້ມີການສະຫຼຸບ,ຕີລາຄາ,ປະເມີນຂະບວນການແຂ່ງຂັນຮັກຊາດ, ສ້າງບ້ານພັດທະນາ, ຜັນຂະຫຍາຍວຽກງານສາມສ້າງເຂົ້າສູ່ລວງເລິກຊຶ່ງຕິດພັນກັບການຄັດເລືອກຜົນງານການຍ້ອງຍໍບຸກຄົນ ແລະ ກົມກອງດີເດັ່ນທີ່ໄດ້ປະກອບສ່ວນເຂົ້າໃນຂະບວນການແຂ່ງຂັນຮັກຊາດ ແລະ ພັດທະນາ; ເອົາໃຈໃສ່ປຸກລະດົມຊຸກຍູ້ ຈັດຕັ້ງປະຕິບັດວຽກງານຂະບວນການແຂ່ງຂັນ ແລະຍ້ອງຍໍມີຜົນສຳເລັດຫຼາຍ ໂດຍສະເພາະແມ່ນການແຂ່ງຂັນພັດທະນາພື້ນຖານໂຄ່ງລ່າງ ໃນຂະແໜງຂົວທາງເພື່ອເຮັດໃຫ້ຮັບປະກັນການປະຕິບັດວຽກງານວິຊາສະເພາະທີ່ນອນໃນແຜນງານວຽກຈຸດສຸມ ໃຫ້ສໍາເລັດຕາມຄາດໝາຍຫຼື ລື່ນຄາດໝາຍ,ໃຫ້ຮັບປະກັນດ້ານຄຸນນະພາບ ຕາມມາດຕະຖານເຕັກນິກການອອກແບບ,ການຄິດໄລ່ລາຄາ ແລະ ສໍາເລັດຕາມເວລາທີ່ໄດ້ກໍານົດໄວ້ໃນສັນຍາເປັນຕົ້ນໄດ້ເອົາໃຈໃສ່ຕໍ່ບັນດາໜ້າວຽກຈຸດສຸມທີ່ພົ້ນເດັ່ນຄື:ການບູລະນະຮັກສາແລະສ້ອມແປງທາງຫຼວງທ້ອງຖິ່ນໃນນັ້ນວຽກສ້ອມແປງຕາມກໍານົດ ແລະ ປັບປຸງເປັນບາງຈຸດ ແລະ ວຽກສ້ອມແປງຕາມປົກກະຕິ ດ້ວຍສັນຍາມອບເໝົາໄດ້ຈັດຕັ້ງປະຕິບັດສໍາເລັດຕາມແຜນທີ່ກໍານົດໄວ້,ວຽກໂຄງການ ພັດທະນາແລວທາງເສດຖະກິດພາກພື້ນອາຊີຕາເວັນອອກສ່ຽງໃຕ້ ເພື່ອການເຊື່ອມໂຍງ ແລະ ເຊື່ອມຈອດ (SEARECC) ຄວາມຄືບໜ້າຮອດປັດຈຸບັນ ສໍາລັບທາງ 2Wແມ່ນສໍາເລັດການສໍາຫຼວດ-ອອກແບບ ສຶກສາຄວາມເປັນໄປໄດ້ໃນເບື້ອງຕົ້ນ (FS)ແລະ ຜູ້ໃຫ້ທຶນໄດ້ເຫັນດີຮັບຮອງຜົນການສຶກສາອອກແບບ,ໂຄງການກໍ່ສ້າງຂົວຂ້າມນ້ຳຂອງລາວ-ໄທ ແຫ່ງທີV (ປາກຊັນ-ບຶງການ), ລວງຍາວທັງໝົດ535 ມ, ປະຕິບັດສະເລ່ຍໄດ້ 94%,ໂຄງການກໍ່ສ້າງຟື້ນຟູທາງ13ເໜືອ(ສີໄຄ-ສີເກີດ), ລວງຍາວລວມທັງໝົດ6ກມ,ໄລຍະເວລາກໍ່ສ້າງ 18 ເດືອນ ປະຕິບັດສະເລ່ຍໄດ້ 80%,ດຳເນີນວຽກຊົດເຊີຍໃຫ້ແກ່ຜູ້ໄດ້ຮັບຜົນກະທົບຕາມແລວທາງ ສໍາເລັດ 97.00%,ໂຄງການປັບປຸງ ແລະ ສ້ອມແປງທາງຫຼວງແຫ່ງຊາດ13 ໃຕ້ ແຕ່ ກມ 21-71 (ນະຄອນຫຼວງວຽງຈັນ ຫາ ເມືອງທ່າພະບາດ ແຂວງບໍລິຄໍາໄຊ). ແຕ່ ກມ 71-346, ລວງຍາວລວມທັງໝົດ 275 ກມ, ປະຕິບັດໄດ້ສະເລ່ຍ 96.16%,ໂຄງການພັດທະນາຊົນລະບົດໄລຍະ 3ແຂວງຫົວພັນ ປະຕິບັດສະເລ່ຍໄດ້ 90%, ວຽກໂຄງການກໍ່ສ້າງທາງດ່ວນແຕ່ນະຄອນຫຼວງວຽງຈັນຫາບໍ່ເຕ່ນແຂວງຫຼວງນໍ້າທາ, ວຽກໂຄງການກໍ່ສ້າງທາງດ່ວນແຕ່ບໍ່ເຕ່ນ ແຂວງຫຼວງນໍ້າທາ ຫາ ຫ້ວຍຊາຍ ແຂວງບໍ່ແກ້ວ ລວງຍາວປະມານ 176.29 ກມ.ໄດ້ສໍາເລັດການຮັບຮອງເອົາແບບແຕ້ມລະອຽດຂອງໂຄງການແລະໄດ້ສໍາເລັດການເຊັນສັນຍາຮ່ວມຮຸ້ນ,ວຽກໂຄງການກໍ່ສ້າງທາງດ່ວນ ແຕ່ນະຄອນຫຼວງວຽງຈັນ ຫາ ປາກເຊ ແຂວງຈໍາປາສັກ ຍາວປະມານ 618.5 ກມ.ໂດຍພື້ນຖານບໍລິສັດໄດ້ສໍາເລັດການອອກແບບລະອຽດລັດຖະບານໄດ້ຮັບຮອງເອົາແລວທາງ,ວຽກໂຄງການທາງດ່ວນ (ແລວໃໝ່) ຂະໜານທາງເລກທີ 12 ແຕ່ຂົວມິດຕະພາບ ລາວ-ໄທ ແຫ່ງທີ 3 ເມືອງທ່າແຂກ ຫາ ຊາຍແດນ ລາວ-ຫວຽດນາມ (ນາເພົ້າ-ຈໍຫຼໍ) ແຂວງຄຳມ່ວນ, ລວງຍາວປະມານ 137.1 ກມ. ໄດ້ສໍາເລັດການຮັບຮອງບົດສຶກສາຄວາມເປັນໄປໄດ້ທາງດ້ານເສດຖະກິດ-ເຕັກນິກ,ວຽກການທາງດ່ວນ (ແລວໃໝ່) ແຕ່ທ່າງ່ອນ ເມືອງໄຊທານີ ນະຄອນຫຼວງວຽງຈັນ ຫາ ບ້ານນາຊ່າງເຫຼັກ ເມືອງທຸລະຄົມ ແຂວງວຽງຈັນ, ລວງຍາວປະມານ 29.55 ກມ ແລະວຽກທາງດ່ວນ (ແລວທາງໃໝ່) ແຕ່ນະຄອນຫຼວງວຽງຈັນ-ແຂວງໄຊສົມບູນ-ແຂວງຊຽງຂວາງ-ແຂວງຫົວພັນ-(ດ່ານສາກົນນໍ້າໂສຍ) ຊາຍແດນ ລາວ-ຫວຽດນາມ ລວງຍາວປະມານ 400 ກມ,ວຽກການກໍ່ສ້າງທາງດ່ວນ (ແລວໃໝ່) ແຕ່ເມືອງປາກຊັນ ຫາ ເມືອງໄຊຈໍາພອນແຂວງບໍລິຄຳໄຊ (ຊາຍແດນ ລາວ-ຫວຽດນາມ) ລວງຍາວປະມານ 203.8 ກມ. ລັດຖະບານໄດ້ຮັບຮອງເອົາແລວທາງ,ການບູລະນະຮັກສາ ແລະ ສ້ອມແປງທາງຫຼວງແຫ່ງຊາດເພື່ອຕິດຕາມ, ຊຸກຍູ້ການຈັດຕັ້ງປະຕິບັດ ວຽກບູລະນະຮັກສາ ແລະ ສ້ອມແປງທາງຫຼວງແຫ່ງຊາດເປັນໄລຍະ,ໂຄງການກໍ່ສ້າງຂົວກ້ອນຕື່ນ ຫ້ວຍແກ້ວ ເມືອງປາກທາ ແຂວງບໍ່ແກ້ວ 100%,ໂຄງການກໍ່ສ້າງຂົວ 12 ແຫ່ງທາງເລກ 20 ແຂວງຈໍປາສັກ ແລະ ສາລະວັນ ປະຕິບັດໄດ້ 58%,ລົງສົມທົບກັບພະແນກ ຍທຂ ແຂວງ ປັບປຸງສ້ອມແປງ ແລະ ກໍ່ສ້າງຂົວ ທີ່ໄດ້ຮັບຮອງ ແລະ ອະນຸມັດທຶນພາຍໃນ ແລະ ຕ່າງປະເທດຕາມແຜນທີ່ກໍານົດໄວ້.
ທ່ານກ່າວຕື່ມວ່າ:ເພື່ອສືບຕໍ່ຜັນຂະຫຍາຍສູ້ຊົນ, ບຸກບືນສ້າງຂະບວນການແຂ່ງຂັນຮັກຊາດ ແລະ ພັດທະນາ ໃນປີ 2025ທົ່ວຂະແໜງໂຍທາທິການ ແລະ ຂົນສົ່ງ ໂດຍສະເພາະແມ່ນວຽກຂະແໜງຂົວທາງຕາມແຜນຈຸດສຸມ ໃຫ້ມີຜົນສໍາເລັດຕົວຈິງ ຕາມເນື້ອໃນຂໍ້ແຂ່ງຂັນທີ່ສູນກາງວາງອອກ ຄື: ໃຫ້ໄວ, ໃຫ້ດີ, ໃຫ້ຫຼາຍ, ໃຫ້ຖືກກົດໝາຍຊຶ່ງຈະຜັນຂະຫຍາຍເນື້ອໃນ ຂໍ້ແຂ່ງຂັນດັ່ງກ່າວໃຫ້ຕິດພັນກັບວິຊາສະເພາະຂອງໜ້າວຽກຕົວຈິງໂດຍຈະສືບຕໍ່ຖືເອົາການສຶກສາອົບຮົມການເມືອງ-ແນວຄິດໃຫ້ສະມາຊິກພັກ,ພະນັກງານ-ລັດຖະກອນ ໃຫ້ເປັນປົກກະຕິ, ຕໍ່ເນື່ອງເຮັດໃຫ້ມີຄວາມເຊື່ອໝັ້ນຕໍ່ແນວທາງນະໂຍບາຍ ແລະ ການນໍາພາຂອງພັກ-ລັດ ຢ່າງເລິກເຊິ່ງ, ມີຄວາມອຸ່ນອ່ຽນໃນການປະຕິບັດໜ້າທີ່ວຽກງານຕາມຄວາມຮັບຜິດຊອບວຽກວິຊາສະເພາະຢູ່ຂະແໜງການໃນແຜນງານວຽກຈຸດສຸມ ໃຫ້ສໍາເລັດຕາມຄາດໝາຍ ຫຼື ລື່ນຄາດໝາຍ,ຮັບປະກັນດ້ານຄຸນນະພາບ ຕາມມາດຕະຖານເຕັກນິກການອອກແບບ, ການຄິດໄລ່ລາຄາ ແລະ ເວລາທີ່ກໍານົດໄວ້ໃນສັນຍາ,ຕັ້ງໜ້າຜັນຂະຫຍາຍດໍາລັດ ແລະ ຄໍາແນະນໍາກ່ຽວກັບວຽກແຂ່ງຂັນ ແລະ ຍ້ອງຍໍ ໃຫ້ບຸກຄົນ ແລະການຈັດຕັ້ງເຂົ້າໃຈຢ່າງເລິກເຊິງ ຈັດຕັ້ງປະຕິບັດການແຂ່ງຂັນປົກກະຕິ, ເປັນບັ້ນຕິດພັນກັບວຽກວິຊາສະເພາະ ໃຫ້ຖືກຕ້ອງຕາມວິທີ ແລະ ຂັ້ນຕອນຂອງການແຂ່ງຂັນ.
ຄໍາເຫັນ