 |
ໃນພິທີ, ສະຫາຍ ພົຈວ ບຸນທົງ ສີດາວົງ ໄດ້ຍົກໃຫ້ເຫັນປະຫວັດການກຳເນີດເຕີບໃຫຍ່ຂະຫຍາຍຕົວ ແລະ ຜົນງານທີ່ພົ້ນເດັ່ນຂອງກຳລັງພະລາທິການປ້ອງກັນຄວາມສະຫງົບ ຊຶ່ງກຳລັງພະລາທິການປ້ອງກັນຄວາມສະຫງົບແມ່ນເຫຼົ່າຮົບວິຊາສະເພາະໜຶ່ງທີ່ສໍາຄັນ ເຮັດວຽກງານຮັບປະກັນພະລາທິການຮອບດ້ານໃຫ້ກະຊວງ ປກສ ເປັນຕົ້ນ: ທາງດ້ານງົບປະມານ, ການກໍ່ສ້າງໂຄງລ່າງພື້ນຖານ, ເຄື່ອງອຸປະໂພກ-ບໍລິໂພກ, ອາວຸດຍຸດໂທປະກອນ, ຊັບສິນ-ທີ່ດິນ, ພາຫະນະ-ເຕັກນິກ, ນໍ້າມັນເຊື້ອໄຟ, ການຜະລິດ-ທຸລະກິດ, ການປິ່ນປົວຮັກສາສຸຂະພາບ ຕະຫຼອດຮອດວຽກງານບໍລິການຮັກສາຄວາມປອດໄພ ປະກອບສ່ວນອັນສໍາຄັນໃຫ້ ເຫຼົ່າຮົບວິຊາສະເພາະອື່ນໆ ເພື່ອພ້ອມກັນເຮັດສຳເລັດໜ້າທີ່ການເມືອງທີ່ພັກ-ລັດມອບໝາຍ ໂດຍສະເພາະແມ່ນຂົງເຂດວຽກງານປ້ອງກັນຊາດ-ປ້ອງກັນຄວາມສະຫງົບ ທີ່ເປັນມູນເຊື້ອອັນດີງາມໃຫ້ກຳລັງປ້ອງກັນຄວາມສະຫງົບ ເວົ້າສະເພາະ ແມ່ນກຳລັງພະລາທິການປ້ອງກັນຄວາມສະຫງົບ ຕ້ອງໄດ້ສືບຕໍ່ເສີມຂະຫຍາຍ, ຮັກສາມູນເຊື້ອ ແລະ ພັດທະນາກຳລັງປ້ອງກັນຄວາມສະຫງົບ ໃຫ້ເຕີບໃຫຍ່ເຂັ້ມແຂງທັນສະໄໝຂຶ້ນເປັນກ້າວໆ.
ຈາກນັ້ນ, ສະຫາຍ ພັທ ສີວິໄລ ວົງພົມ ຫົວໜ້າຫ້ອງການເມືອງ ກອງບັນຊາການ ປກ ໄດ້ຜ່ານຂໍ້ຕົກລົງຂອງກົມໃຫຍ່ການເມືອງ ປກສ ວ່າດ້ວຍການຍົກຍ້າຍ ແລະ ແຕ່ງຕັ້ງນາຍຕຳຫຼວດ ທີ່ຂຶ້ນກັບກອງບັນ ຊາການ ປກ. ໃນນີ້, ໄດ້ຍົກຍ້າຍສະຫາຍ ພັອ ຄຳແພງ ແສງບຸນທັນ ຈາກກອງພັນປ້ອງກັນແຂກຕ່າງປະ ເທດ, ກອງປະຊຸມ (122) ໄປຮັບໜ້າທີ່ໃໝ່ຢູ່ກອງພັນປ້ອງກັນການນຳພັກ-ລັດ (120); ຍົກຍ້າຍສະຫາຍ ພັທ ພູວັນ ທຳມະວົງ ຈາກຫ້ອງເສນາທິການ ໄປຮັບໜ້າທີ່ໃໝ່ຢູ່ຫ້ອງການກອງບັນຊາການ; ຍົກຍ້າຍສະຫາຍ ພັທ ຄອນສະຫວັນ ອ້ວນຄຳຈັນ ຈາກຫ້ອງພະລາທິການ ໄປຮັບໜ້າທີ່ໃໝ່ຢູ່ຫ້ອງເສນາທິການ; ຍົກຍ້າຍສະຫາຍ ພັທ ແສງເພັດ ແກ້ວໜໍ່ລາດ ຈາກກອງພັນປ້ອງກັນແຂກຕ່າງປະເທດ, ກອງປະຊຸມ (122) ໄປຮັບໜ້າທີ່ໃໝ່ຢູ່ ກອງພັນປ້ອງກັນການນຳ ພັກ-ລັດ (120) ແລະ ໄດ້ແຕ່ງຕັ້ງສະຫາຍ ພັທ ພູວັນ ທຳມະວົງ ເປັນຮອງຫົວໜ້າຫ້ອງການກອງບັນຊາການ; ແຕ່ງຕັ້ງສະຫາຍ ພັທ ທົດສະກັນ ພົມມະຈັນ ເປັນຫົວໜ້າຫ້ອງເສນາທິການ ແລະ ສະຫາຍ ພັທ ຄອນສະຫວັນ ອ້ວນນູຈັນ ເປັນຮອງຫົວໜ້າຫ້ອງເສນາທິການ; ແຕ່ງຕັ້ງສະຫາຍ ພັທ ຄຳໄພ ຫຼ້າບຸນຈັນ ເປັນຮອງຫົວໜ້າຫ້ອງພະລາທິການ; ແຕ່ງຕັ້ງສະຫາຍ ພັອ ຄຳແພງ ແສງບຸນທັນ ເປັນຫົວໜ້າກອງພັນປ້ອງກັນການນຳພັກ-ລັດ (120) ແລະ ສະຫາຍ ພັທ ແສງເພັດ ແກ້ວໜໍ່ລາດ ເປັນຮອງຫົວໜ້າກອງພັນປ້ອງກັນການນຳພັກ-ລັດ (120); ແຕ່ງຕັ້ງສະຫາຍ ພັທ ຄຳພູວົງ ບຸດຕະວົງ ເປັນຫົວໜ້າໜ້າກອງ ພັນປ້ອງກັນແຂກຕ່າງປະເທດ, ກອງປະຊຸມ (122) ແລະ ສະຫາຍ ພັທ ໂມງຄຳ ເດີນມະນີທອງ ເປັນຮອງຫົວໜ້າກອງພັນປ້ອງກັນແຂກຕ່າງປະເທດ, ກອງປະຊຸມ (122). ຈາກນັ້ນ, ກໍໄດ້ຜ່ານຂໍ້ຕົກລົງຂອງກອງບັນ ຊາການປ້ອງກັນສູນກາງ ວ່າດ້ວຍການແຕ່ງຕັ້ງນາຍ ແລະ ພົນຕຳຫຼວດຂັ້ນຫົວໜ້າ ແລະ ຮອງຫົວໜ້າພະແນກ, ຮອງຫົວໜ້າອຳນວຍການໂຮງຮຽນ, ຫົວໜ້າ-ຮອງຫົວໜ້າກອງຮ້ອຍ, ຫົວໜ້າ-ຮອງຫົວໜ້າສຳນັກງານກອງຮ້ອຍ, ໜວດ-ໝູ່ທີ່ຂຶ້ນກັບກອງບັນຊາການປ້ອງກັນສູນກາງຈຳນວນ 88 ສະຫາຍ ຍິງ 15 ສະຫາຍ ສ່ວນຫົວໜ້າ ແລະ ຮອງຫົວໜ້າທີ່ມີຢູ່ແລ້ວແມ່ນຮັກສາໄວ້ຄືເກົ່າ.
ໂອກາດນີ້, ສະຫາຍ ພົຈວ ບຸນທົງ ສີດາວົງ ໄດ້ສະແດງຄວາມຍ້ອງຍໍຊົມເຊີຍຕໍ່ຜູ້ທີ່ໄດ້ຮັບການແຕ່ງຕັ້ງໜ້າທີ່ໃໝ່ໃນຄັ້ງນີ້ ຊຶ່ງສະແດງເຖິງຜົນງານ ແລະ ໄຊຊະນະທີ່ທຸກສະຫາຍຍາດມາໄດ້ໃນໄລຍະຜ່ານມາ ພ້ອມທັງເນັ້ນໃຫ້ທຸກສະຫາຍ ສືບຕໍ່ປະຕິບັດວຽກງານດ້ວຍຄວາມຫ້າວຫັນ, ອົດທົນ, ຜ່ານຜ່າທຸກຄວາມຫຍຸ້ງຍາກ, ທຸກອຸປະສັກສິ່ງທ້າຍທາຍຕ່າງໆ, ຕັ້ງໜ້າປັບປຸງແບບແຜນວິທີເຮັດວຽກ, ປະຕິບັດຫຼັກການລວມສູນປະຊາທິປະໄຕ, ສຸມຫົວຄິດປະດິດສ້າງ, ກ້າຄິດ, ກ້າເຮັດ ແລະ ກ້າຮັບຜິດຊອບຕໍ່ວຽກງານ ແລະ ຕໍ່ກົມກອງ, ສືບຕໍ່ເອົາໃຈໃສ່ສຶກສາອົບຮົມການເມືອງ-ແນວຄິດໃຫ້ນາຍ ແລະ ພົນຕຳຫຼວດທີ່ຕົນຮັບຜິດຊອບ, ເອົາໃຈໃສ່ຈັດຕັ້ງປະຕິບັດເຮັດໜ້າທີ່ວິຊາສະເພາະ ທີ່ການຈັດຕັ້ງມອບໝາຍໃຫ້ມີຜົນສໍາເລັດ.
ຂ່າວ: ນົກແກ້ວ
ຄໍາເຫັນ