 |
ກອງປະຊຸມໄດ້ຮັບຟັງການຜ່ານບົດສະຫຼຸບການປະຕິບັດວຽກງານປະຈໍາປີ 2025 ແລະ ທິດທາງແຜນການປີ 2026ຂອງກອງບັນຊາການ ປກສ ເມືອງ ໂດຍໄດ້ຍົກໃຫ້ເຫັນຜົນງານດ້ານດີທີ່ຕັ້ງໜ້າ, ບົດຮຽນທີ່ຖອດຖອນໄດ້ ແລະ ດ້ານອ່ອນຂໍ້ຄົງຄ້າງທີ່ຈະໄດ້ພ້ອມກັນປັບປຸງແກ້ໄຂໃນຕໍ່ໜ້າ ຊຶ່ງໃນໄລຍະ 1 ປີຜ່ານມາ, ຄະນະພັກຄະນະບັນຊາກອງບັນຊາການ ປກສ ເມືອງ ໄດ້ເອົາໃຈໃສ່ສືກສາອົບຮົມການເມືອງແນວຄິດໃຫ້ນາຍ ແລະ ພົນຕຳຫຼວດໃຫ້ມີຄວາມໜັກແໜ້ນເຂັ້ມແຂງເຊື້ອໝັ້ນຕໍ່ການນຳພາຂອງພັກ, ມີສະຕິລະວັງໂຕຕໍ່ອຸບາຍມ້າງເພຂອງກຸ່ມຄົນບໍ່ຫວັງດີ ພ້ອມທັງປະຕິບັດໜ້າທີວິຊາສະເພາະຕາມການມອບໝາຍອັນໄດ້ເຮັດໃຫ້ເມືອງພຽງສາມາດຮັກສາໄດ້ສະຖຽນລະພາບທາງດ້ານການເມືອງ ສັງຄົມມີຄວາມສະຫງົບ,ຄວາມເປັນລະບຽບຮຽບຮ້ອຍໂດຍພື້ນຖານ ແລະ ສາມາດແກ້ໄຂຄະດີທີ່ເກີດຂຶ້ນທັງໝົດ 30 ກວ່າເລື່ອງ 50 ກວ່າຄົນ, ທຽບໃສ່ປີຜ່ານມາແມ່ນຫຼຸດລົງ 30 ເລື່ອງ, ອັນພົ້ນເດັ່ນແມ່ນຄະດີຢາເສບຕິດມີ 16 ເລື່ອງ, ທໍາມິດສະຈານ 4 ເລື່ອງ 8 ຄົນ, ຄາດຕະກໍາ 3 ເລື່ອງ 3 ຄົນ, ພະຍາຍາມຄາດຕະກໍາ 1 ເລື່ອງ, ລັກຊັບພົນລະເມືອງ 1 ເລື່ອງ, ທໍາຮ້າຍຮ່າງກາຍ 1 ເລື່ອງ, ເຮັດໃຫ້ຜູ້ອື່ນເສຍຊີວິດດ້ວຍຄວາມບໍ່ລະມັດລະວັງ 1 ເລື່ອງ ແລະ ປະຊາຊົນບຸກລຸກປ່າໄມ້ທີ່ຜິດຕໍ່ກົດໝາຍກະສິກໍາ 3 ເລື່ອງ, ໄດ້ລົງແກ້ໄຂປະກົດການຫຍໍ້ທໍ້ ບັນຫາຢາເສບຕິດ ຢູ່ຮາກຖານບ້ານ ໄດ້ 5 ບ້ານ, ມີເປົ້າໝາຍຢາເສບທັງໝົດ 100 ກວ່າຄົນ ເຂົ້າຮ່ວມເຮັດບົດບັນທຶກສຶກສາອົບຮົມຢູ່ຂັ້ນບ້ານ 80 ກວ່າຄົນ ແລະ ທິດທາງແຜນການກໍຄືຄາດໝາຍສູ້ຊົນໃນຕໍ່ໜ້າຕ້ອງຮັບປະກັນໃຫ້ເມືອງພຽງມີສະຖຽນລະພາບທາງດ້ານການເມືອງໃຫ້ມີຄວາມເຂັ້ມແຂງໜັກແໜ້ນ, ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍໂດຍພື້ນຖານ, ປັບປຸງແບບແຜນວິທີເຮັດວຽກ ແລະ ວິທີນໍາພາຂອງຄະນະພັກ, ຄະນະບັນຊາແຕ່ລະຂັ້ນ ແລະ ວຽກງານອື່ນໆ ໃຫ້ດີຂຶ້ນກວ່າເກົ່າ.
 |
ສະຫາຍ ພັທ ຈິດຕະພົງ ພົງວິໄລ ໄດ້ຮຽງຮ້ອງມາຍັງຄະນະພັກ, ຄະນະບັນຊານາຍ ແລະ ພົນຕຳຫຼວດໃຫ້ເອົາໃຈໃສ່ ຍົກສູງຄຸນທາດການເມືອງ, ຄວາມເປັນແບບຢ່າງນຳໜ້າໃນການສືບຕໍ່ຄົ້ນຄວ້າກຳແໜ້ນແນວທາງນະໂຍບາຍຂອງພັກ ເອົາໃຈໃສ່ນຳພາວຽກງານປ້ອງກັນຊາດ-ປ້ອງກັນຄວາມສະຫງົບເດັດຂາດ, ໂດຍກົງ, ຮອບດ້ານເປັນໜ້າທີ່ພື້ນຖານ ແລະ ປະຕິບັດຢ່າງເປັນປະຈຳ, ສຸມໃສ່ນໍາພາຈັດຕັ້ງປະຕິບັດ 4 ຄາດໝາຍ, 4 ແຜນງານ ແລະ 29 ໂຄງການຂອງກະຊວງປ້ອງກັນຄວາມສະຫງົບວາງອອກ, ເດັດດ່ຽວປະຕິບັດຕ້ານ, ສະກັດກັ້ນ ແລະ ແກ້ໄຂບັນດາປະກົດການຫຍໍ້ທີ່ເກີດຂຶ້ນເພຶ່ອເຮັດໃຫ້ສັງຄົມມີຄວາມສະຫງົບຄວາມເປັນລະບຽບຮຽບຮ້ອຍໂດຍພື້ນຖານ.
(ຂ່າວ: ວົງສະຫວັນ ສຸທິໂວຫານ)
ຄໍາເຫັນ