ກຳມະການຄະນະປະຈຳພັກກະຊວງ ຮອງລັດຖະມົນຕີກະຊວງປ້ອງກັນປະເທດ, ມີບັນດາຄະນະນຳກະຊວງປ້ອງກັນປະເທດ, ຄະນະນຳ 4 ກົມໃຫຍ່, ຜູ້ເເທນທີ່ມາຈາກກຳລັງຫຼວງ-ກຳລັງທ້ອງຖິ່ນເຂົ້າຮ່ວມ. ພາຍຫຼັງທີ່ໄດ້ຮັບຊົມການສະແດງສິລະປະ-ວັນນະຄະດີທີສະແດງເຖິງມູນເຊຶ້ອການເຕີບໃຫຍ່ຂອງພັກ, ຂອງຊາດ, ຂອງກອງທັບ, ຂອງປະຊາຊົນລາວບັນດາເຜົ່າທີ່ຜ່ານມາ, ຈາກນັ້ນ ສະຫາຍ ພົນຈັດຕະວາ ວົງແກ້ວ ວົງພິລາ ຄະນະພັກກົມໃຫຍ່ ຫົວໜ້າກົມປຶນໃຫຍ່ໜ້າດິນ ກົມໃຫຍ່ເສນາທິການກອງທັບ ໄດ້ຫວນຄືນມວນເຊຶ້ອປະຫວັດການເປັນມາ ຂອງວັນສ້າງຕັ້ງເຫຼົ່າຮົບປືນໃຫຍ່ໜ້າດິນ ຊຶ່ງເປັນເຫດການທີ່ສໍາຄັນທັງເປັນຂີດໝາຍບົ່ງບອກເຖິງບາດກ້າວ ເຕີບໃຫຍ່ຂະຫຍາຍຕົວທາງຄຸນນະພາບ ແລະ ປະລິມານຂອງກອງທັບໃນໄລຍະຜ່ານມາ, ເຫຼົ່າຮົບປືນໃຫຍ່ໜ້າດິນນັບແຕ່ກົມກອງປືນໃຫຍ່ທໍາອິດໄດ້ກຳເນີດເກີດຂຶ້ນຢູ່ເຂດ ທີ່ໝັ້ນປະຕິວັດແຂວງຫົວພັນ ໃນວັນທີ 15 ທັນວາ 1954 ແລະ ເຫຼົ່າຮົບປືນໃຫຍ່ໄດ້ເອົາວັນດັ່ງກ່າວເປັນວັນສ້າງຕັ້ງເຫຼົ່າຮົບເປັນຕົ້ນມາ ມາຮອດວັນທີ 15 ທັນວາ 2024 ແມ່ນຄົບຮອບ 70 ປີ ຊຶ່ງໃນໄລຍະຕໍ່ສູ້ປົດປ່ອຍຊາດຈາກກອງພັນໃຫຍ່ 605 ເປັນກົມກອງທໍາອິດປະກອບປືນຄົກ, ເດກາ, 12,7ມມ ທີ່ຢຶດໄດ້ຈາກສັດຕູ, ບົນແປວໄຟແຫ່ງການຕໍ່ສູ້ຕ້ານຈັກກະພັດໄດ້ເຕີບໃຫຍ່ຂະຫຍາຍຕົວເປັນຫຼາຍກອງພັນ, ກອງຮ້ອຍ ເອກະລາດທີ່ປະກອບອາວຸດປືນໃຫຍ່ລາກແກ່, ຄົກ, ຈະຫຼວດຫຼາຍປະເພດ, ບັນດາກົມກອງເຫຼົ່າຮົບປືນໃຫຍ່ໄດ້ສູ້ຮົບ ຢ່າງພິລະອາດຫານ, ມີໄຫວພິກເອົາຊະນະສັດຕູ, ທົນທານໜຽວແໜ້ນບົນສະໜາມຮົບທັງສູ້ຮົບ ທັງປັບປຸງກໍ່ສ້າງກໍາລັງ ເຂົ້າຮ່ວມບັນດາບັ້ນຮົບໃຫຍ່ໆ ແລະ ນ້ອຍ, ສາມາດສ້າງໄດ້ຜົນງານ ແລະ ວິລະກຳອັນແສນອົງອາດກ້າຫານ ຊຶ່ງໄດ້ກາຍເປັນມູນເຊື້ອອັນດີງາມໃຫ້ແກ່ຮຸ່ນພະນັກງານ-ນັກຮົບຢືນໃຫຍ່ຕະຫຼອດມາ, ປະກອບສ່ວນເຂົ້າໃນການຍາດເອົາໄຊຊະນະ ແລະ ພາລະກິດປົດປ່ອຍປະເທດຊາດຢ່າງສົມບູນ, ຕະຫຼອດໄລຍະປະຕິບັດສອງໜ້າທີ່ຍຸດທະສາດຄືປົກປັກຮັກສາ ແລະ ສ້າງສາພັດທະນາປະເທດຊາດ, ພະນັກງານ-ນັກຮົບເຫຼົ່າຮົບປືນໃຫຍ່ໜ້າດິນໄດ້ສືບຕໍ່ຮັກສາ ແລະ ເສີມຂະຫຍາຍມູນເຊື້ອຂອງຮຸ່ນກ່ອນຢ່າງບໍ່ຢຸດຢັ້ງ, ໄດ້ເຮັດ ວຽກງານປັບປຸງກໍ່ສ້າງກຳລັງປືນໃຫຍ່ໃນທຸກດ້ານ ແລະ ມີການເຕີບໃຫຍ່ຂະຫຍາຍຕົວທາງດ້ານຄຸນນະພາບກໍຄືປະລິມານ, ພ້ອມທັງໄດ້ເຮັດໜ້າທີ່ສູ້ຮົບປົກປັກຮັກສາເຂດນໍ້າແດນດິນໃນທຸກໆບັ້ນຮົບ, ສຳເລັດທຸກໜ້າທີ່ການເມືອງຂອງຕົນກໍຄື ຂອງຂັ້ນເທິງມອບໝາຍໃຫ້. ມາຮອດປັດຈຸບັນເຫຼົ່າຮົບຢືນໃຫຍ່ໜ້າດິນແມ່ນກຳລັງສູ້ຮົບ ແລະ ເປັນກໍາລັງໄຟໜ້າຈຸດໜັກທີ່ມີບັນດາກອງພັນໃຫຍ່ເອກະລາດທີ່ຂື້ນກັບກະຊວງ, ມີບັນກອງພັນນ້ອຍປືນໃຫຍ່ທີ່ຂຶ້ນກັບກອງພົນ ແລະ ກອງ ບັນຊາການທະຫານແຂວງພ້ອມບັນດາກອງຮ້ອຍເອກະລາດຈໍານວນຫຼວງຫຼາຍທີ່ປະກອບອາວຸດຫຼາຍຊະນິດທັນສະໄໝ ມີຄວາມສາມາດເຮັດສຳເລັດໜ້າທີ່ການເມືອງໄດ້ເປັນຢ່າງດີ.
ໃນພິທີຍັງໄດ້ຜ່ານຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍ ການປະດັບຫຼຽນໄຊພິລະອາດຫານ ແລະ ຍ້ອງຍໍຜົນງານ 70 ປີ ເຫຼົ່າຮົບປືນໃຫຍ່ໜ້າດີນໃນນີ້ມີ ຫຼຽນໄຊພິລະອາດຫານຊັ້ນ I ມີ 3 ກົມກອງ, ຊັ້ນ II ມີ 16 ກົມກອງ, ຊັ້ນ III ມີ 20 ກົມກອງ,
ໂອກາດນີ້, ສະຫາຍ ພົນຕີ ປະສິດ ທຽງທຳ ໄດ້ມີຄຳເຫັນໂອ້ລົມຊຶ່ງກ່ອນອື່ນສະຫາຍໄດ້ຍ້ອງຍໍຊົມເຊີຍຜົນງານ ແລະ ໄຊຊະນະທີ່ຍາດມາໄດ້ໃນຕະຫຼອດໄລຍະ 70 ປີ ຜ່ານມາ, ພ້ອມທັງເນັ້ນໃຫ້ຄະນະພັກ-ຄະນະບັນຊາ, ພະນັກງານສະມາຊິກພັກ-ນັກຮົບ ທົ່ວເຫຼົ່າຮົບປືນໃຫຍ່ໜ້າດິນ ຕ້ອງເອົາໃຈໃສ່ປັບປຸງ ແລະ ຈັດຕັ້ງປະຕິບັດວິໄສທັດ ແລະ ແຜນຍຸດທະສາດໃນການປັບປຸງກໍ່ສ້າງກໍາລັງເຫຼົ່າຮົບດ້ານການຈັດຕັ້ງ ແລະ ການປະກອບໃຫ້ ສອດຄ່ອງ, ມີຈຸດສຸມກ່ຽວກັບການປັບປຸງ-ກໍ່ສ້າງກໍາລັງປືນໃຫຍ່ໜ້າດິນ ໃນແຕ່ລະໄລຍະຕາມສະພາບຈຸດພິເສດ ແລະ ເງື່ອນໄຂຂອງແຕ່ລະທ້ອງຖິ່ນ, ຕິດພັນກັບ 4 ໜ້າ ທີ່ໃຫຍ່ ແລະ 26 ແຜນງານຂອງກະຊວງປ້ອງກັນປະເທດວາງອອກຢ່າງປະດິດສ້າງ, ຖືເອົາການສຶກສາອົບຮົມດ້ານການເມືອງ-ນໍາພາແນວຄິດເປັນກົກ ເພື່ອເຮັດໃຫ້ກົມກອງເຫຼົ່າຮົບປືນໃຫຍ່ ມີຄວາມໜັກແໜ້ນ, ເຂັ້ມແຂງ, ມີລະບຽບວິໄນເຂັ້ມງວດ, ມີຄວາມຈົ່ງຮັກພັກດີ, ສັດຊື່ບໍລິສຸດ, ສູ້ຊົນປັບປຸງກົມກອງເປັນກອງວັດທະນະທຳ, ກອງ 3 ປອດ ແລະ ໜ່ວຍພັກປອດໃສ ເຂັ້ມແຂງໜັກແໜ້ນ. (ຂ່າວ: ສຸກສາຄອນ)
ຄໍາເຫັນ