ພິທີສະເຫຼີມສະຫຼອງວັນສ້າງຕັ້ງສາຍພົວພັນການທູດ ລາວ-ກູບາ

ສະເຫຼີມສະຫຼອງວັນສ້າງຕັ້ງສາຍພົວພັນການທູດ ລາວ-ກູບາ ຄົບຮອບ 50 ປີ

ສະເຫຼີມສະຫຼອງວັນສ້າງຕັ້ງສາຍພົວພັນການທູດ ລາວ-ກູບາ ຄົບຮອບ 50 ປີ
ໃນຕອນຄໍ່າຂອງວັນທີ 4 ພະຈິກ ນີ້ ທີ່ ນະຄອນຫຼວງວຽງຈັນໄດ້ມີພິທີສະເຫຼີມສະຫຼອງວັນສ້າງຕັ້ງສາຍພົວພັນການທູດ ລາວ-ກູບາ ຄົບຮອບ 50 ປີ (4 ພະຈິກ 1974-4 ພະຈິກ 2024),

 

 ໂດຍການເຂົ້າຮ່ວມເປັນແຂກກິດຕິມະສັກຂອງ ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະຊາຊົນ ປະຕິວັດລາວ ປະທານປະເທດ ແຫ່ງ ສປປ ລາວ, ມີ ສະຫາຍ ຫວນ ເອັດເຕບານ ລາໂຊ ເອີຣນານເດັດສ (Juan Esteban Lazo Hernandez)ກໍາມະການກົມການເມືອງສູນກາງພັກກອມມູນິດກູບາປະທານສະພາແຫ່ງຊາດອໍານາດປະຊາຊົນປະທານສະພາແຫ່ງລັດ ຜູ້ຕາງໜ້າພິເສດ ແຫ່ງ ສາທາລະນະລັດ ກູບາ; ສະຫາຍ ໄຊສົມພອນ ພົມວິຫານກໍາມະການກົມການເມືອງສູນກາງພັກປະທານສະພາແຫ່ງຊາດລາວ; ສະຫາຍ ສະເຫຼີມໄຊ ກົມມະສິດກຳມະການກົມການເມືອງສູນກາງພັກຮອງນາຍົກລັດຖະມົນຕີລັດຖະມົນຕີກະຊວງການຕ່າງປະເທດ, ພ້ອມດ້ວຍ ບັນດາລັດຖະມົນຕີ, ເຈົ້າຄອງນະຄອນຫຼວງວຽງຈັນ, ຮອງລັດຖະມົນຕີ, ເອກອັກຄະລັດຖະທູດ ສກູບາ ປະຈໍາ ສປປ ລາວ, ບັນດາແຂກຖືກເຊີນ ແລະ ພະນັກງານກ່ຽວຂ້ອງສອງຝ່າຍ ເຂົ້າຮ່ວມຢ່າງພ້ອມພຽງ.

ໃນພິທີອັນມີຄວາມໝາຍສຳຄັນນີ້, ສອງຝ່າຍ ໄດ້ຜັດປ່ຽນກັນຂຶ້ນກ່າວມີຄຳເຫັນຊຶ່ງຕາງໜ້າໃຫ້ ພັກ-ລັດຖະບານ ແຫ່ງ ສປປ ລາວ ໂດຍ ສະຫາຍ ໄຊສົມພອນ ພົມວິຫານ ແລະ ຕາງໜ້າຝ່າຍກູບາ ໂດຍ ສະຫາຍ ຫວນ ເອັດເຕບານ ລາໂຊ ເອີຣນານເດັດສ. ສອງຝ່າຍ ໄດ້ຫວນຄືນມູນເຊື້ອແຫ່ງການພົວພັນຮ່ວມມື ລະຫວ່າງ ສປປ ລາວ ແລະ ສກູບາ ຕະຫຼອດໄລຍະ 50 ປີ ທີ່ຜ່ານມາ ບົນພື້ນຖານແຫ່ງສາຍພົວພັນມິດຕະພາບ ແລະ ຄວາມສາມັກຄີທີ່ເປັນມູນເຊື້ອຍາວນານ ນັບຕັ້ງແຕ່ໄລຍະທີ່ປະຊາຊົນລາວດໍາເນີນການປະຕິວັດຊາດ ປະຊາທິປະໄຕ ຕ້ານການຮຸກຮານຂອງຈັກກະພັດຕ່າງດ້າວ ເພື່ອຄວາມເປັນເອກະລາດແຫ່ງຊາດ ໃນຊຸມປີ 1960-70 ກໍຄື ໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ໃນປັດຈຸບັນ ແລະ ຕີລາຄາສູງຕໍ່ສາຍພົວພັນມິດຕະພາບ ແລະ ການຮ່ວມມື ຖານອ້າຍນ້ອງ ລະຫວ່າງ ສອງພັກ, ສອງສະພາແຫ່ງຊາດ, ສອງລັດຖະບານ ແລະ ປະຊາຊົນສອງຊາດທີ່ສືບຕໍ່ໄດ້ຮັບການເສີມຂະຫຍາຍຂຶ້ນຢ່າງບໍ່ຢຸດຢັ້ງ, ອັນໄດ້ປະກອບສ່ວນສຳຄັນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ຕາມທິດສັງຄົມນິຍົມຢ່າງໜັກແໜ້ນ,ເຖິງວ່າ ສອງປະເທດ ຈະມີທີ່ຕັ້ງຢູ່ຫ່າງໄກກັນປານໃດກໍຕາມ ແຕ່ການພົວພັນຮ່ວມມືຍັງສືບຕໍ່ໄດ້ຮັບການເສີມຂະຫຍາຍກວມເອົາຫຼາຍຂົງເຂດວຽກງານ, ໄດ້ມີການແລກປ່ຽນການພົບປະຢ້ຽມຢາມຄະນະຜູ້ແທນຂັ້ນສູງຂອງ ສອງພັກ, ສອງສະພາແຫ່ງຊາດ, ສອງລັດ ກໍຄື ບັນດາກະຊວງ, ອົງການ ນັບທັງອົງການຈັດຕັ້ງມະຫາຊົນ ຂອງສອງປະເທດ ຢ່າງເປັນປະຈໍາ.

ພິເສດ ພັກ-ລັດຖະບານ, ສະພາແຫ່ງຊາດ ອໍານາດປະຊາຊົນ ແລະ ປະຊາຊົນກູບາອ້າຍນ້ອງ ໄດ້ໃຫ້ການສະໜັບສະໜູນ ແລະ ຊ່ວຍເຫຼືອໃຫຍ່ຫຼວງແກ່ປະຊາຊົນລາວ ເປັນຕົ້ນ ການສົ່ງທີມຄະນະແພດມາຊ່ວຍ ສປປ ລາວ, ທັງໃນໄລຍະສົງຄາມຢູ່ເຂດທີ່ໝັ້ນການປະຕິວັດເມືອງວຽງໄຊ ກໍຄືພາຍຫຼັງການສະຖາປະນາ ສປປ ລາວ, ການສະໜອງຄູສອນພາສາແອັດສະປາໂຍນ ແລະ ຄູຝຶກກິລາອີກຈຳນວນໜຶ່ງແກ່ ສປປ ລາວ, ຊ່ວຍສ້າງຊັບພະຍາກອນມະນຸດແກ່ ສປປ ລາວ ເປັນຈຳນວນຫຼາຍຮ້ອຍຄົນ ແລະ ຫຼາຍສະຫາຍ ກໍໄດ້ມີໜ້າທີ່ຕຳແໜ່ງສຳຄັນໃນກົງຈັກ ພັກ-ລັດຖະບານລາວ. ພ້ອມນີ້, ຝ່າຍລາວ ໄດ້ສະແດງຄວາມຊົມເຊີຍທີ່ເຫັນວ່າ ການພົວພັນຮ່ວມມື ລະຫວ່າງ ສອງສະພາແຫ່ງຊາດ ລາວ-ກູບາ ໄດ້ຮັບການເສີມຂະຫຍາຍຢ່າງຕໍ່ເນື່ອງ, ໄດ້ຮ່ວມກັນຈັດຕັ້ງປະຕິບັດບົດບັນທຶກຊ່ວຍຈໍາວ່າດ້ວຍການຮ່ວມມື ລະຫວ່າງ ສອງອົງການນິຕິບັນຍັດ, ມີການໄປມາຫາສູ່ກັນຂອງຄະນະຜູ້ແທນສະພາ, ພົບປະປຶກສາຫາລື ແລະ ແລກປ່ຽນບົດຮຽນ, ຂໍ້ມູນຂ່າວສານແລະ ສະໜັບສະໜູນກັນໃນເວທີລັດຖະສະພາພາກພື້ນ ແລະ ສາກົນ ເປັນຕົ້ນແມ່ນ AIPA, IPU ແລະ ອື່ນໆ. ພ້ອມດຽວກັນນີ້, ສອງຝ່າຍ ຢືນຢັນສືບຕໍ່ຮ່ວມມືກັນໃນຂະແໜງການທີ່ສອງຝ່າຍມີທ່າແຮງ ແລະ ມີຜົນປະໂຫຍດຮ່ວມກັນ, ໂດຍສະເພາະ ດ້ານເສດຖະກິດ-ການຄ້າ, ສາທາລະນະສຸກ, ສຶກສາ-ກິລາ, ກະສິກໍາ ແລະ ອື່ນໆ, ສືບຕໍ່ສະໜັບສະໜູນຊ່ວຍເຫຼືອຊຶ່ງກັນ ແລະ ກັນ ໃນເວທີພາກພື້ນ ແລະ ສາກົນ.

ໃນໂອກາດດຽວກັນ,ສອງຝ່າຍໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ຜົນສຳເລັດຂອງການຈັດກິດຈະກຳສະເຫຼີມສະຫຼອງ 50 ປີ ແຫ່ງສາຍພົວພັນການທູດ ລາວ-ກູບາ ໃນປີ 2024 ນີ້, ໂດຍສະເພາະ ການແລກປ່ຽນສານອວຍພອນຂອງການນຳຂັ້ນສູງ ລາວ-ກູບາ, ການສຳພາດສະຫາຍການນຳ ແລະ ບຸກຄົນທີ່ຕິດພັນກັບການເສີມຂະຫຍາຍການພົວພັນ ລາວ-ກູບາ,ປາຖະກະຖາ ໃນຫົວຂໍ້ສຳຄັນຕ່າງໆ, ປູກຕົ້ນໄມ້ມິດຕະພາບທີ່ສວນສາທາລະນະ ນະຄອນຫຼວງວຽງຈັນ, ແຂ່ງຂັນຂຽນບົດຄວາມ-ຮູບພາບການພົວພັນຮ່ວມມືສອງຝ່າຍ ແລະ ອື່ນໆ.ໃນໂອກາດດຽວກັນນີ້, ສອງຝ່າຍ ໄດ້ອວຍພອນໃຫ້ສາຍພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືຮອບດ້ານຖານອ້າຍນ້ອງ ລະຫວ່າງ ສອງພັກ, ສອງລັດຖະບານ ແລະ ປະຊາຊົນສອງຊາດ ລາວ-ກູບາ ຈົ່ງໝັ້ນຄົງຂະໜົງແກ່ນຕະຫຼອດໄປ.

ພິທີສະເຫຼີມສະຫຼອງໃນຄັ້ງນີ້ ໄດ້ດຳເນີນໄປດ້ວຍບັນຍາກາດແຫ່ງໄມຕີຈິດມິດຕະພາບອັນອົບອຸ່ນ ແລະ ສະໜິດແໜ້ນ,ໃນງານຍັງມີການວາງສະແດງຮູບພາບການພົວພັນຮ່ວມມືຂອງບັນດາອະດີດການນຳ ລາວ-ກູບາ ແຕ່ອະດີດເຖິງປັດຈຸບັນ, ສ່ອງແສງໃຫ້ເຫັນເຖິງສາຍພົວພັນມິດຕະພາບ ແລະ ຄວາມສາມັກຄີທີ່ເປັນມູນເຊື້ອມາຍາວນານ ລະຫວ່າງ ສປປ ລາວ ແລະ ສກູບາ.

(ຂ່າວ: ກະຊວງ ຕປທ, ພາບ: ສຸກສະຫວັນ)

ຄໍາເຫັນ

ຂ່າວເດັ່ນ

ລັດຖະບານສຸມໃສ່ 5 ວຽກຈຸດສຸມໃນການຈັດຕັ້ງປະຕິບັດວາລະແຫ່ງຊາດ

ລັດຖະບານສຸມໃສ່ 5 ວຽກຈຸດສຸມໃນການຈັດຕັ້ງປະຕິບັດວາລະແຫ່ງຊາດ

ລັດຖະບານ ໄດ້ສຸມໃສ່ຈັດ​ຕັ້ງປະຕິບັດວາລະແຫ່ງຊາດຕາມ 5 ວຽກຈຸດສຸມທີ່ສະພາແຫ່ງຊາດໄດ້ຮັບຮອງ. ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ IX ໃນວັນທີ 11 ມິຖຸນານີ້ ພາຍໃຕ້ການເປັນປະທານຂອງທ່ານ ໄຊສົມພອນ ພົມວິຫານ ປະທານສະພາແຫ່ງຊາດ.ທ່ານ ສອນໄຊ ສີພັນດອນ ນາຍົກລັດຖະມົນຕີໄດ້ຊີ້ແຈງຕໍ່ຄຳຊັກຖາມຂອງສະມາຊິກສະພາແຫ່ງຊາດ (ສສຊ).
ຖືເອົາການແກ້ໄຂບັນຫາເຄັ່ງຮ້ອນ ເປັນວຽກບູລິມະສິດໃນວຽກຈຸດສຸມ ແຕ່ນີ້ຮອດໝົດປີ 2025

ຖືເອົາການແກ້ໄຂບັນຫາເຄັ່ງຮ້ອນ ເປັນວຽກບູລິມະສິດໃນວຽກຈຸດສຸມ ແຕ່ນີ້ຮອດໝົດປີ 2025

ລັດຖະບານ ເຫັນວ່າ ບັນຫາເຄັ່ງຮ້ອນ ທາງດ້ານເສດຖະກິດ, ການເງິນ, ເງິນເຟີ້, ອັດຕາແລກປ່ຽນ, ລາຄາໄຟຟ້າ ແລະ ລາຄາສິນຄ້າເພີ່ມສູງຂຶ້ນ ກະທົບຕໍ່ການດຳລົງຊີວິດຂອງພະນັກງານ-ລັດຖະກອນ, ທະຫານ-ຕໍາຫຼວດ, ປະຊາຊົນບັນດາເຜົ່າ ຊຶ່ງແຕ່ນີ້ຮອດໝົດປີ 2025 ລັດຖະບານກໍໄດ້ຖືເອົາການແກ້ໄຂບັນຫາດັ່ງກ່າວ ເປັນວຽກບູລິມະສິດໃນວຽກຈຸດສຸມ ເພື່ອຈະແກ້ໄຂບັນຫາເຄັ່ງຮ້ອນນັ້ນ.
ມູນຄ່າການຜະລິດອຸດສາຫະກຳປຸງແຕ່ງ ແລະ ຫັດຖະກຳ ໄລຍະ 5ເດືອນຕົ້ນປີນີ້ ເພີ່ມຂຶ້ນ 8.83%

ມູນຄ່າການຜະລິດອຸດສາຫະກຳປຸງແຕ່ງ ແລະ ຫັດຖະກຳ ໄລຍະ 5ເດືອນຕົ້ນປີນີ້ ເພີ່ມຂຶ້ນ 8.83%

ຂະແໜງອຸດສາຫະກຳ ແມ່ນໜຶ່ງໃນຂະແໜງການທີ່ສຳຄັນ ທີ່ເປັນໜຶ່ງໃນປັດໄຈຕົ້ນຕໍ ຊຸກຍູ້ການຂະຫຍາຍຕົວຂອງເສດຖະກິດ ເພື່ອຊ່ວຍໃຫ້ເສດຖະກິດຂະຫຍາຍຕົວຢ່າງຕໍ່ເນື່ອງ, ມີຄຸນນະພາບ, ໝັ້ນທ່ຽງ ແລະ ຍືນຍົງ ຊຶ່ງໃນ 5 ເດືອນຕົ້ນປີ 2025 ຂະແໜງການນີ້ມີຫຼາຍດ້ານການຂະຫຍາຍຕົວ ເປັນຕົ້ນດ້ານອຸດສາຫະກຳປຸ່ງແຕ່ງ ແລະ ຫັດຖະກໍາ ທີ່ຂະຫຍາຍຕົວ ເພີ່ມຂຶ້ນ 8.83%.
ເສດຖະກິດຂອງປະເທດເຮົາ ຍັງສືບຕໍ່ຂະຫຍາຍຕົວຢ່າງຕໍ່ເນື່ອງ

ເສດຖະກິດຂອງປະເທດເຮົາ ຍັງສືບຕໍ່ຂະຫຍາຍຕົວຢ່າງຕໍ່ເນື່ອງ

ທ່ານ ສອນໄຊ ສີພັນດອນ ນາຍົກລັດຖະມົນຕີ ໄດ້ຂຶ້ນລາຍງານການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ, ແຜນງົບປະມານແຫ່ງລັດ ແລະ ແຜນເງິນຕາ ໄລຍະ 6 ເດືອນຕົ້ນປີ 2025 ແລະ ທິດທາງແຜນວຽກຈຸດສຸມ 6 ເດືອນທ້າຍປີ 2025 ຕິດພັນກັບການຈັດຕັ້ງປະຕິບັດ 2 ວາລະແຫ່ງຊາດ ແລະ ການແກ້ໄຂບັນຫາເຄັ່ງຮ້ອນທາງດ້ານເສດຖະກິດ ຕໍ່ກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ ຊຸດທີIXໃນຕອນເຊົ້າວັນທີ 9 ມິຖຸນານີ້ ທີ່ຫໍສະພາແຫ່ງຊາດ ພາຍໃຕ້ການເປັນປະທານຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ.
ອັດຕາເງິນເຟີ້ມີທ່າອ່ຽງດີຂຶ້ນ ສະເລ່ຍ 5 ເດືອນຕົ້ນປີນີ້ຢູ່ໃນລະດັບ 11.76%

ອັດຕາເງິນເຟີ້ມີທ່າອ່ຽງດີຂຶ້ນ ສະເລ່ຍ 5 ເດືອນຕົ້ນປີນີ້ຢູ່ໃນລະດັບ 11.76%

ອັດຕາເງິນເຟີ້ມີທ່າອ່ຽງດີຂຶ້ນສະເລ່ຍ 5 ເດືອນຕົ້ນປີ 2025 ຢູ່ໃນລະດັບ 11.76% (ຫຼຸດລົງຫຼາຍ ຖ້າທຽບໃສ່ໄລຍະດຽວກັນຂອງປີ 2024 ຊຶ່ງຢູ່ໃນລະດັບ 24.77%), ທ່ານສອນໄຊ ສີພັນດອນ ນາຍົກລັດຖະມົນຕີແຫ່ງ ສປປ ລາວ ໄດ້ລາຍງານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ, ແຜນເງິນຕາ 6 ເດືອນຕົ້ນປີ 2025 ແລະ ແຜນການ 6 ເດືອນທ້າຍປີ 2025 ຕິດພັນກັບການຈັດຕັ້ງປະຕິບັດ 2 ວາລະແຫ່ງຊາດ ແລະ ການແກ້ໄຂບັນຫາເຄັ່ງຮ້ອນທາງດ້ານເສດຖະກິດຕໍ່ກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ ຊຸດທີ IX ໃນວັນທີ 9 ມິຖຸນານີ້ ພາຍໃຕ້ການເປັນປະທານຂອງທ່ານ ໄຊສົມພອນ ພົມວິຫານ ປະທານສະພາແຫ່ງຊາດ.
ມູນຄ່າສົ່ງອອກຜະລິດຕະພັນກະສິກຳ ໃນ 5 ເດືອນຕົ້ນປີນີ້ ບັນລຸ 977 ລ້ານໂດລາ

ມູນຄ່າສົ່ງອອກຜະລິດຕະພັນກະສິກຳ ໃນ 5 ເດືອນຕົ້ນປີນີ້ ບັນລຸ 977 ລ້ານໂດລາ

ລັດຖະບານໄດ້ເອົາໃຈໃສ່ຊຸກຍູ້ ສົ່ງເສີມການຜະລິດເປັນສິນຄ້າ ເພື່ອທົດແທນການນຳເຂົ້າ ແລະ ເປັນສິນຄ້າສົ່ງອອກ ເຊິ່ງການຜະລິດພືດສະບຽງອາຫານ ປະຕິບັດໄດ້ ໃນເນື້ອທີ່ 146,520 ເຮັກຕາ ລື່ນແຜນການ 7.23%ເມື່ອທຽບໃສ່ໄລຍະດຽວກັນຂອງປີຜ່ານມາ; ໃນຂະນະດຽວກັນ ກໍໄດ້ສໍາເລັດ ການເຈລະຈາສົ່ງອອກສິນຄ້າກະສິກຳໄປ ສປ ຈີນ ໄດ້ຫຼາຍລາຍການ. ສ່ວນການສົ່ງອອກຜະລິດຕະພັນກະສິກຳໃນ 5 ເດືອນຕົ້ນປີ 2025 ບັນລຸໄດ້ 977 ລ້ານໂດລາ.
ກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ ຊຸດທີ IX ໄດ້ເປີດຂຶ້ນຢ່າງເປັນທາງການ

ກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ ຊຸດທີ IX ໄດ້ເປີດຂຶ້ນຢ່າງເປັນທາງການ

ໃນຕອນເຊົ້າວັນທີ 9 ມິຖຸນານີ້ ທີ່ຫໍສະພາແຫ່ງຊາດ, ກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ ຊຸດທີ IX ໄດ້ເປີດຂຶ້ນຢ່າງເປັນທາງການ ພາຍໃຕ້ການເປັນປະທານຂອງ ທ່ານ ໄຊສົມພອນ ພົມວິຫານ ກຳມະການກົມການເມືອງສູນກາງພັກ ປະທານສະພາແຫ່ງຊາດ; ໃຫ້ກຽດເຂົ້າຮ່ວມພິທີເປີດໂດຍ ທ່ານ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະທານປະເທດ, ມີ ທ່ານ ສອນໄຊ ສີພັນດອນ ກຳມະການກົມການເມືອງສູນກາງພັກ ນາຍົກລັດຖະມົນຕີ, ມີບັນດາທ່ານການນໍາຂັ້ນສູງ, ອະດີດການນໍາຂັ້ນສູງ, ສະມາຊິກລັດຖະບານ, ສະມາຊິກສະພາແຫ່ງຊາດ ພ້ອມດ້ວຍພາກສ່ວນກ່ຽວຂ້ອງ ແລະ ແຂກຖືກເຊີນເຂົ້າຮ່ວມ.
ກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ ຊຸດທີ IX ໄດ້ເປີດຂຶ້ນຢ່າງເປັນທາງການ

ກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ ຊຸດທີ IX ໄດ້ເປີດຂຶ້ນຢ່າງເປັນທາງການ

ໃນຕອນເຊົ້າວັນທີ 9 ມິຖຸນານີ້ ທີ່ຫໍສະພາແຫ່ງຊາດ, ກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ ຊຸດທີ IX ໄດ້ເປີດຂຶ້ນຢ່າງເປັນທາງການ ພາຍໃຕ້ການເປັນປະທານຂອງ ທ່ານ ໄຊສົມພອນ ພົມວິຫານ ກຳມະການກົມການເມືອງສູນກາງພັກ ປະທານສະພາແຫ່ງຊາດ; ໃຫ້ກຽດເຂົ້າຮ່ວມພິທີເປີດໂດຍ ທ່ານ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະທານປະເທດ, ມີ ທ່ານ ສອນໄຊ ສີພັນດອນ ກຳມະການກົມການເມືອງສູນກາງພັກ ນາຍົກລັດຖະມົນຕີ, ມີບັນດາທ່ານການນໍາຂັ້ນສູງ, ອະດີດການນໍາຂັ້ນສູງ, ສະມາຊິກລັດຖະບານ, ສະມາຊິກສະພາແຫ່ງຊາດ ພ້ອມດ້ວຍພາກສ່ວນກ່ຽວຂ້ອງ ແລະ ແຂກຖືກເຊີນເຂົ້າຮ່ວມ.
ຈະ​ຕິດ​ຕັ້ງ​ຊິງ​ຊັ່ງ​ທັນ​ສະ​ໄໝ ແລະ ພັດ​ທະ​ນາ​​ສະ​ຖາ​ນີຄ່ຽນ​ຖ່າຍ​ສິນ​ຄ້າ ຢູ່​ ດ່ານ​ສາ​ກົນ​ແດນ​ສະ​ຫວັນ

ຈະ​ຕິດ​ຕັ້ງ​ຊິງ​ຊັ່ງ​ທັນ​ສະ​ໄໝ ແລະ ພັດ​ທະ​ນາ​​ສະ​ຖາ​ນີຄ່ຽນ​ຖ່າຍ​ສິນ​ຄ້າ ຢູ່​ ດ່ານ​ສາ​ກົນ​ແດນ​ສະ​ຫວັນ

ລັດ​ຖະ​ບານ ແຫ່ງ ສ​ປ​ປ ລາວ ໄດ້​ອະ​ນຸ​ມັດ​ໃຫ້​ບໍ​ລິ​ສັດ ວົງ​ສະ​ຫວັນ ໂລ​ຈິ​ສ​ຕິກ ຈຳ​ກັດ​ຜູ້​ດຽວ, ບໍ​ລິ​ສັດ ດາວ​ສະ​ຫວັນ ຈຳ​ກັດ ແລະ ບໍ​ລິ​ສັດ ທະ​ວີ​ສັກ ການ​ຄ້າ ຂາ​ອອກ-ຂາ​ເຂົ້າ​ຈຳ​ກັດ​ຜູ້​ດຽວ ​ລົງ​ທຶນ​ຕິດ​ຕັ້ງ​​ຊິງ​ຊັ່ງ​​ທີ່​ທັນ​ສະ​ໄໝ ແລະ ພັດ​ທະ​ນາ​​ສະ​ຖາ​ນີຄ່ຽນ​ຖ່າຍ​ສິນ​ຄ້າ ຢູ່​ດ່ານ​ສາ​ກົນ​ແດນ​ສະ​ຫວັນ ເມືອງ​ເຊ​ໂປນ ແຂວງ​ສະ​ຫວັນະ​ເຂດ.
ຖະແຫຼງຂ່າວກ່ຽວກັບການປັບປຸງບຸກຄະລາກອນຂອງລັດຖະບານ

ຖະແຫຼງຂ່າວກ່ຽວກັບການປັບປຸງບຸກຄະລາກອນຂອງລັດຖະບານ

ທ່ານນາງ ສູນທອນ ໄຊຍະຈັກ ຮອງປະທານສະພາແຫ່ງຊາດຕາງໜ້າໃຫ້ຄະນະປະຈໍາສະພາ ແຫ່ງຊາດໄດ້ຖະແຫຼງຂ່າວຕໍ່ສືມວນຊົນກ່ຽວກັບການປັບປຸງບຸກຄະລາກອນຂອງລັດຖະບານ ໃນວັນທີ 6 ມິຖຸນານີ້ ທີ່ສະພາແຫ່ງຊາດວ່າ: ເຫັນດີຮັບຮອງເອົາການຍົກຍ້າຍ ແລະ ແຕ່ງຕັ້ງຄືນໃໝ່ ສະມາຊິກລັດຖະບານ ຈໍານວນ 9 ທ່ານ ຍິງ 2 ທ່ານ ດັ່ງນີ້:
ເພີ່ມເຕີມ