ຂຶ້ນໃນວັນທີ 23 ມັງກອນນີ້ທີ່ນະຄອນຫຼວງວຽງຈັນ ໂດຍການເປັນປະທານຂອງທ່ານ ພົນເອກ ວິໄລ ຫຼ້າຄຳຟອງກໍາມະການກົມການເມືອງສູນກາງພັກຮອງນາຍົກລັດຖະມົນຕີລັດຖະມົນຕີກະຊວງປ້ອງກັນຄວາມສະຫງົບ ປະທານຄະນະກຳມະການຄຸ້ມຄອງອິນເຕີເນັດແຫ່ງຊາດ, ມີ ລັດຖະມົນຕີກະຊວງເຕັກໂນໂລຊີ ແລະ ການສື່ສານ ຮອງປະທານ-ຜູ້ປະຈຳການ ຄຄອຊ,ບັນດາຮອງລັດຖະມົນຕີ, ບັນດາຮອງເຈົ້າແຂວງ-ນະຄອນຫຼວງ, ບັນດາຄະນະກຳມະການຄຸ້ມຄອງອິນເຕີເນັດແຫ່ງຊາດ, ຄະນະກຳມະການຄຸ້ມຄອງອິນເຕີເນັດຂັ້ນກະຊວງ, ອົງການ, ແຂວງ, ນະຄອນຫຼວງ ທົ່ວປະເທດ ເຂົ້າຮ່ວມແບບເຊິ່ງໜ້າ ແລະ ຜ່ານລະບົບທາງໄກ.
ທ່ານ ມີນາໄຊພິລາວົງ ຫົວໜ້າສູນອິນເຕີເນັດແຫ່ງຊາດກະຊວງເຕັກໂນໂລຊີ ແລະ ການສື່ສານ,ທັງເປັນຫົວໜ້າຫ້ອງການກອງເລຂາຄະນະກຳມະການຄຸ້ມຄອງອິນເຕີເນັດແຫ່ງຊາດໄດ້ລາຍງານກ່ຽວກັບການຈັດຕັ້ງວຽກງານ ຄຄອຊປະຈໍາປີ 2024 ແລະ ທິດທາງແຜນການ ປະຈຳປີ 2025. ຈາກນັ້ນ ທ່ານ ນາງວິລະສະຕີ ສົມບູນຂັນຫົວໜ້າກົມປະຊາສໍາພັນຫ້ອງວ່າການສຳນັກງານນາຍົກລັດຖະມົນຕີໄດ້ຂຶ້ນລາຍງານສະພາບການຄຸ້ມຄອງ ແລະ ແກ້ໄຂບັນຫາ ທີ່ເກີດຂຶ້ນໃນສື່ສັງຄົມອອນລາຍທີ່ຜ່ານມາ ແລະ ແຜນວຽກຈຸດສຸມໃນຕໍ່ໜ້າຊຶ່ງໃນໄລຍະຜ່ານມາຄຄອຊໄດ້ເອົາໃຈໃສ່ໃນວຽກງານການເມືອງແນວຄິດໂດຍໃຫ້ຄຄອຊແຕ່ລະຂັ້ນ,ບັນດາກະຊວງ, ອົງການຈັດຕັ້ງພັກ-ລັດຂັ້ນສູນກາງ, ບັນດາແຂວງ, ນະຄອນຫຼວງສືບຕໍ່ໄດ້ເອົາໃຈໃສ່ຜັນຂະຫຍາຍເນື້ອໃນມະຕິ, ຄໍາສັ່ງ, ແຈ້ງການ, ຄໍາແນະນໍາແລະບັນດາລະບຽບການທີ່ກ່ຽວຂ້ອງໃຫ້ພະນັກງານວິຊາການທີ່ຢູ່ໃນຄວາມຮັບຜິດຊອບຂອງຕົນມີແນວຄິດຫຼັກໝັ້ນການເມືອງໜັກແໜ້ນ, ຮູ້ຈໍາແນກມິດ-ສັດຕູ, ກໍາໄດ້ແນວທາງນະໂຍບາຍຂອງພັກ, ກົດໝາຍແລະນິຕິກຳທີ່ວາງອອກໃນແຕ່ລະໄລຍະ.ພ້ອມນັ້ນ, ຫຼາຍບ່ອນກໍໄດ້ເປັນເຈົ້າການຕໍ່ໜ້າທີ່ການເມືອງທີ່ໄດ້ຮັບມອບໝາຍແລະສະໜອງຂໍ້ມູນທາງການທີ່ຖືກຕ້ອງເພື່ອຕອບຕ້ານຫາງສຽງທີ່ບໍ່ດີ,ບັນດາຂ່າວປອມ, ຂ່າວບິດເບືອນຕິດພັນກັບຂະແໜງການຂອງຕົນຕາມການຊີ້ນຳຂອງອົງຄະນະພັກແຕ່ລະຂັ້ນຢ່າງທັນການ, ຄຽງຄູ່ກັບການປຸກລະດົມຂົນຂວາຍປະຊາຊົນເຂົ້າຮ່ວມວຽກງານຕອບໂຕ້ຂ່າວບໍ່ຖືກຕ້ອງ.ໃນວຽກງານການຈັດຕັ້ງ, ຄຄອຊແຕ່ລະພາກສ່ວນໄດ້ສ້າງແລະປັບປຸງການຈັດຕັ້ງໃຫ້ສອດຄ່ອງກັບສະພາບຄວາມຮຽກຮ້ອງຕ້ອງການຕົວຈິງຂອງວຽກງານໃນແຕ່ລະໄລຍະເພື່ອຊ່ວຍເຮັດໜ້າທີີ່ເປັນໃຈກາງຜັນຂະຫຍາຍວຽກງານໃນການຄຸ້ມຄອງຂໍ້ມູນຂ່າວສານຜ່ານອິນເຕີເນັດ, ພ້ອມທັງສະໜອງຂໍ້ມູນ, ຕອບຄຳຖາມຂໍ້ຂ້ອງໃຈ, ຊີ້ແຈງບັນຫາຕ່າງໆຂອງສັງຄົມທີີ່ຕິດພັນກັບແຕ່ລະພາກສ່ວນ.ໃນໄລຍະຜ່ານມາ,ຄະນະຈຸດປະສານງານບາງພາກສ່ວນໄດ້ເອົາໃຈໃສ່ປະສານງານແລະສະໜອງຂໍ້ມູນຢ່າງເອົາຈິງເອົາຈັງ, ສາມາດຊີ້ແຈງແກ້ໄຂບັນຫາທີ່ເກີດຂຶ້ນໃນຂະແໜງການແລະຂອບເຂດຄວາມຮັບຜິດຊອບຂອງຕົນໄດ້ທັນການ, ເຮັດໃຫ້ສັງຄົມມີຄວາມເຂົ້າໃຈ. ແຕ່ຍັງມີບາງພາກສ່ວນທີ່ຍັງບໍ່ສາມາດແກ້ໄຂໄດ້ທ່ວງທັນຈົນກາຍເປັນຫາງສຽງສັງຄົມໃນວົງກວ້າງ.ຫຼາຍພາກສ່ວນໃນຄຄອຊໄດ້ສຳເລັດການສ້າງແລະປັບປຸງບັນດານິຕິກຳທີ່ຕິດພັນກັບວຽກງານຄຸ້ມຄອງອິນເຕີເນັດ, ຄວາມປອດໄພທາງອິນເຕີເນັດ, ການພັດທະນາດ້ານໄອຊີທີແລະດີຈີຕອນ, ການພັດທະນາເສດຖະກິດ-ສັງຄົມໃຫ້ມີຄວາມຮັບປະກັນຕໍ່ວຽກງານປ້ອງກັນຊາດ-ປ້ອງກັນຄວາມສະຫງົບແລະຄວາມເປັນລະບຽບຮຽບຮ້ອຍຂອງສັງຄົມ.ພ້ອມນັ້ນກໍໄດ້ເອົາໃຈໃສ່ປັບປຸງແບບແຜນວິທີເຮັດວຽກ ແລະ ລະບົບຄຸ້ມຄອງ, ບໍລິຫານ, ບໍລິການ ໃຫ້ນຳໃຊ້ເຕັກໂນໂລຊີ ແລະ ລະບົບທັນສະໄໝ ຫຼາຍຂຶ້ນ.
ກອງປະຊຸມຄັ້ງນີ້:ຜູ້ເຂົ້າຮ່ວມຍັງໄດ້ຮັບຟັງການລາຍງານ ສະພາບການພົ້ນເດັ່ນທີ່ເກີດຂຶ້ນຈາກສື່ສັງຄົມອອນລາຍພ້ອມທັງວິທີການແກ້ໄຂບັນຫາ ຂອງບັນດາກະຊວງ, ອົງການ, ແຂວງ/ນະຄອນຫຼວງແລະ ຮ່ວມກັນປະກອບຄຳເຫັນຢ່າງກົງໄປກົງມາເພື່ອຕີລາຄາ ແລະ ຖອດຖອນບົດຮຽນຈາກການຈັດຕັ້ງປະຕິບັດວຽກງານໃນໄລຍະຜ່ານມາ ແລະ ຮ່ວມກັນວາງທິດທາງແຜນການໃນຕໍ່ໜ້າເພື່ອເຮັດໃຫ້ວຽກງານການຄຸ້ມຄອງອິນເຕີເນັດ ພາຍໃນປະເທດ ມີປະສິດທິພາບ ແລະ ປະສິດທິຜົນ ດີຂຶ້ນກວ່າເກົ່າ.
ໃນຕອນທ້າຍ, ທ່ານ ວິໄລ ຫຼ້າຄຳຟອງປະທານກອງປະຊຸມໄດ້ມີຄໍາເຫັນຊີ້ນຳຕໍ່ກັບການສະຫຼຸບລາຍງານ, ພ້ອມທັງໄດ້ຕີລາຄາສູງ ຕໍ່ການຄົ້ນຄວ້າ, ການກຳນົດບັນດາເປົ້າໝາຍ ທີ່ມີຄວາມສຳຄັນ ແລະ ຈຳເປັນ ທີ່ຈະຕ້ອງໄດ້ຄຸ້ມຄອງ ແລະ ພັດທະນາ ຊຶ່ງຈະຕ້ອງໄດ້ສົມທົບກັບພາກສ່ວນທີ່ກ່ຽວຂ້ອງຢ່າງແໜ້ນແຟ້ນແລະ ກົມກຽວ ເພື່ອເຮັດໃຫ້ອິນເຕີເນັດ ແລະ ເຕັກໂນໂລຊີດີຈີຕອນສາມາດປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ, ຕິດພັນກັບ 2 ວາລະແຫ່ງຊາດ, ໂດຍສະເພາະ ແມ່ນການຊຸກຍູ້ການສ້າງຕັ້ງ ແລະ ປັບປຸງຄະນະກຳມະການຄຸ້ມຄອງອິນເຕີເນັດ ໃນແຕ່ລະຂັ້ນພ້ອມທັງເອົາໃຈໃສ່ສ້າງຄວາມເຂັ້ມແຂງ, ຄວາມຄ່ອງຕົວໃຫ້ແກ່ສາຍໃຍ ແລະ ຂອດການປະສານງານ ໄດ້ຢ່າງທົ່ວເຖິງໃນທົ່ວປະເທດ, ເພີ່ມທະວີຂອດປະສານງານລະຫວ່າງພາກສ່ວນທີ່ກ່ຽວຂ້ອງເພື່ອພ້ອມກັນຄຸ້ມຄອງ, ຕິດຕາມ ກວດກາ, ເຝົ້າລະວັງ ແລະ ຕອບຕ້ານຫາງສຽງບໍ່ດີ, ຂໍ້ມູນຂ່າວສານທີ່ບໍ່ຖືກຕ້ອງເທິງອິນເຕີເນັດໃຫ້ມີຄວາມວ່ອງໄວ ທັນການ.
ພ້ອມດຽວກັນນັ້ນ,ກໍຕ້ອງໄດ້ສ້າງກົນໄກປະສານງານກັບບັນດາຜູ້ໃຫ້ບໍລິການໂທລະຄົມມະນາຄົມ ແລະ ອິນເຕີເນັດຊຶ່ງເປັນຜູ້ຮັບຜິດຊອບໂດຍກົງ ຕໍ່ກັບຂໍ້ມູນຜູ້ຊົມໃຊ້ ແລະໂຄງລ່າງພື້ນຖານເຊື່ອມຕໍ່ເຂົ້າເຖິງຂໍ້ມູນເທິງອິນເຕີເນັດ, ເພື່ອໃຫ້ການປະຕິບັດມາດຕະການຕ່າງໆໄດ້ຢ່າງວ່ອງໄວ ທັນສະພາບການ. ໃນດ້ານນິຕິກຳ ແມ່ນຕ້ອງເອົາໃຈໃສ່ຄົ້ນຄວ້າ ແລະ ປັບປຸງບັນດານິຕິກຳ ໃຫ້ສອດຄ່ອງກັບສະພາບການໃໝ່ ແລະ ເຕັກໂນໂລຊີ ວິທີການໃໝ່ທີ່ເກີດຂຶ້ນໃນສັງຄົມປັດຈຸບັນ, ພ້ອມທັງສຸມໃສ່ສ້າງຍຸດທະສາດຄວາມປອດໄພໄຊເບີ ແຫ່ງຊາດເພື່ອເປັນບ່ອນອີງໃຫ້ວຽກງານຄຸ້ມຄອງອິນເຕີເນັດ ແລະ ຄວາມປອດໄພທາງໄຊເບີຢ່າງຄົບຖ້ວນ, ຮັດກຸມ ແລະ ແທດເໝາະກັບສະພາບການໃນແຕ່ລະໄລຍະປັດຈຸບັນ.
ທ່ານວິໄລ ຫຼ້າຄຳຟອງຍັງໄດ້ຊີ້ນຳໃຫ້ເລັ່ງແກ້ໄຂບັນຫາຫຍໍ້ທໍ້ ຜ່ານທາງລະບົບໂທລະຄົມມະນາຄົມ ແລະ ອິນເຕີເນັດ, ເປັນຕົ້ນ ອາຊະຍາກໍາ ແລະການຕົວະຍົວະຫຼອກລວງ ຜ່ານລະບົບອິນເຕີເນັດ, ຜ່ານແກ໋ງຄອນເຊັນເຕີ; ການຮົ່ວໄຫຼຂໍ້ມູນສ່ວນບຸກຄົນ, ຕິດຕາມກວດກາແລະ ກັ່ນກອງບັນດາສື່ ແລະ ເວັບໄຊ ລາມົກອານາຈານ, ບັນຫາ ເກມ-ການພະນັນ, ກາສິໂນອອນລາຍ, ການຄ້າຂາຍຫວຍເຖື່ອນ, ການຄ້າປະເວນີ, ການຄ້າຢາເສບຕິດ ຜ່ານທາງອອນລາຍ ຕ່າງໆ, ເພື່ອເຮັດແນວໃດເຮັດໃຫ້ ສະພາບແວດລ້ອມອິນເຕີເນັດ ຂອງ ສປປ ລາວ ມີຄວາມປອດໄພ; ສືບຕໍ່ຄຸ້ມຄອງຜູ້ໃຫ້ບໍລິການໂທລະຄົມມະນາຄົມແລະ ອິນເຕີເນັດ, ເລັ່ງຈັດຕັ້ງປະຕິບັດ ວຽກງານລວມສູນການສື່ສານ, ການເຊື່ອມຕໍ່ສາຍສົ່ງເຂົ້າ-ອອກ ປະເທດຜ່ານຈຸດເຊື່ອມຕໍ່ທີ່ຊາຍແດນ ທີ່ໄດ້ຮັບອະນຸມັດຈາກກະຊວງເຕັກໂນໂລຊີ ແລະ ການສື່ສານ, ບັນດາບໍລິສັດຜູ້ໃຫ້ບໍລິການໂທລະຄົມແລະ ອິນເຕີເນັດ ຕ້ອງນໍາເອົາສັນຍາໂທລະຄົມ ແລະ ອິນເຕີເນັດ ເຂົ້າມາລວມສູນຜ່ານສູນອິນເຕີເນັດແຫ່ງຊາດ, ກະຊວງເຕັກໂນໂລຊີ ແລະ ການສື່ສານ ໃຫ້ສຳເລັດທັງໝົດໃນຂອບເຂດທົ່ວປະເທດເພື່ອຮັບປະກັນວຽກງານປກຊ-ປກສ. ສືບຕໍ່ຈັດຕັ້ງປະຕິບັດ ແລະ ກວດກາຄືນຂໍ້ມູນ ການລົງທະບຽນເລກໝາຍໂທລະສັບໃຫ້ຖືກຕ້ອງຊັດເຈນ ແລະ ຢັ້ງຢືນຂໍ້ມູນກັບຖານຂໍ້ມູນພົນລະເມືອງ ແລະບັດປະຈໍາຕົວຂອງກະຊວງ ປກສ.ສໍາລັບກອງທຶນພັດທະນາໂທລະຄົມມະນາຄົມ ແລະການຫັນເປັນດີຈີຕອນ, ແມ່ນຈະເປັນບ່ອນສະໜອງງົບປະມານ ຕໍ່ວຽກງານການຄຸ້ມຄອງ, ການພັດທະນາແລະ ການປັບປຸງໂຄງລ່າງພື້ນຖານໂທລະຄົມມະນາຄົມ ແລະ ອິນເຕີເນັດ. ເພື່ອຂະຫຍາຍລະບົບໂທລະຄົມມະນາຄົມ ແລະ ອິນເຕີເນັດ ໄປສູ່ເຂດຫ່າງໄກສອກຫຼີກ, ມີອັດຕາລາຄາພິເສດ ເພື່ອໃຫ້ອົງການພັກ-ລັດ, ນັກຮຽນ-ນັກສຶກສາແລະ ປະຊາຊົນທີ່ທຸກຍາກ ສາມາດເຂົ້າເຖິງການນໍາໃຊ້ອິນເຕີເນັດໄດ້. ສິ່ງທີ່ສຳຄັນ ຈຳເປັນແລະ ຂາດບໍ່ໄດ້ ແມ່ນຕ້ອງໄດ້ເອົາໃຈໃສ່ວຽກງານສຶກສາອົບຮົມ, ໂຄສະນາເຜີຍແຜ່ ແລະເຮັດວຽກແນວຄິດການເມືອງ ໃຫ້ບັນດາພະນັກງານ-ສະມາຊິກພັກ ຂອງຕົນ ເພື່ອໃຫ້ມີການນໍາໃຊ້ອິນເຕີເນັດ ກໍຄືສັງຄົມອອນລາຍ ໃນທາງທີ່ຖືກຕ້ອງ, ເປັນປະໂຫຍດ, ສ້າງສັນ, ມີຈັນຍາບັນ ແລະ ມີຄວາມຮັບຮູ້ເຂົ້າໃຈ ແລະມີພູມຄຸ້ມກັນ ຕໍ່ບັນດາຂ່າວປອມ, ຂ່າວອະກຸສົນ, ຂ່າວປັ່ນປ່ວນ ທີ່ມີການໂຈມຕີ ແນວທາງການເມືອງຂອງພັກ ແລະນະໂຍບາຍຂອງລັດ ໃນໄລຍະທີ່ມີຄວາມຫຍຸ້ງຍາກ ທາງດ້ານເສດຖະກິດ-ການເງິນ. ພ້ອມນັ້ນກໍຕ້ອງໄດ້ສືບຕໍ່ຮ່ວມມືກັບບັນດາປະເທດຢູ່ໃນພາກພື້ນ ແລະ ສາກົນ, ເພີ່ມທະວີການປະສານງານ ຮ່ວມມື ກັບປະເທດສສ ຫວຽດນາມ ແລະ ສປ ຈີນ ເພື່ອສຶກສາ ແລກປ່ຽນບົດຮຽນ ແລະ ຖອດຖອນບົດຮຽນໃນຂົງເຂດການຄຸ້ມຄອງອິນເຕີເນັດ ກໍຄື ວຽກງານການຫັນເປັນດີຈີຕອນຊຶ່ງເປັນວຽກລວມຂອງທຸກຂະແໜງການທົ່ວປະເທດ.
(ຂ່າວ-ພາບ:ສຳນານ)
ທ່ານ ມີນາໄຊພິລາວົງ ຫົວໜ້າສູນອິນເຕີເນັດແຫ່ງຊາດກະຊວງເຕັກໂນໂລຊີ ແລະ ການສື່ສານ,ທັງເປັນຫົວໜ້າຫ້ອງການກອງເລຂາຄະນະກຳມະການຄຸ້ມຄອງອິນເຕີເນັດແຫ່ງຊາດໄດ້ລາຍງານກ່ຽວກັບການຈັດຕັ້ງວຽກງານ ຄຄອຊປະຈໍາປີ 2024 ແລະ ທິດທາງແຜນການ ປະຈຳປີ 2025. ຈາກນັ້ນ ທ່ານ ນາງວິລະສະຕີ ສົມບູນຂັນຫົວໜ້າກົມປະຊາສໍາພັນຫ້ອງວ່າການສຳນັກງານນາຍົກລັດຖະມົນຕີໄດ້ຂຶ້ນລາຍງານສະພາບການຄຸ້ມຄອງ ແລະ ແກ້ໄຂບັນຫາ ທີ່ເກີດຂຶ້ນໃນສື່ສັງຄົມອອນລາຍທີ່ຜ່ານມາ ແລະ ແຜນວຽກຈຸດສຸມໃນຕໍ່ໜ້າຊຶ່ງໃນໄລຍະຜ່ານມາຄຄອຊໄດ້ເອົາໃຈໃສ່ໃນວຽກງານການເມືອງແນວຄິດໂດຍໃຫ້ຄຄອຊແຕ່ລະຂັ້ນ,ບັນດາກະຊວງ, ອົງການຈັດຕັ້ງພັກ-ລັດຂັ້ນສູນກາງ, ບັນດາແຂວງ, ນະຄອນຫຼວງສືບຕໍ່ໄດ້ເອົາໃຈໃສ່ຜັນຂະຫຍາຍເນື້ອໃນມະຕິ, ຄໍາສັ່ງ, ແຈ້ງການ, ຄໍາແນະນໍາແລະບັນດາລະບຽບການທີ່ກ່ຽວຂ້ອງໃຫ້ພະນັກງານວິຊາການທີ່ຢູ່ໃນຄວາມຮັບຜິດຊອບຂອງຕົນມີແນວຄິດຫຼັກໝັ້ນການເມືອງໜັກແໜ້ນ, ຮູ້ຈໍາແນກມິດ-ສັດຕູ, ກໍາໄດ້ແນວທາງນະໂຍບາຍຂອງພັກ, ກົດໝາຍແລະນິຕິກຳທີ່ວາງອອກໃນແຕ່ລະໄລຍະ.ພ້ອມນັ້ນ, ຫຼາຍບ່ອນກໍໄດ້ເປັນເຈົ້າການຕໍ່ໜ້າທີ່ການເມືອງທີ່ໄດ້ຮັບມອບໝາຍແລະສະໜອງຂໍ້ມູນທາງການທີ່ຖືກຕ້ອງເພື່ອຕອບຕ້ານຫາງສຽງທີ່ບໍ່ດີ,ບັນດາຂ່າວປອມ, ຂ່າວບິດເບືອນຕິດພັນກັບຂະແໜງການຂອງຕົນຕາມການຊີ້ນຳຂອງອົງຄະນະພັກແຕ່ລະຂັ້ນຢ່າງທັນການ, ຄຽງຄູ່ກັບການປຸກລະດົມຂົນຂວາຍປະຊາຊົນເຂົ້າຮ່ວມວຽກງານຕອບໂຕ້ຂ່າວບໍ່ຖືກຕ້ອງ.ໃນວຽກງານການຈັດຕັ້ງ, ຄຄອຊແຕ່ລະພາກສ່ວນໄດ້ສ້າງແລະປັບປຸງການຈັດຕັ້ງໃຫ້ສອດຄ່ອງກັບສະພາບຄວາມຮຽກຮ້ອງຕ້ອງການຕົວຈິງຂອງວຽກງານໃນແຕ່ລະໄລຍະເພື່ອຊ່ວຍເຮັດໜ້າທີີ່ເປັນໃຈກາງຜັນຂະຫຍາຍວຽກງານໃນການຄຸ້ມຄອງຂໍ້ມູນຂ່າວສານຜ່ານອິນເຕີເນັດ, ພ້ອມທັງສະໜອງຂໍ້ມູນ, ຕອບຄຳຖາມຂໍ້ຂ້ອງໃຈ, ຊີ້ແຈງບັນຫາຕ່າງໆຂອງສັງຄົມທີີ່ຕິດພັນກັບແຕ່ລະພາກສ່ວນ.ໃນໄລຍະຜ່ານມາ,ຄະນະຈຸດປະສານງານບາງພາກສ່ວນໄດ້ເອົາໃຈໃສ່ປະສານງານແລະສະໜອງຂໍ້ມູນຢ່າງເອົາຈິງເອົາຈັງ, ສາມາດຊີ້ແຈງແກ້ໄຂບັນຫາທີ່ເກີດຂຶ້ນໃນຂະແໜງການແລະຂອບເຂດຄວາມຮັບຜິດຊອບຂອງຕົນໄດ້ທັນການ, ເຮັດໃຫ້ສັງຄົມມີຄວາມເຂົ້າໃຈ. ແຕ່ຍັງມີບາງພາກສ່ວນທີ່ຍັງບໍ່ສາມາດແກ້ໄຂໄດ້ທ່ວງທັນຈົນກາຍເປັນຫາງສຽງສັງຄົມໃນວົງກວ້າງ.ຫຼາຍພາກສ່ວນໃນຄຄອຊໄດ້ສຳເລັດການສ້າງແລະປັບປຸງບັນດານິຕິກຳທີ່ຕິດພັນກັບວຽກງານຄຸ້ມຄອງອິນເຕີເນັດ, ຄວາມປອດໄພທາງອິນເຕີເນັດ, ການພັດທະນາດ້ານໄອຊີທີແລະດີຈີຕອນ, ການພັດທະນາເສດຖະກິດ-ສັງຄົມໃຫ້ມີຄວາມຮັບປະກັນຕໍ່ວຽກງານປ້ອງກັນຊາດ-ປ້ອງກັນຄວາມສະຫງົບແລະຄວາມເປັນລະບຽບຮຽບຮ້ອຍຂອງສັງຄົມ.ພ້ອມນັ້ນກໍໄດ້ເອົາໃຈໃສ່ປັບປຸງແບບແຜນວິທີເຮັດວຽກ ແລະ ລະບົບຄຸ້ມຄອງ, ບໍລິຫານ, ບໍລິການ ໃຫ້ນຳໃຊ້ເຕັກໂນໂລຊີ ແລະ ລະບົບທັນສະໄໝ ຫຼາຍຂຶ້ນ.
ກອງປະຊຸມຄັ້ງນີ້:ຜູ້ເຂົ້າຮ່ວມຍັງໄດ້ຮັບຟັງການລາຍງານ ສະພາບການພົ້ນເດັ່ນທີ່ເກີດຂຶ້ນຈາກສື່ສັງຄົມອອນລາຍພ້ອມທັງວິທີການແກ້ໄຂບັນຫາ ຂອງບັນດາກະຊວງ, ອົງການ, ແຂວງ/ນະຄອນຫຼວງແລະ ຮ່ວມກັນປະກອບຄຳເຫັນຢ່າງກົງໄປກົງມາເພື່ອຕີລາຄາ ແລະ ຖອດຖອນບົດຮຽນຈາກການຈັດຕັ້ງປະຕິບັດວຽກງານໃນໄລຍະຜ່ານມາ ແລະ ຮ່ວມກັນວາງທິດທາງແຜນການໃນຕໍ່ໜ້າເພື່ອເຮັດໃຫ້ວຽກງານການຄຸ້ມຄອງອິນເຕີເນັດ ພາຍໃນປະເທດ ມີປະສິດທິພາບ ແລະ ປະສິດທິຜົນ ດີຂຶ້ນກວ່າເກົ່າ.
ໃນຕອນທ້າຍ, ທ່ານ ວິໄລ ຫຼ້າຄຳຟອງປະທານກອງປະຊຸມໄດ້ມີຄໍາເຫັນຊີ້ນຳຕໍ່ກັບການສະຫຼຸບລາຍງານ, ພ້ອມທັງໄດ້ຕີລາຄາສູງ ຕໍ່ການຄົ້ນຄວ້າ, ການກຳນົດບັນດາເປົ້າໝາຍ ທີ່ມີຄວາມສຳຄັນ ແລະ ຈຳເປັນ ທີ່ຈະຕ້ອງໄດ້ຄຸ້ມຄອງ ແລະ ພັດທະນາ ຊຶ່ງຈະຕ້ອງໄດ້ສົມທົບກັບພາກສ່ວນທີ່ກ່ຽວຂ້ອງຢ່າງແໜ້ນແຟ້ນແລະ ກົມກຽວ ເພື່ອເຮັດໃຫ້ອິນເຕີເນັດ ແລະ ເຕັກໂນໂລຊີດີຈີຕອນສາມາດປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ, ຕິດພັນກັບ 2 ວາລະແຫ່ງຊາດ, ໂດຍສະເພາະ ແມ່ນການຊຸກຍູ້ການສ້າງຕັ້ງ ແລະ ປັບປຸງຄະນະກຳມະການຄຸ້ມຄອງອິນເຕີເນັດ ໃນແຕ່ລະຂັ້ນພ້ອມທັງເອົາໃຈໃສ່ສ້າງຄວາມເຂັ້ມແຂງ, ຄວາມຄ່ອງຕົວໃຫ້ແກ່ສາຍໃຍ ແລະ ຂອດການປະສານງານ ໄດ້ຢ່າງທົ່ວເຖິງໃນທົ່ວປະເທດ, ເພີ່ມທະວີຂອດປະສານງານລະຫວ່າງພາກສ່ວນທີ່ກ່ຽວຂ້ອງເພື່ອພ້ອມກັນຄຸ້ມຄອງ, ຕິດຕາມ ກວດກາ, ເຝົ້າລະວັງ ແລະ ຕອບຕ້ານຫາງສຽງບໍ່ດີ, ຂໍ້ມູນຂ່າວສານທີ່ບໍ່ຖືກຕ້ອງເທິງອິນເຕີເນັດໃຫ້ມີຄວາມວ່ອງໄວ ທັນການ.
ພ້ອມດຽວກັນນັ້ນ,ກໍຕ້ອງໄດ້ສ້າງກົນໄກປະສານງານກັບບັນດາຜູ້ໃຫ້ບໍລິການໂທລະຄົມມະນາຄົມ ແລະ ອິນເຕີເນັດຊຶ່ງເປັນຜູ້ຮັບຜິດຊອບໂດຍກົງ ຕໍ່ກັບຂໍ້ມູນຜູ້ຊົມໃຊ້ ແລະໂຄງລ່າງພື້ນຖານເຊື່ອມຕໍ່ເຂົ້າເຖິງຂໍ້ມູນເທິງອິນເຕີເນັດ, ເພື່ອໃຫ້ການປະຕິບັດມາດຕະການຕ່າງໆໄດ້ຢ່າງວ່ອງໄວ ທັນສະພາບການ. ໃນດ້ານນິຕິກຳ ແມ່ນຕ້ອງເອົາໃຈໃສ່ຄົ້ນຄວ້າ ແລະ ປັບປຸງບັນດານິຕິກຳ ໃຫ້ສອດຄ່ອງກັບສະພາບການໃໝ່ ແລະ ເຕັກໂນໂລຊີ ວິທີການໃໝ່ທີ່ເກີດຂຶ້ນໃນສັງຄົມປັດຈຸບັນ, ພ້ອມທັງສຸມໃສ່ສ້າງຍຸດທະສາດຄວາມປອດໄພໄຊເບີ ແຫ່ງຊາດເພື່ອເປັນບ່ອນອີງໃຫ້ວຽກງານຄຸ້ມຄອງອິນເຕີເນັດ ແລະ ຄວາມປອດໄພທາງໄຊເບີຢ່າງຄົບຖ້ວນ, ຮັດກຸມ ແລະ ແທດເໝາະກັບສະພາບການໃນແຕ່ລະໄລຍະປັດຈຸບັນ.
ທ່ານວິໄລ ຫຼ້າຄຳຟອງຍັງໄດ້ຊີ້ນຳໃຫ້ເລັ່ງແກ້ໄຂບັນຫາຫຍໍ້ທໍ້ ຜ່ານທາງລະບົບໂທລະຄົມມະນາຄົມ ແລະ ອິນເຕີເນັດ, ເປັນຕົ້ນ ອາຊະຍາກໍາ ແລະການຕົວະຍົວະຫຼອກລວງ ຜ່ານລະບົບອິນເຕີເນັດ, ຜ່ານແກ໋ງຄອນເຊັນເຕີ; ການຮົ່ວໄຫຼຂໍ້ມູນສ່ວນບຸກຄົນ, ຕິດຕາມກວດກາແລະ ກັ່ນກອງບັນດາສື່ ແລະ ເວັບໄຊ ລາມົກອານາຈານ, ບັນຫາ ເກມ-ການພະນັນ, ກາສິໂນອອນລາຍ, ການຄ້າຂາຍຫວຍເຖື່ອນ, ການຄ້າປະເວນີ, ການຄ້າຢາເສບຕິດ ຜ່ານທາງອອນລາຍ ຕ່າງໆ, ເພື່ອເຮັດແນວໃດເຮັດໃຫ້ ສະພາບແວດລ້ອມອິນເຕີເນັດ ຂອງ ສປປ ລາວ ມີຄວາມປອດໄພ; ສືບຕໍ່ຄຸ້ມຄອງຜູ້ໃຫ້ບໍລິການໂທລະຄົມມະນາຄົມແລະ ອິນເຕີເນັດ, ເລັ່ງຈັດຕັ້ງປະຕິບັດ ວຽກງານລວມສູນການສື່ສານ, ການເຊື່ອມຕໍ່ສາຍສົ່ງເຂົ້າ-ອອກ ປະເທດຜ່ານຈຸດເຊື່ອມຕໍ່ທີ່ຊາຍແດນ ທີ່ໄດ້ຮັບອະນຸມັດຈາກກະຊວງເຕັກໂນໂລຊີ ແລະ ການສື່ສານ, ບັນດາບໍລິສັດຜູ້ໃຫ້ບໍລິການໂທລະຄົມແລະ ອິນເຕີເນັດ ຕ້ອງນໍາເອົາສັນຍາໂທລະຄົມ ແລະ ອິນເຕີເນັດ ເຂົ້າມາລວມສູນຜ່ານສູນອິນເຕີເນັດແຫ່ງຊາດ, ກະຊວງເຕັກໂນໂລຊີ ແລະ ການສື່ສານ ໃຫ້ສຳເລັດທັງໝົດໃນຂອບເຂດທົ່ວປະເທດເພື່ອຮັບປະກັນວຽກງານປກຊ-ປກສ. ສືບຕໍ່ຈັດຕັ້ງປະຕິບັດ ແລະ ກວດກາຄືນຂໍ້ມູນ ການລົງທະບຽນເລກໝາຍໂທລະສັບໃຫ້ຖືກຕ້ອງຊັດເຈນ ແລະ ຢັ້ງຢືນຂໍ້ມູນກັບຖານຂໍ້ມູນພົນລະເມືອງ ແລະບັດປະຈໍາຕົວຂອງກະຊວງ ປກສ.ສໍາລັບກອງທຶນພັດທະນາໂທລະຄົມມະນາຄົມ ແລະການຫັນເປັນດີຈີຕອນ, ແມ່ນຈະເປັນບ່ອນສະໜອງງົບປະມານ ຕໍ່ວຽກງານການຄຸ້ມຄອງ, ການພັດທະນາແລະ ການປັບປຸງໂຄງລ່າງພື້ນຖານໂທລະຄົມມະນາຄົມ ແລະ ອິນເຕີເນັດ. ເພື່ອຂະຫຍາຍລະບົບໂທລະຄົມມະນາຄົມ ແລະ ອິນເຕີເນັດ ໄປສູ່ເຂດຫ່າງໄກສອກຫຼີກ, ມີອັດຕາລາຄາພິເສດ ເພື່ອໃຫ້ອົງການພັກ-ລັດ, ນັກຮຽນ-ນັກສຶກສາແລະ ປະຊາຊົນທີ່ທຸກຍາກ ສາມາດເຂົ້າເຖິງການນໍາໃຊ້ອິນເຕີເນັດໄດ້. ສິ່ງທີ່ສຳຄັນ ຈຳເປັນແລະ ຂາດບໍ່ໄດ້ ແມ່ນຕ້ອງໄດ້ເອົາໃຈໃສ່ວຽກງານສຶກສາອົບຮົມ, ໂຄສະນາເຜີຍແຜ່ ແລະເຮັດວຽກແນວຄິດການເມືອງ ໃຫ້ບັນດາພະນັກງານ-ສະມາຊິກພັກ ຂອງຕົນ ເພື່ອໃຫ້ມີການນໍາໃຊ້ອິນເຕີເນັດ ກໍຄືສັງຄົມອອນລາຍ ໃນທາງທີ່ຖືກຕ້ອງ, ເປັນປະໂຫຍດ, ສ້າງສັນ, ມີຈັນຍາບັນ ແລະ ມີຄວາມຮັບຮູ້ເຂົ້າໃຈ ແລະມີພູມຄຸ້ມກັນ ຕໍ່ບັນດາຂ່າວປອມ, ຂ່າວອະກຸສົນ, ຂ່າວປັ່ນປ່ວນ ທີ່ມີການໂຈມຕີ ແນວທາງການເມືອງຂອງພັກ ແລະນະໂຍບາຍຂອງລັດ ໃນໄລຍະທີ່ມີຄວາມຫຍຸ້ງຍາກ ທາງດ້ານເສດຖະກິດ-ການເງິນ. ພ້ອມນັ້ນກໍຕ້ອງໄດ້ສືບຕໍ່ຮ່ວມມືກັບບັນດາປະເທດຢູ່ໃນພາກພື້ນ ແລະ ສາກົນ, ເພີ່ມທະວີການປະສານງານ ຮ່ວມມື ກັບປະເທດສສ ຫວຽດນາມ ແລະ ສປ ຈີນ ເພື່ອສຶກສາ ແລກປ່ຽນບົດຮຽນ ແລະ ຖອດຖອນບົດຮຽນໃນຂົງເຂດການຄຸ້ມຄອງອິນເຕີເນັດ ກໍຄື ວຽກງານການຫັນເປັນດີຈີຕອນຊຶ່ງເປັນວຽກລວມຂອງທຸກຂະແໜງການທົ່ວປະເທດ.
(ຂ່າວ-ພາບ:ສຳນານ)
ຄໍາເຫັນ