 |
ພິທີມອບ-ຮັບຈັດຂຶ້ນໃນວັນທີ 29 ກັນຍານີ້, ທີ່ຫ້ອງວ່າການແຂວງຄຳມ່ວນ ໂດຍມີທ່ານ ສຸກທັນວາ ຊາພູວົງ ປະທານສະມາຄົມນັກທຸລະກິດໜຸ່ມ ພ້ອມຄະນະເຂົ້າຮ່ວມ, ມີທ່ານ ສົມສະອາດ ອຸ່ນສີດາ ປະທານຄະນະກຳມະການປົກຄອງແຂວງໃຫ້ກຽດຮັບ.
ຕາງໜ້າສະມາຄົມໄດ້ຢືນຢັນເຈດຈຳນົງຮ່ວມກັບພາກລັດ ແລະ ສັງຄົມ ໃນການຊ່ວຍເຫຼືອປະຊາຊົນຜູ້ປະສົບໄພ ໂດຍການຊ່ວຍເຫຼືອດັ່ງກ່າວໄດ້ນຳໄປມອບໃຫ້ປະຊາຊົນຕັ້ງແຕ່ເດືອນສິງຫາຜ່ານມາ ເພື່ອແບ່ງເບົາຜົນກະທົບຈາກນ້ຳຖ້ວມ ແລະ ຊ່ວຍໃຫ້ປະຊາຊົນສາມາດກັບຄືນສູ່ການດຳລົງຊີວິດປົກກະຕິ.
ທ່ານ ສົມສະອາດ ອຸ່ນສີດາ ໄດ້ກ່າວຂອບໃຈຕໍ່ສະມາຄົມ ແລະ ຜູ້ມີຈິດໃຈສັດທາທຸກພາກສ່ວນ ທີ່ຮ່ວມປະກອບສ່ວນຊ່ວຍເຫຼືອ ຊຶ່ງເປັນກຳລັງສຳຄັນໃນການແບ່ງເບົາພາລະຂອງແຂວງ ແລະ ຊ່ວຍປະຊາຊົນຜ່ານຜ່າຄວາມຫຍຸ້ງຍາກ. ພ້ອມນີ້, ທ່ານຍັງເນັ້ນວ່າ ແຂວງຍັງຕ້ອງການທຶນຮອນ ແລະ ການສະໜັບສະໜູນເພີ່ມເຕີມ ໂດຍສະເພາະການຟື້ນຟູເສັ້ນທາງ ແລະ ຊີວິດການເປັນຢູ່ຂອງປະຊາຊົນ ເພື່ອເລັ່ງຟື້ນຟູຜົນເສຍຫາຍຈາກໄພນ້ຳຖ້ວມ ແລະ ສ້າງເງື່ອນໄຂໃຫ້ເສດຖະກິດ-ສັງຄົມຂອງແຂວງກັບຄືນສູ່ຄວາມປົກກະຕິ.
ຂ່າວ : ມະນີວັນ
ຄໍາເຫັນ