 |
ທ່ານ ພອນເພັດ ຈິດຕະວົງ ຄະນະປະຈໍາພັກເມືອງ ປະທານແນວລາວສ້າງຊາດເມືອງ ກ່າວວ່າ: ໃນໄລຍະ 5 ປີ ຜ່ານມາ, ຄະນະກໍາມະການແນວລາວສ້າງຊາດເມືອງວຽງຄໍາ ໄດ້ຖືເອົາການສຶກສາອົບຮົມການເມືອງ-ແນວຄິດ ເປັນກົກ, ຖືສຳຄັນໃນການຍົກສູງຄັນທຸງເຕົ້າໂຮມຄວາມສາມັກຄີປະຊາຊົນບັນດາເຜົ່າ, ຊັ້ນຄົນ, ເພດໄວ ແລະ ສາສະໜາ ພາຍໃນເມືອງໃຫ້ເປັນປຶກແຜ່ນແໜ້ນໜາ, ໄດ້ຈັດຕັ້ງປະຕິບັດປະເມີນຄອບຄົວ ແລະ ບ້ານສາມັກຄີປອງດອງ ຮອບທີ II, 17 ບ້ານທົ່ວເມືອງສໍາເລັດ, ທົ່ວເມືອງມີ 4,176 ຄອບຄົວ, ຄອບຄົວທີ່ມີມາດຖານເງື່ອນໄຂຄົບຖ້ວນຕາມ 4 ມາດຖານຂອງການສ້າງຄອບຄົວສາມັກຄີປອງດອງ ບັນລຸ 85% ຂຶ້ນໄປ, ສາມາດອອກໃບຢັ້ງຢືນຮັບຮອງເປັນ ຄອບຄົວສາມັກຄີປອງດອງໄດ້ທັງມົດ 4,119 ຄອບຄົວ, ປະເມີນບ້ານສາມັກຄີປອງດອງ ຕາມ 5 ມາດຕະຖານຂອງການສ້າງບ້ານສາມັກຄີປອງດອງ ໄດ້ 17 ບ້ານ ເທົ່າ 100% ແລະ ໄດ້ປະກາດຮັບຮອງເມືອງວຽງຄໍາ ເປັນເມືອງຈັດຕັ້ງປະຕິບັດຂະບວນການສ້າງຄອບຄົວ ແລະ ບ້ານສາມັກຄີປອງດອງໄດ້ສໍາເລັດ ແລະວຽກງານດ້ານອື່ນກໍມີຜົນສໍາເລັດ.
 |
ກອງປະຊຸມຄັ້ງນີ້, ບັນດາຜູ້ແທນສົມບູນ ເຫັນດີຮັບຮອງເອົາຄະນະກຳການແນວລາວສ້າງຊາດ ເມືອງວຽງຄໍາ ສະໄໝທີ VI ຈໍານວນ 33 ສະຫາຍ ຍິງ 9 ສະຫາຍ, ພະສົງ 2 ອົງ. ກອງປະຊຸມຄັ້ງປະຖົມມະລຶກໄດ້ເປັນເອກະສັນເລືອກ ເອົາຄະນະປະຈໍາ ແລະ ຮັບຮອງເອົາສະຫາຍ ໂພທອງ ໄຊຍະສອນ ເປັນປະທານແນວລາວສ້າງຊາດເມືອງ, ສະຫາຍ ສົມພອນ ຊາມົນຕີ ເປັນຮອງປະທານ.
(ແຫຼ່ງຂ່າວ: ແຂວງວຽງຈັນ)
ຄໍາເຫັນ