 |
ກອງປະຊຸມໄດ້ຮັບຟັງບົດນໍາ ຫຼື ບົດສະຫຼຸບຕີລາຄາລວມກ່ຽວກັບແນວທາງປ່ຽນແປງໃໝ່ຂອງພັກຕໍ່ວຽກງານແນວໂຮມທີ່ສະເໜີໂດຍທ່ານ ຄໍາໄຫຼ ສີປະເສີດ ກໍາມະການສູນກາງພັກ ຮອງປະທານຜູ້ປະຈໍາການ ສນຊ ຫົວໜ້າອະນຸກໍາມະການເນື້ອໃນ ແລະ ກອງເລຂາສະເຫຼີມສະຫຼອງວັນສ້າງຕັ້ງແນວລາວສ້າງຊາດ ຄົບຮອບ 75 ປີທີ່ຈະມາເຖິງ, ຮັບຟັງເນື້ອໃນການສຳມະນາ 7 ຫົວຂໍ້ຍ່ອຍຄື: 1) ໝາກຜົນ 40 ປີແຫ່ງການປ່ຽນແປງໃໝ່ວຽກງານຊົນເຜົ່າ, ວຽກງານຊັ້ນຄົນ-ການຈັດຕັ້ງສັງຄົມ, ວຽກງານສາສະໜາ, ວຽກງານພີ່ນ້ອງເຊື້ອສາຍລາວທີ່ດໍາລົງຊີວິດຢູ່ຕ່າງປະເທດ, ວຽກງານໂຄສະນາຂົນຂວາຍປະຊາຊົນ, ວຽກງານເສີມຂະຫຍາຍສິດປະຊາທິປະໄຕ, ສິດເປັນເຈົ້າຂອງປະຊາຊົນ ແລະ ວຽກງານການຈັດຕັ້ງ-ບຸກຄະລາກອນຂອງແນວລາວສ້າງຊາດຂັ້ນຕ່າງໆ. ພ້ອມກັນນີ້, ຜູ້ເຂົ້າຮ່ວມໄດ້ແລກປ່ຽນຄໍາຄິດຄໍາເຫັນ. ກອງປະຊຸມຄັ້ງນີ້ເປັນກິດຈະກໍາໜຶ່ງເພື່ອຂໍ່ານັບຮັບຕ້ອນວັນສ້າງຕັ້ງແນວລາວສ້າງຊາດ ຄົບຮອບ 75 ປີ.
ໂອກາດດັ່ງກ່າວ, ທ່ານປະທານ ສນຊ ໄດ້ມີທິດຊີ້ນໍາຕໍ່ການປັບປຸງບາງເນື້ອໃນໂດຍເນັ້ນໜັກ 5 ບັນຫາໃຫ້ສອດຄ່ອງກັບ 6 ຫຼັກການປ່ຽນແປງໃໝ່ຂອງພັກ ແລະ ບັນດາມະຕິຂອງສູນກາງພັກຕໍ່ວຽກງານແນວໂຮມ.
ຂ່າວ-ພາບ: ລີ
ຄໍາເຫັນ