ເມື່ອບໍ່ດົນມານີ້ ທີ່ບໍລິສັດດັ່ງກ່າວວ່າ: ບໍລິສັດສະມໍຣ ບີ ທີ່ປຶກສາດ້ານການລົງທຶນຈຳກັດຫຼື ເອີ້ນຊື່ຫຍໍ້ວ່າ:ບໍລິສັດ Small-bເປັນໜຶ່ງບໍລິສັດເອກະຊົນຕັ້ງຢູ່ຖະໜົນກໍາແພງເມືອງບ້ານໂພນທັນໃຕ້ເມືອງໄຊເສດຖານະຄອນຫຼວງວຽງຈັນ (ນວ) ໄດ້ສ້າງຕັ້ງຂຶ້ນໃນປີ 2022 ຊຶ່ງດໍາເນີນພາຍໃຕ້ໂຄງການຮ່ວມມືພັດທະນາບໍລິຫານຈັດການເກັບມ້ຽນຂົນສົ່ງຂີ້ເຫຍື້ອຫຼັກ 32. ບໍລິສັດ Small-bໄດ້ຮ່ວມມືສັນຍາພັດທະນາຕົວເມືອງກັບລັດຖະບານ ພາຍໃຕ້ຂະແໜງການທີ່ມີຊື່ວ່າ: ໂຄງການຄຸ້ມຄອງ ແລະ ບໍລິການຕົວເມືອງວຽງຈັນ (ຄບຕ) ໃນວັນທີ 9 ກັນຍາ 2021.

ທ່ານນາງດີ່ນ້າ ສົມສະໝຸດ ກ່າວຕື່ມວ່າ: ປັດຈຸບັນບໍລິສັດ Small-bມີພາລະບົດບາດໃນວຽກງານການເກັບມ້ຽນຂີ້ເຫຍື້ອຢູ່ໃນນະຄອນຫຼວງວຽງຈັນ (ນວ) ນອນຢູ່ໃນຂະແໜງການຄຸ້ມຄອງຂີ້ເຫຍື້ອ ປະກອບມີ 190 ບ້ານ, ໃນ 7 ຕົວເມືອງ. ນອກຈາກວຽກການຄຸ້ມຄອງຂີ້ເຫຍື້ອຍັງມີວຽກອະນາໄມ 27 ເສັ້ນທາງຫຼັກ. ພ້ອມນັ້ນ, ວຽກງານເກັບມ້ຽນຂີ້ເຫຍື້ອຍັງມີຂໍ້ສະດວກ ແລະຂໍ້ຫຍຸ້ງຍາກຫຼາຍຢ່າງ ເປັນຕົ້ນຂໍ້ສະດວກທາງບໍລິສັດ Small-bໄດ້ຮັບລົດຂົນສົ່ງຂີ້ເຫຍື້ອຈາກລັດຖະບານແລ້ວໄດ້ນໍາເອົາມາພັດທະນາໂດຍໄດ້ບູລະນະສ້ອມແຊມ ແລະ ໄດ້ນໍາໃຊ້ບໍລິການຂົນສົ່ງຂີ້ເຫຍື້ອໃນ ນວມາຮອດປັດຈຸບັນ. ຂໍ້ຫຍຸ້ງຍາກ:ການເກັບມ້ຽນຂີ້ເຫຍື້ອຍັງມີຄວາມລໍາບາກຍ້ອນມີຫຼາຍຄົວເຮືອນບໍ່ທັນແຍກຂີ້ເຫຍື້ອເປັນລະບຽບຮຽບຮ້ອຍ ໂດຍສະເພາະຂີ້ເຫຍື້ອອັນຕະລາຍ, ຂີ້ເຫຍື້ອປຽກ (ຂີ້ເຫຍື້ອເສດອາຫານ, ປະເພດນໍ້າ, ຂີ້ເຫຍື້ອເຄມີ ແລະ ອື່ນໆ) ຍັງປະປົນກັນຢູ່. ໃນນັ້ນ, ຍັງມີບາງຄອບຄົວບໍ່ທັນໄດ້ເຂົ້າຮ່ວມສັນຍາເກັບມ້ຽນຂີ້ເຫຍື້ອໄດ້ 100%. ຕາມສະຖິຕິແລ້ວປະເພດສັນຍາການເກັບຂີ້ເຫຍື້ອຄົວເຮືອນແມ່ນເພີ່ມຂຶ້ນໃນແຕ່ລະປີ ເຮັດໃຫ້ການເກັບມ້ຽນຂີ້ເຫຍື້ອໃນປີຜ່ານມາໄດ້ 400-500ໂຕນຕໍ່ມື້ ໃນເຂດບໍລິການ 190 ບ້ານໃນ 7 ຕົວເມືອງ ຫຼືກວມເອົາ 60% ໃນນວ. ສໍາລັບລາຄາພັນທະຄ່າເກັບມ້ຽນຂີ້ເຫຍື້ອແມ່ນແລ້ວແຕ່ຄອບຄົວທີ່ມີຂີ້ເຫຍື້ອໜ້ອຍ-ຫຼາຍ ຊຶ່ງໃນປີ 2015 ໄດ້ເກັບລາຄາຄ່າບໍລິການຂີ້ເຫຍື້ອ 10 ພັນກີບຕໍ່ຖົງດໍາໃຫຍ່,ປັດຈຸບັນເລີ່ມຕົ້ນເກັບເດືອນລະ 40 ພັນກີບຕາມປະລິມານຂີ້ເຫຼຍື້ອ. ພວກເຮົາມີລົດນໍາໃຊ້ເກັບມ້ຽນຂີ້ເຫຍື້ອທັງໝົດ 46 ຄັນ, ມີພະນັງງານທັງໝົດ 200 ກວ່າຄົນໂດຍມີສະໜາມຄ່ຽນຖ່າຍຂີ້ເຫຍື້ອຢູ່ບ້ານນາໄຫ ເມືອງໄຊເສດຖາ ນວ ແລະ ສະໜາມບໍາບັດຂີ້ເຫຍື້ອຢູ່ຫຼັກ 32.

ທ່ານນາງ ດີ່ນ້າ ສົມສະໝຸດ ກ່າວຕື່ມວ່າ: ໃນໄລຍະຜ່ານມາບໍລິສັດ Small-bໄດ້ມີສ່ວນຮ່ວມຫຼາຍກິດຈະກໍາເຊັ່ນ: ອອກແຮງງານວັນເສົາແດງ,ປູກຈິດສໍານຶກໃຫ້ກຸ່ມນັກຮຽນ, ນັກສຶກສາເພື່ອໃຫ້ຄວາມຮູ້ບັນຫາການເກັບມ້ຽນຂີ້ເຫຍື້ອ, ສິ່ງແວດລ້ອມໃຫ້ເຂົາເຈົ້າ. ໃນນັ້ນ, ໃນງານບຸນພະທາດຫຼວງແຕ່ລະປີກໍຈະມີຫ້ອງໂຄສະນາບັນຫາການເກັບມ້ຽນຂີ້ເຫຍື້ອ,ສະໜັບສະໜູນຖັງຂີ້ເຫຍື້ອ ແລະ ຈະສືບຕໍ່ກິດຈະກໍາຕ່າງໆເລື້ອຍໆໄປ.

ທ່ານນາງ ດີ່ນ້າ ສົມສະໝຸດ ຍັງຝາກເຖິງສັງຄົມ ກໍຄືປະຊາຊົນຈົ່ງໃຫ້ການຮ່ວມມືເປັນເຈົ້າການເອົາໃຈໃສ່ໃນການເກັບມ້ຽນຂີ້ເຫຍື້ອໃນຄົວເຮືອນຂອງຕົນເອງໃຫ້ເປັນລະບຽບຮຽບຮ້ອຍເພື່ອຄວາມສະດວກໃນການຂົນຂຶ້ນລົດນໍາໄປຖິ້ມ. ພ້ອມນັ້ນ, ຄອບຄົວໃດທີ່ຍັງບໍ່ທັນໄດ້ເຂົ້າຮ່ວມສັນຍາເກັບມ້ຽນຂີ້ເຫຍື້ອກໍສາມາດມາພົວພັນນໍາພວກເຮົາ. ສໍາຄັນຢ່າຈູດ-ຖິ້ມຂີ້ເຫຍື້ອຊະຊາຍ ຫຼື ລັກຖິ້ມໃສ່ດິນເປົ່າວ່າງ ເພາະຈະເຮັດໃຫ້ເບິ່ງບໍ່ງາມຫູງາມຕາແລ້ວຍັງຈະເຮັດໃຫ້ສະພາບແວດລ້ອມບໍ່ດີຕໍ່ຄົນອ້ອມຂ້າງ.ຢ່າງໃດກໍຕາມ, ຖ້າຫາກປະຊາຊົນບ້ານໃດທີ່ຢູ່ເຂດຮັບຜິດຊອບເກັບມ້ຽນຂີ້ເຫຍື້ອຂອງບໍລິສັດSmall-bຖ້າມີຂີ້ເຫຍື້ອຄ້າງຢາກໂທແຈ້ງ, ຢາກຊໍາລະຈ່າຍພັນທະຄ່າຂີ້ເຫຍື້ອ, ລົງທະບຽນສາມາດໂທສາຍດ່ວນ 1436, 020 94442069. ປັດຈຸບັນທ່ານຍັງສາມາດຊໍາລະຈ່າຍຄ່າຂີ້ເຫຍື້ອຜ່ານໄດ້ 3 ຊ່ອງທາງຄື: ທະນາຄານການຄ້າຕ່າງປະເທດລາວ, ພັດທະນາລາວ ແລະ ທະນາຄານຮ່ວມພັດທະນາ.