ສະພາແຫ່ງຊາດ ມອບ-ຮັບ ພ້ອມຈັດສົ່ງການຊ່ວຍເຫຼືອໄປຊ່ວຍຊາວແຂວງຫຼວງນໍ້າທາ

 ຊຶ່ງໃນວັນທີ 17 ກັນຍານີ້ ຄະນະຈາກສະພາປະຊາຊົນແຂວງຫຼວງນໍ້າທາ ເປັນຜູ້ໄປຮັບການຊ່ວຍເຫຼືອດັ່ງກ່າວ ທີ່ສະຖານີລົດໄຟນາເຕີຍ.

ພິທີມອບ-ຮັບຄັ້ງນີ້, ທ່ານ ນາງ ວິພາວັນ ພົມວິຫານ ປະທານກອງທຶນຊ່ວຍເຫຼືອສັງຄົມຂອງສະພາແຫ່ງຊາດ ໄດ້ຕາງໜ້າມອບການຊ່ວຍເຫຼືອໂດຍປະກອບມີ ກອງທຶນຊ່ວຍເຫຼືອສັງຄົມສະພາແຫ່ງຊາດ ມູນຄ່າ 638 ລ້ານກີບໂດຍມີ ທ່ານ ນາງ ອຳໄພວອນ ລ້ອມບຸນແພງ ເລຂາທິການສະພາແຫ່ງຊາດ ຕາງໜ້າຂຶ້ນຮັບ. ພ້ອມນີ້, ກໍຍັງມີການຮັບເຄື່ອງຊ່ວຍເຫຼືອ ແລະ ເງິນຈໍານວນໜຶ່ງຈາກບັນດາພາກສ່ວນຕ່າງໆ ຄື: ທະນາຄານພົງສະຫວັນ 274.810.000 ກີບ, ບໍລິສັດ ເຮືອງສີ 100 ລ້ານກີບ, ທ່ານ ຫອມ ສີຫາຈັກ ບໍລິສັດຄູນຄໍາ 100 ລ້ານກີບ, ທ່ານ ຈັນທະໜອມ ພົມມະນີ ບໍລິສັດຈະເລີນເຊກອງ 100 ລ້ານກີບ, ທ່ານ ສາຍຄໍາ ພິລາວົງ ບໍລິສັດເອທີໂອໂຕ 100 ລ້ານກີບ, ບໍລິສັດ ເບຍລາວ 100 ລ້ານກີບ, ກຸ່ມກັນລະຍາມິດ 89ລ້ານກີບ.

ນອກນີ້, ກໍມີກະຊວງແຮງງານ ແລະ ສະຫວັດດີການສັງຄົມ ມອບການຊ່ວຍເຫຼືອມູນຄ່າ 49.200.000 ກີບ, ບໍລິສັດ AECຈໍາກັດ 33 ລ້ານກີບ, ບໍລິສັດ A&P ຈະເລີນຊັບ ອະສັງຫາລິມະຊັບ 13.500.000 ກີບ, ໂຮງຮຽນສິນໄຊ 12 ລ້ານກີບ, ທ່ານ ນາງ ສີລີຄູນ ລາວັນ 10 ລ້ານກີບ, ຄອບຄົວ ທ່ານ ສັນຍາ ປຣະເສີດ 10 ລ້ານກີບ, ຄອບຄົວ ພົນຕີ ວົງສັກ ພັນທະວົງ 5ລ້ານກີບ, ບໍລິສັດ ບຸນອູ້ມ ຮຸ່ງຈະເລີນ 5 ລ້ານກີບ; ລວມມູນຄ່າການຊ່ວຍເຫຼືອທີ່ໄດ້ຈັດສົ່ງໄປຊ່ວຍຊາວແຂວງຫຼວງນໍ້າທາຄັ້ງນີ້ແມ່ນ 1.651.510.000 ກີບ ຊຶ່ງການຈັດສົ່ງແມ່ນນໍາໃຊ້ລົດແກ່ເຄື່ອງ 5 ຄັນ ພ້ອມກໍາລັງຊາວໜຸ່ມ 36 ສະຫາຍ, ທະຫານ 10 ສະຫາຍ ແລະ ນັກຮຽນຊາຍຈາກໂຮງຮຽນສິນໄຊ 30ຄົນ ຂົນໄປສົ່ງທີ່ສະຖານີລົດໄຟວຽງຈັນໃຕ້ (ບ້ານນາຄວາຍ) ເພື່ອໄປຂົນຂຶ້ນຕູ້ລົດໄຟ ສົ່ງໄປທີ່ສະຖານີນາເຕີຍ ແຂວງຫຼວງນໍ້າທາ.