 |
ມີທ່ານ ຄຳວິໃສ ຜຸຍຍະວົງ ຫົວໜ້າຄະນະໂຄສະນາອົບຮົມແຂວງ ແລະທ່ານ ຄຳເກີ່ງ ສຸດທິມາດ ຮັກສາການປະທານແນວລາວສ້າງຊາດແຂວງ ພ້ອມດ້ວຍຫົວໜ້າ-ຮອງຫົວໜ້າພະແນກການ, ຄະນະກຳມະການ-ອະນຸກຳມະການ ທີ່ໄດ້ຮັບການແຕ່ງຕັ້ງຮັບຜິດຊອບໃນການກະກຽມສະເຫຼີມສະຫຼອງວັນສ້າງຕັ້ງແນວລາວສ້າງຊາດ ຄົບຮອບ 75 ປີ. ພິເສດ, ມີທ່ານ ເກຍ ອູ໊ສິດທິເດດ ກຳມະການແນວລາວສ້າງຊາດແຂວງ ວິລະຊົນແຮງງານແຫ່ງຊາດເຂົ້າຮ່ວມນຳ.
ໃນກອງປະຊຸມ ໄດ້ມີການຜ່ານມະຕິຕົກລົງຂອງຄະນະປະຈຳພັກແຂວງ ເລກທີ 2224/ຄປພຂ, ລົງວັນທີ 18 ມິຖຸນາ 2025 ວ່າດ້ວຍການແຕ່ງຕັ້ງຄະນະຮັບຜິດຊອບກະກຽມສະເຫຼີມສະຫຼອງວັນສ້າງຕັ້ງແນວລາວສ້າງຊາດ ຄົບຮອບ 75 ປີ (13/8/1950-13/8/2025), ໂດຍຄະນະປະຈຳພັກແຂວງ ໄດ້ຕົກລົງແແຕ່ງຕັ້ງຄະນະຮັບຜິດຊອບຊີ້ນຳລວມ ປະກອບມີ 22 ສະຫາຍ ຊຶ່ງສະຫາຍ ພູວັງ ເກດແກ້ວພົມພອນ ຮອງເລຂາພັກແຂວງ ເປັນຫົວໜ້າກະກຽມດ້ານເນື້ອໃນ ຕໍ່ພິທີໂຮມຊຸມນຸມໃຫຍ່ສະເຫຼີມສະຫຼອງ 75 ປີ; ອອກວາລະສານ ຫຼື ໜັງສືພິມ ສະບັບພິເສດ "75 ປີ ແຫ່ງການປະກອບສ່ວນຂອງອົງການແນວລາວສ້າງຊາດໃນພາລະກິດປົກປັກຮັກສາ ແລະ ພັດທະນາປະເທດຊາດ".
ສຳລັບຮູບການກິດຈະກຳຕ່າງໆ ແມ່ນມີການວາງພວງມາລາຢູ່ຕໍ່ໜ້າອານຸສາວະລີນັກຮົບນິລະນາມ ແລະ ວາງກະຕ່າດອກໄມ້ຢູ່ອະນຸສາວະລີປະທານ ໄກສອນ ພົມວິຫານ, ຈັດພິທີໂຮມຊຸມນຸມສະເຫຼີມສະຫຼອງວັນສ້າງຕັ້ງແນວລາວສ້າງຊາດ ຄົບຮອບ 75 ປີ ແບບເຊິ່ງໜ້າ ແລະ ທາງໄກ (ຮ່ວມກັບສູນກາງໃນວັນທີ 12 ສິງຫາ 2025), ມີກິດຈະກຳສະແດງສິລະປະ-ວັນນະຄະດີ, ປາຖະກະຖາມູນເຊື້ອ ແລະ ຜົນງານຂອງແນວລາວສ້າງຊາດຕະຫຼອດໄລຍະ 75 ປີ, ຢ້ຽມຢາມ, ອວຍພອນ ແລະ ມອບຂອງຂວັນໃຫ້ຄອບຄົວອະດີດການນໍາແນວລາວສ້າງຊາດ, ແຂ່ງຂັນກີລາ ແລະ ກິດຈະກຳລຶບລ້າງຄວາມທຸກຍາກແຂວງລະ 1 ບ້ານ (ຮ່ວມກັບສູນກາງແນວລາວສ້າງຊາດ). (ແຫຼ່ງຂ່າວ: ແຂວງສະຫວັນນະເຂດ)
ຄໍາເຫັນ